ضيف الكرسي الساخن هذا الاسبوع الاخ سامبا

[مكتول مدنى]

بسم الله الرحمن الرحيم
توكلنا على الله
السلام عليكم ورحمة الله وبركاته
ضيفنا هذا الاسبوع الاخ الظريف المحبوب من جميع اعضاء المنتدى على الرغم من انه جديد فى هذا المنتدى
ضيفنا هو الاخ

سامبا


اخى سامبا نبدأ الاسئلة حار حار وياريت نتعرف على البطاقة الشخصية والوظيفة بالتفصيل والسؤال دا سؤال عادى يعنى مامحسوب فى الاسئلة واحب انبهك ان الاجابات على الاسئلة يجب ان تكون بمنتهى الصراحة


1ّ>كم مدة أغترابك ؟

2>ماذا تعنى لك مدنى الجميلة؟

3>اكثر شخصية تحبها استثناء الاهل واكثر شخص ترتاح له فى المنتدى وبالعكس اكثر شخص يثير الضيق فى نفسك فى المنتدى وتتمنى طرده من المنتدى والخلاص منه؟

4>اطرف موقف مر بك وااحرج موقف مر بك؟

5>السلك التعليمي من الخلوة والروضة للجامعة مع ذكر موقع الدراسة؟

6> لو ماكنت من مدنى من اية مدينة كنت تتمنى ان تكون؟ وماتقول لى مدنى

7>سامبا كم مرة اتكشيت فى السعودية وكم مرة قبضوك ناس هيئة الامر بالمعروف؟

8>اى نوع من المكيفات تستخدم؟

9> لمن زول يتخذ ليهو شخص كصديق مقرب

ويجي في الاخر يخذلو ويخونو ويكون عدو ليهو زي الشحمه والنار؟؟؟

ويحاول ياذيه بشتي الطرق والوسائل ؟؟؟

صديق ليك دائما واقف معاك في السراء والضراء ..

بتفرح لفرحو .. وتزعل لزعلو .. اذا غاب بتفقدو ..

في لحظه ....

بس ....

إنكسر كل شئ ... بينكم

وخلاص انو

العلاقه البينكم انتهت

مستحيل ترجع

واذا رجعت ما حتكون طبيعيه زي الاول

الاحساس بالغدر

الشئ البيناتهم إندثر

ضاع

احساس قاسي ..بالندم علي الثقه الاديتها ليهو

للولاء

الاخوه البينكم

لصفاء النيه

للاستبداد

للقهر

لطيب الخاطر….

حتقول شنو …

او تبرر ردود افعلاهم شنو …


10>حلم دائما براودك في اليقظة؟؟؟

بس خلاص يا سامبا دى البداية بس فاتحة شهية الوجبة الرئيسية فى الشارع

[مكتول مدنى]

سؤال فى الزمن الاضافى من هو اكثر عضو تفتقده فى المنتدى وتشعر بان المنتدى مسييييييييييييييخ من دونه

[مكتول مدنى]

يا اخوانا احب ابلغكم وبكل الحزن والاسي ان المشرف سامبا طلع جبان وعمل زغبيير للاسف الشديد لكن نحن وراه وراه ما حنديه اى فرقة للهروب الكبير

[أبوبكرحامد]

غايتو يا أمين لو سامبا زاغ شد حيلك لأنك ح تقعد بدلو لأنك طفشتو بى امتحان الشهادة السودانية السويتو ده ، وتقول لى فاتحة شهية ، غايتو أنا قبل تختونى فى الكرسى الساخن بدور معاك شكلة لى رب السما عشان ارتاح من اسئلتك .
بس يا امين بصراحة اسئلة فى الصميم ، ربنا إخليك.

[sambaaa]

يا اخوانا احب ابلغكم وبكل الحزن والاسي ان المشرف سامبا طلع جبان وعمل زغبيير للاسف الشديد لكن نحن وراه وراه ما حنديه اى فرقة للهروب الكبير
أمين .. أنا هنا .

بقرأ ساحة المعركة ..

مالك مستعجل على شنقي ...

انت معاي .. ولا مع الخيانة ...:mad:

[sambaaa]

همسة صغيرونة .. ليك يا أمين ..

حاسي إنك ورطتني ... :mad:

لكن صدقني حأستخدم الترس السابع .. :D

وسأعلنها عالية لك .. بأنني قادم إليك .. وبكل قوة أهل الأرض ..

وذي ما بقولوا أهلنا السمحين .. درب البقر جياب ...
( والله مش تبل راسك وبس .. انت عووووووم عديل وتعال بعدين ) ..
( طبعا دي كلها حركات بتاعت تسخينة سريعة قبل المباراة .. وكده ) ..:)

اها .. انا جاييك ..

[sambaaa]

*تكتيك حربي .. أنا كل إجاباتي باللون الأحمر ..

http://www.mohagr.com/ALFINA_mashhoda.mid



بسم الله الرحمن الرحيم

توكلنا على الله

السلام عليكم ورحمة الله وبركاته

ضيفنا هذا الاسبوع الاخ الظريف المحبوب من جميع اعضاء المنتدى على الرغم من انه جديد فى هذا المنتدى

شكراً ليك يا حبوب .. كانت مفاجأة .. لكنها حلوة منك ..:)

اخى سامبا نبدأ الاسئلة حار حار وياريت نتعرف على البطاقة الشخصية والوظيفة بالتفصيل والسؤال دا سؤال عادى يعنى مامحسوب فى الاسئلة واحب انبهك ان الاجابات على الاسئلة يجب ان تكون بمنتهى الصراحة

وأكيد مافي غير الصراحة

عثمان فرح عثمان .. مواليد مدني الحبيبة .. 14/10/1976 م

أعمل حالياً بالبنك السعودي الأمريكي ( مجموعة سامبا المالية )

الرياض



1ّ>كم مدة أغترابك ؟

سبع سنوات بكل لياليها ..

2>ماذا تعنى لك مدنى الجميلة؟

مدني .. اقول ليك شنو .. مدني كل حياتي .. أمي وابي ..وأخوي واختي ..وكل أصدقائي

3>اكثر شخصية تحبها استثناء الاهل واكثر شخص ترتاح له فى المنتدى وبالعكس اكثر شخص يثير الضيق فى نفسك فى المنتدى وتتمنى طرده من المنتدى والخلاص منه؟

والله يا امين وبدون دبلوماسية .. كل شخص تعاملت معه عن قرب .. بحبه جداً

وبدون مثالية .. صدري واسع جداً .. لايعرف الضيق طريقاً إلي ..

4>اطرف موقف مر بك وااحرج موقف مر بك؟

أمين .. المواقف الطريفة والمحرجة جد كتيرة ..والمعروف خصوصاً عن مجتمع مدني بأن الطرفة حدث نتناوله يومياً نسبة لتفرد المجتمع .. بدون عصبية .. ولكن بشهادة كل المجتمعات الأخرى ..

موقف طريف ومن داخل المنتدى .. بس بدون زكر أسماء .. كان هناك إحدى الأخوات تتعامل مع اسم إحدى الأخوات على أنه ولد .. ولفترة طويلة ..بدون إنتباه من الأخت صاحبة الإسم .. لكني إكتشفت ذلك بالصدفة بعد لقائي بالأخت صاحبة الموقف .. فوضحت لها الحقيقة .. الدهشة كانت كبيرة جداً ..:)

بالنسبة للموقف المحرج .. الحقيقة برضو في مواقف كتيرة كانت محرجة ..

لكني لا أنسى ابداً موقف محرج جداً كان بيتجدد دائما وبتكرر كتير ..

الموقف ده كان اسبوعيا كل يوم سبت .. أثناء الدراسة .. وهو الذهاب متأخراً صباح كل سبت للمدرسة .. بعد إنصراف طابور الصباح .. كنت بشعر بحرج كبير جدا في الحته دي .. لدرجة إنو الشعور ده بقى ملازم لي حتى بعد انتهاء الدراسة .. فبكون محرج جداً صباح كل سبت .. وما عارف كيف اتخلص من المسألة دي ..:confused:

في موقف تاني برضو يا أمين .. الموقف الإنت خديتني فيهو ده ..:mad:



5>السلك التعليمي من الخلوة والروضة للجامعة مع ذكر موقع الدراسة؟

أحلى أيام العمر ..

الإبتدائي .. مدرسة جبرونا الإبتدائية

الثانوي العام .. مدرسة المؤتمر المتوسطة

الثانوي العالي .. مدرسة السني الثانوية

المعهد العالي للدراسات المصرفية

جامعة السودان .. دراسات تجارية .. بنوك ..دراسات إضافية












6> لو ماكنت من مدنى من اية مدينة كنت تتمنى ان تكون؟ وماتقول لى مدنى

والله يا امين حبي لمدني ما بيخليني أحب غيرها .. لكن ممكن أكون معجب جداً بمدينة كوستي .. لأنها اول مدينة أعمل بها .. بنك الخرطوم كوستي ..



7>سامبا كم مرة اتكشيت فى السعودية وكم مرة قبضوك ناس هيئة الامر بالمعروف؟

هههههه .. يا امين انا والله زوووووول الله ساكت .. ما حصل كشوني ابدا ..:D

بعدين الواحد لازم يكون نظامي جدا .. حفاظاً على سمعة الوطن .. وسمعة نفسه ..:cool:



8>اى نوع من المكيفات تستخدم؟

هههههههه ..انا بستعمل مكيفات إل جي LG ..لجودتها العالية .. وبنصحك بيها ..:p



9> لمن زول يتخذ ليهو شخص كصديق مقرب



ويجي في الاخر يخذلو ويخونو ويكون عدو ليهو زي الشحمه والنار؟؟؟



ويحاول ياذيه بشتي الطرق والوسائل ؟؟؟



صديق ليك دائما واقف معاك في السراء والضراء ..



بتفرح لفرحو .. وتزعل لزعلو .. اذا غاب بتفقدو ..



في لحظه ....



بس ....



إنكسر كل شئ ... بينكم



وخلاص انو



العلاقه البينكم انتهت



مستحيل ترجع



واذا رجعت ما حتكون طبيعيه زي الاول



الاحساس بالغدر



الشئ البيناتهم إندثر



ضاع



احساس قاسي ..بالندم علي الثقه الاديتها ليهو



للولاء



الاخوه البينكم



لصفاء النيه



للاستبداد



للقهر



لطيب الخاطر….



حتقول شنو …



او تبرر ردود افعلاهم شنو …

سؤالك كبير جد .. ومؤلم جداً في نفس الوقت .. أتمنى ما يحصل لي ابداً في حياتي .. لكن أكيد يا أمين الصفح والسماح من شيم الأقوياء .. لازم اختار ان اكون قوياً ..



10>حلم دائما براودك في اليقظة؟؟؟

أحلام كتيرة .. وعريضة جداً .. بعرض السماء .. لكن اهم حلم في خيالي هو الإستقرار في الوطن .. ومقابلتك يا أمين .. جد بحلم أقابل كل افراد المنتدى .. بيتنا الكبير .. بحلم بيوم نتقابل كلنا بروح الأخوة الصادقة تحت مظلة هذا المنتدى .. أكيد بيجي اليوم ده ..



بس خلاص يا سامبا دى البداية بس فاتحة شهية الوجبة الرئيسية فى الشارع

ياتو شارع ده .. شارع سنكات جبرونا ... ولا شارع القبة .. ولا الشارع الفاتح في بيتنا ..

[sambaaa]

غايتو يا أمين لو سامبا زاغ شد حيلك لأنك ح تقعد بدلو لأنك طفشتو بى امتحان الشهادة السودانية السويتو ده ، وتقول لى فاتحة شهية ، غايتو أنا قبل تختونى فى الكرسى الساخن بدور معاك شكلة لى رب السما عشان ارتاح من اسئلتك .
بس يا امين بصراحة اسئلة فى الصميم ، ربنا إخليك.
ههههههه ... اها رايك شنو يا ود الماذون .. أخوك صنديد جداً ..

لقيتني كيف بالله ..:)

تعرف بس ضربة البداية .. لكن بعده .. إستعديت ليكم ..
الأيام دي بكون هنا .. هنا وبس .. :d

[sambaaa]

سؤال فى الزمن الاضافى من هو اكثر عضو تفتقده فى المنتدى وتشعر بان المنتدى مسييييييييييييييخ من دونه
امين ..

بكل صدق ووضوح ..

وما تقول الزول ده سياسي .. لا سمح الله ..

انا اي فرد يغيب عن المنتدى يوم واحد .. بفتقده .. وبشدة كمان ..

ومن هنا .. دي دعوة صادقة جداً .. لكل من غابوا عننا .. لكل من رسم حرف هنا .. بأن عودوا إلينا .. نحن في انتظاركم ..

وسننتظركم .. لأننا بكم ... وأنتم بنا ..:rolleyes:

[أبوبكرحامد]

ياسلام عليك ............... ياسلام
سامبا الأنيق : أشعر دوماً أن هنالك رابط يشدنى لكل مشاركاتك ، أولى البشائر كانت دراستك الإبتدائية بمدرسة جبرونا " كان والدى الشيخ حامد الأمين تغمده الله بواسع رحمته ناظراً للمدرسة حتى تقاعده " - مَن مِن الأساتذة الأجلاء تذكر - بائعات الفطور وفراش المدرسة والميدان الفاصل بينها وبين مدرسة البنات " آهٍ من عذاب الذكريات " .
أى الأحياء سكنت أيام الدراسة ؟
ترتيبك فى العائلة ؟ " جايز نكون صاحبنا أخوانك الكبار - لولا الصورة المنشورة فى الموقع لكنت ادعيت أننا دفعة واحدة "
أعانك الله على مسئول التحريات " مكتول مدنى "

[سوار الياسمين]

اخي سامبا

اعانك الله على الانتى فيهو

واسالتي هي

ما هو شعورك نحو مكتول مدني؟

و


















ماهو قمة الالم عندك؟ خخخخخ

وكفاية كده لحد ما نرجعليك تاني (( حاجة من طرف الدولاب على قول مكتول مدني))

[مكتول مدنى]

يلا يا سامبا نحن مستنين الاجابة وسريع كمان واحمدالله ان الاعضاء القدام ما موجودين هسي الموجودين معظمهم جديد وما بعرفك فما اظن يسالوك
جاوب على سوار وما تتاخر زى امس

[sambaaa]

ياسلام عليك ............... ياسلام
سامبا الأنيق : أشعر دوماً أن هنالك رابط يشدنى لكل مشاركاتك ، أولى البشائر كانت دراستك الإبتدائية بمدرسة جبرونا " كان والدى الشيخ حامد الأمين تغمده الله بواسع رحمته ناظراً للمدرسة حتى تقاعده " - مَن مِن الأساتذة الأجلاء تذكر - بائعات الفطور وفراش المدرسة والميدان الفاصل بينها وبين مدرسة البنات " آهٍ من عذاب الذكريات " .
أى الأحياء سكنت أيام الدراسة ؟
ترتيبك فى العائلة ؟ " جايز نكون صاحبنا أخوانك الكبار - لولا الصورة المنشورة فى الموقع لكنت ادعيت أننا دفعة واحدة "
أعانك الله على مسئول التحريات " مكتول مدنى "
ياسلالالالالالالالالالالام ... ودالماذون ..

طبعا الوالد .. الشيخ / حامد الأمين .. ربنا يرحمه ويجعل الجنة مثواه .. كان أكتر من مديرنا .. كان فعلاً مربي حقيقي
ووالد .. وما كان دوره بيقتصر على ادراة المدرسة وبس .. لكن بكل صدق كان أب حقيقي لكل من تتلمذ على يديه ..
ربنا يرحمه .. وأسال الله تعالى أن يجعل الجنة مثواه .. بقدر ما أعطى .. وبقدر ما علم .. وبقدر ما ربى ..
الوالد شيخ حامد .. كان وسيظل ابدا .. علماً من أعلام التربية والتعليم .. ليس بمدني فقط .. لكن بسائر أرجاء الوطن.

حقيقي يا ابوبكر .. أنا بكتب الكلمات دي .. وصورة المربي الجليل شيخ حامد أمامي تماماً ..
وطبعاً بحكم انا صديق لأخوك الأصغر / عثمان .. كنت كثير التواجد بمنزلكم العامر .. ببانت ..
وطبعا مافي فاصل كبير بين بانت وجبرونا ..

أخوك الأصغر / عثمان حامد الأمين .. هو صديق الطفولة الشخصي جداً .. وكنا اربعة لا نتفارق ابداً ..
شخصي .. وعثمان حامد ( ود الناظر ) .. ونصرالدين عبدالكريم .. وأمجد شمبول ..

(بس انا كنت اصغرهم :) ).. والفضل هنا يعود للوالد / شيخ حامد .. لأنه اكمل تسجيلي بالمدرسة وانا دون سن الابتدائي
بعد ان كنت مستمع .. ربنا يرحمه ..

ومن الأساتذه .. ابداً ما انسى .. أستاذ / بدرالدين الشامي .. استاذ الرياضيات ..

والأستاذ الجليل .. المرحوم / السر عبدالبديع ... استاذ اللغة العربية .. وأستاذ / السني ... مدرس الجغرافيا..

وطبعا عمري ما أنسى ست / إحسان .. معلمة التربية الإسلامية .. ياااااااااااااااااااااااااا .. والله زمن ..

مالك علينا الليلة يا ابوبكر ... انت رجعتني كتير جدا والله ..

وأكيد زكرياتي مع الميدان البفصل بين مدرستنا ومدرسة البنات كانت كتيرة جدا .. ممكن ورق المنتدى كلو ما يكفي ..

وانا يا ابوبكر من مواليد حي الثورة .. والآن بيتنا بحي مايو طرف ... مربع 278 .. وانا رقم واحد في اسرتي ..

وأكيد لي معاك رجعات كتيرة ...

[sambaaa]

اخي سامبا
اعانك الله على الانتى فيهو
واسالتي هي
ما هو شعورك نحو مكتول مدني؟
ماهو قمة الالم عندك؟ خخخخخ
وكفاية كده لحد ما نرجعليك تاني (( حاجة من طرف الدولاب على قول مكتول مدني))
سوار الياسمين ...

ربنا يسمع منك الدعوة الحلوة دي ..

مكتول مدني .. أمين .. ده .. والله ما اخليهو .. والله ما انساها ليهو ... :mad: :mad: :mad:

اليصبر لي ... بيناتنا زمن طويل .. وبكررررررررررة يشووووف ..

( طبعاً .. بيني بينك كده .. أمين ده .. أخ وصديق ... وحبيب جداً ) ... بس مرات بيكون تلميذ عاصي :(

قمة الأم ...

تااااااااااااااااااااااني جيتينا بقمة الألم ..

ياريت لو كان سؤالك .. ماهي قمة السعادة عندك ؟؟ ... وأكيد إجابتي كانت ... وجودك في المنتدى .. ويومياً .. هي قمة سعادتي .. :p

لكن سؤالك بتاع الكلونيا داااااااك .. إجابتو عند الآدمن ... وانا خائف أسرق منو العزووووووومة .. تبقى كارثة :confused:

وعشان ما أهرب من السؤال .. بقول ليك انو قمة الألم عندي ... سرقة العزووووومة من الآدمن ..:)

وبالله لما ترجعي تاني .. جيبي معاك حاجة دسمة كده .. عشان العزووومة ...

[سواااح]

سامبا ..

سؤالين كده علي الطاير ..

1/ ما سبب مسلسل الاستقالات الذي نشاهد احداثه الان ؟؟ وبصفتك مشرف .. هل هناك اسباب غير المعلنة في البيانات ؟؟

2/ ما هي رؤيتك للمنتدي في المستقبل ؟؟

[سواااح]

يلا يا سااااااااااااااااامبا عشان باقي الاسئلة ما تطير ..

[sambaaa]

سامبا ..

سؤالين كده علي الطاير ..

1/ ما سبب مسلسل الاستقالات الذي نشاهد احداثه الان ؟؟ وبصفتك مشرف .. هل هناك اسباب غير المعلنة في البيانات ؟؟

2/ ما هي رؤيتك للمنتدي في المستقبل ؟؟
سوااااااااااااااح ..

صديقي العزيز .. كل فرد منا يحتاج الي وقفة مع نفسه بعد كل مشوار طويل وحافل ... إجازة خواطر .. وبكل تأكيد
المنتدى هو نسيج إجتماعي بحت جداً .. يتميز أفراده بروح تعامل اخوي صادق .. ساعد في ذلك التقارب الوجداني بين معظم أفراده
وطبيعي جداً وجود بعض الكبوات لفرسانه ( حردات ) .. كما هو داخل كل بيت .. لكن يبقى هناك دائماً ما هو ثابت .. لا يتزعزع .. نقاء السريرة .. وصفاء الضمير ..
إذن .. فكل ما يحدث الآن هو سحابة صيف فقط لا غير .. وأكيد حتعدي .. ليعود الكل أكثر ترابط .. وأكثر إصرارا للحفاظ على كل ما هو جميل بنته الأيام داخل اروقة المنتدى ..

وبالنسبة للشق الثاني لسؤالك الأول .. بقول ..

بكل تأكيد .. يفترض عدم وجود أسباب غير المعلنة .. وحتى إذا إفترضنا ذلك .. فأكيد سؤ الفهم وارد لكل منا ..
ومرة تانية بأكد ليك إنها سحابة صيف ..سرعان ما تعدي ..

سؤالك التاني ..

المستقبل ... مستقبل المنتدى كلنا مسؤلين عنه يا سوااااااح .. والمسؤلية جد تاريخية بحته .. المنتدى هو ملك حر
لكافة اعضائه .. وملك حر لكل ابناء المدينة .. الجيل الحاضر .. وكل الأجيال القادمة .. أخواننا وأبنائنا ..
لذا يجب أن نحافظ جميعا عليه .. ليظل شامخاً .. يتوارثه الكل .. ويتوارثه كل من هو جدير بالإنتماء اليه ..
وبأخذ معطيات اليوم .. تأكد أن المنتدى بخير وعافية .. ومتين حد الحديد .. فلنهيئ أنفسنا لغد أكثر إشراقاً ..

وتعال .. أنا في انتظارك .. :)

[فوزيه]

الاخ سامبا

عندي كم سؤال بدرو لي في ذهني وانت تجلس اليوم في الكرسي


بحكم انا جديده حاليا في المنتدي ما الذي تنصحني به؟؟؟


مع اني بديت في المشاركات بمواضيعي المتواضعه علي

حسب راي الشخصي وفعلا لاقت اقبال من الاعضاء

والدليل علي كده ردودهم .. هل تعتقد انها تستحق الرد عليها

فعلا بهذه الكميه من الردود ام انتم فقط لانني جديده شاركتم

كي تشجعوني للاستمراريه؟؟؟


كيف اتعامل مع الاعضاء وانت تعرف بان النفوس ماواحده؟؟؟


كيف اتعامل مع المواضيع التي اريد طرحها كي اضمن انها

ترضي جميع الاذواق وبالتالي تكون مميزه؟؟؟


وكيف ترد عي الاشخاص الذين دائما يسعون للبلبله فقط

ولفت الانظار بمشاركاتهم لا اعني الان فئه معينه او شخص

معين اتكلم عامه؟؟؟


مثلا ظاهرة التلميع والمجاملة التى ينادي بها عضو في المنتدي؟

هل نبتدع قانون جديد غير منافي للحريات بجلد كل من يجامل؟

وهل كل المجاملات يجب ان توقف؟ ام بعضها؟ وكيف المعيار لذلك؟

وماهو التلميع في رايك ؟ وكيف نحكم بان هذا العضو تم تلميعه؟

وكيف نحكم على عضو بان قام بتلميع عضو اخر؟


لو مواضيعك ما مرتجله ... لازم الواحد يشارك بمواضيع

مرتجله او يسكت ما يشارك ولا شنو رايك ...مع الاعتبار

في ناس كتيره ما عندها او امكانيه طرح المواضيع

الارتجاليه علي حسب كل شخصيه علي حدا ...هل فعلا دي

ضروريه لكي اشارك والفت الانظار .. مع انو في مواضيع

للقراءه ممكن تستفيد وتستمتع بقراءتها ؟؟؟


سامبا.. دخلت في مواضيعك وجدتها جميله جدا

احساس عالي ..واجد عندك ملكه الكتابه والردود الجميله

ايضا ...سؤالي هو .. اين تجد نفسك في الكتابه ..

ومتي تكتب؟؟؟

احكي لي شويه عن حاطب الليل...

خواطر في الزاكره....

امنيه في الخاطر ....

علاقتك بالنت كيف ؟؟؟

هل تجد الوقت الكافي لتصفح جميع المواضيع بحكم الوظيفه

التي تشغلها حاليا كمشرف ...

ماذا يعني لك الاشراف ؟؟؟

ماهو الاشراف في رايك؟؟؟

وما اضافه لك الاشراف؟؟؟

ام تري ان الاشراف عبء ثقيل عليك وده لانو لازم تكون

متواجد بنتظام ومراقبه جميع المواضيع وبعض الاحيان

قراءتها جميعا ؟؟؟


في جوء الاستقالات والتنشنه الكانت حاصله الايام الفاتت

ما حاولت تتدخل وتعرف الاسباب .. او تثنيهم عنها بحكم

انك مشرف وقبل ده انك عضو في المنتدي واكيد بتفتقدهم

وما عاوزهم يمشو..ولا عندك راي تاني غير ده؟؟؟


شخص تمنيت انو يكون مشرف ايضا .. وانت شايف فيهو

المقدرات الاساسيه للاشراف .. منو العضو ده في رايك

تقدر ترشحو ؟؟؟

في كم سطر :

مدينه ودمدني ؟؟؟

منتدي ودمدني ؟؟؟

المنتدي الثقافي؟؟؟

سامبا ؟؟؟

غفران؟؟؟

ابوبكر حامد؟؟؟

الادمن؟؟؟

مكتول مدني ؟؟؟

..............؟؟؟(( بسيب ليك الخيار مفتوح))

ناصر الباشا؟؟؟

114 ؟؟؟

سوباوي؟؟؟

فاقد حنان؟؟؟

[sambaaa]

يلا يا سااااااااااااااااامبا عشان باقي الاسئلة ما تطير ..
ههههههههه

يازوووووووول تعال ساي .. أنا مسخن شديد ..

وبنتظرك ... :)

[sambaaa]

:eek: :eek: http://www.asmilies.com/smiliespic/new/007.GIF:eek: :eek: (http://www.asmilies.com/)

فووووووووووزية ... ده شنو ؟؟؟؟؟؟؟؟

انا اليوم ده كلو بقعد اجاوب في إمتحانك ده .. ؟؟

الكتراااااااااااااابة :eek: ........... النجددددددددددة !!!!!!!!!!!!!!!!!!! .

لكن برضو بجيك ... وواحدة واحدة ..:rolleyes:

[admin]

اشكرك بحرارة يا مكتول مدني لاتاحة هذه الفرصة لنا لنتعرف عن قرب بالاخ سامبا
وماشاءالله عليك يا سامبا ما زلت صنديد وثابت في الكرسي
هاك ديل سؤالين خفيفات
1- مارايك في الصناديق الاستثمارية ؟ وهل تعتقد ان صندوق الرائد المدار بواسطة مجموعة سامبا المالية سيعود الى الصدارة مرة اخرى؟ وماذا برايك اسباب النكسة الاخيرة في سوق الاسهم السعودية؟ وماذا تتوقع لمستقبل هذه السوق؟وكم تتوقع ان يكون سعر سهم الدريس عند نزوله للاسواق؟
2- ماهي خبرتك في مجال الكمبيوتر؟ وهل شاركت في منتديات اخرى من قبل غير منتدي ودمدني؟ ماهي؟ وماهو اجمل منتدي قابلك خلاف ودمدني؟ هل تعتقد ان اللجنة الاشرافية على المنتدي يجب ان يتم اختيارها عن طريق التعيين ام عن طريق التصويت؟

شكرا ولنا عودة

[عمر بابكر]

الاخ اللبق الاخ الرائعة الاخ نور المنتدي
الاخ سامبا
انا عارف ناس البنوك بحسبوها صاح
لاكن سؤالي بسيط جداً
شعورك وانت بتقابل صاحبك من بدري وانقطع منك،، وقابلتو بعد سنين طويلة وقابلك ببرود ؟؟؟
س 2:- شعورك وانت بتقابل واحد من ناس مدني فى بنك سامبا الرياض وانته ما بتعرفو ؟؟؟؟
ارجو الاجابة بصراحة !!!!!!

[سواااح]

باين فوزيه شغالة في قناة الجزيرة ولا العربية

منظرين ردودك ؟؟

[سواااح]

سامبا ..

ما رايك في الاعضاء الجدد .. بدون مجاملة ..

هل هم فعلا اضافة حقيقية للمنتدي ؟؟ ام لا ؟؟

دمــــــــــــــــت ،،

[ود بدر]

سامبا ..... ؟؟؟؟
عاوزنا نصل وين .... ؟
سامبا ...... ؟؟؟؟
لو عاوزين العلاقة تصبح علاقة أسرية بين جميع أعضاء المنتدى .... دلنا على الطريق .... ؟؟؟
سامبا ..... ؟؟؟
كيف نورث الأجيال القادمة هذا الصرح .... ؟
سامبا ..... ؟ شاكرا ً سلفا ً على إيجاباتك

[أبوريلان]

يا سامبا يا أخوى بتنا فوزية طفشتك ولا شنو ؟

باين عليك شايل ليك دفتر وبترد على أسئلتها ونحنا منتظرين الرد !!

لكن أنا شايف الشباب ما قصروا كمان بعد إمتحان فوزية عملو ليك أسئلة شفهية بس أنت وين ؟

وعشان أنا ما عايزك تفر مننا بعد الهرى الكتير من الشباب وخاصة الجنس اللطيف بعفيك من الأسئلة لحدى ما تفيق شوية عشان أنا بالى طويل بس عندى سؤال واحد أو نقول عايز أخد رأيك بس عشان سؤالى دا بطفشك تانى ممكن ؟

نحن مجموعة شركات كبيرة ونتعامل مع مجموعة سامبا كثيرا ، ولكن الآن المجموعة بصدد تحويل حسابات موظفيها لمجموعة سامبا مع العلم نتعامل مع البنك الأهلى التجارى ومازلنا !!! ماهى نصيحتك لنا قبل الدخول فى مجموعتكم ؟ ولك شكرى يا رائع .

[salwa]

[[[حقيقه اخ سامبا انا اول قبل ما اسالك عايزه اقول شيء بسيط وهو انه انت عالم واسع من الثقافه والابداع بل والتعبير النابع من جوووووووووووووووووووه االقلب واللي لو اي واحد غيرك قعد عشان يكتب شيء بسيط من الانت بتكتبه او بتقدمه في منتدى فما اعتقد انه حيكون بموهبتك ... اما عن سؤالي فهو قريب من الاطراء وهو دايره اعرف ملهمك او ملهمتك في كللللللللللللللللللللللللللللللل كتاباتك دي منو ............ز وبصراحه وما تقول مافي لانه حتكون ما صادددددددددددق... ودمت علم من اعلام المنتدى

[sambaaa]

الاخ سامبا

عندي كم سؤال بدرو لي في ذهني وانت تجلس اليوم في الكرسي


الاخ سامبا


عندي كم سؤال بدرو لي في ذهني وانت تجلس اليوم في الكرسي
كم سؤال !!؟ .. ده كتاب تاريخ عديل كده :confused:
بحكم انا جديده حاليا في المنتدي ما الذي تنصحني به؟؟؟
فوزية بعد ده كلو .. وبرضو دايرة نصيحة ؟؟ صدقيني إنتي ما محتاجة لأي نصيحة .
مع اني بديت في المشاركات بمواضيعي المتواضعه علي
حسب راي الشخصي وفعلا لاقت اقبال من الاعضاء
والدليل علي كده ردودهم .. هل تعتقد انها تستحق الرد عليها
فعلا بهذه الكميه من الردود ام انتم فقط لانني جديده شاركتم
كي تشجعوني للاستمراريه؟؟؟
مرات كتيرة الشخص بقيم نفسه قبل الآخرين .. وتقييم الآخرين لك هو مكمل لقناعتك بما تكتبيه ..إذن كانت قناعتنا كاملة بجودة ما تسطريه .. والدليل جاء من عندك .. الردود فعلا كانت معبرة بصدق .. وهناك شهادات لك من أعلام الأدب والثقافة بالمنتدى وعلى رأسهم الأخ / أبوبكر حامد .. وبكلماتي هذه لا أضيف شيئاً فحروفك دليل دامغ بجودة وجمال ما تقديمه هنا .. وكونك جديدة .. فذلك ليس معيار لتقييم آدائك ..
كيف اتعامل مع الاعضاء وانت تعرف بان النفوس ماواحده؟؟؟
أختي فوزية .. مبدأ التعامل لا يقتصر فقط على منهم بداخل المنتدى .. بل بكل المحيطين حولنا .. لذا فإننا نأخذ كل ما هو طيب .. ونترك كل ما هو غث وخبيث ..
كيف اتعامل مع المواضيع التي اريد طرحها كي اضمن انها
ترضي جميع الاذواق وبالتالي تكون مميزه؟؟؟
يجب أن ترضيك انتي بالمقام الأول .. وتأكدي بعد ذلك أنها سترضي الجميع .
وكيف ترد عي الاشخاص الذين دائما يسعون للبلبله فقط
ولفت الانظار بمشاركاتهم لا اعني الان فئه معينه او شخص
معين اتكلم عامه؟؟؟
وجودهم قصير جداً .. ولن يكون لهم أي أثر بمن حولهم .
مثلا ظاهرة التلميع والمجاملة التى ينادي بها عضو في المنتدي؟
هل نبتدع قانون جديد غير منافي للحريات بجلد كل من يجامل؟
وهل كل المجاملات يجب ان توقف؟ ام بعضها؟ وكيف المعيار لذلك؟
المجاملة .. مهما كانت لن تضيف شيئاً للمستفيد منها .. بل بالعكس قد تضر أكثر .. وإذا إفترضنا مجاملة شخص في بداية تكوين الفكرة لديه .. فيجب ان لايستمر ذلك .. لأننا نضر به .. ولا نفيده .. لكن كلمة التشجيع هي انسب بديل للمجاملة .. مع ملاحظة الفرق بين معنى الكلمتين ..
وماهو التلميع في رايك ؟ وكيف نحكم بان هذا العضو تم تلميعه؟
وكيف نحكم على عضو بان قام بتلميع عضو اخر؟
(انتي قلبتي المسألة إنتخابات ولا شنو ؟؟ ) .. بكل صراحة .. بعتقد إن الفرد نفسه يجب أن يكون حريص على تلميع نفسه ..دون الإعتماد على الغير .. وأن لا يكون ذلك آخر أهدافه .. لكن الجيد بما يقدمه للآخرين هو ما يلمعه ويلفت الأنظار إليه .
لو مواضيعك ما مرتجله ... لازم الواحد يشارك بمواضيع
مرتجله او يسكت ما يشارك ولا شنو رايك ...مع الاعتبار
في ناس كتيره ما عندها او امكانيه طرح المواضيع
الارتجاليه علي حسب كل شخصيه علي حدا ...هل فعلا دي
ضروريه لكي اشارك والفت الانظار .. مع انو في مواضيع
للقراءه ممكن تستفيد وتستمتع بقراءتها ؟؟؟
نقل ثقافة الغير .. هي اساس كل الأعمال المرتجلة الناجحة في مستقبل بداية كل فرد .. وكل الحضارات الإنسانية السابقة قامت على نقل الثقافات فيما بينها .. ونجاح الفرد يعتمد بالدرجة الأولى على تجارب الآخرين .. إذن الإنتباه لأعمال الغير هي دليل صحة الطريق
وهنا أيضاً ..أزكر شهادة لك من الأخ / أبوبكر حامد في إحدى مواضيعك الرائعة ... لكن يجب الإنتباه على ان نقل اعمال الغير هي مرحلة أولية فقط يجب ان تتوقف .. ثم نبدأ بإرتجال أعمالنا .. وبكل تأكيد ستكون ناجحة وهادفة ..لصحة أساسها .
سامبا.. دخلت في مواضيعك وجدتها جميله جدا
احساس عالي ..واجد عندك ملكه الكتابه والردود الجميله
ايضا ...سؤالي هو .. اين تجد نفسك في الكتابه ..
ومتي تكتب؟؟؟
أشكر لك حروفك هنا .. وده كتير علي والله .. وممكن تقولي بلقى نفسي في الكتابة عن الدواخل .. عن الإنسان بكل لحظات قوته وضعفه .. عن وجدانياته ومشاعره .
( بكتب دائما بعد إحساسي بالرضا عن اللحظة التي سبقت البدء بالكتابة )
احكي لي شويه عن حاطب الليل...
هنا الكلام كتير شديد .. لكني أختصر لك .. حاطب الليل .. هو حالة لكل ابناء جيلي .. ونتاج طبيعي لأيام الغربة ورحلة البحث عن الذات .. ووليد شرعي لتفاعل عوامل استثنائية لمرحلة عاطفية .. حاطب الليل .. هو لحظة تأمل عميقة جدا بداخلي .. بالرغم من أن لب الموضوع منقول .. لكن إضافتي للقليل كان يكفي لعكس دواخلي ..
خواطر في الزاكره..
البدايات .. دائماً البدايات تظل راسخة بالزاكرة .. وهي كثيرة جداً .. لكني أخص لك بداية التعرف بأي صديق .. تظل خاطرة اقف عندها كتير جداً .
امنيه في الخاطر ....
بدون شك .. الإستقرار بالوطن الحبيب
علاقتك بالنت كيف ؟؟؟
الإنترنت .. صديق شخصي جداً .. لأن العطاء بيننا سخي جداً وبدون مقابل .
هل تجد الوقت الكافي لتصفح جميع المواضيع بحكم الوظيفه
التي تشغلها حاليا كمشرف ...
ماذا يعني لك الاشراف ؟؟؟
ماهو الاشراف في رايك؟؟؟
وما اضافه لك الاشراف؟؟؟
ام تري ان الاشراف عبء ثقيل عليك وده لانو لازم تكون
متواجد بنتظام ومراقبه جميع المواضيع وبعض الاحيان
قراءتها جميعا ؟؟؟
( طبعا دي حركة تكتيكية نسبة لتشابه الاسئلة الخمسة الفوق )
يا فوزية الإشراف هو تكليف ومسؤليه ( خدمة إلزامية لكل أعضاء المنتدى ) .. وكل عضو هو أيضا مشرف ومراقب ومدير .. كلنا يفترض ان نكون كذلك .. الهم واحد والحب للمنتدى واحد .. إذن المهمة واحدة ..
واذا ما اخذت كلمة مشرف كمفردة .. فهي بتعني إشراف فرد لجزئية معينة من النسيج المتكامل للمنتدى ..وبكل تأكيد الإشراف ضريبة يجب أن يؤديها كل فرد منا بصدر رحب جداً ومسؤلية وإحترام لنظم ولوائح المنتدى ..
في جوء الاستقالات والتنشنه الكانت حاصله الايام الفاتت
ما حاولت تتدخل وتعرف الاسباب .. او تثنيهم عنها بحكم
انك مشرف وقبل ده انك عضو في المنتدي واكيد بتفتقدهم
وما عاوزهم يمشو..ولا عندك راي تاني غير ده؟؟؟
والله ما عندي راي تاني .. فوزية من ناحيتي اتمنيت جد لو أصل كل فرد من الأخوان ديل في بيتو .. واقعد اشرب معاهو كباية شاي كده .. ونخت كل حاجة جانب ( يعني بساط أحمدي ) .. وبعد داك نشوف الحاصل شنو .. وانا متأكد انو اساسا مافي حاجة تستاهل الزعل ( لو إفترضنا ده موجود ) .. ومرة تانية بأكد ليك .. وبأكد للكل .. إنو دي سحابة صيف وحتعدي إنشاءالله .. وبكل صدق فقدناهم كتير ..
بس بهمس لكل واحد منهم بالآتي ( ما تم يتنافى تماماً مع قناعاتكم .. وتناقض كبير لمبادئكم.. فتعالوا إلينا .. وننسى الحصل .. لأننا أخوان .. وجد كلنا أخوان )
شخص تمنيت انو يكون مشرف ايضا .. وانت شايف فيهو
المقدرات الاساسيه للاشراف .. منو العضو ده في رايك
تقدر ترشحو ؟؟؟
بكل صراحة .. كل فرد في المنتدى ممكن يكون مشرف .. ومافي أي سبب يمنع .. لأنه اساسا الإشراف تكليف وواجب .. وأملي ان يكون الاشراف دورياً كل فترة محددة لمجموعة .. حتى تتلاقح الرؤى .. وتعم الفائدة المرجوة .
في كم سطر :
مدينه ودمدني ؟؟؟
الأم الرؤوم .. البيت الكبير .. الحلم اللامتناهي ..
منتدي ودمدني ؟؟؟
صفحة مشرقة جداً من صفحات كتاب ودمدني الذهبي
المنتدي الثقافي؟؟؟
واحة وارفة ..يستكين إليها كل زوار ورواد المنتدى
سامبا ؟؟؟
متلقي .. يروي ظمائه من معين العمالقة بالمنتدى
غفران؟؟؟
غفران هي أخت غالية جدا علينا كلنا .. وفي فترة وجيزة إستطاعت بفضل مواضيعها الهادفة والمتميزة أن تتبوأ مكانة رفيعة جداً داخل قلوب كل الأعضاء .. فاقدنها شديد الأيام دي ( وين إنتي يا زوووووولة ؟؟؟ )
ابوبكر حامد؟؟؟
عملاق الكلمة .. وفارس المنتديات .. الأخ الكبير .. ( ود الناظر )
الادمن؟؟؟
حادي الركب الآمين ..( أبوبكر طبعا انشاءالله يوم شكره مايجي )
انا بعتبر الأخ / بكري .. إبن بار لمدينتنا الجميلة بفضل ما قدمه وما سيقدمه لمدني .. ويكفي هنا هذا الملتقى الذي نستظل تحته ..
مكتول مدني ؟؟؟
ههههههه .. أمين .. أخ حبيب جداً .. وتلميذ عاصي :mad: :mad:
......فوزية...........؟؟؟(( بسيب ليك الخيار مفتوح))
فوزية ؟؟
(فوزية والله اليوم ده ما انساهو ليك .. واصبري لي سااااي :( )
طبعا بتمنى إنك طول العمر تكوني معانا .. لأنك فعلا وبدون مجاملة .. كنز .. وكنز غالي جداً ..:)
ناصر الباشا؟؟؟
ود الباشا .. طبعا ناصر هو الفارس المرتقب في كل لحظة .. وفي ايام قلائل جدا استطاع أن يحجز له مقعداً دائم باروقة المنتدى ..
114 ؟؟؟
عمر .. عملاق المحراب .. شخصية اتمنى اكون قريب جدا منه ..هادئ كالليل .. يدرك جيداً متى يكتب .. ومتى يكون موجود .
سوباوي؟؟؟
بكل صراحة .. الكلام عن مجاهد ما كفاية .. كل الحروف قليلة جدا على شخصه العملاق .. احترمه جدا .. أخاف منه جداً ..:rolleyes:
فاقد حنان؟؟؟
فاااااااااااقد حنان .. حمادة .. شخصية مرحة جداً .. قليل الكلام .. اتمنى اتعرف عليه اكثر ..

ياااااااااااااااااااااااااااااااه ... معقول الأسئلة خلصت ... ؟؟؟
مبااااااااالغة .. والله مباااااالغة يا فوزية .. انا ما كنت متخيل انتهي منها عمري كله ..
والله بشكرك . . بشكرك شديد على امتحان تاريخ السودان ده :)
مشاهدات اثناء كتابة الرد :
1/ شربت اربعة كبابي شاي .
2/ استخدمت وسائل تكتيكية وبرضو ما نفع .
3/ كانت معاي علبة مناديل ورقية خلصت كلها .
4/ اوقفت كل اشكال الاتصال بالعالم الخارجي .

[ناصر الباشا]

الاخ العزيز جداً و الصديق الغالي سامبا
شايف اختنا فوزية مولعة السخان زيادة و لكن لدي

عدة اسئلة ؟

هل تعتقد فعلاً انا هنالك من يستغل موقعنا للتسكع ؟

هل تعتقد انه توجد بعض المشاركات لجنس معين من اعضاء

المنتدى تجد اقبالاً خاصاً دون النظر الي ذوق المشاركة؟

اختي فوزية عذراً لك فقد استعرنا منك بعض المضامين

[sambaaa]

اشكرك بحرارة يا مكتول مدني لاتاحة هذه الفرصة لنا لنتعرف عن قرب بالاخ سامبا
وماشاءالله عليك يا سامبا ما زلت صنديد وثابت في الكرسي
هاك ديل سؤالين خفيفات
1- مارايك في الصناديق الاستثمارية ؟ وهل تعتقد ان صندوق الرائد المدار بواسطة مجموعة سامبا المالية سيعود الى الصدارة مرة اخرى؟ وماذا برايك اسباب النكسة الاخيرة في سوق الاسهم السعودية؟ وماذا تتوقع لمستقبل هذه السوق؟وكم تتوقع ان يكون سعر سهم الدريس عند نزوله للاسواق؟
2- ماهي خبرتك في مجال الكمبيوتر؟ وهل شاركت في منتديات اخرى من قبل غير منتدي ودمدني؟ ماهي؟ وماهو اجمل منتدي قابلك خلاف ودمدني؟ هل تعتقد ان اللجنة الاشرافية على المنتدي يجب ان يتم اختيارها عن طريق التعيين ام عن طريق التصويت؟

شكرا ولنا عودة
اشكرك بحرارة يا مكتول مدني لاتاحة هذه الفرصة لنا لنتعرف عن قرب بالاخ سامبا
ايه ده ؟؟ إنتو متفقين علي ولا ايه ؟؟؟
وماشاءالله عليك يا سامبا ما زلت صنديد وثابت في الكرسي
شكرا ليك .. أنا شايقي صنديد ابا عن جد :)
هاك ديل سؤالين خفيفات

خفيفات قال !!!!!!:confused:
1- مارايك في الصناديق الاستثمارية ؟
الصندوق الإستثماري هو وعاء تتجمع بداخله مساهمات الأفراد لتكوين رأس مال استثماري يعمل في كافة المجالات التنموية بهدف عائد ربحي لصالح المساهمين . ( الكلام كتير جدا في الحته دي )
وهل تعتقد ان صندوق الرائد المدار بواسطة مجموعة سامبا المالية سيعود الى الصدارة مرة اخرى؟
بكل تأكيد .. فصندوق الرائد يتمتع برعاية اضخم مؤسسة مالية بالشرق الاوسط .. والضمانات اكتر من كافية من اجل تقدمه وتتطوره ..
وماذا برايك اسباب النكسة الاخيرة في سوق الاسهم السعودية؟
السؤال جد كبير واجابته اكبر بكتير .. لكن المعروف ان هناك عوامل كتيرة جدا لإنتكاس الأسواق المالية العالمية بصورة عامة .. قد تكون عوامل سياسية أو عوامل إقتصادية .. وكل هذه العوامل تتفق على انها مؤقتة ومرحلية ..تزول بانتهاء الأزمة ..والمعروف عن الأسواق المالية الخليجية بوجه عام .. والسعودية على وجه الخصوص ..أنها قوية جداً ومتينة حتى في احلك الظروف .. وفي العشرة سنوات الآخيرة كانت هناك ازمات مالية تاريخية .. سياسية كانت او اقتصادية او بيئية .. وأثبتت الأسواق الخليجية خلال كل الازمات أنها لا تتأثر كثيرا .. لتمتعها بإحتياطيات نقدية ومعدنية وبترولية ضخمة جدا .. أضف الى ذلك حجم التبادل التجاري الهائل باسواقها المحلية والعالمية ..وو ..ووو ..وو ..
المهم في الامر النكسة الحالية ظاهرة صحية جداً .. نسبة لرغبة اصحاب الأسهم في تسييل الأسهم الى نقد .. حتى يتسنى لهم المشاركة في عمليات الإكتتاب بالشركات الضخمة تحت التأسيس .. إذن هناك حركة بيع ضخمة جدا لتعاملات الأسهم تقابلها حركة أقل في عمليات الشراء .. لذا كانت النكسة .. وبكل تأكيد هي برضو( سحابة صيف ) وحتعدي بسرعة كبيرة جداً . ( يا ادمن الكلام هنا والله كتير .. حبة علينا شوية :confused: )
وماذا تتوقع لمستقبل هذه السوق؟
انا من خلال تجربتي البسيطة جدا في المجال ده بعتقد ان المستقبل حيكون اكتر من رهيب واكتر من مفاجئ .. لأسباب كتيرة ومؤشرات دامغة جدا اهمها .. ارتفاع المؤشر بصورة جنونية جدا خلال السنة الماضية ( تضاعف هندسي ) .. والله ده امتحان :confused:
وكم تتوقع ان يكون سعر سهم الدريس عند نزوله للاسواق؟
سهم شركة الدريس البترولية في بداية التداول بيكون عالي ثم يبدأ بالانخفاض التدريجي الى ان يستقر على سعر حقيقي من واقع التعاملات على السهم .. وبتوقع سعر ( 750 ريال ) لأول يوم لتداول السهم .:o :D
2- ماهي خبرتك في مجال الكمبيوتر؟
طبعا الكمبيوتر رغما عن كل شخص اصبح رفيق الطريق .. وصديق حقيقي وقت الضيق .

وهل شاركت في منتديات اخرى من قبل غير منتدي ودمدني؟ ماهي؟
بكل صراحة .. انا ما حصل شاركت في منتدى قبل منتديات ودمدني .. ممكن يكون تصفح او زيارات .. حاجات ذي كده .
وماهو اجمل منتدي قابلك خلاف ودمدني؟
منتدى النيلين .. ( داير اكون سريع عشان اشوف باقي الأسئلة :confused:)
هل تعتقد ان اللجنة الاشرافية على المنتدي يجب ان يتم اختيارها عن طريق التعيين ام عن طريق التصويت؟
أخ ابوبكر .. انا بقترح مسألة الاشراف دي تكون دروية على معظم افراد المنتدى كل فترة .. مثلاً تلاته شهور وكده .. ( ما هو رأيكم ؟ )
شكرا ولنا عودة
هههههههه .. عودة ؟؟؟؟؟ عودة وين بعد ده كلو :confused:

[sambaaa]

الاخ اللبق الاخ الرائع الاخ نور المنتدي

الاخ سامبا
انا عارف ناس البنوك بحسبوها صاح
لاكن سؤالي بسيط جداً
شعورك وانت بتقابل صاحبك من بدري وانقطع منك،، وقابلتو بعد سنين طويلة وقابلك ببرود ؟؟؟
س 2:- شعورك وانت بتقابل واحد من ناس مدني فى بنك سامبا الرياض وانته ما بتعرفو ؟؟؟؟
ارجو الاجابة بصراحة !!!!!!



إزيك يا عمر .. نور الله دربك .. :)
الاخ سامبا
انا عارف ناس البنوك بحسبوها صاح
يا زول القال ليك منو ؟ .. والله ناس البنوك ديل اكتر ناس بيحسبوا غلط .. خليها بطيخة مقفولة ساي :cool:
لاكن سؤالي بسيط جداً
شعورك وانت بتقابل صاحبك من بدري وانقطع منك،، وقابلتو بعد سنين طويلة وقابلك ببرود ؟؟؟
وده سؤال بسيط يا عمر .. ؟ في زمتك سؤال هين ؟ ... والله يا عمر .. ممكن نلقى ليهو العذر في حالة عدم معرفته لي .. لكن اذا تأكد لي انه عرفني .. فسيكون ذاك اليوم آخر يوم اقابله .. وما اظن يكون في بيناتنا تاني كلام :mad:
س 2:- شعورك وانت بتقابل واحد من ناس مدني فى بنك سامبا الرياض وانته ما بتعرفو ؟؟؟؟
ارجو الاجابة بصراحة !!!!!!
والله بكل صراحة .. وبحصل كتير .. خليك كونه من مدني .. لكن بمجرد انه سوداني بشيلو فوق راسي لو البنك ما شالو .. ودي الصفات البتميزنا كسودانيين عن كافة الجنسيات الأخرى .. عربية او غيرها .. وبشهادتهم كماااااااان ..

تسلم يا زوووول يا فنان على أسئلتك الحلوة دي .. :)

[sambaaa]

باين فوزيه شغالة في قناة الجزيرة ولا العربية

منظرين ردودك ؟؟

ههههههههههههه ...

مش لو شغالة في قناة الجزيرة .. والله لو كانت شغالة في قناة جونقلي زاتها .. برضو اخوك صنديد .. :mad:

[sambaaa]

سامبا ..

ما رايك في الاعضاء الجدد .. بدون مجاملة ..

هل هم فعلا اضافة حقيقية للمنتدي ؟؟ ام لا ؟؟

دمــــــــــــــــت ،،

تاااااااااااااااني يا سوااااااااااااح .. تاني انت هنا :confused:

ياسيدي حبابك 167 مرة .. وما عندك مشكلة ... اجاوبك ..

الأعضاء الجدد ...

أنا بعتقد ..أي عضو سجل اسمه هنا .. مؤكد هو إضافة حقيقية للمنتدى ... بغض النظر عن عدد مشاركاته .. شريطة ان يكون وجوده
تحت مظلة نظم ولوائح المنتدى ... وبكل تأكيد الشروط دي يجب توفرها أساسا في كل فرد سواءاً كان من مدني
أو من خارجها .. :)

[sambaaa]

سامبا ..... ؟؟؟؟
عاوزنا نصل وين .... ؟
سامبا ...... ؟؟؟؟
لو عاوزين العلاقة تصبح علاقة أسرية بين جميع أعضاء المنتدى .... دلنا على الطريق .... ؟؟؟
سامبا ..... ؟؟؟
كيف نورث الأجيال القادمة هذا الصرح .... ؟
سامبا ..... ؟ شاكرا ً سلفا ً على إيجاباتك
العزيز جدا .. ودبدر ..

عبدالرحمن حسين ..

إزيك يا راقي ... منور كتير ياعم .. :)

عزيزي .. جد بتمنى إنك تصل لكل ما تصبو اليه ..( بتخيلك في زروة السماء والمدى ) ..

وأكيد نحن كلنا الآن علاقاتنا اسرية .. وجد المنتدى وفر لكل أعضائه الجو الأسري الدافئ .. وانت ياود بدر

الآن أحد أفراد الأسرة الكبيرة دي .. وده شرف كبير لينا كلنا .. بعدين ياخي انت ماشاءالله عليك ( ماشي في الطريق

الصحيح تماماً .. وإنت كمان عارف كده ;) ) ..
* واكيد اذا ما تكاتفنا كلنا مع بعض .. سنورث الأجيال القادمة كنز حقيقي .. لن يجدوه في باطن الأرض .. لكنهم سيجدونه بين أيديهم مباشرة .. يحكي عن تاريخ عظيم لعظماء مثلك .. يا غالي ..

[مكتول مدنى]

سامبا انا جاييك بالتقيل انتظر ماتتحرك بعيد لان الجاى بطفشك كان انت لسة ما طفشت
حادى الركب الادمن اصلا الواحد لازم يكون بتاع لبدات ويظهر فجاءة كدة ظهور كبر زى دة على طريقة صمت دهرا ونطق كفرا وسامبا داير كل مهارات رونالدينهو الخاتيه توقيع دة علشان يزوق من كم سؤال لكن برضو الباقى من الاسئلة بريحو ليكم

[مهيرة]

لكم سعدت بالروح المرحه للأخ / مكتول مدني وهو يقدم لنا شخصية كم أحببناها داخل منتديات ودمدني
ولكم سعدت بأن البوست مازال موجودا بعد سفر العزيز أبو روان المفاجيء
وشكرا لهذه الإضاءات المريحة في الأسئلة والاجابة في طرافة الأخ أمين والأعضاء
وزنقة سامبا

بس دايره أعرف
درب البقر جياب كيف !

[البلدوزر]

الشاب الانيق سامبا
ربنا يعينك وينور دربك ويدلك على الخير

هل البنك الامريكى ربوىىىىىىىى ؟
هل رواتب البنك تكون من الربى على ما تعتقد ؟
هل شافوليها مخرج على الاقل الآن ؟

[sambaaa]

يا سامبا يا أخوى بتنا فوزية طفشتك ولا شنو ؟
باين عليك شايل ليك دفتر وبترد على أسئلتها ونحنا منتظرين الرد !!
لكن أنا شايف الشباب ما قصروا كمان بعد إمتحان فوزية عملو ليك أسئلة شفهية بس أنت وين ؟
وعشان أنا ما عايزك تفر مننا بعد الهرى الكتير من الشباب وخاصة الجنس اللطيف بعفيك من الأسئلة لحدى ما تفيق شوية عشان أنا بالى طويل بس عندى سؤال واحد أو نقول عايز أخد رأيك بس عشان سؤالى دا بطفشك تانى ممكن ؟
نحن مجموعة شركات كبيرة ونتعامل مع مجموعة سامبا كثيرا ، ولكن الآن المجموعة بصدد تحويل حسابات موظفيها لمجموعة سامبا مع العلم نتعامل مع البنك الأهلى التجارى ومازلنا !!! ماهى نصيحتك لنا قبل الدخول فى مجموعتكم ؟ ولك شكرى يا رائع .
]يا سامبا يا أخوى بتنا فوزية طفشتك ولا شنو ؟
أسكت ساي من العملتو فوزية :mad:
باين عليك شايل ليك دفتر وبترد على أسئلتها ونحنا منتظرين الرد !!
الحالة دي المسألة كانت مختصرة جداً ..وربك ستر ..كان ما التكتيك .. كان تنتظر (9) شهور بلياليها والله :confused:
لكن أنا شايف الشباب ما قصروا كمان بعد إمتحان فوزية عملو ليك أسئلة شفهية بس أنت وين ؟
والله الاولاد ما مشكلة .. لكن الكلام في الجماعة الطيبين التانين ..:)
وعشان أنا ما عايزك تفر مننا بعد الهرى الكتير من الشباب وخاصة الجنس اللطيف بعفيك من الأسئلة لحدى ما تفيق شوية عشان أنا بالى طويل بس عندى سؤال واحد أو نقول عايز أخد رأيك بس عشان سؤالى دا بطفشك تانى ممكن ؟
والله عارفك زوووووول أمير وحقاني ..
نحن مجموعة شركات كبيرة ونتعامل مع مجموعة سامبا كثيرا ، ولكن الآن المجموعة بصدد تحويل حسابات موظفيها لمجموعة سامبا مع العلم نتعامل مع البنك الأهلى التجارى ومازلنا !!! ماهى نصيحتك لنا قبل الدخول فى مجموعتكم ؟ ولك شكرى يا رائع
والله يا أبو ريلان .. معروف عن مجموعة سامبا المالية سمعتها الممتازة في كل الاوساط المالية .. وبتعتمد في كافة معاملاتها على التقدم التقني في مجالات الصيرفة الإلكترونية .. وبأدآئها المتميز في خدمات العملاء .. وعليه وجودكم معنا مكسب لنا ولكم ( التقول البنك ده حقي ) لكن ياريت ناس الإدارة يشوفوا البوست عشان يزيدوا لي راتبي ويصرفوا لي بدل دعاية .. وتزاكر سفر ذهاب وإياب لأمستردام ..مرورا بمايو طرف ..

ياسر والله بشكرك على استراحتك دي .. ريحتني كتير من البلاوي الفوووق ديك ..
وتحية خاصة جدا .. لريلان ..:)

[sambaaa]

[[[حقيقه اخ سامبا انا اول قبل ما اسالك عايزه اقول شيء بسيط وهو انه انت عالم واسع من الثقافه والابداع بل والتعبير النابع من جوووووووووووووووووووه االقلب واللي لو اي واحد غيرك قعد عشان يكتب شيء بسيط من الانت بتكتبه او بتقدمه في منتدى فما اعتقد انه حيكون بموهبتك ... اما عن سؤالي فهو قريب من الاطراء وهو دايره اعرف ملهمك او ملهمتك في كللللللللللللللللللللللللللللللل كتاباتك دي منو ............ز وبصراحه وما تقول مافي لانه حتكون ما صادددددددددددق... ودمت علم من اعلام المنتدى
حقيقه اخ سامبا انا اول قبل ما اسالك عايزه اقول شيء بسيط وهو انه انت عالم واسع من الثقافه والابداع بل والتعبير النابع من جوووووووووووووووووووه االقلب واللي لو اي واحد غيرك قعد عشان يكتب شيء بسيط من الانت بتكتبه او بتقدمه في منتدى فما اعتقد انه حيكون بموهبتك
يا سلام .. يا سلالالالالالالالالالالالام .. أهو ده الكلام البفتح النفس .. كلامك مش عسل وبس ... ربنا ما يحرمنا منك يا زولة يا ذوووووووق .. وبالله كل مرة خليك معاي .:)
اما عن سؤالي فهو قريب من الاطراء وهو دايره اعرف ملهمك او ملهمتك في كللللللللللللللللللللللللللللللل كتاباتك دي منو ............ وبصراحه وما تقول مافي لانه حتكون ما صادددددددددددق... ودمت علم من اعلام المنتدى
يا ساتر .. ما كنا كويسين .. مالك قلبتي ؟؟ .. وبعدين انتي جبتي الكلام السمح ده من وين ؟؟ ..
سلوى ..
أقول ليك معلومة مهمة جداً .. وهي أن الخواطر أوالاشعار أو أي مخطوطة أدبية ليس بالضرورة أن تكون نابعة عن تجربة حقيقية أو حتى شخصية بعينها .. ومن هنا يكمن جمال اي عمل ادبي .. إطلاق العنان للرمزية .. المخاطبة الإستعاريه .. الخيال بكل ألوانه .. الشاعرية الإفتراضية .. كل العوامل دي مجتمعة بتمثل منبع لكل الأعمال الأدبية .. أو أي محاولة لمعاقرة الأدب .. وعندنا امثلة كتيرة لرواد الأدب والثقافة في المنتدى .. ممكن تكوني انتي واحدة منهم .. في يوم من الأيام :p

شكرا ليك ياغالية .. وأسعدتني كلماتك .. بالرغم من المطبات الفيها :) :p :)

[sambaaa]

الاخ العزيز جداً و الصديق الغالي سامبا
شايف اختنا فوزية مولعة السخان زيادة و لكن لدي
عدة اسئلة ؟
هل تعتقد فعلاً انا هنالك من يستغل موقعنا للتسكع ؟
هل تعتقد انه توجد بعض المشاركات لجنس معين من اعضاء
المنتدى تجد اقبالاً خاصاً دون النظر الي ذوق المشاركة؟
اختي فوزية عذراً لك فقد استعرنا منك بعض المضامين
الاخ العزيز جداً و الصديق الغالي سامبا
سلام يا ودالباشا .. نورت كتير ..
شايف اختنا فوزية مولعة السخان زيادة و لكن لدي
عدة اسئلة ؟
ههههههه .. والله فوزية ربنا يديها العافية ويخليها لينا .. ماقصرت هي والله .. زولة ابدااااااااااع :confused:
هل تعتقد فعلاً انا هنالك من يستغل موقعنا للتسكع ؟
ناصر .. أنا متأكد لو اي شخص سجل معانا بهدف التسكع .. ما حيلقى مكان صالح لرغبته دي .. وفي النهاية حيقتنع بالدخول لمدرسة المنتدى للتربية والتوجيه .. وهناك في اساتذة كبار في المدرسة حيستفيد ويتعلم شكل جديد للحياة
وسط الناس بكل إحترام ..
هل تعتقد انه توجد بعض المشاركات لجنس معين من اعضاء
المنتدى تجد اقبالاً خاصاً دون النظر الي ذوق المشاركة؟
صدقني المسألة دي انطباعية .. ومؤقتة ...
لكنها دائماً تتلاشى بسرعة متى ما اثبت واقع المشاركات عدم أهليتها للمتابعة والرد ..
اختي فوزية عذراً لك فقد استعرنا منك بعض المضامين
بكل تأكيد اسئلة الأخت فوزية ستظل تمثل مرجع لينا كلنا .. وانا برضو بشكرها شديد عبر هذه النافذة ..:)

[سواااح]

متي تكتمل الفرحة بدخولك القفص الذهبي ؟؟

[sambaaa]

سامبا انا جاييك بالتقيل انتظر ماتتحرك بعيد لان الجاى بطفشك كان انت لسة ما طفشت
حادى الركب الادمن اصلا الواحد لازم يكون بتاع لبدات ويظهر فجاءة كدة ظهور كبر زى دة على طريقة صمت دهرا ونطق كفرا وسامبا داير كل مهارات رونالدينهو الخاتيه توقيع دة علشان يزوق من كم سؤال لكن برضو الباقى من الاسئلة بريحو ليكم


:mad: :mad: :mad: تاااااااااااااااني انت جاااااااااااي وين ؟؟؟؟؟؟؟؟؟ :( :( :(

والله اشوفك حايم تاني هنا إلا أكلم ليك .................................. ؟؟؟؟؟؟؟ ( تم الباقي براك ) ;)

[sambaaa]

لكم سعدت بالروح المرحه للأخ / مكتول مدني وهو يقدم لنا شخصية كم أحببناها داخل منتديات ودمدني
ولكم سعدت بأن البوست مازال موجودا بعد سفر العزيز أبو روان المفاجيء
وشكرا لهذه الإضاءات المريحة في الأسئلة والاجابة في طرافة الأخ أمين والأعضاء
وزنقة سامبا

بس دايره أعرف
درب البقر جياب كيف !
إزيك مهيرة ..
لكم سعدت بالروح المرحه للأخ / مكتول مدني وهو يقدم لنا شخصية كم أحببناها داخل منتديات ودمدني
وأنا كمان جد سعيد بوجودك معانا .. ونورتي البوست بأحلى الألوان ..:p
ولكم سعدت بأن البوست مازال موجودا بعد سفر العزيز أبو روان المفاجيء
وسيظل الأخ العزيز محمد .. أبوراوان موجود وحاضر .. في خواطرنا وداخل وجدان كل أعضاء المنتدى ..
وشكرا لهذه الإضاءات المريحة في الأسئلة والاجابة في طرافة الأخ أمين والأعضاء
وزنقة سامبا
والله الكرسي صعب يا مهيرة .. لكن بوجودك .. تهون الصعاب .. والزنقة حاصلة ..:D

بس دايره أعرف
درب البقر جياب كيف

ههههههه .. أنا ما استغربت لإختيارك السؤال ده بالذات .. لأنك زولة دوبيت ..وأقوال مأثورة .. وأشعار كلاسيكية .. لذا كان لابد أن تنتبهي للمقولة ( درب البقر جياب ) ..
وطبعا الكلمات دي بتعني مثلا .. إنك برضو حيجيلك يوم وتقعدي على الكرسي السااااااااخن ده
وفي انتظارك نفس الأسئلة الصعبة دي .. وربنا يستر .. ويكضب الشينة ..:confused:

خارج النص : يا مهيرة شايفك عاملة عزوومة من ورانا ..وما كلمتينا .. رسلي لينا حقنا .. انشاءالله لو صحن شطة .. برضو مقبولة منك .. :)

وتسلمي كتير .. وياريت الإسبوع الجاي تكوني محلي عشان نعرفك اكتر .. وعن قرب .. ;)

[sambaaa]

QUOTE=البلدوزر]الشاب الانيق سامبا
ربنا يعينك وينور دربك ويدلك على الخير
؟[/QUOTE]
البلدوزر .. إزيك يا خينا ..
وبشكرك كتير على دعائك الجميل في بداية حديثك ..

ومرحب بيك ... وطبعا إسمك لفت انتباهي شديد ..

زكرني بلاعب الهلال السابق أسامة الثغر .. والظاهر إنو عندك صلة قرابة مع اللاعب اسامة ( لحم ودم ) وده من دواعي سروري ..

أما بخصوص سؤالك ...

المعروف عن أنظمة كافة المعاملات الإنسانية .. بكل ضروبها .. في الممكلة العربية السعودية .. أنها تحتكم بالشريعة الإسلامية الغراء .. كل نشاط إنساني تتخيله .. يحتكم بالدرجة الأولى بالشريعة الإسلامية .. ومن هنا كان لابد أن يحتكم النظام المالي أيضا بالأحكام الإسلامية ..

وعليه قام أولي الامر بالسعودية بأسلمة القطاع المصرفي بالذات .. وأنشأت لجان فتاوي شرعية تنظم الاداء المالي وفقا لأحكام الشريعة الاسلامية السمحة ..

وبالنسبة للبنك السعودي الامريكي .. فقد تغير إسمه الى مجموعة سامبا المالية .. بعد التغييرات الجذرية التي تمت في بنيته الاساسية .. وبناءا على ذلك تم إلغاء كافة اشكال النظام الربوي السابق ... وبحمدالله النظام السائد الآن هو نظام إسلامي تم تأسيسه بواسطة علماء دين أكفاء .. وعلى مستوى العالم الإسلامي ...

وأدناه يمثل الموقع الإلكتروني للبنك .. مع توضيح لأفراد لجنة الفتاوي .. والرقابة الشرعية لمجموعة سامبا المالية .
وده الموقع يا أستاذ البلدوزر اتفضل شوفو .. وافهمه كويس ..
http://www.samba.com/business/arabic/islamic/index.htm (http://www.samba.com/business/arabic/islamic/index.htm) ............... طبعا ده رابط ( اضغط عليه لدخول الموقع .
ختاماً ... بشكرك لإنتباهك لهذه النقطة الهامة جداً ...

وإستفسارك عنها خلال هذا البوست .. كمناسبة تراها سعيدة جداً ...

وخلينا نسمع منك كتير ...

[Jamal Elmahi]

أخونا الفحل...أخو الاخوان عشا الضيفان... تقابة الضهبان سامبا...
الكرسي بمن عليه ينضح....أقصد البنبر....وأخوك قطع شك ماني ضهبان.... علاّ كراع البقر جيّابه أأبوي....( مش درب البقر ..بعد العولمه)...
وقبّال ما أفك الريق....(بعد العولمه أفك البايظ)...ها زول عليّ الطلاق أنا الريق فكيتو قبيل من نضميك الحلو دا عليّ الطلاق لامن أدشّيت...باع... أرقد أأعيش أنا مدقاقك....كدي النبزق السفّه دي وأجيك راجع....ألكتحيبه بالله عتبتكم عترت لي قرّبت تغتّس حجري....الشي حوشكم حتتو بلاط يعني الخرابه دي أبزقا ليكم وين.....

جمال الماحي

[مكتول مدنى]

والله ماشاءالله وكمان منزل اغنية علشان تحمس نفسك وكمان الحارة بنخوضا طيب انت موقفك موقف المدفع الرزام لان الاسئلة انهمرت عليك زى المدفعية والاسلحة الثقيله
هههههههههههههههه

[سواااح]

يا حاج سامبا ..

ما تتحرك معانا شوية !!

[sambaaa]

متي تكتمل الفرحة بدخولك القفص الذهبي ؟؟

إنتو الكرسي الساخن ورطتوني فيهو ... كمان دايرين تورطوني برضو في دي ؟؟؟؟؟؟ :mad:

( لكن بيني بينك كده .. خلاص قربت .. انا هسه في خط ستة ) :) :) :D :) :)

[sambaaa]

أخونا الفحل...أخو الاخوان عشا الضيفان... تقابة الضهبان سامبا...
الكرسي بمن عليه ينضح....أقصد البنبر....وأخوك قطع شك ماني ضهبان.... علاّ كراع البقر جيّابه أأبوي....( مش درب البقر ..بعد العولمه)...
وقبّال ما أفك الريق....(بعد العولمه أفك البايظ)...ها زول عليّ الطلاق أنا الريق فكيتو قبيل من نضميك الحلو دا عليّ الطلاق لامن أدشّيت...باع... أرقد أأعيش أنا مدقاقك....كدي النبزق السفّه دي وأجيك راجع....ألكتحيبه بالله عتبتكم عترت لي قرّبت تغتّس حجري....الشي حوشكم حتتو بلاط يعني الخرابه دي أبزقا ليكم وين.....

جمال الماحي

هههههههههههههههه ...

ودالمااااااااحي ... وينك من زماااااااااان ؟؟؟؟؟

تشكر على زيارة آخر الليل دي ... لكن لقيتك رررررررررهيب عديل كده يا مان ..

وعموما ( تف ) سفتك دي ... وتعال لي جااااااااااااي ... انا منتظرك تب ..

واعمل حسابك ... ما تقع في البلاط ده .. كمان تتكسر علينا ....:)

[مكتول مدنى]

إنتو الكرسي الساخن ورطتوني فيهو ... كمان دايرين تورطوني برضو في دي ؟؟؟؟؟؟ :mad:

( لكن بيني بينك كده .. خلاص قربت .. انا هسه في خط ستة ) :) :) :D :) :)
خط ستة ربنا يتم ليك وتجيب اول الاهداف لكن ما تطلع تسلل ويكون عندك انذار وبعد التسلل يدوك كرت احمر تانى مافى فريق بسجلك الا درجة تالتة مدربه اتوفى ولا مغلوب قبل كدة كذا مرة
الله يستر من دى

[sambaaa]

والله ماشاءالله وكمان منزل اغنية علشان تحمس نفسك وكمان الحارة بنخوضا طيب انت موقفك موقف المدفع الرزام لان الاسئلة انهمرت عليك زى المدفعية والاسلحة الثقيله
هههههههههههههههه

يا حاج سامبا ..

ما تتحرك معانا شوية !!

إنتو الاتنين ... أصبروا لي ساااااااااااي ... والله بعدين حسابكم معااااااي .. أوراقكم لسه في يدي

وشغلي حيكون بالصواريخ .. ومن كل الجهات .. ارض ارض .. ارض جو ... جو جو .. شيلو شيلتكم معاي :mad::( :mad:

[sambaaa]

خط ستة ربنا يتم ليك وتجيب اول الاهداف لكن ما تطلع تسلل ويكون عندك انذار وبعد التسلل يدوك كرت احمر تانى مافى فريق بسجلك الا درجة تالتة مدربه اتوفى ولا مغلوب قبل كدة كذا مرة
الله يستر من دى
http://9q9q.com/March/1141877533.gif (http://9q9q.com/)http://9q9q.com/March/1141877533.gif (http://9q9q.com/)http://9q9q.com/March/1141877533.gif (http://9q9q.com/)
انت لسانك الطووووووويل ده .. بيجي يوم بقطعو ليك ..

وبعدين يا مان نحن بنلعب بالمضمون ... مش هشك بشك ...:p

ولعلمك حكم الراية ..فردتي شديد .. يعني مافي حاجة اسمها تسلل .. كلو معمول حسابو .. وشغل نجيض :p :) :p

[مكتول مدنى]

اخى سامبا دى حاجة كدة سريعة تيك اوى يعنى لحدى ما اجيك راجع




ما الذي يشغل تفكيرك هذه الأيام بالذات تجاه المنتدى ؟

هل هناك هم كبير تعيشه الآن ؟ كلمنا عنه بتفصيل ودقة اذا امكن

اخي العزيز .. هناك مفردات نطلقها ويطلقها غيرنا .. لبعض الظواهر .. مثل السرقات الأدبية .. ما هو تعريفك لهذا المصطلح ؟
وهل تتفق مع إطلاق ذلك المصطلع لذلك المعنى ( السرقة الأدبية ) ؟؟؟؟؟؟

هل تحتمل ... الكلمة الجميلة ... لفظ السرقة ؟ مثلها مثل كل ماهو مادي في حياتنا !!!

أخي العزيز ..

لا أطيل عليك ... أكتفي بهذا القدر ..

[سواااح]

( لكن بيني بينك كده .. خلاص قربت .. انا هسه في خط ستة )

يعني خلاص بنت الحلال حصلتها ؟؟

وضح .. افصح ...

[sambaaa]

اخى سامبا دى حاجة كدة سريعة تيك اوى يعنى لحدى ما اجيك راجع
ما الذي يشغل تفكيرك هذه الأيام بالذات تجاه المنتدى ؟
هل هناك هم كبير تعيشه الآن ؟ كلمنا عنه بتفصيل ودقة اذا امكن
اخي العزيز .. هناك مفردات نطلقها ويطلقها غيرنا .. لبعض الظواهر .. مثل السرقات الأدبية .. ما هو تعريفك لهذا المصطلح ؟
وهل تتفق مع إطلاق ذلك المصطلع لذلك المعنى ( السرقة الأدبية ) ؟؟؟؟؟؟
هل تحتمل ... الكلمة الجميلة ... لفظ السرقة ؟ مثلها مثل كل ماهو مادي في حياتنا !!!
أخي العزيز ..
لا أطيل عليك ... أكتفي بهذا القدر ..
مكتول مدنى]اخى سامبا دى حاجة كدة سريعة تيك اوى يعنى لحدى ما اجيك راجع
مااااااااقصرت ... ياخي انت الزيك منو .. انت ما انت ياخي ....... :mad:
ما الذي يشغل تفكيرك هذه الأيام بالذات تجاه المنتدى ؟
الكرسي ده ..:confused:
هل هناك هم كبير تعيشه الآن ؟ كلمنا عنه بتفصيل ودقة اذا امكن
بصدق شديد .. نعم ..هناك هم كبير جداً .. وهو القبض عليك حياً .. لأنتقم :mad: :D :mad:
اخي العزيز .. هناك مفردات نطلقها ويطلقها غيرنا .. لبعض الظواهر .. مثل السرقات الأدبية .. ما هو تعريفك لهذا المصطلح ؟
الانتفاع بحق الغير أكيد سرقة .. لكن كوجهة نظر خاصة .. برى التناول الادبي لكل متلقي في حالة تنمية الموهبة ، حق يجب القبول به لمرحلة معينة .
وهل تتفق مع إطلاق ذلك المصطلع لذلك المعنى ( السرقة الأدبية ) ؟؟؟؟؟؟
لا ... في حدود معينة .. وبفهم معين جداً ..
هل تحتمل ... الكلمة الجميلة ... لفظ السرقة ؟ مثلها مثل كل ماهو مادي في حياتنا !!!
لا
أخي العزيز ..
لا أطيل عليك ... أكتفي بهذا القدر
بالله اكتفيت بالجد ؟؟ .. كويس .. تاني ما تجي هنا .. مع السلامة ..:mad: :)

[sambaaa]

يعني خلاص بنت الحلال حصلتها ؟؟
وضح .. افصح ...



كان ليك :p :D :mad: :D :p

[مكتول مدنى]

جيناكم يا حبايبنا
عزيزنا سامبا هاك الكم سؤال ديل لحدى ما نجهز الاسئلة الرئيسية لانها لسة ماجهزت ومعروف القانون بتاع الكرسى الاجابة لازم تكون صريحة وانا لاحظت ان كل عضو سالك سؤال كانت اجابتك عايمة وبتتزاوق لكن ما فى طريقة بعد دة

كيف تفسر الاعتداء علي رسول الله صلي الله عليه وسلم وما هو ردك عليهم إبان ذلك ؟

ما هي ملامح الظلم لديك ...لمن تحس انو في ناس ظالمنك (( علي قوله المثل ظلم الحسن والحسين )) في الحاله دي تعمل

شنو....وما هو احساسك به و كيف يكون؟

الوطن الغالي ما بين البعد عنه والحنين اليه يولد ( الحنين ، الشوق, البكاء) ماذا تقول الان؟

منتدي ودمدني الحلم الذي لم .................

منتدي ودمدني ماذا اعطاك وماذا اخذ منك؟

من الشخصية التي لفتت انتباهك في منتدي ودمدني وتحب دائما متابعه مواضيعها عن قرب؟

اقرب عضو ليك في المنتدى؟

ماذا تعني لك تلك الكلمات ؟ (( التفاهم ...الجدية ... العناد ...الغيرة .... التضحية.... التحدي))

كيف يكون تعبيرك عن الندم؟

حلم يراودك ويأخذ مساحة مستديمة من تفكيرك؟

لحظات الخلوه مع النفس إلى أين ترحل بروحك وكيف تكون معها؟

ما هي حكمتك في الحياة؟

1منية كنت تتمناها وحققتها ؟

حاجة شاغله بالك وليه؟

شخصية تحب الاقتداء بها ؟

صفات تصف بها نفسك؟

لحظة ندمته فيها ؟

مابين الجزيره والرياض ترحال مستمر فماهى رواسب هذا الترحال فى ذاكرتك؟

[سواااح]

كان ليك


يا مكتول ما تشوف لينا حل مع سامبا ؟؟؟؟؟؟؟؟

اي سؤال نسال يكبر ليك اللفة !!!!!!

[الشريف الهندي]

بسم الله الرحمن الرحيم

آه .........بالجد يقيف عندك التعبير بالكلمه والحديث
ولا اعتقد أن الاخوة الكرام قد تركو لنا فرصه للحديث أو السؤال
لكن عني أنا فلا اشعرأني احتاج لأن أسئلك أو أن أعرف عنك أكثر مما عرفت عنك من خلال هذا البوست الرائع
لكن أؤكد أنني عرفت سامبا الرائع حين سمعت صوتك فمن تلك اللحظه وقد رُسمت لك الصورة الباهية منحوتة في الأعماق لم ولن تزول أبدا
ارقد عافيه مع اسهم الحب التي ارسلت ومازالت ترسل اليك عبر المنتدى وهذا البوست الذي حمل بصماتك التي لا تنسى
فلكم سعدت اكثر وأكثر من كل من سعدو بتواجدك هنا بصورتك الزاهية التي ختمت على محياك بالنقاء والصفاء المطلق

( سامبا ) دم لنا صديقاً ومحباً وفياً مدى العمر. وقد سألوك كثيراً عن قمة الألم وكنت تتمنى أن تُسأل عن قمة السعادة فلن أسألك بل سأسأل نفسي وأجيب أني سأسعد كثيراً
بحين أراك وألقاك
كي أؤكد لنفسي أني لن أستطيع النظر إلى أعلى القمم قمتك العالية

دمت لنا بألف خير وعافيه وعساك دائما طيب
ونور الله مجموعة سامبا بوجودك فيها ونورالله منتدانا بحضورك الدائم

فان كان المقام مقام (أسئله وتسخين شديد) فلا أجد الا أن
أسأله الله خير الدعاء لأبويك فقد ولداك لتكون بيننا
ومن هنا التحيه والتقدير لكل من ساهم في هذا البوست الذي تنور بوجود الجميع وتنور باستضافة الملك العظيم (سامبا)
فلم أكتب الكلمات لألمع أو أجامل ولكني أظنك في مقام يحق لي أن أعبر فيه عنك ولك إن تمكنت أن أضيف
وأشكر كثيراً مكتول مدني الذي ساعد كثيراً في خلق هذه اللحظات الجميلة التي سعدنا بها كثيرا رغم إطلالتي المتأخرة
فعذرا لك عذاً


أعجبني كثيرا هذا الرجل الشفاف الرائع الجميل

أخونا الفحل...أخو الاخوان عشا الضيفان... تقابة الضهبان سامبا...
الكرسي بمن عليه ينضح....أقصد البنبر....وأخوك قطع شك ماني ضهبان.... علاّ كراع البقر جيّابه أأبوي....( مش درب البقر ..بعد العولمه)...
وقبّال ما أفك الريق....(بعد العولمه أفك البايظ)...ها زول عليّ الطلاق أنا الريق فكيتو قبيل من نضميك الحلو دا عليّ الطلاق لامن أدشّيت...باع... أرقد أأعيش أنا مدقاقك....كدي النبزق السفّه دي وأجيك راجع....ألكتحيبه بالله عتبتكم عترت لي قرّبت تغتّس حجري....الشي حوشكم حتتو بلاط يعني الخرابه دي أبزقا ليكم وين.....

جمال الماحي


فقد صدق فيما قال


أخونا الفحل...أخو الاخوان عشا الضيفان... تقابة الضهبان سامبا...

وتأكد أني اعيش الان يقلقني البعاد كما القاء
وأموت يقلقني الرحيل كما البقاء
وأظل معلقا مابين شوقك والسماء
وقلبي بين انكسار وانحناء
فدمعي غنى تراتيل الشقاء
كلانا في الهم شركاء
(أنت ببعدك عني وأنا بأمل اللقاء )

أعتقد أن التحية العسكريه شعارتعظيم
( تحيه عسكريه )

[Jamal Elmahi]

تخريمه....بدقداق البحر...
مسدار فوق أخوي الشريف ألهندي.....


أخوي الشريف......
ياتمساح الدميره الكابي فوق القيف....
يا عشا البايتات في عز شتانا خريف...
يا أسد البراري سيد اللجام والسيف....
انتو الاصاله أسياده ودايماَ تتمو الكيف....

جمال الماحي

[الشريف الهندي]

تخريمه....بدقداق البحر...
مسدار فوق أخوي الشريف ألهندي.....
أخوي الشريف......
ياتمساح الدميره الكابي فوق القيف....
يا عشا البايتات في عز شتانا خريف...
يا أسد البراري سيد اللجام والسيف....
انتو الاصاله أسياده ودايماَ تتمو الكيف....

جمال الماحي

لا حوله ولا قوة الا بالله
ياود والماحي أرد عليك أقول شنو ؟
يازول على اليمين موش على الطلاق اتحيرته معاك
يازول انت وين من زمان ؟
يديك ربي ألف عافيه
بكل خجل وحياء اشكرك على كلماتك القلتها فأحملها وسام في صدري بها اتشرف وأتباهى
تحيه وشوق
شوف ياسامبا البوست بتاعك بجيب شنو ؟

[sambaaa]

جيناكم يا حبايبنا

عزيزنا سامبا هاك الكم سؤال ديل لحدى ما نجهز الاسئلة الرئيسية لانها لسة ماجهزت ومعروف القانون بتاع الكرسى الاجابة لازم تكون صريحة وانا لاحظت ان كل عضو سالك سؤال كانت اجابتك عايمة وبتتزاوق لكن ما فى طريقة بعد دة









http://www.mohagr.com/ALFINA_mashhoda.mid

إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">كيف تفسر الاعتداء علي رسول الله صلي الله عليه وسلم وما هو ردك عليهم إبان ذلك ؟ </TD></TR></TBODY></TABLE>
خيبر .. خيبر يا يهود ... جيش محمد سيعود ..
رسولنا الكريم خير البشر .. وهو رحمة للعالمين .. ودونه ارواحنا ..
إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">ما هي ملامح الظلم لديك ...لمن تحس انو في ناس ظالمنك (( علي قوله المثل ظلم الحسن والحسين )) في الحاله دي تعمل شنو....وما هو احساسك به و كيف يكون؟ </TD></TR></TBODY></TABLE>
الظلم مؤلم جدا .. واكيد دعوة المظلوم ليس بينها وبين المولى عز وجل حجاب .. ولكل ظالم بقول ..

إذا دعتك قدرتك على ظلم الناس ..
فتزكر قدرة الله عليك ..
ولكل من ظلمني بقول .. حسبي الله عليك .

إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">الوطن الغالي ما بين البعد عنه والحنين اليه يولد ( الحنين ، الشوق, البكاء) ماذا تقول الان؟ </TD></TR></TBODY></TABLE>
*وطني وان شغلت بالخلد عنه نازعتني اليه بالخلد نفسي .

*بناتك عيونن صفاهن سماى وهيبة رجالك بتسند قفاي .
* القومة ليك يا وطن .
*وللأوطان في دم كل حــــــــــــر ... يد سلفت ودين مستحــــــــق
ومن يسقي ويشرب بالمنايــــــا ... اذا الأحرار لم يًسقوا ويسقوا
ولا يبني الممالك كالضحايــــــا ... ولايدني الحقوق ولا يحـــــــق



إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">منتدي ودمدني الحلم الذي لم ................. </TD></TR></TBODY></TABLE>
منتدى ودمدني الحلم الذي لم ولن يفارقني لحظة واحدة ..
إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">منتدي ودمدني ماذا اعطاك وماذا اخذ منك؟ </TD></TR></TBODY></TABLE>

اعطاني الكثير .. اهمها العلاقات الاجتماعية .. حيث قدم ليك الكثير من الاصدقاء والاخوة والاحباب ...

ولم يأخذ مني شيئ .. ( مجانا ) .. :)



إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">من الشخصية التي لفتت انتباهك في منتدي ودمدني وتحب دائما متابعه مواضيعها عن قرب؟ </TD></TR></TBODY></TABLE>
والله وبكل صراحة .. كل نجوم وعمالقة المنتدى الثقافي ... :)
إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">اقرب عضو ليك في المنتدى؟ </TD></TR></TBODY></TABLE>
تعرف يا امين ... جد كده سؤالك ده .. اكتر سؤال حيرني ووقفت فيهو كتير .. لأنو كل ما افكر في واحد القاهو قريب جدا لي

والنتيجة الطلعت بيها لقيت .. أي عضو اتعاملت معه ... قريب جدا لي ... لكن الغريب عندي إحساس هناك كم واحد ما اتعاملت معهم .. حتى في المشاركات ... لكنهم قراب جدا جدا لي ... ما تستغرب من كلامي ده ( عرفت الاجابة ؟؟ ) :)


إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">ماذا تعني لك تلك الكلمات ؟ (( التفاهم ...الجدية ... العناد ...الغيرة .... التضحية.... التحدي)) </TD></TR></TBODY></TABLE>


التفاهم : صفة إنسانية

الجدية : مفتاح النجاح

العناد : في البنات ( دلال ) وفي الاولاد ( حماقة ) :)

الغيرة : مقياس حقيقي للحب



التضحية : قيمة لا ثمن لها

التحدي : إحترام كبير جدا للذات ..


إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">كيف يكون تعبيرك عن الندم؟ </TD></TR></TBODY></TABLE>

ياريت .. ياريت ياريت ( لوكان حبيبي اباح .. واعلن هواه صراح .. كان القليب ارتاح وانا ليهو كنت مشيت ) .. مرات بعبر كده ..:)
إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">حلم يراودك ويأخذ مساحة مستديمة من تفكيرك؟ </TD></TR></TBODY></TABLE>
والله يا امين انا سبق جاوبتك على السؤال السمح ده .. لكن جد الاستقرار في الوطن ..حلم كبير يراودني ..
إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">لحظات الخلوه مع النفس إلى أين ترحل بروحك وكيف تكون معها؟ </TD></TR></TBODY></TABLE>
هههههههههه .. أحلى سؤال ... حقيقي برحل ليها .. بكون معاها .. بسمع صوتها .. وبسرح في طيفها .. ياخي سؤالك منقة عديل كده .. ياريت تسألو لأخونا .. الشريف الهندي .. ههههههههههه ... كان بكى عديل بدموعه ..ههههههههههههه:)

إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">ما هي حكمتك في الحياة؟ </TD></TR></TBODY></TABLE>
كن جميلا .. ترى الوجود جميلا ..:)
إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">1منية كنت تتمناها وحققتها ؟ </TD></TR></TBODY></TABLE>
تمنيتها كتير جدا يا امين .. عشانها سهرت ليالي وحسبت كل النجوم .. واصبح القمر اعز اصدقائي.. كانت في كل احلامي ..ويقظتي ..إنتظرتها عمري كلو .. وعرفت انها في انتظاري ..:)

إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">حاجة شاغله بالك وليه؟ </TD></TR></TBODY></TABLE>
ههههههههه .. تعرف انك شاغل بالي .. وداير الم فيك عشان افشي غليلي فيك .. للموقف الخاتيني فيهو ده :mad:

إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">شخصية تحب الاقتداء بها ؟ </TD></TR></TBODY></TABLE>

الرسول صلي الله عليه وسلم
إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">صفات تصف بها نفسك؟ </TD></TR></TBODY></TABLE>
ههههههههه ... ههههههههههه ... والله وبكل صراحة .. انا كثير الضحك .. ( لكن اكيد بسبب ) .. وبرضو قلبي حار ونار عديل كده ..:)

إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">لحظة ندمته فيها ؟ </TD></TR></TBODY></TABLE>
إختيار الاغتراب ... بس نقول الحمدلله رب العالمين ..

إقتباس:
<TABLE cellSpacing=0 cellPadding=6 width="100%" border=0><TBODY><TR><TD class=alt2 style="BORDER-RIGHT: 1px inset; BORDER-TOP: 1px inset; BORDER-LEFT: 1px inset; BORDER-BOTTOM: 1px inset">مابين الجزيره وجده ترحال مستمر فماهى رواسب هذا الترحال فى ذاكرتك؟ </TD></TR></TBODY></TABLE>

إصرار قوي باختيار نهاية للغربة ..

[sambaaa]

يا مكتول ما تشوف لينا حل مع سامبا ؟؟؟؟؟؟؟؟

اي سؤال نسال يكبر ليك اللفة !!!!!!

هههههههههههههههه

انت غلبك الحل ولا شنو ؟؟؟؟؟؟ :)

كده كويس انك رفعت الراية البيضاء يا مان ...

بس باقي الجنى الشقي دااااااااااااااااك ... سبب البلاوي دي كلها ... هههههههههه ... وهو عارف نفسه ؟؟ :(

[سواااح]

انت غلبك الحل ولا شنو ؟؟؟؟؟؟

كده كويس انك رفعت الراية البيضاء يا مان ...


ماااااااااااااااااافي حاجة غلبتنا لكن الاجابات الدبلوماسية بتاعتك الشغال لينا بيها دي !!

وعشان تعرف انو لسه مواصلين معاك امسك ده :

1/ ما رايك في لجنة الاشراف الجديدة والتعديل الوزاري الذي تم ؟؟

2/ اهداف اللجنة الاشرافية .. اليوم .. غدا .. المستقبل .. ؟؟

[sambaaa]

بسم الله الرحمن الرحيم



آه .........بالجد يقيف عندك التعبير بالكلمه والحديث
ولا اعتقد أن الاخوة الكرام قد تركو لنا فرصه للحديث أو السؤال
لكن عني أنا فلا اشعرأني احتاج لأن أسئلك أو أن أعرف عنك أكثر مما عرفت عنك من خلال هذا البوست الرائع
لكن أؤكد أنني عرفت سامبا الرائع حين سمعت صوتك فمن تلك اللحظه وقد رُسمت لك الصورة الباهية منحوتة في الأعماق لم ولن تزول أبدا
ارقد عافيه مع اسهم الحب التي ارسلت ومازالت ترسل اليك عبر المنتدى وهذا البوست الذي حمل بصماتك التي لا تنسى
فلكم سعدت اكثر وأكثر من كل من سعدو بتواجدك هنا بصورتك الزاهية التي ختمت على محياك بالنقاء والصفاء المطلق

( سامبا ) دم لنا صديقاً ومحباً وفياً مدى العمر. وقد سألوك كثيراً عن قمة الألم وكنت تتمنى أن تُسأل عن قمة السعادة فلن أسألك بل سأسأل نفسي وأجيب أني سأسعد كثيراً
بحين أراك وألقاك
كي أؤكد لنفسي أني لن أستطيع النظر إلى أعلى القمم قمتك العالية

دمت لنا بألف خير وعافيه وعساك دائما طيب
ونور الله مجموعة سامبا بوجودك فيها ونورالله منتدانا بحضورك الدائم

فان كان المقام مقام (أسئله وتسخين شديد) فلا أجد الا أن
أسأله الله خير الدعاء لأبويك فقد ولداك لتكون بيننا
ومن هنا التحيه والتقدير لكل من ساهم في هذا البوست الذي تنور بوجود الجميع وتنور باستضافة الملك العظيم (سامبا)
فلم أكتب الكلمات لألمع أو أجامل ولكني أظنك في مقام يحق لي أن أعبر فيه عنك ولك إن تمكنت أن أضيف
وأشكر كثيراً مكتول مدني الذي ساعد كثيراً في خلق هذه اللحظات الجميلة التي سعدنا بها كثيرا رغم إطلالتي المتأخرة
فعذرا لك عذاً


أعجبني كثيرا هذا الرجل الشفاف الرائع الجميل
فقد صدق فيما قال

سامبا...

وتأكد أني اعيش الان يقلقني البعاد كما القاء
وأموت يقلقني الرحيل كما البقاء
وأظل معلقا مابين شوقك والسماء
وقلبي بين انكسار وانحناء
فدمعي غنى تراتيل الشقاء
كلانا في الهم شركاء
(أنت ببعدك عني وأنا بأمل اللقاء )

أعتقد أن التحية العسكريه شعارتعظيم
( تحيه عسكريه )






أبداك كيف ؟؟
الشريف .. أنا لا اقوى على التعبير ..
فصاحتي كلها تاهت وسط حروفك .. ومشاعرك الحانية ..
وبين الصمت والدهشة .. وجدتني احدث نفسي .. بأنك رسمت الطريق .. وكتبت بحبر التآخي ..
بعزك رفيق ... لأنك دخلت دواخل فؤادي .. لأنك سكبت مواعين مدادي .. وسكنت هوايا العميق ..
بعزك . . بعزك .. بعزك صديق ..
فلنشعل سويا شموع المودة .. على جسر التواصل ..
وهذه هدية الحروف ليك يا غالي ..
http://9q9q.com/March/1142117490.jpg (http://9q9q.com/)
على صدر هذا البوست الساخن .. وجدت حروف اسمك .. فتوسدتها .. بعد عذااااااااب طويل .. من مكتول مدني
وحركاته ... :)

[sambaaa]

ماااااااااااااااااافي حاجة غلبتنا لكن الاجابات الدبلوماسية بتاعتك الشغال لينا بيها دي !!

وعشان تعرف انو لسه مواصلين معاك امسك ده :

1/ ما رايك في لجنة الاشراف الجديدة والتعديل الوزاري الذي تم ؟؟

2/ اهداف اللجنة الاشرافية .. اليوم .. غدا .. المستقبل .. ؟؟
ماااااااااااااااااافي حاجة غلبتنا لكن الاجابات الدبلوماسية بتاعتك الشغال لينا بيها دي !!
وعشان تعرف انو لسه مواصلين معاك امسك ده :
ههههههههه ... يازول يادبلوماسي انت .. انت جعلي ولا شنو ؟؟ :) :eek:
1/ ما رايك في لجنة الاشراف الجديدة والتعديل الوزاري الذي تم ؟؟
( يا سواح الليلة زكرتني بعهد اللجان المنبثقة ولعبة الكراسي وهلمجرا .. مالك علينا ؟) :p
عبر هذه الحروف نثمن للقيادة العليا جهودها من اجل المضي قدما نحو الأمام .. وذلك بالتخطيط والبحث المستمر عن كيفية تسيير دولاب العمل .. وترتيب البيت الداخلي للمنتدى ..
وعمل لجنة الإشراف الحالية هو امتداد لما بناه السابقون ... وحفظ لصفحة مشرقة من الانجازات وقفت الادارة من خلفها بكل قوة بفضل جهودهم العظيمة ...
فلنكن جميعا معا .. :)
2/ اهداف اللجنة الاشرافية .. اليوم .. غدا .. المستقبل .. ؟؟
سواح .. سيظل دوما الهدف متجدد .. والعهد ممتد ابدا ما حيينا .. أن يتواصل العطاء
متدفقا .. عرفانا لجميلتنا مدني عبر هذا الملتقى .. بالغالي والنفيس .. بارواحنا قبل كل شيئ ..
لقد كان وسيظل المنتدى هوالوعاء الإجتماعى والثقافى لأبناء ود مدنى ، والذى يجمع عقول نيره وطيور مهاجرة همها الوحيد بناء هذا الصرح الذى أصبح ملاذها ..
ومن خلال كل هذه المعاني .. تتولد اهداف ضخمة جدا لا تسع الصفحات لزكرها ..
فتخير لك منها العدد الوفير ..:)
ختاما لك الود يا غالي على مداخلاتك الجميلة .. :)

[ابراهيم]

سامبا .....
ازيك يا راجل يا فنان يا راقي
والله لما ادخل بوستاتك بستمتع بس ما لاقى فرصة انداح ليك مع المشغوليات وكدة
ليك تحية قلبية وردية كما ابداعاتك الرقيقة والراقية
وابقى طيب واعذرني اذ اتيت متأخراً
ومعاً لمزيد من الابداع

[sambaaa]

سامبا .....
ازيك يا راجل يا فنان يا راقي
والله لما ادخل بوستاتك بستمتع بس ما لاقى فرصة انداح ليك مع المشغوليات وكدة
ليك تحية قلبية وردية كما ابداعاتك الرقيقة والراقية
وابقى طيب واعذرني اذ اتيت متأخراً
ومعاً لمزيد من الابداع
الأستاذ القدير .. والأخ العزيز / ابراهيم ..
http://9q9q.com/March/1142128980.bmp (http://9q9q.com/)

سلام كتير وتحية ود واجلال ..

ونشكر لإدارة المنتدى اختيارها الموفق لشخصك مشرفا عاما .. وحاديا للركب ..

خالص دعواتي لك بالتوفيق ..

وربنا يسدد خطاك ..

كما اشكر لك كلماتك الرائعة ... ودمت لنا ..:)
http://9q9q.com/March/1142123947.gif (http://9q9q.com/)

[فاتنة]

الاخ العزيز سامبا
معليش ما عارفين الناس ديل قاصدينك كدة ليه هل انت كنت متعبهم لما كانوا ضيوف الكرسي؟

[سوباوي]

الماتع .. سامبا ...

معذرة لتأخر الحضور.. وبرغمه فقد وصلتني زخات هذا التراشق الجميل بعاطر

المفردات بينك وبين المتداخلين .. حفيا المكان الآن بوجود الجميع .. وأنه لأروع

هطول للأبجدية وهي في أرقى درجات سموها بهذا التسامح الألق وهي ما بين

استفهام وإجابة ..

الآن تتداعى كل أشكال التواصل بداخلي .. لأقف ملوحاً من خلف أبواب

اللغة لهذا الاحتشاد الذي تفوح منه رائحة انتماء عميق وحميمية نقية الوشائج ..

عزيزي سامبا الآن لا أهيئ نفسي لألتحف أسئلتي ولكني آتيك مرتحلاً عبر خاطراً

لك فيه متسع المساحة .. للغربة يا عزيزي منظفاتها الخاصة التي تؤكد بها

لذاتنا أن بأطرافنا بريق ما كان ليكتشف لولا هذا التغرب .. حين يؤكد لنا أننا

مميزين عن كل هذه الشعوب .. وأننا الأفضل بصياغة طبائعنا وتشربها بتفاصيل

لا يفهمها غيرنا . . و الجميع يقر بأنا فينا شيئ مختلف لا يشبههم .. وهذا بريق

أول ..

أننا نخلص ومن ثم نقدس .. ومن ثم نضحي ومن ثم لا يعنينا شيء في هذه

الفانية سوى الصمود على النبيل من المواقف .. وهذا بريق ثاني .. أننا وبفهم

الخباز من أكثر الطين استواءً والفضل لله .. فنسير دوماً في الوسط من جادات

الطرق .. وهذا بريق ثالث .. الصديق سامبا هل أني أصبت فيما قلت أم أنه قد

طغى علي صوت بلادي .

يجوز أن أعود عزيزي سامبا فالدردشة برفقتك ممتعة ..

تحياتي .. وكن بخير بخير أبداً

[admin]

قلتا ليك انزل ياحريف
وقوم من قبيل اقيف
اها جاءك سوباوي الشفيف
ومعاهو ابرهيم المخيف
حسه بدوك اسئلة تقول يالطيف
ديل اساتذة النضمي النضيف
الليله شد حيلك ياخفيف

هههههههههههههههههههههههههههه

[sambaaa]

الاخ العزيز سامبا
معليش ما عارفين الناس ديل قاصدينك كدة ليه هل انت كنت متعبهم لما كانوا ضيوف الكرسي؟
الأخت العزيزة .. فاتنة ..

الغريبة انا والله ما حصل زعلت واحد فيهم ... هههههههههههه ..
و حاولت اتزكر اي موقف معاهم يزعلهم مني ... بس ما لقيت حاجة :confused:
اخيرا قلت امكن تكون دي معزة منهم .. بس هم ما عرفوا طريقة يعبروا بيها .. قاموا عملوا عمايلهم دي :confused:
وإنتي والله ما قصرتي ... دي الأخوة ولا بلاش ..
واوعدك لما تقعدي في الكرسي ده ما اقصر معاك ... لازم ارد ليك جميلك ده والله ... :)

[sambaaa]

الماتع .. سامبا ...

معذرة لتأخر الحضور.. وبرغمه فقد وصلتني زخات هذا التراشق الجميل بعاطر

المفردات بينك وبين المتداخلين .. حفيا المكان الآن بوجود الجميع .. وأنه لأروع

هطول للأبجدية وهي في أرقى درجات سموها بهذا التسامح الألق وهي ما بين

استفهام وإجابة ..

الآن تتداعى كل أشكال التواصل بداخلي .. لأقف ملوحاً من خلف أبواب

اللغة لهذا الاحتشاد الذي تفوح منه رائحة انتماء عميق وحميمية نقية الوشائج ..

عزيزي سامبا الآن لا أهيئ نفسي لألتحف أسئلتي ولكني آتيك مرتحلاً عبر خاطراً

لك فيه متسع المساحة .. للغربة يا عزيزي منظفاتها الخاصة التي تؤكد بها

لذاتنا أن بأطرافنا بريق ما كان ليكتشف لولا هذا التغرب .. حين يؤكد لنا أننا

مميزين عن كل هذه الشعوب .. وأننا الأفضل بصياغة طبائعنا وتشربها بتفاصيل

لا يفهمها غيرنا . . و الجميع يقر بأنا فينا شيئ مختلف لا يشبههم .. وهذا بريق

أول ..

أننا نخلص ومن ثم نقدس .. ومن ثم نضحي ومن ثم لا يعنينا شيء في هذه

الفانية سوى الصمود على النبيل من المواقف .. وهذا بريق ثاني .. أننا وبفهم

الخباز من أكثر الطين استواءً والفضل لله .. فنسير دوماً في الوسط من جادات

الطرق .. وهذا بريق ثالث .. الصديق سامبا هل أني أصبت فيما قلت أم أنه قد

طغى علي صوت بلادي .

يجوز أن أعود عزيزي سامبا فالدردشة برفقتك ممتعة ..

تحياتي .. وكن بخير بخير أبداً
الأخ الصديق ... ساحر الحروف ..
سوباوي ...
تخير وقت مجيئك .. فانت لكل الازمان .. ولكل الامكنة ..
دعني اقتبس لك من ثوابتي اتجاهك ..
فالتحايا تتطاول ..
لكنها لا تطولك ..
اما انا ... فكان لي الليل .. لأتنزه عبر هذه الخاطرة التي ترسمها اليوم هنا ..
تحدثت يا صديقي عن السوداني في بلاد الغربة ..والزيت الأسود ..
وما تجاوزت الحقائق ...
الزووووووول السوداني يحمل كل مازكرت .. تاجاً على رأسه ..
يمشي به مختالاً بين سائر الأجناس ..
هو نفسه محمداحمد .. وعم عبدالرحيم ..
والسمرة لون كرمه وشهامته ..
والصمود وسام على صدره ..
ومافي غيرنا بعرف صيفنا ..
سوباوي ..
أنت اصبت الحقيقة في كبدها ...
وتغنيت هنا بصوت بلادي ..
أجمل صوت .. وأعذب لحن ..
كنت هنا .. وكان هناك بريق لكل ماتسطره ..
لك مني كل المنى ..
وانا في انتظارك .. وفي كل البراحات ... ( إلا الكرسي ده )..:)

[sambaaa]

قلتا ليك انزل ياحريف
وقوم من قبيل اقيف
اها جاءك سوباوي الشفيف
ومعاهو ابرهيم المخيف
حسه بدوك اسئلة تقول يالطيف
ديل اساتذة النضمي النضيف
الليله شد حيلك ياخفيف

هههههههههههههههههههههههههههه


http://9q9q.com/March/1142158104.gif (http://9q9q.com/)http://9q9q.com/March/1142158104.gif (http://9q9q.com/)http://9q9q.com/March/1142158104.gif (http://9q9q.com/)
يا سلالالالالالالالالالالالالام
والله يا ادمن جيتني في الوقت المناااااااااسب جداً ..
حروفك ياغالي كانت مسك ختام حقيقي للمعركة الحامية دي ..
وانشاءالله ضيف الكرسي القادم مفاجأة لكل الأعضاء ..
فقد تم اختياره بدقة ..
بس هو الآن في غرفة العناية المركزة عشان الخبر كان مفاجأة بالنسبة ليهو ..
***********
ولكم مني خالص الود .. والشكر لكل من كنت في ضيافته ... :)


http://9q9q.com/March/1142158104.gif (http://9q9q.com/)http://9q9q.com/March/1142158104.gif (http://9q9q.com/)http://9q9q.com/March/1142158104.gif (http://9q9q.com/)

[عبير مهدي]

اخونا عثمان فرح عثمان سامبا

ذكرت حي احدى مداخلاتك حي الثورة هلا اخبرتنا عن اي منزل تربيت فيه في حي الثورة ودمدني

ولو سمحت ظروفك ممكن صورة خاصة بك

خبرنا عن الحياة في حي الثورة وماوجدته في مايو طرف هل هنالك فرق والحنية طبعا للأول دي ماعاوزه تعليق

[sambaaa]

اخونا عثمان فرح عثمان سامبا

ذكرت حي احدى مداخلاتك حي الثورة هلا اخبرتنا عن اي منزل تربيت فيه في حي الثورة ودمدني

ولو سمحت ظروفك ممكن صورة خاصة بك

خبرنا عن الحياة في حي الثورة وماوجدته في مايو طرف هل هنالك فرق والحنية طبعا للأول دي ماعاوزه تعليق
أختنا ..
عبير ..

حبابك كتير معانا ... مع إنك جيتي متأخرة .. بعد إسدال ستار العرض ..:cool:

إلا أنني أستميح الكرسي العذر ..

للرد على أسئلتك ...

سؤالك الأول :

اي منزل تربيت فيه في حي الثورة ودمدني ؟

أكيد أنا إتربيت في بيتنا ... ( حلوة مش كده ؟ ) :) ..
نحن بيتنا ضمن البيوت التي تحيط بمركز شباب حي الثورة .. جوار منزل كريمة الراحل / ابراهيم الكاشف .

سؤالك التاني :

انشاءالله يا عبير قريب جداً صورتي ستكون مدرجة ضمن صور الأخوان بالمنتدى ...
( بالمناسبة .. انا زاتي داير صورتك ... ههههههههه ) :p :D

سؤالك الثالث :

طبعا ده سؤال رائع جدا ... وعميق ..
الارتباط الوجداني بحي الثورة سيظل مدى حياتي قويا ومتينا جدا .. اصدقاء الطفولة .. هم اخواني ..
وكل بيت بحي الثورة هو بمثابة بيتنا تماما ..
ويمكنك بكل سهولة ان تجديني في كل بيت بالثورة ..
بالنسبة لحي مايوطرف ..
طبعا النضوج كان هناك .. لكن الفرق الوجداني طفيف جداً .. وهذا ما يميز جميلتنا مدني ..
الارتباط الوثيق بين كافة الاسر ... الطباع المميزة لكل ابناء المدينة ..

ده طبعا بإختصار شديد جداً .. :)
الحديث عن مراحل التنشئة ... وما يحيط بها لا ينتهي ..
لذا املي ان تظلي معنا .. يا عبير ..
حتى نتبادل هذه الخواطر .. ونوثق لها عبر هذا الملتقى ..
من اجل الاجيال القادمة ..
ومن اجل ابنائنا ..

لك كل الشكر .. وحقيقي ممكن ده يكون ختام رائع لهذا البوست ..:)

[أبوبكرحامد]

ياسامبا ماتخمنا الإسبوع لسه ماخلص لأنك جلست فى الكرسى من منتصف الإسبوع الماضى ، أضف لذلك أنك شخصية إستثنائية وحباك المولى نعمة حب الناس وتقديرهم لشخصك الكريم ، لذا أقترح على الإدارة أن تمدد الكرسى لإسبوع آخر وأن تكتب على بوستر الفيلم " بناءاً على رغبة الجمهور " وجمهور السامبا ماشاء الله ممتد بطول المعمورة وعرضها .
عموماً سعدنا بردودك الأنيقة وتعرفنا أكثر على شخصك الجميل وسيكون لى معك أحاديث تطول وتطول .

[sambaaa]

ياسامبا ماتخمنا الإسبوع لسه ماخلص لأنك جلست فى الكرسى من منتصف الإسبوع الماضى ، أضف لذلك أنك شخصية إستثنائية وحباك المولى نعمة حب الناس وتقديرهم لشخصك الكريم ، لذا أقترح على الإدارة أن تمدد الكرسى لإسبوع آخر وأن تكتب على بوستر الفيلم " بناءاً على رغبة الجمهور " وجمهور السامبا ماشاء الله ممتد بطول المعمورة وعرضها .
عموماً سعدنا بردودك الأنيقة وتعرفنا أكثر على شخصك الجميل وسيكون لى معك أحاديث تطول وتطول .

هههههههههههههههههههههههههههه

يا ودالناظر ... ( منور الروووووم ) .. ( لك العتبى يا زعيم .. طبعا ده كلام شات و كده .. :) )

بعدين ياخي انت حسابك ده كيف ؟ ... نحن في رمضان وانت لسه في شعبان ..:confused:

ودالماذون ..

والله حروفك وزنها دهب .. وكلماتك كلها شهادات فخرية ...

والإستثناء الوحيد هو .. لو ما كنت انت من مدني .. ( كيف كان حيكون الحال ؟ ) ..

واكيد كلنا حنكون هناك .. في دكانك .. وفي صالون مهيرة ( أهل مدني السمحين ) ..

( بالمناسبة دي .. أفتح لي حساب عندك في الدكان ... وكتر لينا من الطحنية بالذات ) ...:)

وطبعا دكانك الايام الجاية حيشتغل شغل شديد ... عشان ناس صالون مهيرة جايين عليك ..

وحمدتو قال حاجاتك الفي الدكان دي ... ما بتكفي الجماعة ديل ... عشان كده حقو تشوف ليك طريقة

تملأ بيها الرفوف ... الناس ديل جايين جعانيين شديد .. :)

وبالنسبة للكرسي العجيب ده ... الليلة في ضيفة.. حتكون مفاجأة لكل الأعضاء ..

فترقبوا معنا العرض القادم .. وحلقة جديدة من حلقات الكرسي الساخن ... :D

[مكتول مدنى]

بسم الله الرحمن الرحيم

السادة الاعضاء فى ختام كرسينا هذا الاسبوع احب ان اتقدم بالشكر اجزله لضيفنا الزواغ ود الموية (سامبا)
على قبوله الحلول فى ضيافتنا طيلة ثلاثة ايام مضت حاول ان يوهمنا بانها اسبوع كامل

واحب ان اوضح للاخ سامبا انه قد سن سنة سيئة جدا وهى الهروب لمدة يومين ثم الحضور وذلك حتى يتم ايامه بسرعة

والان الخوف من ان يقوم السادة الضيوف الجدد بتقليد سنة سامبا وبالتالى خروج الكرسي الساخن على السياق

الموضوع له كما احب ان انوه ان الشعور العام للسادة الاعضاء ان سامبا راوغ فى كثير من الاسئلة كما انه اجاب عن

البقية بدبلوماسية تتفوق على دبلوماسية السفراء المحترفون ولكن احب ان اوجه للاخ سامبا رسالة صغير( الزمن دوار ولا

بد تانى تجلس فى الكرسى)

[التيمان]

ياحبييبى والله مشقول



وما اتفرقت ليك يامان


لقيت الكرسى بارد ما نحنا مافى


لكن بختم ليك انا


س....


مذا يعنى ليك منتدى ود مدنى


وتسلم



حبايبك التيمان

[sambaaa]

بسم الله الرحمن الرحيم



السادة الاعضاء فى ختام كرسينا هذا الاسبوع احب ان اتقدم بالشكر اجزله لضيفنا الزواغ ود الموية (سامبا)
على قبوله الحلول فى ضيافتنا طيلة ثلاثة ايام مضت حاول ان يوهمنا بانها اسبوع كامل

واحب ان اوضح للاخ سامبا انه قد سن سنة سيئة جدا وهى الهروب لمدة يومين ثم الحضور وذلك حتى يتم ايامه بسرعة

والان الخوف من ان يقوم السادة الضيوف الجدد بتقليد سنة سامبا وبالتالى خروج الكرسي الساخن على السياق

الموضوع له كما احب ان انوه ان الشعور العام للسادة الاعضاء ان سامبا راوغ فى كثير من الاسئلة كما انه اجاب عن

البقية بدبلوماسية تتفوق على دبلوماسية السفراء المحترفون ولكن احب ان اوجه للاخ سامبا رسالة صغير( الزمن دوار ولا

بد تانى تجلس فى الكرسى)

http://9q9q.com/March/1142158189.gif (http://9q9q.com/)http://9q9q.com/March/1142158189.gif (http://9q9q.com/)http://9q9q.com/March/1142158189.gif (http://9q9q.com/)
يا امين والله حساباتك غلط .. كدي انت راجع التقويم الميلادي .. وما تمشي تحسب لينا بتقويم ناس ( شندي فوق ) ;) :D

وتحية خاصة جدا للأخوان التيمان .. ولكل اهلي بشندي فوق ..:)

[sambaaa]

ياحبييبى والله مشقول



وما اتفرقت ليك يامان


لقيت الكرسى بارد ما نحنا مافى


لكن بختم ليك انا


س....


مذا يعنى ليك منتدى ود مدنى


وتسلم



حبايبك التيمان
والله اكتر من حبايب ..

وجد وحشتونا شديد ...

ولو ما كنتو حبايب ما كنت رجعت تاني للكرسي بالسؤال ده ..:mad: ( علي ال.....)

وسؤالكم يا شباب اجابته واضحة جدا ..

انا عندي منتدى مدني بيعني لي التيمااااااااااااااااااان ... وكل الأخوان الأعضاء بدون فرز .. والعاقبة عندكم في المسرات ..:)
منتديات مدني .. يا شباب ستظل بيتنا الكبير كلنا ... والمقولة دي بقت مشهورة شديد ..:)

شكرا ليكم يا تيمان المنتدى ..

وفعلا .. وجودكم .. مسك ختام ... واسدال حقيقي .. لضيافتي بالكرسي العجيب ده :confused:

[محمد احمد]

أخي سامبا في البدء باقة تحية وإخا صادقة وبطاقة إعزاز وحب لشخصك الذي أعطي للكلمة الكثير من جهده وعرقه ودموعه وفي اقصي الظروف واحلكها لتشكلوا لوحة رائعة وعلامة تحول جديد لمنتدانا نحو تعاطف خصب وتلاقي مثمر .
كما لايفوتني ان اقدم لكم اجمل التبريكات واصدق الدعوات بمهامكم الاشرافية الجديدة نسأل الله لكم التوفيق والسداد .
وكعادتي ايضاً اتأسف للتاخير عليكم بسبب ظروفي العملية لكن انشاء الله الجايات كثر والسلام أخوك محمد احمد

[sambaaa]

أخي سامبا في البدء باقة تحية وإخا صادقة وبطاقة إعزاز وحب لشخصك الذي أعطي للكلمة الكثير من جهده وعرقه ودموعه وفي اقصي الظروف واحلكها لتشكلوا لوحة رائعة وعلامة تحول جديد لمنتدانا نحو تعاطف خصب وتلاقي مثمر .
كما لايفوتني ان اقدم لكم اجمل التبريكات واصدق الدعوات بمهامكم الاشرافية الجديدة نسأل الله لكم التوفيق والسداد .
وكعادتي ايضاً اتأسف للتاخير عليكم بسبب ظروفي العملية لكن انشاء الله الجايات كثر والسلام أخوك محمد احمد
الأخ العزيز جدا ..

محمد ..

طبعا انا قرأت كلماتك دي اكتر من مرة واحدة ..

سعدت بها بلا حدود ..

لقيتك وسط الحروف .. جميل حد الجمال ..

لك مني شكري العميق جدا ..

وما غريب عنك هذا الإحساس ...

لأنك مننا وفينا ... ولأنك هنا ...

ساكن معانا في منتديات ودمدني ... بيتنا كلنا ..:)
http://9q9q.com/March/1142519537.gif (http://9q9q.com/)