أسلوب تعليق على مباراة ... أعجبني !!!

[عماد الصادق]

أولاً .. التعليق على المباريات بالسودان الحبيب
يزيد الضغط للعندو ضغط .. ويجيبو للي ما عندو ..
إذا لم تحضر الماراة من الأول ..
تتعب كتير عشان تعرف اللاعب منو .. ومع منو
تتعب عشان تعرف المناسبة شنو!!!
تموت غيظاً وانت تتصنت وتقرب تخش في الشاشة عشان تعرف النتيجة..
لحدي هسه والمعلقين الرياضيين ساكين الكورة من فلان لعلان...
طيب نحن ما شايفين .. وحقو التعليق يكون فيهو فرق بين الذي يشاهد على التلفزيون .. وعلى اللي يسمع في الإذاعة (ودي بقت نادرة وقديمة .. )

ما دفعني للكتابة حول هذا الموضوع ..
كنت بشاهد كأس أمم أفريقيا خلال قناة فرنسية تي في فايف..
كان التعليق على المبارة بواسطة نفرين ... آي نفرين إثنين..
زي الونسة كلامهم ..
كان بالفرنسي .. ما كنت فاهم حاجة ..
لكن والله كنت مستمتع بتعليقهم .. وضحكاتهم ..

قلت في سري .. هسه ناسنا ديل لو استفادو من الفكرة
وغيرو طريقة التعليق على المباريات الفرادي ..
وهسه قلت أخير أقول الفكرة جهراً..
ما أخير ..
ياريت .. واحد منهم يقرأ كلامي ده ..
ولا يصل ليهم عن طريق فاعل خير..
ويعم الخير .. ونحافظ على ما تبقى من أعصابنا..

كبرنا .. ومافي حاجة بتعجبنا في التفلزيون غير الكورة ..

[مزوني]

هههههههههههههههههههههههههههههههه

والله يا عمده ما قلت غير الحقيقه

وحتى لو في معلقين اتنين في مباراه واحده أي واحد يستلم المايك بي طريقتو وما يدي التاني فرقه

الا لما يجي دوروا ( زي اذاعة الصباح في المدرسه )

وفعلا زي ما قلت

لكن المشكله انو احنا نحتاج كتييييييييييييييير عشان نغير لي حاجات في رياضتنا

لكن زي ما يقول المثل

ابعد عن الشر وغنيلو

أنسى كورة السودان وريح بالك يا عم

لأنو والله لو بقت على الضغط هينه

دي بتجيب ليك حاجات كبارات جدا جدا

وربنا يديك العوافي

[عماد الصادق]

إبننا مازوني..
لك التحية وأنت في بلاد السند
تخلص قرايتك وتجي فللي.. وربنا يعينك
هناك عندكم برضو كلو معلوم.. ومافي مشكلة!!!
شكراً لمرورك.. ولا مفر من الفرجة على كورتنا...
أدعو إنو ربنا يصلح ويغير الحال..

[مزوني]

والله انشاءالله

ويا حبذا لو كان في القريب العاجل

هههههههههههههههههههههههههههههههههههههه

طماع صاااااااااااااااااح