أبجدية للخوف الأخير

[كاظم]

خوفي لما أفوت موهط
في المدارات الحزينة
في المطارات المداخل
والعشيات المدينة
خوفي لمن اخاف عليك ..
لا ألقى باقي الدمعة شانك ..
ولا ألقى في دمي السكينة
وخوفي لما اقول نسيتك ..
لا الدواخل ترضى تنسى ..
لا الخلايا ولا الشرايين الحنينة
وانا ما رفضت المعطى فيك ..
ولا أرتضيت تبقي احتمال
لكني ثابت في البراهين المعاقة
في القوانين المحال .. وفي سراب السكة حل !
وأنا ليه بعاند ..
في الطشاشات الملامحك .. ولسة احساسك جميل
وليه بقالد ..
في النهارات التسامحك ..
وانتي ضلك جاري نيل
وما عليك
يلاك نلعب في الصباحبت الدفا
يلاك نقسم بينا نحن ..
انتي ليا ونحن ليك
وما عليك
خوفي من زحمة فصولك
من عيوناتك ترقرق
من تفاصيلك تغرق قمحة لو نامت حقولك
وأبقى ايه انا في المواعيد البشابن
لسة في صمتي الخزاز
في الطنابير البحابن
للمغنين النشاذ
في المطيرات البجاملن لسة في عرق الحراز
وبخاف عليك حتى من عشق الترابلة ..
من عشبه نامت في الضفاف ..
واتوسدت حلم الرذاذ
وبخاف أجيك ..
رغم انتصارك للرجوع
ما الضو مهرب في انكسارات القزح
والامسيات مدخورة فيك
مليون بطاقة من الفرح
وبخاف عليك خوفي الموهط في المدارات الحزينة
في المطارات المداخل
والعشيات المدينة
لساتو ما انساب الطشاش
والرؤية بينا عقاب حروف
ما تخلي باقي السكة فاضي
خارج مساحات المشي
انا وانتي يا وجع المسافة
ممكن نقيف على وعد جاي
على غيمة في ساعة مخاض
على صحرا ممكن تتمشي
وخوفي لما اجيك اقول
مستباحة السكة بينا
ومستباح وعد الهطول
مستباحة الفكرة فيك
شرخين على وجه الزمن
جرحين على الالفة اللي بينك والفصول
خوفي من لحظة وقوفك في الفيافي
تفتحي للمطر محضر
للعصافير المنافي ولى مواعيدنا الذبول
محزونة تندهي في الفراغ
تترجي في الخاطر السراب
وتحجي في الصمت النبيل
وانا قلت ليك ...
الصحرا ارهاص الرحيل
وجلبت ليك ضي النجيمات العنيدة
وعدت راجع للمواقيت الشتر

وسكنت فيك
وفتحت شارعين في عيونك
وابتديت ازرع دواخلك بالغنا
واحقن مساماتك قصيد
رتبت فيك كل الحكايات المشت
وغرقت في خوفي العليك
خوفي الموهط في المدارات الحزينة
في المطارات المداخل
والعشيات المدينة

[اميمه عشريه]

بس انا خليني اسرح في هذه المشاعر الجميله لا املك الا اعجاب متناه وانت تتبختر ووراؤك الكلمات تركض تستجديك ان تكتبها .. زعيم الكلمه الحلوه في زمن قل فيه الكلام .. بلور انت في ذاك الركن احاسيس صعب علينا ايصالها الي اصحابها وانت بكل هدؤ تغلفها في اوراق الهدايا المزركشه .. اكتب كاظم فكعادتي انا احب ان اتلقي منك كل الادب الرهيف الممزوج بمياه النيل ,,,,,,,,

[سواااح]

الزعيم .. كاظم ..

دعنا نسافر معك دوما

وانت ترسم كل هذا الجمال ..

دمـــــــــــــــت ،،

[أشرف السر]

نص حاولت الابحار فيه، فغرقت بين ثناياه ياكاظم

اعذر حضوري المشوه

فالخوف كامن بين السراب وبين وجودنا الناقص

[zoolfrda]

كـــــاظــــــم

بخاف يا انت لو جيتك الملم فى خطاوى الشوق وازور بيتك - يقولوا على حبيتك واخاف لو برضى غبت عليك تقول ناسيك وجافيتك


دمت لنا

[ناصر الباشا]

الزعيم

ماذا اكتب ؟ مؤكد انني لن اجد شي من الحروف يوفي النص حقه

حقيقة (كاظم) روعة تجعل القارئي يلزم الصمت ، كل الذي اود قوله

نحن دوماً نترقبك لتأتينا بالاروع فينابيع سحرك ما ذالت ممتلئة

بالجمال اكتب و دعنا لا نستفيق من روعة قصيدك،،،،،،،،،،،،

[ود بدر]

أرسمى شخبتى فى مساحة الورق الفاضى .....
وطلعى من جواى صورة الطفل الباكى ...
ما إنت فى رسمك .... ونحتك ....
لوحة جاية ... لوحة بتنحت فينا الغناوى ...
والعصافير البتاتى وريحة دعاش كب غادى ...
أرسمى ... فى عيون الناس الإبتسام ...
وأرحلى جوه الغنيوة البترتع ...
وسط حمامه ... طاشة ...
فقدت .. عش صغارى ..
مع المغارب .. والليله عاصفة بكت فرقت صغارا
ونوحت سحابة مارة ... فوق رسمك لوحة عابرة ... جنت ...
بكت الحنين ... أنين صوت الرعد ... وصراخ البرق ....
فينا صورة ..
لرسمك ....
ونحتك ....
يالوحة جاية ....
وسط أحزان الكتابة

كاظم هكذا تاتى الروعة منك كما عودتنا
فعزرا ً أن أتت محاولتى ليس الا ....
فرحا ً بماتاتى به حروفك ....
كن قريب ولا تبتعد

[كاظم]

اميمة عشرية ..
(بت في عيونك
معاك او بدونك
خوفك عليها يشيلها ويغتغت
فيك ويحتحت .. دواخلك صفق
تنوم تشتهيها
تقوم تلقى فيها منامك صدق )

كوني بخير

[كاظم]

سواح الجميل ...
انا معجب جدا بخفة ردودك واريحيتها .. وحضورك في كل المساحات له طابع اللطف
ابقي دايما قريب يا زول وتقبل ودي

[كاظم]

أشرف السر ..
تحياتي يا رجل .. وطبعا يا ابوالشوش حوامتك في المنتدى تخوف الزول .. خلي مسألة انو انت شاعر جميل قبال ده عندك قدرة على التمييز صعب مجاراتها .. على العموم سعادتي بحضورك اكبر من حدود الخوف ..
ابقى دايما قريب

[كاظم]

زول فردة .. عاطر ودي يا زول .. وامتناني لوقوفك هنا ..
كن بخير

[كاظم]

ناصر الباشا وودبدر .. المبدعين جدا جدا جدا .. اولا حبابكم عشرة .. وتانيا الواحد والله اطمئن انو بلدنا لسة مليانة فنانين .. وتالتا اكتبو واكتبو واكتبو الورق راقد وبسلفكم محبرة
كونوا بخير دائما وجملوا كل الامكنة بحضوركم الزاهي

[فوزيه]

كاظم الزعيم ايها الرقيق بعنفوان ...

يأسرني حرفك المتمرد على كل الطقوس المتعارف عليها ...

يمنحني تذكرة ذهاب مختومة بحرفك الجميل الى مؤاني الحلم في عينيك ..

ويجعل خيالي يتسع حتى حدود الامان ..

ايها الجميل الذي ودعّ الوداعة والنمطية المملة ..

وامتهن القفز فوق ضروب الممكن واللامعقول نهجاً عميقاً...

ايها الجرئ باحترام ..

كون كما تبغي .. مزق قيد الزمان واقطع عرق المكان ..

اترك قلمك ينزف عطراً ويخضب صحاري الجدب التي تحيط بنا ...

[ابراهيم]

من وين نجيب ليك ابجديات للدخول
وانت ابوابك تخجل
من وين نقول
وكيف بنهزم خوفنا من خوفك؟
كيف وإنك كل كلمة كتبتها
داهمت فينا الفصول ..
الهايمة في اعماقنا تايهة
بتفتش كلام يتقال ..
كل ما نحاول نقول ..
ببقى حرف القول خجول
خوفنا لما نقول نقصر
ويبقى وقولنا ما يلحق
...
كاظم ..
دم خائفاً ...
وارجوك ..
دعها ابجدية للخوف الأول
ودعنا .. ترغباً وظمأ لنزفك وفيضانك
يقولون الخوف اضطراب وها أنت تنسج من خوفك سكينة تخللتنا ومتعة تسكننا
والآن دعني أخاف معك
لك مودتي وعذراً إن أتت حروفي مهترئة فقد كانت خائفة

[انة المجروح]

خوفي لما أفوت موهط
في المدارات الحزينة
في المطارات المداخل
والعشيات المدينة
خوفي لمن اخاف عليك ..
لا ألقى باقي الدمعة شانك ..
ولا ألقى في دمي السكينة
وخوفي لما اقول نسيتك ..
لا الدواخل ترضى تنسى ..
لا الخلايا ولا الشرايين الحنينة
وانا ما رفضت المعطى فيك ..
ولا أرتضيت تبقي احتمال
لكني ثابت في البراهين المعاقة
في القوانين المحال .. وفي سراب السكة حل !
وأنا ليه بعاند ..
في الطشاشات الملامحك .. ولسة احساسك جميل
وليه بقالد ..
في النهارات التسامحك ..
وانتي ضلك جاري نيل
وما عليك
يلاك نلعب في الصباحبت الدفا
يلاك نقسم بينا نحن ..
انتي ليا ونحن ليك
وما عليك
خوفي من زحمة فصولك
من عيوناتك ترقرق
من تفاصيلك تغرق قمحة لو نامت حقولك
وأبقى ايه انا في المواعيد البشابن
لسة في صمتي الخزاز
في الطنابير البحابن
للمغنين النشاذ
في المطيرات البجاملن لسة في عرق الحراز
وبخاف عليك حتى من عشق الترابلة ..
من عشبه نامت في الضفاف ..
واتوسدت حلم الرذاذ
وبخاف أجيك ..
رغم انتصارك للرجوع
ما الضو مهرب في انكسارات القزح
والامسيات مدخورة فيك
مليون بطاقة من الفرح
وبخاف عليك خوفي الموهط في المدارات الحزينة
في المطارات المداخل
والعشيات المدينة
لساتو ما انساب الطشاش
والرؤية بينا عقاب حروف
ما تخلي باقي السكة فاضي
خارج مساحات المشي
انا وانتي يا وجع المسافة
ممكن نقيف على وعد جاي
على غيمة في ساعة مخاض
على صحرا ممكن تتمشي
وخوفي لما اجيك اقول
مستباحة السكة بينا
ومستباح وعد الهطول
مستباحة الفكرة فيك
شرخين على وجه الزمن
جرحين على الالفة اللي بينك والفصول
خوفي من لحظة وقوفك في الفيافي
تفتحي للمطر محضر
للعصافير المنافي ولى مواعيدنا الذبول
محزونة تندهي في الفراغ
تترجي في الخاطر السراب
وتحجي في الصمت النبيل
وانا قلت ليك ...
الصحرا ارهاص الرحيل
وجلبت ليك ضي النجيمات العنيدة
وعدت راجع للمواقيت الشتر

وسكنت فيك
وفتحت شارعين في عيونك
وابتديت ازرع دواخلك بالغنا
واحقن مساماتك قصيد
رتبت فيك كل الحكايات المشت
وغرقت في خوفي العليك
خوفي الموهط في المدارات الحزينة
في المطارات المداخل
والعشيات المدينة

0:/ عزيزي جدا/كاظم
1/تحياتي يازول ياجميل
2/اعذرني اذا اتيت متاخرا ومتاخر كتير جدا .
2/عندما سجلت في هذا الموقع الجميل اصطدمت بواحد من اعمالك فاصبح ملازما لي في 0/حلي وترحالي (هزي اليك بقامة الحزن العنيد وصلي في العشيات الارق الخ.
7/حاجة زي كده
3/واعتقد انني ساسطو علي هذا العمل ايضا لكي استمتع به وانا لوحدي كم انت رائع .

[كاظم]

انة المجروح ..
وينك يا زول انت؟ سنة ياخي؟

[انة المجروح]

انة المجروح ..
وينك يا زول انت؟ سنة ياخي؟
عزيزي كاظم
دعني اقتبس لك من عثمان البشري القليل

الليل كِبر حولي وهدا
أوقدت جمر الشوق بنار قلبي الصِدا
وكتبت ليك جوَّابي دا
أقرا السطر تاني وكمان
أقرا الجواب، كُل الجواب، بالشكل دا
قُبَّال تلات ليلات مضت
أسمعلك الباب اتفتح
أتخيلك داخل علي
شن الحصل معقول هو دا
أتخيلك صديت مشيت ياساجي في درب العتامير الخلا
دارك مشيت خليتا من مارُحت ما قالت هلا
الله اليحفظك، اليغتيك، اليَخُم حاسدك بَلاَ

ليك وحشة ياغالي
احترامي