أظلم من ظلم

[malak]

أظلم من ظلم


كم شفت من مجهول مصير

وشفت ياما شفت كم

انا شفت ناس ظالمين كثير
بس أنت أظلم من ظلم

انا تانى ما بندم عليك

اصلو الندم بيفيد شنو ؟!

ولمتين انا اترجى فيك

الزيى كان رادك منو ؟!

لكن طباعك يا ضنين

لكن طباعك ما بتلين

جفوة ونفور وعذاب وسنين

وعمرو قلبك ما رحم

انا شفت ناس ظالمين كثير

بس انت اظلم من ظلم

**

يا دنيا ياما فيك ناس

بتقابل الريد بالجفا

يا دنيا ياما فيكى ناس

اتعلمت قل الوفا

ويا دنيا ياما فيكى ياما

وياما فيكى وبس كفى

آه من جفاك .. خليت شنو

انا شان رضاك

يا العمرو قلبك ما رحم

انا شفت ناس ظالمين كثير

بس انت اظلم من ظلم



الشاعر الكبير التجاني حاج موسى

[سواااح]

الراقية .. ملاك ..

دعينا لا نقابل الظلم بظلم ..

ولا الجفاء .. صدودا ..

بل ..

الظلم .. بالغفران ..

والجفاء .. حنانا ..


فلنسامح كل من ظلمنا .. لان من احب يوما .. لا يجب ان يكره ويحقد


واليك مبدعنا الاستاذ محمد وردي في احدي روائعه .. بيني وبينك والايام ..


http://www.sudaneseonline.com/SudaneseMusic/music/MohamedWardi/bainy.mp3

[أبوبكرحامد]

بعد المداخلة الراقية للمبدع سواح لانملك غير محاكاة شهرزاد حين أدركها الصباح :
فسكتت عن الكلام المباح

[سواااح]

مشكور استاذ ابوبكر علي كلماتك الجميلة ..

دمـــــــــــــــت ..

[madaniboy]

تسلمي ملاكي والله يديك العافيه فاقد

[bakri]

تسلمي ملاكي والله يديك العافيه