نموذج-طلب تصريح خروج

[أبوريلان]

وصلنى فى البريد الإلكترونى وحبيت أنقلو ليكم من شاب سعودى زميلنا


طلب تصريح خروج من المنزل رقم ( )







زوجتي الحبيبة؛؛؛؛؛؛؛

إنا زوجك الموقع أدناه، و اسمي هو -------------------------------------------

أرجو منكم موافقتكم الكريمة على طلب تصريح خروجي من المنزل في

يوم: ----------- الموافق --- / --- / ---- من الساعة ------ إلى الساعة ------

وذلك للأسباب التالية:-

1- ----------------------------------------------------------------------------

2- ----------------------------------------------------------------------------

3- ----------------------------------------------------------------------------

كما أتعهد لكم بصفتكم السلطة العليا بالمنزل بالعودة في الوقت المحدد حسب التصريح

متحملاً أية عقوبة تنص عليها لائحة العقوبات أدناه.



التوقيع ( الزوج ) --------------------------


خاص للاستعمال الرسمي ( الزوجة فقط )

بعد الإطلاع على طلب تصريح الخروج من المنزل والمقدم من زوجنا الحبيب

وبالنظر إلى مبررات الخروج أعلاه، وملف زوجنا الحبيب، ولائحة العقوبات أدناه

أمرنا نحن الزوجة ----------------------وبصفتنا السلطة الداخلية العليا للمنزل بالاتي * بالموافقة على طلب تصريح الخروج من المنزل والمقدم من زوجنا الحبيب

* بعدم الموافقة على طلب تصريح الخروج للأسباب التالية:-

* لسريان تنفيذ البند رقم ( ) من لائحة العقوبات أدناه

* لطلبنا منه الجلوس عند الأطفال عند خروجنا من المنزل

* نظراً لتجاوزه الحد الأعلى من التصاريح

* لمخالفته لأوامرنا

* مزاجنا هذا اليوم ليس مؤهل للسماح بخروج زوجنا

* لأناقته الزائدة عن اللزوم عند الخروج



التوقيع ( الزوجة ) : ----------------------- التاريخ --- / --- / ------ هـ

لائحة العقوبات

بند 1 – نوم انفرادي وبدون عشاء ولمدة ( 10 ) يوم

بند 5 – قطع المصروف اليومي ولمدة ( 30 ) يوم

بند 2 – حرمان من الحقوق الزوجية ولمدة ( 20 ) يوم

بند 6 – منع المكالمات الهاتفية في المنزل ولمدة ( 90 ) يوم

بند 3 – العبوس صباحاً والتكشير مساءً ولمدة ( 30 ) يوم

بند 7 – سحب النقال ولمدة ( 90 ) يوم

بند 4- توصيل الأطفال من وإلى المدرسة ولمدة( 15 ) يوم

بند 8 – زيارة أم الزوجة يومياً ولمدة ( 30 ) يوم

بند 9 – المنع من مشاهدة القنوات الفضائية ( المستقبل + LBC ) ويلزم مشاهدة القناة السودانية ولمدة ( 30 ) يوم

[saly]

بند 9 – المنع من مشاهدة القنوات الفضائية ( المستقبل + Lbc ) ويلزم مشاهدة القناة السودانية ولمدة ( 30 ) يوم

شوف عليك الله ناس ضاحكين بتلفزيونا كيف

لكن ده راجل شنو

مع احترامي الا يكون................................

[الشريف الهندي]

ياخي معقول بس ؟؟ راجل شنو ده ولعلو كمان سوداني؟!


لكن انتو عارفين المرأه ذاتها ماهينه؟

الأبأيدني منو ياجماعه؟؟؟؟؟؟

[أبوريلان]

ما تقوليها ياسالى وتريحينا

[أبوريلان]

يالشريف أنت ماشفت أول سطر فى الموضوع

معقول سودانى يطيع مرة زى دى

مشكور على المرور

[saly]

ما تقوليها ياسالى وتريحينا

اقول شنو يا ياسر

مافي راجل سوداني دمو حار وحامي

بيرضي الذل و المهانه من مرأه

حتي ولو كانت مرتو

والكلام الفوق ده كلو

ينفع للقرايه و الواحد يضحك بس

مافي زول بيستحمل حاجات زي دي

[waheeb]

ياسر دي زوجه ولا وزاره داخليه كلها قوانين وعقوبات.. الا لا يورينا حاجات ذي دي..

[أبوريلان]

آآآآآآآآآآآآآآآمين يا وهيب ، والله لو زارة الداخلية حتى أصدرت قوانين وعقوبات زى دى تحصل ثورة معاكسة داخل السجون .

وياسالى هووووووووى أبو الشباب ما يشوف ردك ده .

[مزوني]

ههههههههههههههههههههههههههههههههههههههههههههه

انت عارف يا ياسر زي ماقالت سالي

الموضوع ده بس تقراه وتضحك وتعلق وتمرق

لكن بالجد لا تعلييييييييييييييييييييييييييييييييييييييييييييييي يييييق

وتسلم يا حبيبو

[أبوريلان]

يا مزونى خلينا من رد سالى داير تعليقك أنت ولا عشان أنت خارج نطاق التصاريح !

[saly]

.
وياسالى هووووووووى أبو الشباب ما يشوف ردك ده .

ابو الشباب منو اظنك بتهظر

والله لو بس بند واحد اقوم انفذو الا يرجعني السودان كداري

[أبوريلان]

عافى منك أنا عارفو صاحبى لو كدارى يعنى أنتى كويسه وماشه برجولك !!

[محمد احمد]

والله يا أخي ياسر الواحد لما يشوف حال الناس ديل بحمد الله كثير علي حالنا ومجتمعنا الراقي والمثقف والمتدين بالفطرة .
والناس ديل ماعندهم ثقة في انفسهم وبدليل لو عندهم كان تكلم في قناة بلدوو ماسيبونا في حالنا نحن راضين بها
وامثال هاولاء الجهلاء لا يعجبهم العجب والصيام في رجب بس برتاحو تمام لكل ماهو خليع وفاسق.

[أبوريلان]

الأخ محمد أحمد

عوافى

هم قامو من نومهم ولقو كومهم هههههههههههههه بس حقيقة الكلام دا فى الخليج حاصل ، تعرف عندنا فى الشركة التى أعمل بها تعمل فى مجال العقار الرجل يحضر ويعاين الفلة تماما وتعجبه لكن لا يدفع فلوسه لو ما جات الحرمة وشافت بعينها ورضيت بالفلا شكلا ومضمونا ولازم تطلب تعديلات حتى لو كان راسمها للفنان العبقري ليوناردو دافنشي صاحب اعظم لوحة في العالم ، والحمدلله على ثقافتنا وتعليمنا .

[سواااح]

الموضوع فيه كثير من الحقائق ولكن بصورة وطريقة اخري ... شكرا علي رسم الابتسامة علي الشفاه.

[أبوريلان]

شكرا يا سواح أنت الفهمت بيت القصيد .

[عمر بابكر]

[
center]كيف الحال
ياابو ريلان الكلام ده خطير وزي ما قالتليك سالي
هيييييييي
ده راجل شنو ده
الا ما سوداني
ويكون فييهو إن إن إن ............................
وتنقد الرهيفة اريتا ما تتبتق[/center]

[أبوريلان]

مشكور ود البحش على التعليق ، ماهى الرهيفة البتنقد ؟؟؟

[سوار الياسمين]

والله الزمن ده وحاجةقدام عيني الزي ديل

كثيييييييييييييييييييييييييييييييييييييير

لمان مبالغة

والله بعرف ناس الزي الفوق ده ولا حاجة جنبها

ده كفاية يوم عرس بتها وناس السيرة جايين

ويزغرتو

قالت هي قول ليهم مافي داعي للفوضى والهمجية ده

اتخيلو ما مشى الراجل قال للمعازيم كدة

والجيران هم الضيفو ناس السيرة

ده تسمو شنو

اترك لكم التعليق

[أبوريلان]

سوار الياسمين

نورتى البوست يا غالية بتعقيبك

والله الواحد لما نزل البوست كان لرسم الإبتسامة فقط على وجوه الأعضاء

لكن بعد تعقيبك وأنو الموضوع دا موجود وشاهدتيه وكمان بتعرفى زيهم وما حاجة جنبها (( بغسل العدة )) هههههههه ولا بحش الخدره ههههههههه ، بس يا سوار الياسمين سؤالى الراجل البتتكلمى عنو دا سودانى ؟؟؟ ما أظن !!
عجبا !!

ولو فى رجل زى كده ، طبعا كلمة رجل لا تنطبق عليه أولا .

أما تعليقى عليه بقول ليك دا رجل (( ساعة جيب )) وطبعا ياسوار الياسمين ممكن تكونى ساعة جيب دى ما سمعتى بيها لكن زمان كان فى ساعة لها سلسلة طويلة توضع داخل جيب الجلابية العلوى ونهاية السلسلة بها حلقة صغيرة تثبت على حافة الجيب وطبعا تطلعى الساعة وترجعيها وكت ما عايزة وهذا الرجل يشبه تلك الساعة وآسف للتشبيه .

وشكرا مرة ثانية على الحضور .

[سوار الياسمين]

اخي ميرلان

للاسف للاسف للاسف اراجل ده سوووووووودااااااااانييييييييييييييي

وهو راجل اطيب من الطيبة والله لكن ربنا رزقو بمرة العياذ بالله

انشاء الله ما تقع في عزيز ولا غالي

(( اريتها يا يمة سماحة الطين ))

وتسميتك ليهو بساعة الجيب ده انا معاك فيها

وعلى فكرة يمكن تكون عندي شوية حنكشة وما مولودة في السودان

لكن ما لدرجة انو ساعة الجيب ده ما بعرفها (( الي الي ))

وتحياتنا يا غالي

[أبوريلان]

شكرا سوار الياسمين

وزى ماقلتى إنشاء الله :

انشاء الله ما تقع في عزيز ولا غالي

(( اريتها يا يمة سماحة الطين ))

[مصباحيه]

مدام الراجل بالمستوى ده بقول للمراءه ينصر دينك
اختى سالى معنى الكلام ده ما انهم بشتقلوا فى تلفزيونا بالعكس تماما ده يعنى انو قناتنا ما فيها اى شى مهين والحمد لله هى منعتوا من القنوات الفيها تعرى وافلام هابطه ولمن عاقبتوا بالسودان ده فخر لينا لانو قنواتنا ما بتجيب الكلام الفاضى ده

[أبوريلان]

أنصر دينك أستاذ نفيسه

[روبش]

اضافة بند جديد للائحة العقوبات يحمل الرقم :
10- سحب القسيمة لمدة عام على أن تكون قابلة للتجديد إذا أخلاء الزوج باحد بنود اللائحة

[فوزيه]

السلام عليكم myrelan

ده كلام غريب فعلا وعلي ما اعتقد انو ما موجود في السودان

لانو بطبع الراجل السوداني ما بيقدر يتحمل حاجات زي دي

[أبوريلان]

الغالى أسامه روبش

الكلام دا بجيب اللوم مافى داعى للزيادات ، وبعد شوية تقوم تدخل لينا غسيل عدة وحش خدره .

[أبوريلان]

الأخت فوزية

سلامااااااااااات

ألف مرحب بيك فى منتديات ود مدنى وسعيدين بتواجدك مع أخواتك وأخوانك ، ونورتى البوست بمرورك الكريم ، وفعلا السودانى قلبوا حار ولا يقبل بالإهانة حتى ولو من أقرب الأقربين .

[madaniboy]

والله كلام
هههههههههههههههههههههههههههههههههههههههههههههههههه ههههههههههههه
رهيب الموضووع والله يديكم العافيه
فاقد حنان