وينك ما طليتي ليالي .. وكم احلام ..!؟

[عمار بيلي]

محاوله لجمع ما كتب في الزمن الغابر ديوان
(قالت وداع ) ..



ويـــنك
وينك
ما طليتي ليالي
وكم احلام
وينك ما باشرتي حضورك
ولا جاهرني ظهورك
كم ايام
وينك سبتي الزمن الواجف
واقف
شايف في عينيك
النعش الحاضن ريدو
ولابس عمرو ليالي
وكم ايام
وينك كان ماليني اقولك
عن عصفورة الريد الضايعه
في ليل زارتني
ما جافتني
ولا خانتني
بس إلفتني
ليك شالت مني حكاوي
عن الريد الشقّي دروب
وطريق جواي
دروب من ضو
منك وليك
بالحيل ساقتني
وينك كان ماليني اقولك
ساعة تبقي معاي
والازمان يا حلوه
براها تقيف
تاخد من الشوق الباقي قبالتي
اصل الشوق
ومعني الطيف
سر الكون الفي عينيك
مسجون
احلام واغاني
اشواق ونزيف
ايام واماني
ولساتو وريف
وينك كان ماليني اقولك
وكتين يقطع فيني غيابك
يقطع حد السيف
ساعه ابقي براي
ويرجع يعاود من بيناتك
وعد الزيف
كان ماليني اقولك
إلا اظنك نخله
تخاف المطره
وانا ريدي عواصف
همسو خريف

[عمار بيلي]

جـرح الامــــــل



علي وين ..
مطارق همتك راح تنتكي
وعلي وين الليله
حيدور السؤال
ولسه الامل مجروح
والقلب داير في مداهم
شايل صداهم
فترت خطاه
وإنكفي الوجد الصبوح
...
علي وين
الليله حيدور السؤال
وضفاير الدرب القديم
غسلي المطر ..
ودر خطاويك القبيل
تتباهي كيف زمن الوضوح
...
والاغاني إتأسفن ..
راكزات علي جرح الامل
إتماسكن ..
مرقن خبايا الروح
حتي القبيل عرفوا الحنان منك
شوق وإشتها ..
حزموا الولف ..
حقيبة الخاطر أسي ..
وادوه الرياح
ما عاد يلوح
جرحوك عديل ..
خنقوك اسف ..
سرقوك غنا ..
ما عاد يفوح ..
لكن علي بالك
كل الاماني الواعده
واحده
وتمشي الخطاوي ..
تمشي لو في لحظه راعده
تمشي بارده
تمشي لو بي واحده يارده ..
ويعاود القلب الجموح

[عمار بيلي]

عنوان للســـفر




بين المدن الكان زمان
والهسه
الوان من غنا
ما بين عيونك
وسكتي
طار الحمام
فاتت محطات الرجوع
والورده ماتت عندنا
ولسه قصه مزوره
منسيه بين
درب البحر
وطريق رجوع حرف
الغنا
ووقتين بيتغيب فرح
لو تعرفي
بلقاك انا
مرسيه من نغم
الكمنجات
والقطارات
والمطر

لوحه من ريشة صراع
ما اظن تعود
ترضي بإطارك
رغم إنك
لسه لونك
بيه مصبوغ الشراع
...
بين المدن الكان زمان
والهسه
عنوان للسفر
منو الرحيل إبتدع المشي
وانا منهم
شلت الصدق
وما اظني يوم اكذب عليك
من صدقهم

[عمار بيلي]

قــالت وداع





قالت وداع ..
ذادت اسف وجع
الحــروف ..
مصروفي ذاد حزمه
ضيــاع
والدنيا كان عكس الرياح
تجرح .. تشاتر
في المحنات
والعذابات مطرت
دمعات وداع
الليله كيف القي الدروب
انا عديتها غنيتك زمن
عانقت فيها محنتك
ولبست من توبك اريج
وحداني ماسك سكتك
باريها لي اخر شعاع
قالت وداع ..
وانا كنت ماشي عليها
بي اخر وعد
حجاني ازمان في السفر
غسلني بي لون المطر
ياهو كان كان اخر متاع
قالت وداع
وانا كنت في وسط الطريق
فارش ما بيني بينا
الشوق رمال
قـاصد لقاها
شايل من الزكري الكلام
كل الغرام ..

بحلم بالحلم البيحلم
بي صداها
إلاها قالت بس وداع
ذادت اسف وجع
الحروف
مصروفي ذاد حزمة ضياع

[عمار بيلي]

عشانِك إنتِ



عـشانـك إنــت
عشانك .. انتِ
غصبا عني
ياني مفارق
ارحل عنِك
واستني سواقي ظروفي
الجايه ..
تشيل من فيض احزاني
تودي
عشانِك .. انتِ
بفضل حزني جناح
مهاجر ديمه .. وشايل
صبري .. جناحو التاني
يحت في ريح الخوف ..
والوحده
الحزن البلفح جوه مداركي
الواعيه ِبريدك
عشانك ببدا اطفي بدمي الوالع
نار الغيره ..
واقفل الف دروب جواي
للحيره ..
واتحدي ظروف .. ياما شالت
مني الالفه .. وعدت
عشانكِ .. انتِ
ياما كنت نسيم
في نص السكه بلطف
جِـّوك ..
وياما كنت حنين
في مأساتك وساعه غٌلبِك
كنت مداين شوق

عمرانه تهاتي بإسمِك ..
بانه قامتِك .. ولونِك
ونَفَسِك ..
والليله عشانِك
بخزل كل مساحة ريد
جواي
وعشانك ببدا اخون عينيك
في الزمن الجاي
وانسي علي كتفيك
ضفيره عمري اتمدت
عشانِك ..انتِ
غصباً عني ..
ياني مفارق
ارحل عنك
استني سواقي ظروفي
الجايه ..
تشيل من فيض احزاني
تودي

[عمار بيلي]

مشــــــــتاق




مشتاق لهواك مستني
لساتي بصارع ... حِني
لو كان بطلع من جلدي
بس كنت بكونك فيني
ما كنت بسيبك تمشي
من غير ما تكون جاييني
ما كنت بغالط .... دمي
شرياني هواك من حني
ما كان القلب إتأسي
ما كان الريد بعزقني
...
ويا قلبي عيونك وين ؟؟
كاتلني الشوق كاتلني
نديان الهم ماليني
محزون لكني بغني
شقيش الريد سايقني
في دربي النار تحرقني
ولي وين الدرب بودي
غرقني الزول هالكني
...
لو كان بقفاي سافرت
ظالمني علي متجني
لساتي بصارع حني
مشتاق لهواك مستني
لساتي بعاين دربك
شالاه عيوني تمني
راجيك لمتين ما تعود
والفرحه براها تغني

[عمار بيلي]

حنتواعـــــــــــد





حنتـــواعد
علي إنو بس تزكري
من وين إنحن حنبتدي
وتبدا الجراحات تندمل
ويبقي قولك
ما حقيقه مغيبه
علي إنو كيف
زمن المخاوف والمحن
إيدك علي راحتي
وعلي خاطر الاسي
الممدود شقي
نفرش فرح نتوسدوا
ونغني
نغني قصتنا القبيل
نغني اشواقنا .. ومرحنا
تتراقص الغيمات هناك
نغني ويتقالد فرحنا
نغني أنحن برانا
من جوانا
سمح الكلام
اجمل غنا
نغني وإتبادر خواطرنا
الدعاش
حلو القصائد
عينيك وانا
....
حنتواعد
نبدا نعيد ترتيب
الريد الاول
نقلع من بيناتو
الشتل النور حنضل
وكل اراضي الصي والريح
تتحول
فرع بيطرح فينا
ثمار الخطو الباقي
وفضل
ورده وبس
بيها معاني الود تتجمل
والورده اكيد
ما بين عينيك
وبين جواي
اكيد
الورده تقيف تتأمل
...
حنتواعد
ساعة الجرح الغاير فينا
يغازل عصب الجوف
بالوعد النور
نوصل ضل العتمه
وقلب الشوف
نفتح صفحة ريدي
وحلمك
نبدأ نغير نحن ملامح
الزمن الزيف
ويبقي يغني معانا
الليل
النسمه
الطيف
حتي زمان الدرب القاسي
ساعة يبدا يهامس فينا
الشجن
الوحده
الخوف
بنبقي أنحن نشيل
الامل الذاد لي بكره
وبكره عشان الوعد النور
بتلاقي الفرحه
وتلقي القيف
بتلاقي الريد
قدامك دربو
مد عينيك الحانو
وبلقاك الريد
ماليك خريف

[عمار بيلي]

ضل الغيـــــــــاب




انا لسه متعطش
لعينيك .. اعاين
جوه في جواك افتش
عن ليالي قضيتها شاكي
باكي فرحان بالهزيمه
عن ورده سقيتها هم
سكران بريحتك
وإشتياقي
عن أغاني كتير بتحكي
عنك إنت
عني عنك
عني .. إنت
عن غيابك
وإرتحالك
وإشتياقك
وإنتصارك والهزيمه
وانا كلما بنسي الحقيقه
تلقاني بتنفس غيابك
واتزكر خطاك
وقت ترحل تفوت
مع الشمس المسافره
وخوفي بكره
شروق بلاك
ويقبل المدي إشتياقي
قبل خطاك
ويضلل الكون إحتياجي
ونار هواك
وانا لسه فيك
كل التفاصيل البنفسج
ماخده لونك
وضي بهاك
وانا ؟؟؟
انا كلما غافلت خاطري
المشتهيك
بلقاه لسه متعطش
لعينيك
يعاين
سابقني برضو !!؟
جوه في جواك
إفتش
عن ليالي قضيتها
شاكي
باكي فرحان بالهزيمه

[كاظم]

يا الللللللللللللللللله يا عمار ياخي ........
انا احب هذه اللغة
انا أقرأ ...
سأعود
كمل باقي الحاجات
كن بخير

[عمار بيلي]

اهلا وسهلا كاظم

إقرأ ..




إقرأ وقلمك الاجمل ..

[عمار بيلي]

بــحـبــك






عارفه كيف نورك
مبعزق..
في المسامات
والرؤي..؟
ما شفتي كيف
انت وهواجسك
واحتمالات اللقا ..
فاتحين علي
ريده وسهاد ...
غربه وبعاد ...
شارع علي بابهم .. انا
ولا ما عارفه وين
تلقي الدروب ...
الفيها كم خليت
اتر !!
غنيت علي طول الطريق
شديت وتر ..
اسألي الخطوات
كانن معاي ...
شاهدات علي ..
غنوا المطر ..
اسألي النجمات
عارفات هواي...
شافن عيونك
جوه عيني ساعه ..
سهر ..
ولو فاكره عيونك انت
تبارح مني مكانه ..؟
ولا زمانا الفات
روح بي زكرانا !!؟
امانه عليك امانه ..
تسألي كل الكان
في السكه معانا ..
اسألي دربك.. ودقه قلبك ..
عن معنانا.
في كل مكان باين عنوانه
ايوه بحبك ....
وحياه الجرح النازف مني
بحبك ....
وكل ما تذيدي علي قساك
بحبك ....
وكيف من حبك تلقاني
افوت ......
واتمشي براي
كيفن تبدا الخطوه دريبه
معاي ..؟
ايوه وحاتك لسه بحبك ...
مهما الغربه تذيدو شقاي
ولا تحاول تسرق مني هواي ..
ايوه
بحـــبك

[سوباوي]

الوضيء عمار بيلي ...

يا زول أزيك وماكطيب .. لا زلت أقرأ على مهل .. زي النصوص دي يا عمار بتحتاج

قراية عصر بزالف مغيب .. سأتمطقها .. وأعود لك ثانية .. رجائي أن لا تغيب..

تحياتي ....

[مرتضى ساتى]

بيلى ادهشتنا بس شويه شويه علينا
والى الامام بابداعاتك

[سواااح]

اخي عمار ..

لي عودة معك ..

دمـــــــــــــت ،،

[عمار بيلي]

يا زول أزيك وماكطيب .. ..


الحمد الاف الاف




لا زلت أقرأ على مهل

إن طاب لك المقام





زي النصوص دي يا عمار بتحتاج
قراية عصر بزالف مغيب .. سأتمطقها .. وأعود لك ثانية

هي نصوص اكل عليها الدهر فخفت عليها ..
وليكن الحال كما تريد وفي الإنتظار
عانقتك العافيه

[عمار بيلي]

بيلى ادهشتنا بس شويه شويه علينا
والى الامام بابداعاتك

تسلم يا مرتضي ..
الإدهاش هنا في هذه الارض . ارض ود مدني

[عمار بيلي]

اخي عمار ..

لي عودة معك ..

دمـــــــــــــت ،،

الف الف مرحب بيك في هذه الصفحات
ولعلم انها ملك لك منز الان .

[ابراهيم]

تحياتي بيلي

تسجيل حضور فقط

لأنه
وكما قال الصديق سوباوي


دي يا عمار بتحتاج .. قراية عصر بزالف مغيب

[sambaaa]

<CENTER><MARQUEE style="FONT-SIZE: 14pt; BORDER-LEFT-COLOR: #0066ff; BORDER-BOTTOM-COLOR: #0066ff; COLOR: white; BORDER-TOP-STYLE: ridge; BORDER-TOP-COLOR: #0066ff; BORDER-RIGHT-STYLE: ridge; BORDER-LEFT-STYLE: ridge; BORDER-RIGHT-COLOR: #0066ff; BORDER-BOTTOM-STYLE: ridge; TAHOMA: 150%" scrollAmount=3 scrollDelay=100 direction=up width=550 bgColor=#000000 height=200><CENTER>







ويـــنك
وينك
ما طليتي ليالي
وكم احلام
وينك ما باشرتي حضورك
ولا جاهرني ظهورك
كم ايام
وينك سبتي الزمن الواجف
واقف
شايف في عينيك
النعش الحاضن ريدو
ولابس عمرو ليالي
وكم ايام
وينك كان ماليني اقولك
عن عصفورة الريد الضايعه
في ليل زارتني
ما جافتني
ولا خانتني
بس إلفتني
ليك شالت مني حكاوي
عن الريد الشقّي دروب
وطريق جواي
دروب من ضو
منك وليك
بالحيل ساقتني
وينك كان ماليني اقولك
ساعة تبقي معاي
والازمان يا حلوه
براها تقيف
تاخد من الشوق الباقي قبالتي
اصل الشوق
ومعني الطيف
سر الكون الفي عينيك
مسجون
احلام واغاني
اشواق ونزيف
ايام واماني
ولساتو وريف
وينك كان ماليني اقولك
وكتين يقطع فيني غيابك
يقطع حد السيف
ساعه ابقي براي
ويرجع يعاود من بيناتك
وعد الزيف
كان ماليني اقولك
إلا اظنك نخله
تخاف المطره
وانا ريدي عواصف
همسو خريف
جـرح الامــــــل

علي وين ..
مطارق همتك راح تنتكي
وعلي وين الليله
حيدور السؤال
ولسه الامل مجروح
والقلب داير في مداهم
شايل صداهم
فترت خطاه
وإنكفي الوجد الصبوح
...
علي وين
الليله حيدور السؤال
وضفاير الدرب القديم
غسلي المطر ..
ودر خطاويك القبيل
تتباهي كيف زمن الوضوح
...
والاغاني إتأسفن ..
راكزات علي جرح الامل
إتماسكن ..
مرقن خبايا الروح
حتي القبيل عرفوا الحنان منك
شوق وإشتها ..
حزموا الولف ..
حقيبة الخاطر أسي ..
وادوه الرياح
ما عاد يلوح
جرحوك عديل ..
خنقوك اسف ..
سرقوك غنا ..
ما عاد يفوح ..
لكن علي بالك
كل الاماني الواعده
واحده
وتمشي الخطاوي ..
تمشي لو في لحظه راعده
تمشي بارده
تمشي لو بي واحده يارده ..
ويعاود القلب الجموح
عنوان للســـفر

بين المدن الكان زمان
والهسه
الوان من غنا
ما بين عيونك
وسكتي
طار الحمام
فاتت محطات الرجوع
والورده ماتت عندنا
ولسه قصه مزوره
منسيه بين
درب البحر
وطريق رجوع حرف
الغنا
ووقتين بيتغيب فرح
لو تعرفي
بلقاك انا
مرسيه من نغم
الكمنجات
والقطارات
والمطر

لوحه من ريشة صراع
ما اظن تعود
ترضي بإطارك
رغم إنك
لسه لونك
بيه مصبوغ الشراع
...
بين المدن الكان زمان
والهسه
عنوان للسفر
منو الرحيل إبتدع المشي
وانا منهم
شلت الصدق
وما اظني يوم اكذب عليك
من صدقهم
قــالت وداع

قالت وداع ..
ذادت اسف وجع
الحــروف ..
مصروفي ذاد حزمه
ضيــاع
والدنيا كان عكس الرياح
تجرح .. تشاتر
في المحنات
والعذابات مطرت
دمعات وداع
الليله كيف القي الدروب
انا عديتها غنيتك زمن
عانقت فيها محنتك
ولبست من توبك اريج
وحداني ماسك سكتك
باريها لي اخر شعاع
قالت وداع ..
وانا كنت ماشي عليها
بي اخر وعد
حجاني ازمان في السفر
غسلني بي لون المطر
ياهو كان كان اخر متاع
قالت وداع
وانا كنت في وسط الطريق
فارش ما بيني بينا
الشوق رمال
قـاصد لقاها
شايل من الزكري الكلام
كل الغرام ..

بحلم بالحلم البيحلم
بي صداها
إلاها قالت بس وداع
ذادت اسف وجع
الحروف
مصروفي ذاد حزمة ضياع
عشانِك إنتِ

عـشانـك إنــت
عشانك .. انتِ
غصبا عني
ياني مفارق
ارحل عنِك
واستني سواقي ظروفي
الجايه ..
تشيل من فيض احزاني
تودي
عشانِك .. انتِ
بفضل حزني جناح
مهاجر ديمه .. وشايل
صبري .. جناحو التاني
يحت في ريح الخوف ..
والوحده
الحزن البلفح جوه مداركي
الواعيه ِبريدك
عشانك ببدا اطفي بدمي الوالع
نار الغيره ..
واقفل الف دروب جواي
للحيره ..
واتحدي ظروف .. ياما شالت
مني الالفه .. وعدت
عشانكِ .. انتِ
ياما كنت نسيم
في نص السكه بلطف
جِـّوك ..
وياما كنت حنين
في مأساتك وساعه غٌلبِك
كنت مداين شوق

عمرانه تهاتي بإسمِك ..
بانه قامتِك .. ولونِك
ونَفَسِك ..
والليله عشانِك
بخزل كل مساحة ريد
جواي
وعشانك ببدا اخون عينيك
في الزمن الجاي
وانسي علي كتفيك
ضفيره عمري اتمدت
عشانِك ..انتِ
غصباً عني ..
ياني مفارق
ارحل عنك
استني سواقي ظروفي
الجايه ..
تشيل من فيض احزاني
تودي
مشــــــــتاق

مشتاق لهواك مستني
لساتي بصارع ... حِني
لو كان بطلع من جلدي
بس كنت بكونك فيني
ما كنت بسيبك تمشي
من غير ما تكون جاييني
ما كنت بغالط .... دمي
شرياني هواك من حني
ما كان القلب إتأسي
ما كان الريد بعزقني
...
ويا قلبي عيونك وين ؟؟
كاتلني الشوق كاتلني
نديان الهم ماليني
محزون لكني بغني
شقيش الريد سايقني
في دربي النار تحرقني
ولي وين الدرب بودي
غرقني الزول هالكني
...
لو كان بقفاي سافرت
ظالمني علي متجني
لساتي بصارع حني
مشتاق لهواك مستني
لساتي بعاين دربك
شالاه عيوني تمني
راجيك لمتين ما تعود
والفرحه براها تغني
بــحـبــك

عارفه كيف نورك
مبعزق..
في المسامات
والرؤي..؟
ما شفتي كيف
انت وهواجسك
واحتمالات اللقا ..
فاتحين علي
ريده وسهاد ...
غربه وبعاد ...
شارع علي بابهم .. انا
ولا ما عارفه وين
تلقي الدروب ...
الفيها كم خليت
اتر !!
غنيت علي طول الطريق
شديت وتر ..
اسألي الخطوات
كانن معاي ...
شاهدات علي ..
غنوا المطر ..
اسألي النجمات
عارفات هواي...
شافن عيونك
جوه عيني ساعه ..
سهر ..
ولو فاكره عيونك انت
تبارح مني مكانه ..؟
ولا زمانا الفات
روح بي زكرانا !!؟
امانه عليك امانه ..
تسألي كل الكان
في السكه معانا ..
اسألي دربك.. ودقه قلبك ..
عن معنانا.
في كل مكان باين عنوانه
ايوه بحبك ....
وحياه الجرح النازف مني
بحبك ....
وكل ما تذيدي علي قساك
بحبك ....
وكيف من حبك تلقاني
افوت ......
واتمشي براي
كيفن تبدا الخطوه دريبه
معاي ..؟
ايوه وحاتك لسه بحبك ...
مهما الغربه تذيدو شقاي
ولا تحاول تسرق مني هواي ..
ايوه
بحـــبك







</CENTER></MARQUEE>

وينـــــــــــــك يا بيـــــــــــــــــلي ...:) </FONT>
</CENTER>

[اميمه عشريه]

جميل جدا يا عمار ............. جميل

[عمار بيلي]

تحياتي بيلي

تسجيل حضور فقط



اهلاً بالشاعر الانيق ( إبراهيم ) .. علي هذه
الصفحات .. وانت ادري بالخوف علي كلمات
كانت تحكي تأريخ من حياتك .. من التوهان
وسط الزحمة ..

[عمار بيلي]

وينـــــــــــــك يا بيـــــــــــــــــلي ...:) </FONT>
</CENTER>



هو الغياب دون الإردة اخي .. ولك مني اجزل التحايا واخلصها
علي سؤالك وهو حال اهلي ابناء مدني ( الجميلين )

[عمار بيلي]

جميل جدا يا عمار ............. جميل



اهلاً بيك ( شديد ) في صفحاتك ..
والاجمل هو ذلك الإنسان الذي يلحظ اشياء الآخرين
وينعتها بالجمال ..

[عمار بيلي]

زي عيـــــــــونك



لاقيت كتير
انا زي ملامحك
في الاماكن والفجج
زييك كتير
قابلت كم واحدين هناك
بيغالطوا الريد
والحجج
كم وكم من ناس كتير
انا شفتهم
واقفين بلا ساقين
علي طرف السحاب
انا كنت سامع صمتهم
لاقيت كتير
انا زي عيونك
في الشوارع
في البيوتات
في المدن
في الزقاقات
في الرواكيب
في الحزن
انا شفتهم
كمين عيون شايله
اختشي
داخلات علي الشوق
من وري
مارقات علي الخوف القبيل
سواها فيهن
وإنتشي
من غير قصد
قاصدات عيونو
وكل فعايلو الموحشه
فاكرنه ما عرف الحصل
اول زقاق لاقاه كان
سافر مشي
لاقيت كتير .. انا زيهم
بين الوجوه قابلتهم
بين المقاصد والصدف
وقت الدغيش البدري
بينات الغرف
جوه غنوات لابسه كم لون
من وطن
ناقشت فيهم
فكرة إبداع المسي
معني الجراحات والاسي
وسامحتهم
لاقيت كتير انا زيهم
إلا بس
ساعة وليد عينيك
يقاصد فيني دنياك
والحشي
ولمن يقص القلب
درب الريده فيني ..
ويهبشه
برجع بقالد عصبي نارك
من جديد
وعن خطاوي قديمه
مدفونه بخجل
جواي كلي افتشه
لاقيت كتير انا زيهم
لكني بس ما عرفتهم
زي عيونك
كم عيون انا شفتهم
لكني بس ما إلفتهم

[ريم عبد العزيز]

حقيقى اكتر من رائع ياعمار
حتى كلمة روعه بسيطة على كتاباتك

[عمار بيلي]

حقيقى اكتر من رائع ياعمار
حتى كلمة روعه بسيطة على كتاباتك


انت الروعة بعبورك من خلال هذه النافذة
القديمة ..
لكل منا كتاباته الخاصة .. ولكن اقلنا من
يخاف عليها من ضياع ملامح الزكري من
بين جنباتها