الهلال والمريخ في الديربي السوداني

[مهند]

يستضيف استاد الهلال في الثامنة من مساء اليوم 23 مارس 2006 الديربي السوداني لقاء القمة بين عملاقي الكرة المريخ والهلال ضمن الاسبوع الرابع لبطولة دوري الكوكا كولا الممتاز برعايه سوداتل في دورته الاولي وتكتسب مباراة اليوم اهميه قصوي والفريقان يخوضان بالاسلوب الافريقي البحت بعد مشاركة المريخ في الكونفدرالية والهلال في رابطة ابطال افريقيا.... ومع اني مريخابي علي السكين.... اتمني الفوز للمدرب الذي يفهم الميدان ويري نقاط الضعف ثم يعالجها باسرع وقت...؟

[sambaaa]

انا زاتي والله بتمنى فوز المريخ ...

شكرا ليك يا مهند ..

[مهند]

ياجماعة دايرين واحد يورينا نتيجة المباراه اول باول ممكن ودا طلب خاص للمقيمين في السودان..زز...؟

[مهند]

ويا سامبا بشكرك علي الاهتمام بالمباره وبرضوربنا ينصرك يامريخ ياتاريخ

[zoolfrda]

النتيجة لحدي هسي
1 / 0 للمريخ جابو جندي نميري والمباراة ليسه باقي فيها 25 دقيقة ربنا يستر ويحافظوا النجوم :)

[مهند]

الله اكبر الله اكبر والف الف مبرووووووووك للشياطين الحمر وياااااااااااارب يحافظو لينا عليهو
قولووو اااميييييييييييييييييييييييييين

[sambaaa]

للأسف والله تعادل 1/1
وتعادل مرير جدا كمان
الهلال عادل في الدقيقتين الاخيرة :confused: :mad: :confused:

[مهند]

نعمل ايه ياسامبا دي القسمة والحمد لله علي ما اراد
وممكن ترسل لي الحركات دي بتعملها كيف علي الخاص

[محمد مصطفي]

السلام عليكم انا الهلال زاتو يخوانه كدي بيصراحه في المباره بتاعت امس دي الهلال لعب احسن والا المريخ بدون اي مجامله الهلال لعب احسن من المريخ ولو كان القون بتاع المريخ ده جابو الهلال اول كان شوفتو الويل لكن حصل العكس والهلال درن واي زول احضر عالم الرياضه الليله عشان اشوف انو كلامي صاح



كبك الهلال

[مهند]

والله يا كبك الهلال انا زاتي ماحضرت الكورة لاسمع ولا شوف لكن حسب تقديري المريخ لعب احسن من الهلال لكن الحظ كان ضدنا

[مكتول مدنى]

والله للاسف الهلال عادل النتيجة كان المفترض يفوز بفارق هدفين على الاقل لكن ارهاق السفر والمباريات الدوليه التى لعبها الهلال كان له الاثر الاكبر ماادى لخروج المباراة بهذه النتيجة المفرحة للاخوة المريخاب الذين يلعبون فى البطوله المحلية

[مهند]

دفع الهلال 15 مليون جنية لتاخير الرحله وفعلا
اخرت الرحلة لان المدرب كان مصر علي اعطا اللعيبة راحه كافية يعني الجماعة ما تعبانين ولا تعملو ارهاق السفر دا سبب...........؟شوفو غيرو

[sambaaa]

يا مكتول يا امين الظاهر عليك انت حضرت مباراة منقولة بالقمر التايلاندي ولا حاجة ذي دي .. لأنو تحليلك للمباراة ما سليم
المريخ لعب احسن كورة في العشرة سنين الآخيرة دي هندسة وفن وحرفنة ..
بس الظروف خانتو ساي ... وقونكم ده بتاع سرقة سااااااااي ...

[بشار]

التحكيم يا اخوانا وبمساعدة مدرب المريخ ساهما فى عودة الهلال للمباراه فى الشوط الثانى وكفايه العملوا سفير الهلال مع الحكم.

[مهند]

التحكيم يا اخوانا وبمساعدة مدرب المريخ ساهما فى عودة الهلال للمباراه فى الشوط الثانى وكفايه العملوا سفير الهلال مع الحكم.

الله قدر ولطف