يامدسوسه فيني .....؟؟؟

[ود بدر]

شايفك مارقة من الجوف ....
طالعة من شفق المغيب ....
وبتلوحى .....
يامدسوسه فيني .....
شايفك واقفة في طل الشمس ...
شعاع بمتدة مني .....
شايفك طالعة من جوة الناس .....
في بسمة فرح .....
مدسوسة بين أحزاني ....
ولابسانى أحزان حالي .....
ياواضحة ......
شايلك معاى .....
ريحة دعاش ...
بتسابقي صوت الرعد ......
وبشتهيك ...
وقتين لمحتك جوه في ضوء البرق
أصلى شايلك معاى مساحات
مطر بجي وبفوت ... ومابروى الأرض ...
ما المطر بتبخر تانى وبتكون فيك ...
وأنا الراجيك ....تطلعى
من ......
الجوف ......
وشفق المغيب ....
ومن طل الشمس ...
ومن جـــوه النــــــاس .....
ياواضحة ....
شايفك ..
ياجايه من آهة تعب .....
سيقانى ..... وراك......
داسانى جواك ....
غيمة حلم ....
متمردة ....
وسط الزحام ....
أطلعى منى ....
ودسي أحزانك فينى ....
وامسكى ....
في شعاع الشمس ....
وارحلى .....
جوه ألوان قزح ....
وإتكونى .... رزاز مطر ....
وأنزلى أغسلى ......
أحزان ..... الناس .....
وإتبخرى تانى.....
شان تتكونى فينى ....
وتبقى كل الناس ....
ياطالعة .....
يامدسوسة .....
ياواضحة .....
شايفك .....
جوه منى .... ؟؟؟؟

لك الله .....

[سواااح]

اخي ودبدر ..

فلنخرج كل ما بدواخلنا

من حب ..

من حنان ..

من مودة ..

لنزع الحب بين الناس ..

دمــــــــــــــت ..

[ناصر الباشا]

الشفيف / ود بدر
اعرفها .....هي تلك البتول التي توسطت كل حياتك

هي تلك النقية التي استطاعت ان تلبس حلل احرفك

التعقيب في حضور الابداع ذهول ، و الذهول هنا

مباح ، لا استطيع ان اخربش في جدار المعاني

و دعني اقول انك مبدع و ليصمت اليراع و لتتحدث

قوافيك ..... و دمت رائعاً ..................................

[ود بدر]

الشفيف / ود بدر
اعرفها .....هي تلك البتول التي توسطت كل حياتك

هي تلك النقية التي استطاعت ان تلبس حلل احرفك

التعقيب في حضور الابداع ذهول ، و الذهول هنا

مباح ، لا استطيع ان اخربش في جدار المعاني

و دعني اقول انك مبدع و ليصمت اليراع و لتتحدث

قوافيك ..... و دمت رائعاً ..................................

باشا ......
يايها الرفيق الذى شاطرنى كل حياتى .....
ياهذا الإنسان الرائع الذى يحمل الأحزان ....
ويلبسها تابوت فرح ....
ويوزعها على جميع الناس .....
دعنى امنى نفسى أمنية ......
أتمنى أن تجد تلك البتول التى تريحك من عناء الترحال ....
والتوجس .....
لاتخف .....
ستنكون بجوارك .....

[ود بدر]

اخي ودبدر ..

فلنخرج كل ما بدواخلنا

من حب ..

من حنان ..

من مودة ..

لنزع الحب بين الناس ..

دمــــــــــــــت ..

الحب والحنان والمودة أنت .......
فدعنى استخرجك من جميع أشيائي
فرحا ً
وحبا ً
وحنانا ً
ومودة ً .....
دعنى ولاتذهب ...
دعنى ولاتبخل .....
دعنى بين حاضرتك .....
وستكون دما ً لحظات إنتماء بدواخى أنت وكل أشئاؤك ...
دمـــــــــــت .

[الشريف الهندي]

لا حوله ولا قوة الا بالله يا ود بدر ده شنو ده لا حوله

ياخي انت تعبان شديد هازول خليك جنبنا دائما بنخفف عليك

رائع ... مبدع ... تحفه بس
كلك ذوق ورقه

[ود بدر]

لا حوله ولا قوة الا بالله يا ود بدر ده شنو ده لا حوله

ياخي انت تعبان شديد هازول خليك جنبنا دائما بنخفف عليك

رائع ... مبدع ... تحفه بس
كلك ذوق ورقه التعب في حدو ذاتو راحة .... وبكون جبنك ولا تشيل هم

[أشرف السر]

ودبدر

ايها الشفيف كما الرذاذ في بلدي

لك الله
لنا الله
وسلمت على تفرد النص عندك

[ود بدر]

ودبدر

ايها الشفيف كما الرذاذ في بلدي

لك الله
لنا الله
وسلمت على تفرد النص عندك

اشرف السر
سلام قدر عدد نجمات الكون والله مفروض أرد ليك من زمان لكن كانت عندى سفرية كدة لحتة فى دول الخليج ( شغل ) وطبعا ً زنقة شينة الله لايوريك ليها .... على كل حال شاكر مرورك ولى عودة تانية ...