فتاة ..... ناصر الباشا ؟؟؟؟

[ود بدر]

أمسكى انفاسك منى كان تقدري ...
أحبسى خطواتك فينى من المشى ...
وشيلى التباريح والإندياح ....
وأرحلى .....
ارحلى ....
فوق الغمام الزمان كان بظللك ...
أرحلى فوق النفاق ... الكان بيلبسك ...
أرحلى .... فى ندمك وماترجعى ...
أرحلى وخلينى ماسك نزيف جراحى ... وماتفكرى
ماتفكرى أنى يوم برجع ليك ...
وأشيل صورتك تانى من أول ... واكتب فيك...
أرحلى ... وخلى الحبر يرجع ... من مشيك .....
أرحلى ...
أرحلى ياتابوت أحزانى .....
أرحلى ...
أرحلى ياموت إنسان عندي ...
أرحلي ..... وأمرقى ضلك من ضلى
وشيلى تفاصيل حياتك منى وفوتى وماترجعى
أرحلى وأحملى فى حقيبتك
الوعود
والعهود
والحب
والإنتماء
من زول خلاص قنع من الوقوف فى محطاتك ورحل ....
أرحلى فى الزمن وشيلى معاك كفن خطواتك منى ...
شيلوه ريدك من أحلامى ...
أرحلى فى أبعد مسافة ...
لاتتوقفى ... لن تجدينى ...
فأنا فى حياتك بقايا ماء تبخر ....
لاتبحثى عنى ....
فبدواخلى غرور رجل يرفض البقاء ..
يرفض حتى ان يسمع صوتك ...
يرفض كل مداراتك ...
فما عدت ذلك القبضان الذى يقود سفينتك ..
ولم تعد عيناك مرسي لسفينتي ....
ولم تعودى شهيقا ً يدخلنى ...
أرحلى وأحملى على عيناك كفنا ً لخطواتى ..
أرحلى .. لم تعد أنفاسك هى أنفاسي ...
ماعادت صراخات الذكرى تبكيني ...
أرحلى ....
ودعينى ارحل بسلام ....
من ديناك ولا......
تلاحقينى ...

[ناصر الباشا]

الشقيق / ود بدر
نعيتك
من خيالي مسحت اسمك بدموعي و ما بكيتك
دفنتك
في حلم امنية ماضي و نسيتك
لميت ملامحك و كل خيالك من دواخلي و من مشاعري
و مسحت اسمك و كل عنوان لعيونك من دفاتري
و في كل اهاتي البتطلع فيها ترحلي من احاسيسي و مشاعري
سمعتك من صمتك نواح طيفك مسافر من خيالي و مرتحل
و لمحت مصرع حبي في عينيك ممزق و الامل
و شفت في وعدك نهاية القصة من زيف المقل
و شلت من عمرك سنيني الضايعة و امالي و هناي
و شيلي انتي امنياتك و ذكرياتك و حتى صورتك من رؤاي

لك الروعة الشفيف ود بدر و انت كما اعرفك فهكذا الذهب

و انت اغلى ، اعرفك و كفاني هذا شرفاً

[أبوبكرحامد]

ودبدر - ناصر الباشا ............. سلامات وكفى.

[كاظم]

ود بدر وناصر .............
منورين يا باشوات والله
ربنا يحفظكم
لي عودة

[فاتنة]

ود بدر
ود الباشا
التحية لكم و امتعونا بالمغازلة الحلوة دي و حقيقة فتاة بهذه الصفات تستحق النعي

[ود بدر]

ودبدر - ناصر الباشا ............. سلامات وكفى.

أستاذنا الرائع بروعة .......

عنى وعن نفسى الأخرى ود الباشا

جاين ليك من نجيمات .... نورة سطع من بعيد ...
شايلة جواها قصة سفرنا القبيل ...
فتر ...
والوحشة تملأ الطريق ...
ورسمناك كان أنا كان نفسى التانى ( ود الباشا )
جوانا غيم هطل ....

[ود بدر]

ود بدر وناصر .............
منورين يا باشوات والله
ربنا يحفظكم
لي عودة
كاظــــــــــــم

النور ياتو ....
مالنور واحد بجى منك ....
نورك البسطع وسط حروفك ...
وأنتا كمان جوانا متحكر ... ومنور

[ود بدر]

ود بدر
ود الباشا
التحية لكم و امتعونا بالمغازلة الحلوة دي و حقيقة فتاة بهذه الصفات تستحق النعي

فاتــــــــــنة
شكرا ً كتير على مرورك ....
وكان نفسى اجى حفلتك العاملينها ليك ناس المنتدى لكن معليش
أصلو ناصر ماوصل لى كرت دعوه .... وماعارف وزع الكروت دى لى منو