لماذا التجاهل ياسيد شباب المصارف

[أبوريلان]

بنك أمدرمان الوطنى ( سيد شباب المصارف ) ولد عملاقا ، ولكنه أساء لمدينة ودمدنى بعدم فتح أول فرع له، نسبة لكونها المدينة الثانية بعد الخرطوم وكل المصارف توجد لها فروع بود مدنى عدا بنك أمدرمان الوطنى ، وظل يفتح فى فروعه حتى فى أصغر المدن بالسودان !!! نتساءل لماذا التجاهل ياسيد شباب المصارف ؟؟ هل لأنه بنك الحكومة ؟؟ أم لماذا ؟؟

[demyate]

لولا علمى بانه مؤسسة تتبع للقوات المسلحة لقلت
انها الغيرة القديمة لابناء امدرمان من مدنـــــــى
ربنا يكضب الشينــــــــــــــــــــــــــــــــــــــــــه
:) :) :) :)

[مكتول مدنى]

هى فعلا الغيرة لان السودان كله يغير من مدنى ولا اظن ان مدنى تحتاج الى هذا البنك لانها مليئة ولا تحتاجه بل هو من يحتاجها

[أبوريلان]

الأخ demyate

جل تحياتى ليك

فعلا بنك أمدرمان الوطنى يتبع للقوات المسلحة وهذا وراء السر .

[أبوريلان]

الأخ مكتول مدنى

سلاماااات يارائع

دائما نجد الكل يحسد مدنى والغيرة تعمى عيونهم ، فعلا مدنى لا تحتاج لهذا البنك ويكفيها فخرا بنك الإدخار وبقية البنوك التى تعمل بمدنى ، ولكن أهل مدنى لا يرضيهم تجاهل قواتهم المسلحة .

[عماد الصادق]

الأخ ريلاني..
على ما اعتقد وحسب الخبرة البنكية..
إنو بنك امدرمان الوطني نفسه نفسه يفتح فرع في مدني!!
والمعاكسة تبدأ من بنك السودان .... ثم تنتهي بحكومة الولاية..
لكن ناس امدرمان الوطني حلمهم ومنى عينهم يعملوا فرع في مدني...
أنا لا سمعت ولا قالو لي ... لكن بظن سااااااي

[أبوريلان]

عماد الصادق

سلامااااااااات

والله ما ظنيت دى المشكلة لأنهم مقتدرين وواصلين ، لكن إنشاء يكون ظنك فى محلوا عشان نحنا مابنرضى الحقارة .

[rasheed]

الأخوان الغيورين ،، لكم التحية والشوق لشوفتكم ،،
والله نحن لا عاوزين بنك أم درمان ولا بنك الأبيض ( جائز يكون كلام جاهل بالمصارف ما زي العمدة ود الصادق ) لكن نفسي ومنى عيني أنو يرجعوا لينا بنك الإدخار المغلوب على أمره وأمرنا ،، ومشروع الجزيرة ومصانع النسيج وتلفزيون الجزيرة أيام محراب الآداب والفنون ،، وتاني ما عاوزين منهم حاجة ،، إلا كان يجوا الناس جارين لينا جري ،، وألحقوا الأراضي في مدني طارت السماء ،، وأحسن ليك يا ود الصادق تجاور ،،، ولا كيف يا أهل ،،

[أبوريلان]

الرشيد

سلالالالاماااااااات

كلام عين العقل ، أنا تقريبا سنتين ما نزلت السودان وسمعت أنو رئاسة بنك الإدخار رجعت لوضعها الطبيعى بود مدنى ، بس ما متأكد من هذا الخبر ، أما مشروع الجزيرة ما ممكن يرجع كما كان حتى لو رجع الإنجليز ، وكمان مصانع النسيج ومحراب الآداب والفنون ، دى أصبحت ذكرى حلوة وأنت رجعت بينا لأيام لها إيقاع، شاكر لك وجودك الأنيق .

[الامين]

مدني مامحتاجة .... الا لبنك القلوب الجميلة والطيبة والحلوة الزيكم ديل ياحلوين انتو رصيدها وانتوا اقتصادها

[أبوريلان]

شكرا الأمين لهذا الحضور الأنيق والإطراء الأكثر من رصيد بنك أمدرمان .