المساعد الشخصي الرقمي

مشاهدة النسخة كاملة : حليوه شديد



saleh farah
27-05-2004, 01:56 AM
للجمال مقاييس قد يختلف عليها الناس ولكن هناك نوعا من الجمال لايختلف عليه حتى اكثر الناس تشاؤما

حليوه شديد وزايده حلا
حتى الزهره بيك تحلا
لما ورودها تتفتح
قصاد عينيك تبين احلا
حروف الريده بيك تزدان
همس الكلمه والتحنان
ووصف الشوق وكت يكتر
وكت تتلامس الاحضان
وصفك انتى يابنيه
عيون مليانه ريد وحنان
يكفى القمره يوم تلقاك
توصى نجومها تستناك
تيجيبى الضي تقاسمو معاك
عشان تتباهى بى رؤياك
اصلو القمره معزوره
تظهر كيف قصاد محياك
انتى سحابه شايله الغيم
رزانه وزوق وطبع سليم
حديثك در عقيدو نظيم
وطرفك منه غار الريم
عقلك راسي ديمه سليم
ليكى ختمنا بالتسليم

aborawan
27-05-2004, 02:08 PM
وعليك ابدا ردي بما ختمت به فى هذه الدرة الفريدة وابدا بالتسليم واحيك ايها الرائع ايها الاستاذ والمعلم صالح فرح ولا عدمنا قلمك وكتاباتك التي استمتع واتلذذ بقراءتها لك من شخصي المتواضع كل التحايا والحب والاحترام واقف في حضورك تواضعا لك تعظيم سلام للمعلم والاستاذ صالح