سواااح
24-03-2006, 10:53 AM
* يا زهيـــرة ..
يا أجمل امُنية
لي ناس مليانة محنة
حاضنة الطيبة ..
يا بسمة ..
يا نسمة ..
يا زاد للعايز جمّة
لمّا تشوفا تقول للدنيا
سيبي الجفوة ...
زهيرة ..
* نفس ريحانة من بعد المطيرة
ريحانة ساكنة ووديعة
ريحانة تشيل الألم والهم ..
تمشي معاك لي أخر السكة
تبقي للأحزان منافي
مطيرة خير ..
تغسل جُوفك
تطهر بدنك
ذي الدعاش وقتين اللمّة
ترجع كل الشالو الزمن القاسي
تمشي أمامك
تبقي دليل
سايقة الألفة رسول ..
* يا عبيرا ..
ماليه الدنيا أفراح ومسرة
يا زهيرة ..
الوقت بينا أتوقف
والفرقة زايدة هجير ..
مالك طولتي الغيبة ؟
مالك قصرتي الخطوة ؟
وحاتك في الحزن غِرقنا
حتى العرق أتصبب
وصار ماضي يعاند فينا
كل يوم يزيدنا آسية
كل يوم يسّد ضوء الشمس
الجاي من عندك .. وإنتي أملنا ..
* يا دفقه الضوء المشتتة في ديار حلتنا نورا
يا راحة الغُبش الحاضنة عذاب
السّاكه سراب ..
تزرع وتحصد فوق أهداب
الغلابة الماشّة وكلها حيرة
في حال الدنيا
الفاقدة القيمة ...
يا زهيرة ..
* يا قميرة ..
يا قمراً طول ليهو سنين
سحاب الحزن دسّه ملامحي
غيوم الفرحة جايه قريب
من جُرح جبين الحقيقة
يا زهيرة ..
يا بنية ..
* ذبتي في مسام الشهقة جوه مكامن الإحساس
شايله الروح .. وماشه بعيد ..
شايله البصر .. وماده الأيد ..
شايله القلب .. والخطوة .. والتنهيد ..
* إتسربتي في أعماقي في أعراقي كما تدخل الأنفاس ...
جيبتي محبة ..
وشلتي مظنة ..
الدم السابح جواي
غرق كل الناس
أتوقف عندك
* بقيتي مدينة في جواي
ناس وبيوت
طرق ودروب
ما إنتي السماء المغطيانا
ما إنتي الأرض الشايلانا
عليها بنمشي سنين
عشان نحصل شفق المغيب
وألقاك هناك منتظرة وقاعدة قريب ....
يا زهيرة ..
* حروفك إنتي سكانها كل الناس
اسمك حروف من نار مليان أسرار ..
من عشق يفتش لي مرسي
عشق أطول من موجه تطارد موجه
من أحلام وأحزان ..
من عواطف كاسية الناس
يا زهيرة ..
يا بنية ..
يا عبيرا ..
يا قميرة ..
اشهِد كل الناس ..
* بحـــــــــبك ... يا شذا الأنفاس ،،
<< ســـــــــــواااح 2006 >>
* أبيات من أخي وصديقي :
ناصر الباشا
يا أجمل امُنية
لي ناس مليانة محنة
حاضنة الطيبة ..
يا بسمة ..
يا نسمة ..
يا زاد للعايز جمّة
لمّا تشوفا تقول للدنيا
سيبي الجفوة ...
زهيرة ..
* نفس ريحانة من بعد المطيرة
ريحانة ساكنة ووديعة
ريحانة تشيل الألم والهم ..
تمشي معاك لي أخر السكة
تبقي للأحزان منافي
مطيرة خير ..
تغسل جُوفك
تطهر بدنك
ذي الدعاش وقتين اللمّة
ترجع كل الشالو الزمن القاسي
تمشي أمامك
تبقي دليل
سايقة الألفة رسول ..
* يا عبيرا ..
ماليه الدنيا أفراح ومسرة
يا زهيرة ..
الوقت بينا أتوقف
والفرقة زايدة هجير ..
مالك طولتي الغيبة ؟
مالك قصرتي الخطوة ؟
وحاتك في الحزن غِرقنا
حتى العرق أتصبب
وصار ماضي يعاند فينا
كل يوم يزيدنا آسية
كل يوم يسّد ضوء الشمس
الجاي من عندك .. وإنتي أملنا ..
* يا دفقه الضوء المشتتة في ديار حلتنا نورا
يا راحة الغُبش الحاضنة عذاب
السّاكه سراب ..
تزرع وتحصد فوق أهداب
الغلابة الماشّة وكلها حيرة
في حال الدنيا
الفاقدة القيمة ...
يا زهيرة ..
* يا قميرة ..
يا قمراً طول ليهو سنين
سحاب الحزن دسّه ملامحي
غيوم الفرحة جايه قريب
من جُرح جبين الحقيقة
يا زهيرة ..
يا بنية ..
* ذبتي في مسام الشهقة جوه مكامن الإحساس
شايله الروح .. وماشه بعيد ..
شايله البصر .. وماده الأيد ..
شايله القلب .. والخطوة .. والتنهيد ..
* إتسربتي في أعماقي في أعراقي كما تدخل الأنفاس ...
جيبتي محبة ..
وشلتي مظنة ..
الدم السابح جواي
غرق كل الناس
أتوقف عندك
* بقيتي مدينة في جواي
ناس وبيوت
طرق ودروب
ما إنتي السماء المغطيانا
ما إنتي الأرض الشايلانا
عليها بنمشي سنين
عشان نحصل شفق المغيب
وألقاك هناك منتظرة وقاعدة قريب ....
يا زهيرة ..
* حروفك إنتي سكانها كل الناس
اسمك حروف من نار مليان أسرار ..
من عشق يفتش لي مرسي
عشق أطول من موجه تطارد موجه
من أحلام وأحزان ..
من عواطف كاسية الناس
يا زهيرة ..
يا بنية ..
يا عبيرا ..
يا قميرة ..
اشهِد كل الناس ..
* بحـــــــــبك ... يا شذا الأنفاس ،،
<< ســـــــــــواااح 2006 >>
* أبيات من أخي وصديقي :
ناصر الباشا