المساعد الشخصي الرقمي

مشاهدة النسخة كاملة : أســـــــــــــوق خطواتي فيك ......؟؟؟


ود بدر
25-02-2006, 11:23 PM
بسوق خطواتي فيك ....
وأرحل أفتشك بين الألفة ...
ومعاني الشوق الجاي من سحابات الأسى
وتسال عليك .....
أشواقي ...
وآهاتي.....
أدس انفاسى بين أنفاسك ....
وأدخل زفيري وسط شهيقك ........
اقيف بين أيديك وأشتهيك .....
وأسوق خطواتي تاني واجيك .....
شايل كفن كلماتي .....
البتفتش قبر جواك ....
وأخت راسي وأرتاح .... أمكن ألقاك
بين كلماتي وكفن شوقي قبر تاني
قبر يضمني ..... قبر يبكيني
أفتش تاني في دواخلك عن شبر تائه ....
عن كفن فائض .. ألبسني
وينده ليك ... تعالى معاي ....
تعالي أقيفى .....
في طلي وطن تاني .....
حلم راحل جوه عيون الغلابة الضاعوا في أول الطريق ....
ومنتظرين مجيك .....
تعالي معاي .... كفن تاني .... تعالي ....
ما أنا الزمان راجيك ..... وقت دسيتك في عيون الناس ..... وفى ملامحك ....
الشاردة جواي ..... تعالي معاي نجمع ضوء القمر ونرسمك منو خطوه جايه .... أقيفى .. وين ماشه .... يافكرة بتمرق من وسط الكتابة ... ادخلي فيني شعاع تاني وما تمرقي مني .. شان أسوق خطواتي فيك ......
سواااح
26-02-2006, 06:50 PM
عزيزي ود بدر
افرد للخطاوي جناح يسابق الريح
وابعث الشوق مرسال
يجيب الفرحة من كل مكان ..
الشريف الهندي
28-02-2006, 03:12 PM
مافي أحلى من كده


عزيزي ود بدر
افرد للخطاوي جناح يسابق الريح
وابعث الشوق مرسال
يجيب الفرحة من كل مكان ..
ود بدر
28-02-2006, 10:43 PM
الشريف الهندى ......
تندثر الكلمات بين الحين والآخر ......
تتوسطها حروف تركض خلفها كل نقاط اللغة العربية .....
أتوقف عن اول نقطة فى أول حرف ... لأتكون بين هؤلائك.......
النفر الذين استوطنوا جنبات خيالاتنا ..... ويردد جميع الموتى فى
دواخلنا لك اسمى آيات الشكر على تواجدك بين قائمة هؤلائك الذى
ربطتنى بهم الاحياة من خلال كلمة ..... وحرف ..... ونقاط ........ وهذا اليراع
الشامخ الذى ينير لنا درب الكتابة......

لك الله ياشريف
ود بدر
28-02-2006, 10:49 PM
sawa7
بخاف أسأل عليك الناس .....
بخاف ياأنت لو جيتك الملم فى خطاوى الشوق وأذور بيتك يقولو عليا حبيتك ....
بخاف لو برضى غبت عليك تقول ناسيت أوجافيتك بهم .......

تتقاطع الكلمات عندى .... وارانى استنسخك من أنفاس كل البشر .... أستخرجك فكرة اكتب من خلالها عنك ....... لك ...... فدع المداد يسرى بين الوريقات ليعطر سماء الكلمة ..... دون توقف ...... سنلتقى حتما ً بين كل يحرف يخطه يراعك ..... سنلتقى بين تلكم السطور ...
بس ياريت تعرف .....
.حنينى ليك .....
لحدت وين بعزك .......
وفى أعماقى حسيتك .....
وبس أنا خايف .......

ولك الله
سواااح
03-03-2006, 08:40 AM
عزيزي .. ود بدر
دعنا نكون بالقرب منك
واسال عزيزي .. واسال كل الناس
لنقول لهم عن تلك الدنيا البعيدة التي تاخذنا اليها

مشكور اخوي
ود بدر
03-03-2006, 08:34 PM
sawa7
الم أقل لك بأننى لآأستطيع أن أكتب لك معبرا ً عن ماتجيش به الدواخل إتجاه ماتخطه أناملك .... بس ذى ماقلت ليك ...... بجد كل المسافات بتهرب منى وقت افكر اكتب ليك ...... أشكرك وانت المبدع فينا دوما ً لان ملامحك تقع بين البؤرة وجسم عاكس آخر ( ده سر تواجدنا )
أيها الجامح فينا .... بتفاصيل روعتك وإندهاشات تواضعك تزرع بيننا الفرح وإن كان لحين قصير ..... لك الشكر والتقدير
سوار الياسمين
03-03-2006, 09:08 PM
بسوق خطواتي فيك ....
وأرحل أفتشك بين الألفة ...
ومعاني الشوق الجاي من سحابات الأسى


وانا افتش عن كلمة تصف مدى ابداعك

وما عدمناك يا ودبدر
ود بدر
03-03-2006, 10:38 PM
سوار .....
شاكرا ً مرورك .... وتعليقك ..... وكل كلماتك إبداع .....