الادمن ابوبكر انت الحب

[بابكر]

الاخ الرائع
الاخ المهذب
الاخ الوفى
لك التحيه
هالنى وحز فى نفسى ما قراته فى الايام السابقه من استقالات لا حباء لنا وناس نكن لهم كل الموده فى واحتنا الجميله,,, التى نلجأ اليها كلما ضاقت الدنيا فى اعيننا,,, فنجد من يمسح عنا الاسى 000 نختلس السويعات لمسح همومنا اليوميه,, لنبدأ يوميا جديدا ملىء بالتفائل والامل00000
حتى صرنا نعرف بعضنا معرفه موثقه,, بدون ان يرى بعضنا بعضا 00كنا نبث همومنا لبعضنا,, عبر المنتدى وعبر الهاتف بلا تحرج 00كنا نشكى مشاكلنا لبعضنا البعض,, فى تفرد لايوجد له مثيل فى كل المنتديات,,, بل وليس له مثيل حتى فى الحياة العامه
عندما يغيب احدنا من المنتدى لمدة يومين 000 يتصل به معظم الاعضاء ليسألوا عن سبب غيبته00 ويسألوا عن احواله
نحن نعرف بعضنا 00اسريا 00
نحن نسيج متفرد 000
ماذا حصل لنا ؟؟؟؟؟
انا فى غايه الحيره والاندهاش
بالله 000 بعد كل هذا الحب00
نفترق 00او نسمح لاى فرد منا يفارقنا بهذه السهوله ؟؟؟؟؟
قرأت فى مره من عضو جديد 00يشكو من شللية ناس المنتدى ,,وكيف اذاغاب منهم واحد تجد الجميع يفقدونه وعندما يرجع,,, كل الناس ترد عليه وتسأل عنه لماذا غاب ؟؟؟ واين كان ؟؟
والله لااكتمكم سرا 000 لقد سرنى هذا الكلام لانه يدل على ترابطنا الوثيق وقد قلت فى نفسى 00ان هذا العضو سوف تكون له نفس المعزه ,,وسوف يشعر بمدى حبنا له بمرور الايام
اخى الحبيب ابو بكر
انا لااريد ان اخوض فى التفاصيل فأنت ادرى بها
ارجو 000
ارجو00شاكرا
ارجو00محبالكم جميعا
00بكل مساحات الموده الصادقه و الحب
ان تعالج المشكله
ليرجع ابوروان (ريحانه المنتدى )
لحظة وفاء لانسان خدم المنتدى بكل تجرد00واحد هياكله التنظيميه
والرجل عريس 0000لنجبر بخاطره جميعا
فنحن كالجسد الواحد00 نتألم للآم بعضنا البعض
وانت ياسالى ايتها الغاليه000ارجعى 000فلابد ان تعانق الفراشه الزهره
ولنكن مجتمعا مميزا
مجتمع المحبه والطهر والنقاء
واخيرا 00احبكم جميعا يا اولاد ,,بكل ماتحمل هذه الكلمه من معنى

(((( كن جميلا تر الوجود جميلا ))))) :confused:

[HAMADTO]

اضم صوتي لصوت عمنا بابكر واناشد الاخ العزيز ابوروان والاخت العزيزة سالي بالعوده والانضمام لنا من جديد
ونناشد كل الذين تركونا بالعوده

[sambaaa]

اضم صوتي لصوت عمنا بابكر واناشد الاخ العزيز ابوروان والاخت العزيزة سالي بالعوده والانضمام لنا من جديد
ونناشد كل الذين تركونا بالعوده

وهذا صوتي انا اضمه اليكم ..
وكلنا ثقة في تفهم الاخوان لهذا النداء ..

[admin]

اضم صوتي لصوت عمنا بابكر واناشد الاخ العزيز ابوروان والاخت العزيزة سالي بالعوده والانضمام لنا من جديد
ونناشد كل الذين تركونا بالعوده
وهذا صوتي انا اضمه اليكم ..
وكلنا ثقة في تفهم الاخوان لهذا النداء ..

وابشرك ياعم بابكر بان ابواب منتديات مدني مازالت مفتوحة على مصرعيها ترحب بالجميع

[أبوريلان]

الأخ العزيز بابكر ( الأب الروحى لشباب المنتدى )

سلاماااااات

كلمتك كان لها كبير الأثر فى نفوسنا جميعا ، وليست بغريبة عنكم تلكم الكلمات المعبرة لفقدنا عناصر نكن لها كل الحب والمودة لما تؤديه من عمل ملموس بالمنتدى وبفقدهم تأثر الجميع وتألم المنتدى ، وحتى هذه اللحظة نتوسل لكم بالرجوع لحضن منتداكم وكما ذكر هادى الركب الأخ أبو بكر ( الأدمن ) بأن ابواب منتديات مدني مازالت مفتوحة على مصرعيها ترحب بالجميع - فنرجو أن يكون لتوسلات هؤلاء النفر الأثر الكبير فى نفوسكم حتى ترجع الإبتسامة للمنتدى والمنتديين .

[بابكر]

[[ ايها الاوفياء
لنجعلها لحظة وفاء
لنهب جميعا 000 ونتضامن من اجل عودة الاحباب الاوفياء
كلكم 00000بلا استثناء 000 ]

[خالد هاشم علي]

الأخ العزيز بابكر ( الأب الروحى لشباب المنتدى )

سلاماااااات

كلمتك كان لها كبير الأثر فى نفوسنا جميعا ، وليست بغريبة عنكم تلكم الكلمات المعبرة لفقدنا عناصر نكن لها كل الحب والمودة لما تؤديه من عمل ملموس بالمنتدى وبفقدهم تأثر الجميع وتألم المنتدى ، وحتى هذه اللحظة نتوسل لكم بالرجوع لحضن منتداكم وكما ذكر هادى الركب الأخ أبو بكر ( الأدمن ) بأن ابواب منتديات مدني مازالت مفتوحة على مصرعيها ترحب بالجميع - فنرجو أن يكون لتوسلات هؤلاء النفر الأثر الكبير فى نفوسكم حتى ترجع الإبتسامة للمنتدى والمنتديين .


لما ترجع بالسلامة وترجع أيامنا الجميلة**** ياسنا الروح يامداما وياعواطفنا النبيلة**** تهدي ليلاتنا إبتسامة من زماااااااااااااان بنقول حليلا...يوم رحيلك ياحبيبي شفت كل الكون مسافر *** لا هزار في روضة غنا لا زهر عطر بيادر**** الشهور ياريتها تجري وكل يوم ياريته باكر*** لما ترجع ياربيعي للقليب المشتهيكا** زي عوايدك تحتويني رعشة من الريد إليكا** عيونك الضحاكة تبكي والمشاعر فايضة بيكا**** ياحلاتك ياحبيبي وياحنان الدنيا فيكا.......

ده لسان حال منتديات ودمدني وهي تناجي الاحبة الغايبين وبنقول ليهم (طال علينا فراقكم والله ياغاليين).... ( وهل تاني من عودة وهل باقي لي أمل؟؟؟؟؟؟؟؟) نحن في انتظاركم بس ماتطولوا الغيبة

[عزيز عيسى]

يا جماعة والله آسفين ظروف العمل والدراسة أثرت علينا..
لكن الشوق ليكم شديد.. ودائما علي البال..

ما تفهمونا الحاصل شنو؟!!..

أبوروان الحبيب..
أرجوك ترجع لينا..
انت روح المنتدى..
إنت جمل الشيل..
لا كليت لا مليت..
إنت ياك مننا وفينا..
زولنا وأخونا.. وحبيبنا..
بتتفقدنا وتسأل عننا..
وما بتبخل علينا بأفكارك وإبداعاتك ومجهوداتك..
عارفين إنك إنسان صبور وقلبك طيب..
وما أظن أبدا إنك ترد مناشدة الجميع..
ويا ريت نقدر نوصف ليك احساسنا وشعورنا أثناء غيبتك..
إفتقدناك كثيرا..
وما تنسى أنحنا هنا كلنا من أجل مدني..
ومن أجل مدني كل شيء يهون.
الله يديك العافية.

ويا جمال الماحي عليك الله تعال نظم لينا بيت شعر كارب كدا خليه يرجع لينا الزول دا..

[Jamal Elmahi]

اخى الحبيب ابو بكر
انا لااريد ان اخوض فى التفاصيل فأنت ادرى بها
ارجو 000
ارجو00شاكرا
ارجو00محبالكم جميعا
00بكل مساحات الموده الصادقه و الحب
ان تعالج المشكله
ليرجع ابوروان (ريحانه المنتدى )
لحظة وفاء لانسان خدم المنتدى بكل تجرد00واحد هياكله التنظيميه
والرجل عريس 0000لنجبر بخاطره جميعا
فنحن كالجسد الواحد00 نتألم للآم بعضنا البعض
وانت ياسالى ايتها الغاليه000ارجعى 000فلابد ان تعانق الفراشه الزهره
ولنكن مجتمعا مميزا
مجتمع المحبه والطهر والنقاء
واخيرا 00احبكم جميعا يا اولاد ,,بكل ماتحمل هذه الكلمه من معنى

(((( كن جميلا تر الوجود جميلا ))))) :confused:

أخونا بابكر ..أصيل والله ود أصول...
الاخوه اداره ومشرفين...أخونا الهمام عظيم الشان بابكر عشمو فيكم أكتر من أن تكتفوا بمناشدة أخونا أبوروان والاخت سالي بالرجوع...انتو الكل في الكل البتسدوها وتقدوها ودوركم أكبر من المناشده وهو حل المشكله ان كانت هناك مشكله أو اختلاف في وجهات النظر...فلقد تعدينا مرحلة منتدي وبقينا أسره واحده....فلابد أن يتسع صدر الاداره والمشرفين ليستوعب كل اختلافاتنا ويتحمّل كل هفواتنا بل ويسترضينا بما أوتي من حكمه ودفْ وسماحه...فأرجو الاتصال بالاخوه واسترضائهم ولنبقي أسره واحده نختلق لنجتمع..والنفوس كان اتطايبت العنقريب بشيل ألف...

وبرضو بقول للعريس أبوروان والعزيزه سالي ...نحن بقينا أسره وليس منتدي ...كيفن عاد الزول بستقيل من أسرتو...الرابطنا أكتر من لوائح ونظم اداريه ...الاستقاله ما فينا...زهجتو مننا تمشو وتجونا...العرجه لي مراحا...وسيك سيك معلّق فيك...ونحن ما بنبقي براكم....

ود الماحي

[Jamal Elmahi]

ويا جمال الماحي عليك الله تعال نظم لينا بيت شعر كارب كدا خليه يرجع لينا الزول دا..


الخواجه أبو عيسي ...
والله تب ما قصّرته...اقصّر الملح...وأبوروان ما زولاَ هيّن ...وعليّ الطلاق كان ما جابو كلامك دا يكون اتلوّم فينا لوم الشدر...ونحن أبوروان داخرنو للاكبر من كدا...وكان قصيدتي بتجيب مريسة تامزينو وترجّع أبوروان والله أسوّي فيهو معلقه..لكن كلامك يا ودعيسي بي مية قصيده...وأبوروان بعزك بالحيل وعشمنا في أبوروان تب ما بقع واطه..وبجبر بي خاطرك ياودعيسي أبشر بالخير...
ودا مسدار عشانك ياود عيسي في أبوروان...

أبوروان ياجمل الشيل ويا دخرينا
دابي النقعه البخوجل حارس بوادينا
قمر أربعتاشر من دونو الضلام كاسينا
يامشهادنا قدّام الركب حادينا
من غيرك نتوه ونشتت ويلين عاتينا
مابترضي لينا الهوان يا المننا وفينا
أجبر بخاطرنا وخاطر ابوعيسي الحنين أبولينا
وأرجع تعال رد لينا نور عينينا...

ودالماحي

[صالح ابوشوارب]

شكرا للاخ العزيز والوفى بابكر فنداؤك للابناء محمد ابو روان وسالى نابع من محبتك لهذا البيت الذى جمعنا وكان السبب بعد الله في تعارفنا وانسجامنا حتى وصل الى قمة العلاقات الاجتماعية والزيارات العائلية
فهذا البيت ليس منتدى فقط بل بيت الوالد والوالدة وصالون السمر وملتقى الأصدقاء وسينما الذكريات واستراحة مغترب وديوان الضيوف فكيف يترك الولد والبنت بيت والده ووالدته
ممكن الواحد يزعل ويمشى يقعد في بيت عمه او خاله لكن لازم يرجع للبيت الكبير
ولذلك رجائى مع اخواني يا محمد وسالى ان ترجعوا للبيت فالوالد والوالدة مشغولين عليكم والضيوف في الديوان قاعدين مستنين ما في زول قدم ليهم حاجة . تعالى يا سالى شدى الشاى وتعال يا محمد شيل الشاى من سالى ووديهو للضيفان . ولا انتو اتعلمتو البخل وبيقيتو ما بتكرموا الضيفان
طبعا في ناس حساد ما عايزينكم ترجعوا البيت ذى زمان وعايزنكم تتفرقوا لانهم شايفنكم شعلة تنور البيت لكن في احبابكم منتظرين رجعتكم تعالوا ما تخلو البيت بدون نور
تعالو معانا انشاء الله بدون اشراف ولا وجع راس .
تعالو معانا انشاء الله بدون اشراف ولا وجع راس .
تعالو معانا انشاء الله بدون اشراف ولا وجع راس .
نحن ما بنقول البيت مفتوح ليكم لان البيت مفتوح للضيفان
وانتو اصحاب البيت تعالوا استريحوا في الصالون معانا .
تعالوا نحن في الغربة نخلى المنتدى وطن

وكما قال الشاعر
عودوا فلُقْيَــــــا الأَحِبَةِ غايةٌ
فالعودُ مَفْخَــــرَةٌ والمُلْتَقَى عِيدُ
والجــودُ منْ شِيَمِ الأخْلاقِ مَكرمةٌ
الجمـــعُ مَقْصَـدُنا والعَودُ محمودُ

[الشريف الهندي]

والله ياجماعه بالجد الواحد اطمئن بيناتكم وارتاح ونسأل الله يديم الود بيناتنا



وأضم عشره ألف صوت معاكم

وأناجي بعودت

محمد وسالي

ياسالي كتري السكر في الشاي ويكون خفيف ماتقيل

[محمد احمد]

والله نضم صوتنا بكل صدق لصوت اوفا الاوفياء عمنا بابكر ونناشدكم من علي هذا المنبر أخي ابوروان ونقولك تعلمنا منكم الصدق والصراحة وبجهودكم الصادقة المخلصة جمعتم لنا هذا المنتدي الرائع ليكون لنا البسمة الصادقة في هذا الزمن الغابر والشمعة التي تضيء ظلمات الغربة السحيقة وكنتم لنا كالوطن الذي يلملم جراح ابنائه من الشتات نعم أخي محمد صرنا اخوة كالجسد الواحد ان اشتكي منه محمد ابوروان واختنا سالي ظللنا نحن بقية الاعضاء نتألم ونتألم .
والله بكل صدق أخي محمد ابوروان نحن مع عملك ومستقبلك ومع إطلالتكم بين الحين والاخري والتي هي كالبلسم الشافي لنا
لكن بعد هذا الحب والعناق الرائع ومن دعامة وركن مهم من اركان منتدانا ان يتركنا بهذه البساطه هنالك مليون علامة استفهام
ولن نرضي أخي محمد وأختنا سالي بغير عودتكم للديار وبلمتكم وسط الاحباب .

[الشريف الهندي]

يا ابو روان والله بالجد بعدك حازي في نفوسنا شديد
وكمان انتي ياسالي
ياجماعه الدنيا كلها ساعه
ماتبعدو مننا
وتمسخوعلينا الدنيا
المنتدى بقا وحّدو البفرق علينا وبنلقا فيهو أحبابنا واخوانا وحبايبنا
ما بنقبل يامحمد بعدك مهما كانت ظروف عملك شغلتك أو غيره . ولا انتي كمان ياسالي وبعدين أنحنا ماراجين الشاي الحكايه شنو ؟
ياجماعه فرقة الاحباب نار وعليكم الله خلونا على فرقه الوالدين والاخوان والاهل والبلد
بعد مابقيتو لينا انتو الكل في الكل والاهل والبلد تقومو تخلونا من غير مانفهم . ولاعايزين نفهم بس تعالو نحنا ذنبنا شنو ؟
استقالات مرفوضه رفض شديد وماعندنا استعداد نقبل
أي عذر
يا أبو روان قلت ظروف العمل . كويس طيب قبلنا بس
طال غيابك علينا ياخي طل علينا انشاء الله كل جمعه ياخي
ولو بكلمه بس على الاقل نطمئن عليك
ياسالي موش استقلتي رفضناها وابيناها عديل كده أها تمشي وين ؟ الشاااااااااااااي الشاااااااااااااااااي
يعني علشان تجو نبكي ولا الراي شنو ؟

[اميمه عشريه]

والله يا ابو روان وسالي بحيتو للناس ديل اصواتم ياخي ........ بنكورك لينا زماااااان ارجعووووووووووووووووووووا ارجعواااااااااااااااااااا ارجعوووووووووووا

[مكتول مدنى]

اضم صوتي لصوت عمنا بابكر واناشد الاخ العزيز ابوروان والاخت العزيزة سالي بالعوده والانضمام لنا من جديد
ونناشد كل الذين تركونا بالعوده
عزيزى الشريف الهندى لو ان البكاء سيعيدهم فاكيد اننا سنحيل هذا المنتدى الى حائط مبكى

[الشريف الهندي]

لن نستسلم أبدا
ونتمنى هم كمان يحسو بالمسألة دي ويعبرونا
لو كان عندنا خاطر عندهم