مشاهدة النسخة كاملة : دكان ود الصول
عماد الصادق
15-02-2006, 05:36 AM
يا ودالمأذون صابونة فنيك مابتحل.. وأظنها كمان ما بترغي..
بعد ما تفك الفيني دي.. شوف لي واحد صاحبك يكون عندو محل ساونا...
والصابون المغربي أنا عندي...
وبيني وبينك ده حل وقتي!!!!!!
يعني تاني الريحة ممكن تتطق....
أحسن الحل يكون جذري..
يعني قلع.. أو على الأقل سحب عصب!!!!
ناصر الباشا
15-02-2006, 07:09 AM
اولاً احييك على الفكرة الرائدة التي تنقل فيها اروع ذكريات موروثاتنا السودانية و حقيقة ، جينا و اتحكرنا في الدكان و لقينا الدكان عامر و مليانة كل الرفوف بالاحباب و الاصدقاء ، و استمتعنا بالونسة الحلوة...
سلمت يمينك استاذنا ابو بكر حامد
خالد هاشم علي
15-02-2006, 08:02 AM
]]هااااااااناس هوي... انت ماشفتوا الراجل اللي اسمو ناصر ود الباشا ده جاء بي عندكم وسلم عليكم... نان لي شنو مابتردو عليهو السلام... يعني عشان جاكم بي كرعينو وماجاكم راكب ليلي علوي ...ماقمتوا تسلموا عليهو وعملتوا مشغولين بالونسة... أها انا بالنيابة عنكم بقول ليهو : حبابك عشرة بلا كشرة ياود الباشا ويمين نورتنا اكتر من نورنا بتاع الرتينة ده... تعال اقعد بي هنا جنب الخواجة عزيز وعمك ود ابو شوارب عشان كان قعدت جنب ناس ود الماذون وناس الدكان ديل بقولوا ليك عشان انت ود باشا عليك الله اشتري لينا لمبات (وجنا تير)... وفعلا يأخي ناصر زيارتك للدكان هي بمثابة النور والألق والدينمو الذي سوف يدعم حركة الضوء والشعاع الذي ينبعث من دكان ود الصول لينير لنا عتمة الليالي... فمرحبا بك
ناصر الباشا
15-02-2006, 11:16 AM
ابو هاشم الزول السوداني الاصيل
ما خليت لي حاجة اقولها ، لكن انا فعلاً ( باشا) لاني الان بين حاشية (الملوك )و انتوا ما محتاجين رتاين و لا جناتير نوركم مالي كل افاق الدنيا ، وونستكم الحلوة ، نورت لينا عتمة ليالي الغربة، و حقيقة الدكان لمتو حلوة رجاء مني ان لا تجعلوا الشغل فيه دوام واحد عشان نكون معاكم اطول فترة ممكنة ،،،
و شكراً ليك ابو هاشم على (كباية الكركدي) الحلوة
مع حبي
أبوبكرحامد
15-02-2006, 11:57 PM
لك منا كل الحب ياباشا ، تشرف الدكان بمروركم البهى ، لامانع لدينا من فتح الدكان دوامين والدوام لله وهو " كفيلنا "المتصف بالعدل والإنصاف.
الزبير محمد عبدالفضيل
20-02-2006, 03:52 AM
الشكر ليك ودالماذون علي هذا الاتحاف والي جميع شلة الدكان لك التحيه والود
أبوبكرحامد
20-02-2006, 08:30 PM
بى زيارتك بيتنا نور سعادة السفير ، زمان كان فى اغنية بنات بتقول :
الدبلوماسى طلبو قاسى
ونحن بنقول ليك :
حبابك فى الدكان ................ ياود بانت الدوران
عمك تنقو
21-02-2006, 07:11 AM
حكمة الله يا أبوبكر اليومين ديل مشتهي لي
كبكي وترمس من طبليات مدني في السوق الكبير
عبدو الفلاتي في حلة محجوب جنوب مدني ملاصقة لطريق سنار مدني حلة عشوائية
فالوا عبدو قال لي جكسو ( حوا )
حوا عليك الله لما تسمعي بيب بيب بيب اطلعي لي سريع
حوا قالت ليهو اشتريت عربية يا عبدو ؟
قال ليها لا ياحوا
دي صفارة
بعد غربة وشوق جيناكم يا حبابينا !
أبوبكرحامد
21-02-2006, 09:15 PM
ونحن بنقول لى حوة زغردى عشان عمنا تنقو رجع لينا بالسلامة.
أبوبكرحامد
22-02-2006, 09:04 PM
الجابك ياعمك تنقو إجيب الباقين ، ناس عزيز وبقية أعضاء مجلس الشيوخ!!
عمك تنقو
22-02-2006, 09:29 PM
وهذه دعوه للعزيز ( عزيز )
بالعودة ومدني في انتظارك
ضياء الدين احمد
09-03-2006, 04:56 AM
سلام جاكم اناس الدكان علكم طيبين ومتساسفين عشان اتأخرت في تسديد الديون لكن من هنا وجاي ياني في سباتتكم
HAMADTO
10-03-2006, 12:04 PM
اهلا وسهلا ضياء الدين نورت الدكان .. والديون ما تخاف ودالمأذون سددها وعاوزك تسددها ليهو كلام زين وحكاوي سمحه ..
اها احنا الايام دي ملمومين في الدكان ومنتظرين ونستك وكلامك السمح الداك ... بس ما تطول الغيبة تاني
سلام عليكم يا ناس الدكان ازيكم انشاء الله دكانكم ملان ويا حبذا الاخوان المقيمين بودمدنى ادونا يومى اخبارها بصوره مسرحيه او فكاهيه واعيشونا معهم بمدنى.
أبوبكرحامد
11-03-2006, 03:53 AM
اهلا وسهلا ضياء الدين نورت الدكان .. والديون ما تخاف ودالمأذون سددها وعاوزك تسددها ليهو كلام زين وحكاوي سمحه ..
اها احنا الايام دي ملمومين في الدكان ومنتظرين ونستك وكلامك السمح الداك ... بس ما تطول الغيبة تاني
اها على الطلاق كلام كبيرنا حمدتو انا موافق عليهو ، تعال ادينا كلام سمح وخلينا نشوفك ونبل الشوق
أبوبكرحامد
11-03-2006, 03:56 AM
أها ياناس الدكان اكتسح التسجيلات وجاب ليكم وكيل نيابة " مولانا بشار أبو دجانة " وهو السكرتير الأسبق لسيد الأتيام ، أها يعنى العندو ضمانة داير اصدقا إجينا الدكان وكان فى رسوم نحنا بندفعا كمان ، رايكم شنو ؟
ضياء الدين احمد
11-03-2006, 05:04 AM
والله ماقصرتوا معاي ياحمدتو ود الماذون مادام الديون اتسددت النتكل لي سفه واتوهط البرش ده واديني ياود الخرطوش ده النرش الواطه دي اكان تبرد شويه
أبوبكرحامد
11-03-2006, 08:49 PM
الواطة ياضياء أخوى بردت من ما اتوهطت انت فيها ، دحين ورينا اخبار الشعر شنو ، وقصيدة الصيدلة ماخلاص قربوا افرجوا عنها ، ولا هى معتقلة فى سجن غوانتنامو - والسمحين بوداعة الله ناموا .... أكمل
sambaaa
12-03-2006, 06:33 PM
كو .. كو ... كو
عندكم طحنية ؟
حليل ايام النيابه والضمانه فى الغربه محتاجين للى يضمنا . والله جد مشتاقين لمدنى ولساهرون والنادى الاهلى وكل ناسه والقعده مع جنى وجعفوره والعجلاتى والتمساح وموسى وشلة الشيشه والوست وجعفر برى وعبود واسرة النيابه والفضائيه والاذاعه واهل مدنى عموما
أبوبكرحامد
13-03-2006, 01:40 AM
كو .. كو ... كو
عندكم طحنية ؟
عندنا طحنية وعندنا عسل جديد ماركة " سامبا "
أبوبكرحامد
13-03-2006, 01:44 AM
مولانا بشار ......... الدكان ده محاولة لاستعادة الذكريات ، وفى موضوع اسمو مشاهد بتلقى فيهو الشوارع والحوارى بأنفاسها العطرة أرجو أن تسهم معنا فى التوثيق لمدنى وأحياءها وأسواقها .
همسة : بطل الجرسة ياحلبى انتا رجعت من السودان قبل أقل من شهر وجبت الأولاد معاك تانى الجرسة فى شنو ؟
HAMADTO
13-03-2006, 01:56 AM
مولانا بشار أبو دجانة
اهلا وسهلا بك في دكان ودالصول ... والله يا مولانا كلنا الغربة فرمتنا واشتقنا لي مدني وناس مدني
تعرف المصبرنا المنتدى ده ودكان ودالصول ... حبابك عشرة في الدكان وفي انتظار حكوتين تلاتة على الايام الجميلة في النيابة والطرائف المرة عليك
http://www.asmilies.com/smiliespic/psmilie/017.gif (http://www.asmilies.com) http://www.asmilies.com/smiliespic/psmilie/018.gif (http://www.asmilies.com)
العريس ضياء الدين
شنو يا اخي انت كل ما يجيبوا ليك سيرة قصيدة الصيدلة تكب الزوقة ...
يا حبيب احسن تقولها ليهم قبل ما انزلها ليهم انا
http://www.asmilies.com/smiliespic/psmilie/019.gif (http://www.asmilies.com) http://www.asmilies.com/smiliespic/psmilie/016.gif (http://www.asmilies.com)
sambaaa
هو يا سامبا من ما أجر ود الماذون الدكان من ود الصول غير الطحنية والسكر والشاي وقدرة الفول دي ود المأذون قاعد نزل بضاعة للدكان شنو ...
ومعاهو حقا طبعا زبائن مافي .. البضاعة يجيبها لي شنو ...
أبوبكرحامد
13-03-2006, 03:51 AM
والله على رأى المصريين " الكبير كبير " وانت ياحمدتو كبيرنا ونبيلنا عشان كده ماتحرمنا من الشوفة ، انا من جانبى بجرجر ليك بشار وبخليهو اواظب على الدكان ، وانت عليك تجيب ضياء والحلبى دنى ممكن تشرك ليهو بى كبدة ابل ، وكان جبت لينا قصيدة ناس الصيدلة ليك على هدية كبيرة جدا ، بعدين ياخى الأمارات ماشاء الله ملانة بى شباب مدنى ناس معتز ومعز ميرغنى مدنى وحاتم والواثق أولاد شيخ النيل وغيرهم كتيرين ياريت لو تنشطهم شوية عشان اشيلوا معانا شيلة المنتدى دا .
Jamal Elmahi
13-03-2006, 08:12 AM
ناس الدكان ..سلام عليكم أأناس...اللمّه لمّتكم ولاّ بلاش....
الغاشي والماشي مرحبين بيو...يعني بي قلباَ قوي أقعد أفك الريق كان نعيميّه كان تقليّه ...وأفك البايظ بي عشرة وست حاره ...وأفك البيرق بعد داك أشوف مواصلات العريباب بي وين...النعمنو عندي حمارةَ رايحه معاها دحيشه خدرا وصفوهن لي هناك...
جمال الماحي
فدوى الحسن
13-03-2006, 12:14 PM
جيت مارة بي عندكم قلت اسلم عليكم لعلكم طيبين انشاء الله
سلااااااامات للكل
ابراهيم
13-03-2006, 04:02 PM
يا ناس الدكان سلامات ومشتاقين
وجيناكم يا حبايبنا
بعد غربة وشوق
نغالب فيهو ويغالبنا
بمشي وبجيكم
أبوبكرحامد
13-03-2006, 10:57 PM
ناس الدكان ..سلام عليكم أأناس...اللمّه لمّتكم ولاّ بلاش....
الغاشي والماشي مرحبين بيو...يعني بي قلباَ قوي أقعد أفك الريق كان نعيميّه كان تقليّه ...وأفك البايظ بي عشرة وست حاره ...وأفك البيرق بعد داك أشوف مواصلات العريباب بي وين...النعمنو عندي حمارةَ رايحه معاها دحيشه خدرا وصفوهن لي هناك...
جمال الماحي
حباب ود الماحى الكلس ، الدكان بى جيتك منور ، التقلية ماهى كفايى ادخل لاجوا النضبحلك العتايى ، مسعول من الخير عزيز ولد عيسى خبارو قاطع الحومة ، ولاظنيتو رجعوا لو " التاكس ريتيرن " ، وساويلو بيهو عزومة - بلغ سلامنا لى كل الهناك قولهم شوقنا ليكم بدورلو محاية وعزومة .
أبوبكرحامد
13-03-2006, 11:06 PM
جيت مارة بي عندكم قلت اسلم عليكم لعلكم طيبين انشاء الله
سلااااااامات للكل
اهلاً حباب بت الحسن
خابرك حبوبتك مرسلاك فى شان البن
اها قوليلا المرة دى بننا سمح بالحيل - بيعدل الميل ومابدورلو قرنجان وهيل
سلامى لى خالك الرشيد قوليلو رسل الريال - انشاء الله ريال مدريد البقى ارخص من الدينار ..... ياساتر الحال ..... ولدنا ايتو تنجيهو من العزال
أبوبكرحامد
13-03-2006, 11:12 PM
يا ناس الدكان سلامات ومشتاقين
وجيناكم يا حبايبنا
بعد غربة وشوق
نغالب فيهو ويغالبنا
بمشي وبجيكم
أبو خليل :
عازة فى هواك
ونحن فى رجاك
افتخر الإشراف
يوم بى عمومو حواك
لى خير المنتدى
إحفظك مولاك
عزيز عيسى
14-03-2006, 05:46 AM
أهل الدكان الحلوين سلامات يا شباب.
الواحد يغيب فترة يرجع يلقى نفسه بقى مشرف فخري.. أنا غايتو المرة الجاية عايز أغيب برضو لفترة وحأجيكم بارم شواربي (زي ودأبوشوارب) وما حأقبل غير لقب (باشا) زي أخوي ناصر الباشا.. ولو ما عندنا عمدة (زي عماد الصادق) كان برضو طلبت اللقب..
وكتر خيركم ودالمأذون وجمال ودالماحي علي السعال.
أنا دحين جيت ماري شايل قفتي وماشي علي زنك الخضار قلت أسلم عليكم من بعيد.. بس خلوني أخد شوية نفس.. وبرجع ليكم صادي تاني.
أقعدوا عافية يا حلوين.
Jamal Elmahi
14-03-2006, 05:54 AM
حباب ود الماحى الكلس ، الدكان بى جيتك منور ، التقلية ماهى كفايى ادخل لاجوا النضبحلك العتايى ، مسعول من الخير عزيز ولد عيسى خبارو قاطع الحومة ، ولاظنيتو رجعوا لو " التاكس ريتيرن " ، وساويلو بيهو عزومة - بلغ سلامنا لى كل الهناك قولهم شوقنا ليكم بدورلو محاية وعزومة .
حباب الخزين ...حباب ودالماذون...حبابكم يا العزيز تيرابكم...
انتو أأناس البندر دحين بتعرفو تنفخو الفشفاش...ها أأزول عتودكم الضبحتو لي دا بسوي مرارتو براي ...بس انتا طلّع لي أبغازيه....هازول ما بتعرف أبغازيه....أفو أأود الماذون...أبغازيه ما ياهو المصران اللخدر داك...أأي أأبوي أبغازيه دا أمصرو تب في الفشفاش وأنفخو لامن يقيف حيح..والكرشه ما تغسلا بالحيل عشان طعما ما يروح...
أما ود عيسي ما سعلت منك شينه أأبوي...وياها دي المحريه فيك...وانا عزمتو علي عتودي دا وهسع بجيكم...وظنيتو كتّر جرورتو من الدكان وكان راجي السايبه القلتها دي في شان يخلّسكم حقكم...ود عيسي فنجري وما ظنيتو ياكل مرارتنا دي دحين عكرولو قرين....كدي النبزق سفتي دي ما أنفخا ليكم في الفشفاش....
جمال الماحي
مهيرة
14-03-2006, 07:05 AM
يا ناس الدكان سلامات ومشتاقين
وجيناكم يا حبايبنا
بعد غربة وشوق
نغالب فيهو ويغالبنا
بمشي وبجيكم
ما قصرت يا ابراهيم
وياربي في الجيه في شنو :D
مهيرة
14-03-2006, 07:08 AM
أهل الدكان الحلوين سلامات يا شباب.
الواحد يغيب فترة يرجع يلقى نفسه بقى مشرف فخري.. أنا غايتو المرة الجاية عايز أغيب برضو لفترة وحأجيكم بارم شواربي (زي ودأبوشوارب) وما حأقبل غير لقب (باشا) زي أخوي ناصر الباشا.. ولو ما عندنا عمدة (زي عماد الصادق) كان برضو طلبت اللقب..
وكتر خيركم ودالمأذون وجمال ودالماحي علي السعال.
أنا دحين جيت ماري شايل قفتي وماشي علي زنك الخضار قلت أسلم عليكم من بعيد.. بس خلوني أخد شوية نفس.. وبرجع ليكم صادي تاني.
أقعدوا عافية يا حلوين.
وانت شفت حاجة يا عزيزنا
ماشفت ود الماذون صرفو ليهو لاندروفر جديد من الورقة
ونقلوا بركات مع صرايا ترقية الي المدنيات
مهيرة
14-03-2006, 07:14 AM
حباب الخزين ...حباب ودالماذون...حبابكم يا العزيز تيرابكم...
انتو أأناس البندر دحين بتعرفو تنفخو الفشفاش...ها أأزول عتودكم الضبحتو لي دا بسوي مرارتو براي ...بس انتا طلّع لي أبغازيه....هازول ما بتعرف أبغازيه....أفو أأود الماذون...أبغازيه ما ياهو المصران اللخدر داك...أأي أأبوي أبغازيه دا أمصرو تب في الفشفاش وأنفخو لامن يقيف حيح..والكرشه ما تغسلا بالحيل عشان طعما ما يروح...
أما ود عيسي ما سعلت منك شينه أأبوي...وياها دي المحريه فيك...وانا عزمتو علي عتودي دا وهسع بجيكم...وظنيتو كتّر جرورتو من الدكان وكان راجي السايبه القلتها دي في شان يخلّسكم حقكم...ود عيسي فنجري وما ظنيتو ياكل مرارتنا دي دحين عكرولو قرين....كدي النبزق سفتي دي ما أنفخا ليكم في الفشفاش....
جمال الماحي
الخزين
تيرابكم
تنفخو الفشفاش
عتودكم
أبغازيه
أفو
أمصرو
يقيف حيح
جرورتو
عكرولو
النبزق سفتي
ود المأذون وجمال الماحي خافو الله في بنات الناس ديل حنكشه وشهادة عربية
والله ناس فوزية وفاتنة وحتي أميمة عشرية كان جات بي جاي يقولو يا اخوانا
دي لغة نيجرية ولا صينية
بالله ما تطفشونا :D
ابراهيم
14-03-2006, 07:59 AM
الخزين تيرابكم
تنفخو الفشفاش
عتودكم
أبغازيه
أفو
أمصرو
يقيف حيح
جرورتو
عكرولو
النبزق سفتي
ود الماحي ماشاء الله عليك ... معجم وعيني باردة
ود المأذون وجمال الماحي خافو الله في بنات الناس ديل حنكشه وشهادة عربية
والله ناس فوزية وفاتنة وحتي أميمة عشرية كان جات بي جاي يقولو يا اخوانا
دي لغة نيجرية ولا صينية
بالله ما تطفشونا
على قولك يا مهيرة هنا معانا حناكيش
وجنس اللغات الفوق دي حلها واحد من اتنين
يا امان الواحد يقعد ومعاهو حبوبتو في الكمبيوتر
يا اما نعمل قاموس في المنتدي
غير كدة االناس ديل بطفشو
Jamal Elmahi
14-03-2006, 08:31 AM
الخزين
تيرابكم
تنفخو الفشفاش
عتودكم
أبغازيه
أفو
أمصرو
يقيف حيح
جرورتو
عكرولو
النبزق سفتي
ود المأذون وجمال الماحي خافو الله في بنات الناس ديل حنكشه وشهادة عربية
والله ناس فوزية وفاتنة وحتي أميمة عشرية كان جات بي جاي يقولو يا اخوانا
دي لغة نيجرية ولا صينية
بالله ما تطفشونا :D
عاد يا مهيره يا بت أمي ...انتي يضبحو ليك شنو؟؟ ألحاريهو أنا ..ودالماذون ساعيلو عناق..عليّ الطلاق ودك ساي تمسّح الفريق كلو...والربيت غايتو ألا يعلقو فوق المشلعيب...ونحن بي جاه الملوك الليله نمضغ ساي ...أرقد ااعيش أنا مدقاقك...بالله الربيته عشرقت لي هيّجت علي أبنجّار...
كدي الننزل الربيته دي بي جغمة بقنيه....
ود الماحي
Jamal Elmahi
14-03-2006, 08:49 AM
ود الماحي ماشاء الله عليك ... معجم وعيني باردة
على قولك يا مهيرة هنا معانا حناكيش
وجنس اللغات الفوق دي حلها واحد من اتنين
يا امان الواحد يقعد ومعاهو حبوبتو في الكمبيوتر
يا اما نعمل قاموس في المنتدي
غير كدة االناس ديل بطفشو
ها أأزول أبراهيم ماك طيب...خير الله جانا وجاك والبلا ما جاك...أفو أأبراهيم...تغيب مننا الغيبه دي كلها...التقد الشوره أأبراهيم..لابتسعل لابتتطايب ..الزول فينا يعيا لامن يقدولو العنقريب...حقن المراريا كملتهن,,حقن النصيبه دي الماجستير..لا أستغرالله البول هارسيا كملتهن حتتهن..وانتا الشي كيس برتكان ساي ما تجيني شايلو أأبراهيم...ما ياها المحريّه فيك أأبوي ...لكن المادارك ما لامك...وبعد دا الكيس ما باباهو انشاء الله كيس قنقليس...
ود الماحي
أبوبكرحامد
14-03-2006, 10:02 PM
أهل الدكان الحلوين سلامات يا شباب.
الواحد يغيب فترة يرجع يلقى نفسه بقى مشرف فخري.. أنا غايتو المرة الجاية عايز أغيب برضو لفترة وحأجيكم بارم شواربي (زي ودأبوشوارب) وما حأقبل غير لقب (باشا) زي أخوي ناصر الباشا.. ولو ما عندنا عمدة (زي عماد الصادق) كان برضو طلبت اللقب..
وكتر خيركم ودالمأذون وجمال ودالماحي علي السعال.
أنا دحين جيت ماري شايل قفتي وماشي علي زنك الخضار قلت أسلم عليكم من بعيد.. بس خلوني أخد شوية نفس.. وبرجع ليكم صادي تاني.
أقعدوا عافية يا حلوين.
]إنتا ياعزيز آخوى كل مرة تقول لينا برجع ليكم وتمشى بى وشك ، أها مادام ماشى زنك الخدار أغاشا معاك النساوين الكبار الجمب الزنك بندور لينا ويكاب ومحريب وكمبا وكول عشان بنياتنا السغار ديل اعرفن الفلكلور بتاعنا ده[/SIZE]
أبوبكرحامد
14-03-2006, 10:34 PM
حباب الخزين ...حباب ودالماذون...حبابكم يا العزيز تيرابكم...
انتو أأناس البندر دحين بتعرفو تنفخو الفشفاش...ها أأزول عتودكم الضبحتو لي دا بسوي مرارتو براي ...بس انتا طلّع لي أبغازيه....هازول ما بتعرف أبغازيه....أفو أأود الماذون...أبغازيه ما ياهو المصران اللخدر داك...أأي أأبوي أبغازيه دا أمصرو تب في الفشفاش وأنفخو لامن يقيف حيح..والكرشه ما تغسلا بالحيل عشان طعما ما يروح...
أما ود عيسي ما سعلت منك شينه أأبوي...وياها دي المحريه فيك...وانا عزمتو علي عتودي دا وهسع بجيكم...وظنيتو كتّر جرورتو من الدكان وكان راجي السايبه القلتها دي في شان يخلّسكم حقكم...ود عيسي فنجري وما ظنيتو ياكل مرارتنا دي دحين عكرولو قرين....كدي النبزق سفتي دي ما أنفخا ليكم في الفشفاش....
جمال الماحي
الفشفاش ياود الماحى بننفخوا بى العتى وبنسويلو ليمون وملح ، ابغازى بنتبخو بالبصل والصلصة والدكوة على اليمين ماتدى الجمبك " الله اقطع طاريك آوالماحى لسانى جرا " ، الجماعة لمان فحصولى الداهى البقولولو الكوليسترول قالو لى أبعد من الدهون _ عليك النبى الناس ديل إن عرفونا بناكل الربيت ماكان ماتوا من الخلعة .
sambaaa
14-03-2006, 10:36 PM
هههههههههههههههههههههههه
والله القعدة هنا سمحة تب ..
حقو نخلي الغنا والحاجات ديك .. ونجيكم بيجاي ...
كدي النشوف ليكم الأولاد الصغار ديل مشو وين ...
يا امين .. يا ولد ... تعال هنا جاي ..
وكان لاقيت سواح كلمو قول ليهو .. دكان ودالصول عندو باااااااااااااااسطة .... وجاتوه ..
أبوبكرحامد
14-03-2006, 10:41 PM
وانت شفت حاجة يا عزيزنا
ماشفت ود الماذون صرفو ليهو لاندروفر جديد من الورقة
ونقلوا بركات مع صرايا ترقية الي المدنيات
[COLOR=Blue]والله آمهيرة أخيتى بركات هواها سمح بالحيل علا ناسا نضاف وكلامهم شوية ، ونحن بندور الربربة والنقة ، عشان كدى لو لقو لى بيت فى امسويقو اكون أحسن ، اللانروفر ناس الولاية اتقابحوا قال بدوروهو لى مسئول كبير - وزى ماقال عمر الطيب الدوش : مسعول كبير فى الحلة غير الله انعدم ، وغايتو الله اصبرنا
أبوبكرحامد
14-03-2006, 10:47 PM
الخزين
تيرابكم
تنفخو الفشفاش
عتودكم
أبغازيه
أفو
أمصرو
يقيف حيح
جرورتو
عكرولو
النبزق سفتي
ود المأذون وجمال الماحي خافو الله في بنات الناس ديل حنكشه وشهادة عربية
والله ناس فوزية وفاتنة وحتي أميمة عشرية كان جات بي جاي يقولو يا اخوانا
دي لغة نيجرية ولا صينية
بالله ما تطفشونا :D
هازولة ونحن البنوت بندورلهن شنو بلا الشى السمح ، بعدين هن لابد اتعلمن العواسة وملاح التقلية ، دحين بسألكن يابنوتى البيرقر بعملوهو بى اللحمة المفرومة وهى ذاتا بيسووبا ملاح التقلية " وجهة نظر على راى بنوت الجامعة " ، واصبرى آخيتى مهيرة بنوريهن كمان المحريب والكمبا والكول
أبوبكرحامد
14-03-2006, 10:51 PM
ود الماحي ماشاء الله عليك ... معجم وعيني باردة
على قولك يا مهيرة هنا معانا حناكيش
وجنس اللغات الفوق دي حلها واحد من اتنين
يا امان الواحد يقعد ومعاهو حبوبتو في الكمبيوتر
يا اما نعمل قاموس في المنتدي
غير كدة االناس ديل بطفشو
هازول انتا دحين ناس جزيرة الفيل ديل بياكلوا الموليته ولامابعرفوها ، دى احسن علاج للمراريا
أبوبكرحامد
14-03-2006, 10:59 PM
هههههههههههههههههههههههه
والله القعدة هنا سمحة تب ..
حقو نخلي الغنا والحاجات ديك .. ونجيكم بيجاي ...
كدي النشوف ليكم الأولاد الصغار ديل مشو وين ...
يا امين .. يا ولد ... تعال هنا جاي ..
وكان لاقيت سواح كلمو قول ليهو .. دكان ودالصول عندو باااااااااااااااسطة .... وجاتوه ..
حباب ود فرح نورت الدكان ، الشى من رحلتو مايو لاحس لاخبر ، وسمعنا عرسك قرب غايتو أعمامك فى الدكان بيعزموا ليك الناس ، بس ماتعتمد على الكشف لأنهم بيدفعوا عشرة جنيه بس ماعارفين الزمن اتغير " الله يقطع الخرف ياوليدى " بعدين الولاد البدورو الباسطة والجاتو ديل قول ليهم عندنا صينية من الشانزيليزيه بس تعالوا بدرى لأنها بتخلص سريع
sambaaa
14-03-2006, 11:04 PM
ههههههههههههههههههههههههههه
العرس قرب ... والجماعة قالو جايبين معاهم عجل .. بس باقي انت تشوف لينا ( الماذوووووووووون ) عشان نتلم بسرعة
واملأ دكانك ده .. ناس صالون مهيرة جاييييييييييييييين للعرس بتاعي ده ... بي لوري .. وبرينسة ... قالو باص ركس فاتهم ..
أبوبكرحامد
15-03-2006, 12:47 AM
اها ياسامبا ليك على بجيبلك الماذون ومتبرع ليك بالحاجة الباردة وهى كالتالى :
20 صندوق تاكا
20 صندوق حرية
20 صندوق لويزو
20 صندوق جنجبيرا
" الصناديق معمولة من الخشب - المشاريب دى لو ماعرفتها اسعل اعمامك ود الماحى - عزيز - بابكر - ابوشوارب - ابو المهتدى - عماد الصادق - عمك تنقو " ، أو أمشى مكتبة عمك مضوى قول ليهم عاوز كتاب ( البارد والترطيب لأبى بكر الدبيب )
ناصر الباشا
15-03-2006, 02:25 AM
ود المازون سلام جاكم
اول حاجة عريس الموسم سامبا ده ما قصرت معاه و طبعاً المشروبات
المتبرع بيها دي مضطرين كل واحد فينا يجيب معاه دكشنري من
مضوي زي ما قلت و لكن انا حنتوصل بطريقة او باخرى لاشكال
المشروبات دي اما ناس الصالون ففيهم حناكيش و كده لازم
تعمل حسابهم باقي ليك ناس فاتنة و فوزية و سواح ديل
حيفهموا ليك مشروباتنا دي ، ده العرس ينتهي و سامبا
يرجع من الاجازة و لسه ناس فوزية و فاتنة يكونوا بستهجوا
في اسماء المشروبات
Lس[COLOR=Red]لام ياناس الدكان مسعولين من الخير الضبيحه متين ما عزمتونا[/COOR]
أبوبكرحامد
15-03-2006, 04:15 AM
ياود الباشا الفرق فى العمر بيناتنا ماكبير خليها مستورة ، بعدين البنات ديل ماحناكيش ولاحاجة بس امكن ماعاشوا فى السودان عشان كده بنوريهم تراثنا وموروثنا الجميل ، الحنكشة فى البنات مفهومة لكن الخوف اطلع لينا حنكوش شنبو ارك فيهو الصقر " ماتضحك بطل الخباثة انا ماقاصد الفى بالك ".
أبوبكرحامد
15-03-2006, 04:21 AM
انتا يابشار قبل الضبيحة وين كرامة عملية محمد ولدك ، انشاء الله خروف صومالى بى تلتين دينار " الخروف الصومالى ده لو ضبحتو إحتمال تمشى تشوف ليك فول تتم بيهو الفطور - حاجة كده زى الأتوس ".
عموماً الضبيحة بتكون يوم الجمعة وعاملين رحلة لى عترة ، وشايف ابراهيم بيقول لازم تجوا جزيرة الفيل غايتو لسة الحكاية مامؤكده ، بعدين يابشار اوعك تعمل عملية حمورى بعد تاكل لحم الخروف تقول لينا " خروفكم ده مافيهو كبدة إبل " ، كبدة الإبل عند ناس حمدتو فى أبوظبى سفر الأولاد وتعال ننط بى طيران العربية الرخيص نضرب الكبده ونرجع ، رايك شنو ياحمدتو ؟
Jamal Elmahi
15-03-2006, 06:42 AM
اها ياسامبا ليك على بجيبلك الماذون ومتبرع ليك بالحاجة الباردة وهى كالتالى :
20 صندوق تاكا
20 صندوق حرية
20 صندوق لويزو
20 صندوق جنجبيرا
" الصناديق معمولة من الخشب - المشاريب دى لو ماعرفتها اسعل اعمامك ود الماحى - عزيز - بابكر - ابوشوارب - ابو المهتدى - عماد الصادق - عمك تنقو " ، أو أمشى مكتبة عمك مضوى قول ليهم عاوز كتاب ( البارد والترطيب لأبى بكر الدبيب )
ود الماذون أأبوي اللويزو عليّ الطلاق اختانا بس...سامبا دا ود قبائل ولازمو بوش...اداشر تيبار شربوت روسينن مربطات متل ناس القاعده...اتناشر تيتار حسوّه النعمنها خفيفه ما بتغلّط علي الحناكيش وتسيلهم الجضماره أخيرلهم أأزول من البقنيّه واليوم داك ما لازمنا فيهو تمرجي ...داك عاد ما يوم بطان ساي وما تنسو تعربو النار لي تحميس الدلاليك والشتامه...أبشراَ أأنسوان....أأبشراَ...
ود الماحي
سواااح
15-03-2006, 09:47 AM
يا امين .. يا ولد ... تعال هنا جاي ..
وكان لاقيت سواح كلمو قول ليهو .. دكان ودالصول عندو باااااااااااااااسطة .... وجاتوه ..
بعدين الولاد البدورو الباسطة والجاتو ديل قول ليهم عندنا صينية من الشانزيليزيه بس تعالوا بدرى لأنها بتخلص سريع
يا عمو نحنا جينا .. لكن الباسطة بتاعتنا وين ؟؟
سواااح
15-03-2006, 09:59 AM
ناس صالون مهيرة جاييييييييييييييين للعرس بتاعي ده ... بي لوري .. وبرينسة ... قالو باص ركس فاتهم ..
اما ناس الصالون ففيهم حناكيش و كده لازم
تعمل حسابهم باقي ليك ناس فاتنة و فوزية و سواح ديل
حيفهموا ليك مشروباتنا دي
سامبا .. عيب عليك .. نحنا بتاعين لواري وبرينسات ؟؟
وياتو بص ده الفاتنا ؟؟ مايفوت يا اخوي ..
ود الباشا .. لي قاليك نحنا جايين من وين ؟؟
عمو ابوبكر ما تشوف ليك حل مع الاولاد ديل ...
فاتنة
16-03-2006, 12:24 AM
ود المأزون ليك مني الف تحية و احترام
بالله يا اخوي يا ابو بكر لي تخلي الاولاد ديل يعملوا فينا كده نحن حناكيش ؟ طيب نحن متبرعين ليكم من الصالون بعصيدة و ملاح نعيمية عشان فطور الصباح في العرس ده و اي زول قال نحن حناكيش محروم من الفطرة اللذيذة دي لانو فيها غير العصيدة و النعيمية كورة سمن تخت قدام ابو بكر و بديه لسته بالناس الحيستمتعوا بالفطرة دي و يا سمابا اسمع دي يويويويويويويويويويويويويويويويويويويويويويويويويو يويوييويويويويويويويويويوويويويو
ابراهيم
16-03-2006, 12:38 AM
ما قصرت يا ابراهيم
وياربي في الجيه في شنو :D
مهيرة سلامات طيبات
الجية فيها حاجات كتيرة اول حاجة عايز افتح لي قهوة قصاد دكان ود الصول دة عشان نحرك السوق شوية بس منتظرين التصديق من قبل ود الماذون لزوم حنبقى جيران وكدة والباقى جاي في السكة...
ابقى طيبة
ابراهيم
16-03-2006, 12:46 AM
ها أأزول أبراهيم ماك طيب...خير الله جانا وجاك والبلا ما جاك...أفو أأبراهيم...تغيب مننا الغيبه دي كلها...التقد الشوره أأبراهيم..لابتسعل لابتتطايب ..الزول فينا يعيا لامن يقدولو العنقريب...حقن المراريا كملتهن,,حقن النصيبه دي الماجستير..لا أستغرالله البول هارسيا كملتهن حتتهن..وانتا الشي كيس برتكان ساي ما تجيني شايلو أأبراهيم...ما ياها المحريّه فيك أأبوي ...لكن المادارك ما لامك...وبعد دا الكيس ما باباهو انشاء الله كيس قنقليس...
ود الماحي
ود الماحي تسلم آآخوي والله بنسعل علا بس يكون ساعي البريد ما وصلك
سلامتك والالم بيزول وكفارة ليك يا زول
وانا من دربي دة ماشي السوق ومن هناك على الـDHL
علا القنقليس دة في بلدنا دي ماف لكن في كنتلوب ينفع؟
تسلم على السعال يا غالي
ابراهيم
16-03-2006, 12:50 AM
انتا يابشار قبل الضبيحة وين كرامة عملية محمد ولدك ، انشاء الله خروف صومالى بى تلتين دينار " الخروف الصومالى ده لو ضبحتو إحتمال تمشى تشوف ليك فول تتم بيهو الفطور - حاجة كده زى الأتوس ".
هههههههههههه
والله يا ود الماذون ضحكتني فكرة الخروف الصومالي الزي الاتوس دة ....
الخروف دة مؤكد مصاب بانفلونزا الطيور ...
ابراهيم
16-03-2006, 12:55 AM
ود المأزون ليك مني الف تحية و احترام
بالله يا اخوي يا ابو بكر لي تخلي الاولاد ديل يعملوا فينا كده نحن حناكيش ؟ طيب نحن متبرعين ليكم من الصالون بعصيدة و ملاح نعيمية عشان فطور الصباح في العرس ده و اي زول قال نحن حناكيش محروم من الفطرة اللذيذة دي لانو فيها غير العصيدة و النعيمية كورة سمن تخت قدام ابو بكر و بديه لسته بالناس الحيستمتعوا بالفطرة دي و يا سمابا اسمع دي يويويويويويويويويويويويويويويويويويويويويويويويويو يويوييويويويويويويويويويوويويويو
فاتن .. سلامات
والله فطورك كارب لكن
عليك الله ما تنسي الشطة الخدرا بالدكوة والليمون
ودخيرى
16-03-2006, 09:28 AM
تعرف اوانا ماشى علي الحلي الغادى قت اغشى ود الصول لقيتو غافل خلف خلاف مع انو الباب كبد يعنى من خشب الحراز المهم سالت من السبب عمك ود الصول بفرقات الكبد قال السبب
نقار ابراهيم وود المازون في قميص 000000اسع دة كلام عليك اللة هكذا قذف باخر كلمة وواصل عزلتة المجيدة الل يومى ويمومكم دة
وانتو تكسبو خير 00000000 علي كل حال انا ماشى محل جديد اذا بطلتو النقار بجيب لكل واحد قميص والا فانفلوزا الطيور
لكن لقيت محل اقضى فيهو غشوتى وانا ماشى ودة بعد لقيت الدكان مقفول عند نيمة ود الدويحى وتحت النيمة الوسطانية لقيت نورة الماتغبانى ولقيتا
تحلم بعوالم زى رؤى الاطفال حوالم
لا جرايم لامحاكم لا مظاليم لامظالم
بمحبة تشق دروبة لقلوب الكل تخش
نورة تحلم ببيوت من نور و دش
زادتنى حيرة وانا الحق يمينى بشمالى همست لها بما يضاهى النحيب ان اللة في0000000000000000000
مكتول مدنى
16-03-2006, 10:25 AM
يا سامبا انا جيت لكن سواح سبقنى الظاهر شمة ريحة الجاتوه من بعيد ووالله ودالماذون ماقصر معاك نهاااااااااااااائي فى الحاجة الباردة
وياود الباشا الحاجة الباردة دى ما دايرة دكشنرى بس انت تمش المتحف وبتلاقى تحت البترينة كل حاجة عنها من سنة الصنع لحدى ما المصنع وقف
مكتول مدنى
16-03-2006, 10:36 AM
ود الماذون الرحلة دى خلوها على انا بس انتو تعالوا لينا فى الجزيرة والبيت واضح اسالوا بس من بيت العمدة شقدى وااااااااااااااضح وبعد داك نمش الجنينة ونعمل الرحلة بى هناك بس انتو تعالوا
عزيز عيسى
16-03-2006, 04:46 PM
وانت شفت حاجة يا عزيزنا
ماشفت ود الماذون صرفو ليهو لاندروفر جديد من الورقة
ونقلوا بركات مع صرايا ترقية الي المدنيات
حبابك أختي مهيرة،
ودالمأذون وقت رقوه وأدوه لاندروفر شن منتظر..
كدي خليه يجيبو دكان ودالصول يدينا (سحبه) نجرب عربيتو دي..
أنا أمبارح شايف لي لاندروفر (وحلان في الطين) بين بركات وودالنور..
باين عليه دا ودالمأذون؟.. أظنو كان ماسك الدرب وماشي يزور أبوالمهتدي
علشان أبوالمهتدي غيبتو طالت في السودان.
كدي وصفي لي صرايتو بي وين في بركات..
الجني دا يمكن بقي خواجه وأنا ما خابرو..
عزيز عيسى
16-03-2006, 04:52 PM
كدي النبزق سفتي دي ما أنفخا ليكم في الفشفاش....
جمال الماحي
يا جمال من شدة ما ضحكت لمان دموعي جرن..
وأنا عشان سفتك دي المرارة مكجنا..
ذكرتني بنكتة الراجل السكران بتاع (تكس يرجع)..
أنا بخليها ليك تحكيها لينا في الدكان.
عزيز عيسى
16-03-2006, 05:02 PM
]إنتا ياعزيز آخوى كل مرة تقول لينا برجع ليكم وتمشى بى وشك ، أها مادام ماشى زنك الخدار أغاشا معاك النساوين الكبار الجمب الزنك بندور لينا ويكاب ومحريب وكمبا وكول عشان بنياتنا السغار ديل اعرفن الفلكلور بتاعنا ده[/SIZE]
معليش وصلت زنك الخدار متأخر..
والنسوان ستات الويكاب والمحريب والكمبا والكول قفلن محلاتن ومشن صادات علي بييوتن..
لكن لقيت لي نسوان اتنين واحده فارشه بتبيع كجيك ودكوة..
والتانية بتبيع هبابات وقرقريبات ومساويك وتنك وجبنات..
أها أجيب ليك معاي شنو المرة الجاية..
عزيز عيسى
16-03-2006, 05:38 PM
يا عمو نحنا جينا .. لكن الباسطة بتاعتنا وين ؟؟
علشان ما تزعل يا سواح
حلواني الشانزليزيه قالوا باسطتهم خلصت بدري..
خطفت رجلي ومشيت علي حلواني سلا وجبت ليك الباسطة طازه كمان.
يلا اتصبر بيها لحدي ما أرجع أجيب ليك الجاتوه
أها تاني عندك كلام
على شرط تأكلها براك..
وأعمل حسابك ما يجي ودالمأذون أو مكتول مدني يخطفها منك..
يلا بالهناء والعافية..
http://9q9q.com/March/1142562586.jpg (http://9q9q.com/)
HAMADTO
16-03-2006, 11:47 PM
يا عزيز الباسطة الحلوة دي المرة الجاية جيب لينا منها 10 صواني نديها لضيوف صالون مهيرة
ودالمأذون اتبرع لينا بالمشروبات عشرين عشرين
ود الماحي يوم العزومة اشرب سجاير وبطل التمباك ده
والله فاقدين عمنا ابو المهتدي وعمنا بابكر في العزومة دي ...
دحين يا ودالمأذون انت ما كلمتهم ...
عزيز عيسى
17-03-2006, 05:09 AM
ود المأذون أنا جبت ليكم خروفين صومالي..
غايتو أحسن من الخروف السواكني مافي..
تفتكر الخروفين ديل حيكفوا المعازيم ؟؟
يلا شوف لينا المعازيم وين خليهم يجوا..
بس أعملوا حسابكم لما تضبحوا الخروفين
ما تخلوا جمال الماحي ينفخ الفشفاش..
http://9q9q.com/March/1142604131.jpg (http://9q9q.com/)
عزيز عيسى
17-03-2006, 05:22 AM
يا عزيز الباسطة الحلوة دي المرة الجاية جيب لينا منها 10 صواني نديها لضيوف صالون مهيرة
يا نبيل أنا غايتو عملت العلي..
جبت ليكم جميع أنواع الباسطة الموجودة في حلواني الشانزليزية وسلا..
يلا أدونا الخبر الحفلة متين ؟؟
http://9q9q.com/March/1142605282.jpg (http://9q9q.com/) http://9q9q.com/March/1142605327.jpg (http://9q9q.com/)
http://9q9q.com/March/1142605368.jpg (http://9q9q.com/) http://9q9q.com/March/1142605396.jpg (http://9q9q.com/)
Jamal Elmahi
17-03-2006, 08:28 AM
ود المأذون أنا جبت ليكم خروفين صومالي..
غايتو أحسن من الخروف السواكني مافي..
تفتكر الخروفين ديل حيكفوا المعازيم ؟؟
يلا شوف لينا المعازيم وين خليهم يجوا..
بس أعملوا حسابكم لما تضبحوا الخروفين
ما تخلوا جمال الماحي ينفخ الفشفاش..
http://9q9q.com/March/1142604131.jpg (http://9q9q.com/)
ها زول ود عيسي...التقد الشوره....عليّ الطلاق انته فتّه الحناكيش لي غادي...الجبتهن ديل أأبوي نعجات ما هن خرفان وكمان دارّات...الاولانيه فيهن امكن تلد الليله دي والتانيه وحاتك اتا اسبوع ما تذيدو وتلد تجيبلها تيمان...الباسطه ما شاء الله أريت كان عندي ليها سنون...لكن كان سيتولنا الحلو بزغّتو ساي...وبعدين أأبوي لا ود الماذون لا أندروبلو ما ظهروا العباره شنو؟؟؟؟
ود الماحي
Jamal Elmahi
17-03-2006, 08:43 AM
ود الماحي يوم العزومة اشرب سجاير وبطل التمباك ده
حمدتو ...مرحب حباب الضو...
ها زول أمانة في زمّتك تلاليشنا ديل غير التمباك يستاهلن شنو...!!! والتانيه أنا السجار بسيلي العشراقه ...يعني بعشرق لامن أقضف...فأخيرلكم ياتو فيهن القضاف ولاّ السفّه....وكان درتوهن الاتنين هالبقي حتتّو كويس....
ود الماحي
عزيز عيسى
17-03-2006, 08:58 AM
ها زول ود عيسي...التقد الشوره....عليّ الطلاق انته فتّه الحناكيش لي غادي...الجبتهن ديل أأبوي نعجات ما هن خرفان وكمان دارّات...الاولانيه فيهن امكن تلد الليله دي والتانيه وحاتك اتا اسبوع ما تذيدو وتلد تجيبلها تيمان...الباسطه ما شاء الله أريت كان عندي ليها سنون...لكن كان سيتولنا الحلو بزغّتو ساي...وبعدين أأبوي لا ود الماذون لا أندروبلو ما ظهروا العباره شنو؟؟؟؟
ود الماحي
يا جمال ديل آخر خروفين وجدتهم في الزريبة..
ومايهمني لو كانن نعجات أو دارات..
خليهم يضبحوهن يمشوا العوازيم ويخلصونا..
ولو لقوا المولود حي خليهم يربو..
أبوبكرحامد
18-03-2006, 04:00 AM
سامبا .. عيب عليك .. نحنا بتاعين لواري وبرينسات ؟؟
وياتو بص ده الفاتنا ؟؟ مايفوت يا اخوي ..
ود الباشا .. لي قاليك نحنا جايين من وين ؟؟
عمو ابوبكر ما تشوف ليك حل مع الاولاد ديل ...
ولااهمك ياسواح وشايف عمكم عزيز جايب الباسطة من امريكا .
أبوبكرحامد
18-03-2006, 04:05 AM
ود المأزون ليك مني الف تحية و احترام
بالله يا اخوي يا ابو بكر لي تخلي الاولاد ديل يعملوا فينا كده نحن حناكيش ؟ طيب نحن متبرعين ليكم من الصالون بعصيدة و ملاح نعيمية عشان فطور الصباح في العرس ده و اي زول قال نحن حناكيش محروم من الفطرة اللذيذة دي لانو فيها غير العصيدة و النعيمية كورة سمن تخت قدام ابو بكر و بديه لسته بالناس الحيستمتعوا بالفطرة دي و يا سمابا اسمع دي يويويويويويويويويويويويويويويويويويويويويويويويويو يويوييويويويويويويويويويوويويويو
اها فاتنة جايبا ليكم عصيدة وملاح نعيمية ولو كانت حنكوشة زى مابتقولوا كانت قالت الملاح اللونو " بيج - بتعطيش الجيم " ، برافو عليك فاتنة قدمتى رد عملى على الاتهموك بالحنكشة ، بس السمنة دى عايزة ليها ملاح روب .
أبوبكرحامد
18-03-2006, 04:11 AM
هههههههههههه
والله يا ود الماذون ضحكتني فكرة الخروف الصومالي الزي الاتوس دة ....
الخروف دة مؤكد مصاب بانفلونزا الطيور ...
والله ياابوخليل الخروف الصومالى ده بس غايتو اسم ضبيحة لكن كان اشتريت لحمة بالكيلو اكون كويس . مستنين تفتح لينا القهوة لأنوناس البلدية كشوا ستات الشاى قالوا عشان الانضباط وبالذات العندهن سن دهب " امكن حفاظاً على الدهب وغلاوة اسعارو ... حكم ".
أبوبكرحامد
18-03-2006, 04:15 AM
تعرف اوانا ماشى علي الحلي الغادى قت اغشى ود الصول لقيتو غافل خلف خلاف مع انو الباب كبد يعنى من خشب الحراز المهم سالت من السبب عمك ود الصول بفرقات الكبد قال السبب
نقار ابراهيم وود المازون في قميص 000000اسع دة كلام عليك اللة هكذا قذف باخر كلمة وواصل عزلتة المجيدة الل يومى ويمومكم دة
وانتو تكسبو خير 00000000 علي كل حال انا ماشى محل جديد اذا بطلتو النقار بجيب لكل واحد قميص والا فانفلوزا الطيور
لكن لقيت محل اقضى فيهو غشوتى وانا ماشى ودة بعد لقيت الدكان مقفول عند نيمة ود الدويحى وتحت النيمة الوسطانية لقيت نورة الماتغبانى ولقيتا
تحلم بعوالم زى رؤى الاطفال حوالم
لا جرايم لامحاكم لا مظاليم لامظالم
بمحبة تشق دروبة لقلوب الكل تخش
نورة تحلم ببيوت من نور و دش
زادتنى حيرة وانا الحق يمينى بشمالى همست لها بما يضاهى النحيب ان اللة في0000000000000000000
حباب ود خيرى ، اهو ياسامبا ود خيرى جاك من الزومة عشان العرس وجايب معاهو تمر الشمالية قنديل وجاوة وبركاوى " دحين بتدوروهو اكل ولاشراب "
أبوبكرحامد
18-03-2006, 04:18 AM
ود الماذون الرحلة دى خلوها على انا بس انتو تعالوا لينا فى الجزيرة والبيت واضح اسالوا بس من بيت العمدة شقدى وااااااااااااااضح وبعد داك نمش الجنينة ونعمل الرحلة بى هناك بس انتو تعالوا
وانا اقول الجنا دا كريم وفيهو طباع اولاد قبايل اتاريك شقدى جدك ، شقدى طبعا رجل كريم وبضربو بيهو المثل فى الكرم " شقدى نايم ويدُّو تدّى "
أبوبكرحامد
18-03-2006, 04:22 AM
حبابك أختي مهيرة،
ودالمأذون وقت رقوه وأدوه لاندروفر شن منتظر..
كدي خليه يجيبو دكان ودالصول يدينا (سحبه) نجرب عربيتو دي..
أنا أمبارح شايف لي لاندروفر (وحلان في الطين) بين بركات وودالنور..
باين عليه دا ودالمأذون؟.. أظنو كان ماسك الدرب وماشي يزور أبوالمهتدي
علشان أبوالمهتدي غيبتو طالت في السودان.
كدي وصفي لي صرايتو بي وين في بركات..
الجني دا يمكن بقي خواجه وأنا ما خابرو..
هازول انا مشيت ود النور اسلم على صاحبى عروة على موسى قالوا جا من السعودية ، وكمان قلتا اسلم على النقر أخوهو أصلو راجل أهلاوى أصيل وقلنا نعرف سبب نكبة أهلى مدنى شنو .
أبوبكرحامد
18-03-2006, 04:30 AM
معليش وصلت زنك الخدار متأخر..
والنسوان ستات الويكاب والمحريب والكمبا والكول قفلن محلاتن ومشن صادات علي بييوتن..
لكن لقيت لي نسوان اتنين واحده فارشه بتبيع كجيك ودكوة..
والتانية بتبيع هبابات وقرقريبات ومساويك وتنك وجبنات..
أها أجيب ليك معاي شنو المرة الجاية..
ياعزيز اخوى انتا الطلعت حنكوش وداقس كمان تنك شنو الجبتو - ياخوى ده اسمو شرقرق ، بس الباسطة بتاعتك شديدة وللأسف انا عندى سكرى " دحين مابتلقا لى باسطة دايت ".
سواااح
18-03-2006, 09:50 AM
علشان ما تزعل يا سواح
حلواني الشانزليزيه قالوا باسطتهم خلصت بدري..
خطفت رجلي ومشيت علي حلواني سلا وجبت ليك الباسطة طازه كمان.
يلا اتصبر بيها لحدي ما أرجع أجيب ليك الجاتوه
أها تاني عندك كلام
على شرط تأكلها براك..
وأعمل حسابك ما يجي ودالمأذون أو مكتول مدني يخطفها منك..
يلا بالهناء والعافية..
ده الكلام الصاح ..
يلا يا مكتول باسطتنا وصلت ..
اعمل حسابك من الصواريخ الجنبك بالذات سامبا وناصر الباشا ...
مشكور يا اعز عزيز ...
ولااهمك ياسواح وشايف عمكم عزيز جايب الباسطة من امريكا .
ما في مشكلة .. بس خلينا الاول نخلص المحلي ..
أبوبكرحامد
18-03-2006, 11:58 PM
يا نبيل أنا غايتو عملت العلي..
جبت ليكم جميع أنواع الباسطة الموجودة في حلواني الشانزليزية وسلا..
يلا أدونا الخبر الحفلة متين ؟؟
http://9q9q.com/March/1142605282.jpg (http://9q9q.com/) http://9q9q.com/March/1142605327.jpg (http://9q9q.com/)
http://9q9q.com/March/1142605368.jpg (http://9q9q.com/) http://9q9q.com/March/1142605396.jpg (http://9q9q.com/)
هاناس الكترابة الباسطة دى دخلوها فى الداهى ده كيفن ، علا ياعزيز اخوى لسانى جرا مع انو الحكيم مانعنى من السكريات " انشاء السكر اليرميهو فى الشوك " ، بعدين آلخواجة الصينية الآخيرة دى باسطة ولاعش قمرية .
أبوبكرحامد
19-03-2006, 12:03 AM
يا جمال ديل آخر خروفين وجدتهم في الزريبة..
ومايهمني لو كانن نعجات أو دارات..
خليهم يضبحوهن يمشوا العوازيم ويخلصونا..
ولو لقوا المولود حي خليهم يربو..
الخواجة المسخوت انشاء الله تتجازى وتجرحك القزازة - كيفن نضبح نعاج وبطنن تقيلة ، بعدين المولود يربوا كيف يعنى انتا امريكا دى لفت ليك راسك وبقيت مع ناس حقوق الحيوان ولاشنو؟.
بعدين نحنا نربى شنو ونخلى شنو - هو نحن قادرين نربى جنياتنا لمن جابتلها حملات !!
وبعدين نربيهن وين انتا قايل فى حضانة للحملان ولانسجلن " مدارس سنية ".
sambaaa
19-03-2006, 01:04 AM
ود المأزون ليك مني الف تحية و احترام
و يا سمابا اسمع دي يويويويويويويويويويويويويويويويويويويويويويويويويو يويوييويويويويويويويويويوويويويو
والله أحلى ..
ههههههههههه
زغاريد .. ودلوكة .. وشبال .. وحنة وبخور ..
وصوت صبية بتغني جايبو الهوا ..
وأبشر يا عريس ..
يا سلالالالالالالالالالالالالالالالالام ..
ياودالماذووووون جايب ليك خبر ..
الناس ديل كلهم حسابهم علي انا .. ومن دكانك ده نزل ليهم اي حاجة عندك ... وتب ما تشيل هم الدفع كاااااااااااااش ..:)
والله بعد الزغاريد القوية دي .. كان حسابك مائة مليون دولار ما عندك مشكلة ..:p
يا سلام عليك أختي العزيزة فاتن .. والله الزغاريد دي ما انساها ليك ... وانشاءالله في عرسك اهديك وزنك دهب ..:)
والباسطة قالو كمان جبتوها .. والله ماقصرت مع الجنيات ديل ..:p
أبوبكرحامد
19-03-2006, 03:28 AM
انتا ياسامبا الحكاية شنو ياخوى مليون دولار ووزن فاتنة دهب " شكلها مدنى موعودة بى صلاح ادريس تانى " بس انشاء الله تكون اهلاوى ..... ولو بقيت رومانى برضك حبيبنا بس مش اوى .
أبوبكرحامد
20-03-2006, 01:07 AM
ياناس هوى شنو ضربتو الباسطة و " شتات يافرده " - عزيز عيسى أعرب الجملة بين القوسين دى .
عزيز عيسى
20-03-2006, 05:56 AM
ياناس هوى شنو ضربتو الباسطة و " شتات يافرده " - عزيز عيسى أعرب الجملة بين القوسين دى .
مالك علي يا ودالمأذون.. جبت ليكم الباسطة كما عايز تدخلني في التعريب
أنا زمان كنت علمي ما كنت أدبي..
وكنت بزوغ حصص العربي..
لكن بعربها ليك بطريقتي.. والله يكون في عونكم
شتات.. صفة في محل نصب فاعل..
وهي كلمة مشتقة من الفعل شتت يشتت.. وفي قول آخر فرتق يفرتق
هذه الكلمة تتبربر بالبرورة في فصل الشتاء..
وتتمرمر بالحرارة في فصل الصيف.. يعني تقال حسب المناسبة.
أما كلمة فردة بتركها لودالصول وعشوشة أو واحد أو واحدة حريف/ة يجوا يترجموها..
طيب أنت ما تعرب لينا كلمة (باسطة)..
عزيز عيسى
20-03-2006, 06:01 AM
يا جماعة وين ودالصول.. خالد هاشم.. أمير عبدالباقي.. عماد الصادق.. أمينو.. الرشيد.. وباقي ناس الدكان الحلوين..
أبو منار أدخل الدكان..
تعالوا خلونا نعمر القعدة..
فدوى الحسن
20-03-2006, 11:24 AM
ازيكم يا شباب جايكم وجايبة ليك سلاااااااااااام كبير من خالوا الرشيد اليومين ديل هو عزابي ومشغول شديد
وسلامتكم
ابوبكر ومكتول مدنى الرحله حولناها لجنينة العمده صديق شقدى بس مشكلتنا عبده شقدى لازم يتعزم هو وعبدالله والمصيبه لو دريسه عرف تبقى الرحله زحمه بضيوف دريسه بس
فدوى الحسن
21-03-2006, 01:36 AM
ازيكم يا شباب وياخ بشار انا بجيب ليكم الجنينة من غير عزومة عبده شقدي انت بس شفوا الناقصكم شنو واحنا بنتموا ليكم
وتحياتي
أبوبكرحامد
21-03-2006, 02:39 AM
ابوبكر ومكتول مدنى الرحله حولناها لجنينة العمده صديق شقدى بس مشكلتنا عبده شقدى لازم يتعزم هو وعبدالله والمصيبه لو دريسه عرف تبقى الرحله زحمه بضيوف دريسه بس
لو دريسة عرف الا نعمل الرحلة فى دار الرياضة والدخول بى تذاكر ، بس شايف فدوى حلت المشكلة وامكن تعملا ليكم فى ام سنط
أبوبكرحامد
21-03-2006, 02:47 AM
يا جماعة وين ودالصول.. خالد هاشم.. أمير عبدالباقي.. عماد الصادق.. أمينو.. الرشيد.. وباقي ناس الدكان الحلوين..
أبو منار أدخل الدكان..
تعالوا خلونا نعمر القعدة..
الغايبين كتار ياعزو ربنا ارجعم بالسلامة ، نحن بس شفقانين عليهم .
اما اعراب باسطة فهى فى محل فرد للعجينة ، ولاتكون فى محل مبتدأ لأنها تحلية وتاتى فى ختام الوليمة ، وهى مفعول به منصوب بالفتحة التى توجد فى أعلى صندوق حلويات سلا .
rasheed
21-03-2006, 03:48 AM
فدوى يا بت خيتي أنتي ماك عارفة أعمامك ديلا عاوزنلهم موضوع تقوليلهم أنا عزابي دحين علا أرسل أجيب الأولاد قبل ما يعملوني موضوع دحين ما تشوفيهم ساكتين ساكت شاغلهم موضوع الرحلة العاوزين يأكلونا فيها نعاج تقيلات كمان ،، هسع دحين يا عزيز عيسى بطريقتك دي بجيب لينا حاجات من بلد الخواجات دي بدل ناكلها 00 تاكلنا ،، سترك يارب ،، كيف قيلتوا آجماعة الخير ومسعولين من الخير ولدكم العيدروس زعلان قال غاب ليه كم يوم لقى ناس المنتدى كدروه يعني نقصولو رتبتو من مشرف عام لعضو ،، دحين قلت ليه الرئيس حيعمل الكرامة ومعاه 114 للداهي الخدوا في القراية دي وما فاضيلك خليهو شوية 00 سلام ليكم كلكم ود المأذون والخواجة وباقي ناس الدكان ،، علا بسعل من الولد الماسك قدرة الفول ده دحين جاء ولا 00 لاهسع 0
عزيز عيسى
21-03-2006, 06:21 AM
الرشيد ظهرت.. سعيد اليوم الليلة جابك يا عزابي يا مجهجه..
هسع تلقاك بتاكل كل يوم فول فطور غداء وعشاء..
بس ما تنسى تنظف صحون الفول في المطبخ كل يوم..
إنت عارف يالرشيد طالما عزابي اليومين ديل مفروض
تمشي تشوف ليك أكياس نايلون وتصاقر في الدكان تبيع الصعوط
لناس ضياء الدين لغاية ما أولادك يرجعوا من السودان.
تصدق النعجات صوماليات.. لكن ما عاليك أنا أستبدلهم ليك
بخرفانا الامريكانيات الأنيقات وواحد سواكني من النوع النظيف علشان ما تزعل:
والنعجات الصوماليات هدية مني لودالمأذون..
قول ليه أعمل ليك زريبة ربيهن.. ولبنن أعملو روب..
ولو عايزيني أجيب حاجة تاني.. أنا رقبتي سدادة.. وما عندي مانع..
أها تاني تفتكر ودالمأذون حيشيل حالي ويعمل لي فضيحة قدام المعازيم ؟؟
طيب قول لي : مين اللي حيضبح الخرفان.. المعازيم قالوا منتظرين لسع..
http://9q9q.com/March/1142953805.jpg (http://9q9q.com/)
http://9q9q.com/March/1142954438.jpg (http://9q9q.com/)
Jamal Elmahi
21-03-2006, 05:07 PM
طيب قول لي : مين اللي حيضبح الخرفان.. المعازيم قالوا منتظرين لسع..
http://9q9q.com/March/1142953805.jpg (http://9q9q.com/)
http://9q9q.com/March/1142954438.jpg (http://9q9q.com/)
أرح أأجني هوي سن السكين وجيب الفرّار...ولاّ أقول ليك جيب المبرد ...ببردا براي ...النيّ لي النّار...أمسك الكراع دي أأجني جرّها عليك....بسم الله ...الله وأكبر...وجخخخخخ.....أرح جيب الكنش ولاّ المفراكه...أنفخ....أوففففف.....أوففففف....أأأي لامن يقيف حيح ...سلخو ببقي ساهل أأبوي...الجلد ما تقدّو بدورو قربه ما سعن ...جلد العتود البسوهو سعن أأبوي....ها أأناس اللحمه بتدوروها ضلع ولاّ سلات...والنيفه دي والضلوف ما تخلّو الحناكيش يشوفوهن...كان شافوهن ما بياكلو اللحمه دي...ضايروهن لي غادي...جيبي أأأبت كويره للطايوق دا...
مشاققه.....هاأأول ...ود المأذون ما تشغلو لينا العوبه ولاّ الكنداكه خلّونا نعرض..مافي صالون أخيرلو من دكّان... الحناكيش أأزول في صالون مهيره يكشفوا ساي...وحاتنو حت شديد..ولاّ نبقي حناكيش...عاد يسيها علينا الله بعد الحال دا نتحنكش ونضوق الحنكشه...الرجاله طايره...
ود الماحي
sambaaa
21-03-2006, 05:12 PM
ههههههههههههههههههههه
حلوة يا ود الماحي ...
اصبر لي بكرة بقلب الدكان ده .. حفلة وعرضة 00
بس انت خليك جاهز للجلد بالسووووووووووط ..
هههههههههههه
أبوبكرحامد
22-03-2006, 12:05 AM
الرشيد ظهرت.. سعيد اليوم الليلة جابك يا عزابي يا مجهجه..
هسع تلقاك بتاكل كل يوم فول فطور غداء وعشاء..
بس ما تنسى تنظف صحون الفول في المطبخ كل يوم..
إنت عارف يالرشيد طالما عزابي اليومين ديل مفروض
تمشي تشوف ليك أكياس نايلون وتصاقر في الدكان تبيع الصعوط
لناس ضياء الدين لغاية ما أولادك يرجعوا من السودان.
تصدق النعجات صوماليات.. لكن ما عاليك أنا أستبدلهم ليك
بخرفانا الامريكانيات الأنيقات وواحد سواكني من النوع النظيف علشان ما تزعل:
والنعجات الصوماليات هدية مني لودالمأذون..
قول ليه أعمل ليك زريبة ربيهن.. ولبنن أعملو روب..
ولو عايزيني أجيب حاجة تاني.. أنا رقبتي سدادة.. وما عندي مانع..
أها تاني تفتكر ودالمأذون حيشيل حالي ويعمل لي فضيحة قدام المعازيم ؟؟
طيب قول لي : مين اللي حيضبح الخرفان.. المعازيم قالوا منتظرين لسع..
http://9q9q.com/March/1142953805.jpg (http://9q9q.com/)
http://9q9q.com/March/1142954438.jpg (http://9q9q.com/)
الخرفان سمحات بالحيل آلخواجة ، الأولانى ده ظنيتو استرالى " من مراح عمك جون هاورد " بس التانى سودانى أصيل ، غايتو الأسترالى بنضبحو للناس المافارزين نوع اللحم ، الناس المفتحين ديل مابتغشوا أخير نضبح ليهم السواكنى ، والرشيد ضباح فنان لأنو عمرو كلو مع صحبانو ولاد ناس طلحة فى الزريبة ، عشان كده خليهو اساعد عمك ود الماحى فى السلخ وكسير اللحم .
أبوبكرحامد
22-03-2006, 12:12 AM
[QUOTE=Jamal Elmahi][SIZE=5][COLOR=DarkOrange]أرح أأجني هوي سن السكين وجيب الفرّار...ولاّ أقول ليك جيب المبرد ...ببردا براي ...النيّ لي النّار...أمسك الكراع دي أأجني جرّها عليك....بسم الله ...الله وأكبر...وجخخخخخ.....أرح جيب الكنش ولاّ المفراكه...أنفخ....أوففففف.....أوففففف....أأأي لامن يقيف حيح ...سلخو ببقي ساهل أأبوي...الجلد ما تقدّو بدورو قربه ما سعن ...جلد العتود البسوهو سعن أأبوي....ها أأناس اللحمه بتدوروها ضلع ولاّ سلات...والنيفه دي والضلوف ما تخلّو الحناكيش يشوفوهن...كان شافوهن ما بياكلو اللحمه دي...ضايروهن لي غادي...جيبي أأأبت كويره للطايوق دا...
مشاققه.....هاأأول ...ود المأذون ما تشغلو لينا العوبه ولاّ الكنداكه خلّونا نعرض..مافي صالون أخيرلو من دكّان... الحناكيش أأزول في صالون مهيره يكشفوا ساي...وحاتنو حت شديد..ولاّ نبقي حناكيش...عاد يسيها علينا الله بعد الحال دا نتحنكش ونضوق الحنكشه...الرجاله طايره...
.................................................. ...
هازول الفضيحة والستر متباريات ، دحين لوك الصبر أنا رسلتا لى الأمين ود البنا عشان اغنيلك غنا البطانة ، بس قالولى طلع القنيص وبرجع باكر ، أها لغاية ماإرجع أرح نغنيلك :
ود الماحى دهب الخزانة
بيهو اتشرف منتدانا
بريييدو
ود شيوخ البطانة
..............
عوووك آسامبا قوم حمِّس الطبلة على انو صوتا بقا زى اللستك المنفس.
sambaaa
22-03-2006, 01:25 AM
[
هازول الفضيحة والستر متباريات ، دحين لوك الصبر أنا رسلتا لى الأمين ود البنا عشان اغنيلك غنا البطانة ، بس قالولى طلع القنيص وبرجع باكر ، أها لغاية ماإرجع أرح نغنيلك :
ود الماحى دهب الخزانة
بيهو اتشرف منتدانا
بريييدو
ود شيوخ البطانة
..............
عوووك آسامبا قوم حمِّس الطبلة على انو صوتا بقا زى اللستك المنفس.
هههههههههههههههههههه
بجيك يا ود الماذون بحاجة رهيبة شديد
بس خليني اشرب لي كباية قهوة كده واجيك ..
بس وريني القهوة القاها وين ؟؟؟؟؟؟؟؟؟؟ ;)
sambaaa
22-03-2006, 01:41 AM
النص الكامل لقصيدة " الصافي دهب الخانة"
للشاعرة : الحرم عبدالله أبوسن
الإخوة والأخوات أعضاء منتدى ودمدني ..
هذا هو النص الكامل لقصيدة الصافي دهب الخزانة التي نظمتها الشاعرة الحرم عبدالله أبوسن في إبنها عبدالله إبراهيم أبوسن القاضي الشرعي ونائب رئيس البرلمان الأول ورجل السياسة الشهير يرحمه الله . ولقد كان بالفعل -مثلما تمنت له – رجلاً ذا شأن :
الصافي دهب الخزانة
الدولة أم فوت سيد بكانة
بريدو .. ودشيوخ البطانة
*****
شدو ليه البمغي الرسانة
ومرق الما بدورلو إعانة
يقيم الليل بالديانة
ويحل مفصول الضمانة
*****
مرق ود كرسي الحكومة
وقشاش دموع الظلومة
الضايقة بفرج همومها
والواجبة بيعرف لزومها
*****
بريدو ود شيوخ البطانة
شدو ليهو قارحو المقلد
نهم تيلادو المولد
نسف الكيس لينا جرد
وشيشك لي الدمعو برَّد
*****
مرق ود بيت الفضالة
تيتب للهاكعة شاله
عظيم بالحيل ياأب قدارة
متل قريش في الشطارة
*****
مرق ود بيت الدراسة
الطاهر خاتي النجاسة
شدو ليهو أم جراسة
ودخل البرطن نحاسها
*****
مرق أب زينا مكمل
لو مسفوه لو مهمل
درعوا البي الجوخ منمر
ولبسو البي الخوخ مسمر
*****
قاضي أوكاته وفروضه
مرق السابلات عروضه
*****
عوق الآلاف بقودو
وحرسه وصنعة جدودو
عبد اللاه يبلغ قصودو
ومتل حاتم يحكو جودو
*****
عبد اللاه دقر الحرايق
ونافي العيب والنقايق
بالأغراب ما هو عايق
كريم أخلاق ديمة فائق
بريدو ودشيوخ البطانة
*****
دارس سايس الطرايق
وفارس جاب الحقايق
وراسي وفي جلوسو رايق
وبحل المسجون وضايق
*****
شدو ليه القارح جوادو
ووافر للعامة زادو
عبد اللاه يبلغ مراده
علي الهايكوت ظعنو قادو
*****
عبد اللاه الفرسان صميمن
يشلع عيقان زحيمن
جدو البيهات عظيمن
ملك ذاوات مو نديمن
*****
شدو قارحو أب فراية
وسل أب جدلة وسقاية
عبدالله كاب الولاية
جليس ستات السراية
*****
فروخوا نفضت بديدو
وتسمع كورو وجضيضو
قود العوق يا عقيدو
النصر والفوز إنت سيدو
*****
شدو ليهو الصر كوروا
ونقرو نحاسو وطبولو
عوق الآلاف يجولو
وثقاة الناس بشهدولوا
بريدو ود شيوخ البطانة
*****
شدو ليه البنسف سبيبو
ومرق الما بعيق قريبو
أمين الجار يا حسيبو
جليس للبارعين وضيعو
*****
غلق زاد مو مخاده
ومرق الخاتي البلاده
النصر والفال هيلو عاده
وبجبد ناس في الشهادة
*****
غلق زائد مسدر
مرق اللي الروح بودر
ركب حافلو المبدر
جدو بضاري وبحدر
بريدو ود شيوخ البطانة
*****
غلق نيل التسابه
وقائد راس الحرابة
قاطع عاقة القرابة
بكان الموت ما بهابه
بريدو ود شيوخ البطانة
*****
يوم القيلة بنعاين
بالطاقات ما هو باين
تقيل موزون بالقباين
*****
سد أم دور بالعساين
ومنع القش بالبطاين
*****
شدو ليه البعجب رسيسن
وقود الخيل يا عريسن
بنات الطيب إت جليسن
والتاج والنيشان وريثن
*****
حفلن ولبسن لبوسن
وجنو سايقات عروسن
دوام مبسوط من خصوصن
أديب ما بواخد جلوسن
*****
حتلن جلبن طقومن
وجنوا طالبات لزومن
دوام مبسوط من همومن
قدر ما يقولن فهومن
*****
شدو ليهو الكورو صر
مو مسفوه مو مخلي
بدر في الحافلة سلة
والمسجون ليه حل
*****
الفروخ بارياهوا بره
وحنوا ولاقو المسرة
بريدو ود شيوخ البطانة
*****
شدو قارحو البلاوي
وشويم لي بيتو ناوي
عظيم ود عمد المقاوي
وقدر ما أقول يهو ساوي
*****
الصافي دهب الخزانة
الدولة أم فوت سيد بكانة
بريدو .. ود شيوخ البطانة
ودي كمان جدعة خفيفة كده عشان ودالماحي ....
الناس في العروض ما تقيسه بي تيبانه
مايغرك لباسن والعروض عريانه
ديل حراس رزق زي التكنو أمانه
زي إبل الرحيل شايله السقى وعطشانه
أبوبكرحامد
22-03-2006, 02:59 AM
والله ماقصرت ياسامبا ، وانقطع لسان اليقول عليك حنكوش ، أها ياود الماحى دحين بندور شرح لى الكلام السمح ده عشان الجنيات المعانا ديل إفهمو سماحة النضم ده.
ياسامبا راجع الرسائل الخاصة .
rasheed
22-03-2006, 03:00 AM
آآآآالخواجة والله ما خليتلنا حاجة علا البهيمة اللولى دي دحين حبوبتا ماهي النعجة دولي أأأجنى ،، وده النحن خايفين منو آآ خواجة ،، بس التانية دي السواكنية دي تني ولا رباع دحين التني كويس وكان بلدية تبقى تمام كنت تصورها باسمة شوية ( كان تقول ليها جيييييييييييس ) عشان نعرفها تني ولا رباع ،، بعدين والله كتر خيرهم البطاحين جيرانا آآود الماذون خبرونا بالحيل عن البهم ناس عمر فلاتة وأولاد عمنا طلحة ،، ودحين ود الماحي شديداً آآزول وشال الشيلة وضبح الخروف ،، ما خللالنا حاجة ،، بس أنا بسويلكم الشربوت دحين فاكر كده يعني اللحم بدون شربوت وما بعده 000 ببقى ؟؟؟ ستين يمين يبقى لينا أكل حناكيش ساكت ،، وووينك يا ود الماحي انت دحين خابر الحنكشة دي ساكت كدده دي ما مراحل آآخوي خليها لناس عزيز وناس فاقد والجماعة الشباب ديل أنت كان أتحنكشت علا ناس الحلة يقولوا حاجة تانية !!!!! بس خليها في سرك 00 دحين خلينا في الضبيحة ونسيتلنا الفشفاش ما كبيتلو العتي نفختوا ساكت وبعدين تمرة الفؤاد رقدتبيها براااااااااااااااااك أأأأزول ،، وإن كان داير تبقى حنكوش تقول الجلد بتدور تسويه قربة ما سعن يعني ،، وين ناس الجمعية في الفريق ما بدوروه ،، الجلد يا اللخو بقى فلكولور يعني بسووهو زي مصلاية كده وبعلقوه منظر ،، أنت ما شفت خرفان أبو حريرة أمات فروة بيضاء ولا شنو ،، وشايف موضوع الجنينة زي ما قالتلكم بتنا فدوي علينا تب ،، أصلو ناس أمسنط ديلاك ما نسابتن لينا وما تشيلو هم بس شوفولكم بص من بصات المزاد عشان نمشي بيه ،، والموية الباردة خلها لينا برضو ويا حليل زمان كنا بنبيعها في الزريبة القديمة ( السوق الشعبي هسع) في مدني وبرررررررررررررررررررررررد جوفك (الكباية بقرش والكوز بفريني (أبو قرشين) علينا جاي ي ي ي ي ي ي ييييييييييي) ،، والبقنية والتكامل والكونجومورو علي منو يا جماعة الخير ،، أررررررررررررررح
عزيز عيسى
22-03-2006, 08:42 AM
آآآآالخواجة والله ما خليتلنا حاجة علا البهيمة اللولى دي دحين حبوبتا ماهي النعجة دولي أأأجنى ،، وده النحن خايفين منو آآ خواجة ،، بس التانية دي السواكنية دي تني ولا رباع دحين التني كويس وكان بلدية تبقى تمام كنت تصورها باسمة شوية ( كان تقول ليها جيييييييييييس ) عشان نعرفها تني ولا رباع ،،
الرشيد البهائم رفضن يفتحن خشيماتن..
طيب أيه رأيك في دا..
الوحيد اللي قال جييييز..
يلا ورينا تني ولا رباع ؟؟
http://9q9q.com/March/1143049518.jpg (http://9q9q.com/)
Jamal Elmahi
22-03-2006, 02:50 PM
[QUOTE=أبوبكرحامد][QUOTE=Jamal Elmahi]
.................................................. ...
هازول الفضيحة والستر متباريات ، دحين لوك الصبر أنا رسلتا لى الأمين ود البنا عشان اغنيلك غنا البطانة ، بس قالولى طلع القنيص وبرجع باكر ، أها لغاية ماإرجع أرح نغنيلك :
ود الماحى دهب الخزانة
بيهو اتشرف منتدانا
بريييدو
ود شيوخ البطانة
..............
عوووك آسامبا قوم حمِّس الطبلة على انو صوتا بقا زى اللستك المنفس]
ود المأذون...أنا مع دهب الخزانه دي أأالخزين ببقي زول بطان ساي ...العرّاقي بملصو وبتحزّم بيو...الضهر أأأبوي من البطان ذي كراس الحساب جلد رجال مخلوف...أنا أخوك أأفاطنه...والصقريّه بالسيف ياحليلا أأبوي....الواحد يقرّب يقطع عرقوب التاني...
ود الماحي
ضياء الدين احمد
23-03-2006, 07:09 AM
ود الماحي عاد وكتين ركز ما اتهز
والسوط اب جلد في ضهرو شخبت وحزّ
ود ناسا ضكور ما بقومهو بلكزه
والتوب العليهو دمو لامن نزّ
ماالزول ود اصل مليان شجاعه وعذه
Jamal Elmahi
23-03-2006, 11:32 AM
[color=red]ودي كمان جدعة خفيفة كده عشان ودالماحي ....
الناس في العروض ما تقيسه بي تيبانه
مايغرك لباسن والعروض عريانه
ديل حراس رزق زي التكنو أمانه
زي إبل الرحيل شايله السقى وعطشانه
عافي ورضيان عليك أأأسامبا...أنا تبيت فوق جدعتك لامن شرطتّه مركوبي والكراع ظنيتا أنفكّت علّها ما تنت...لي هسع مصنقر راجي دهب الخزانه أأالخزين...
ود الماحي
Jamal Elmahi
23-03-2006, 11:43 AM
والله ماقصرت ياسامبا ، وانقطع لسان اليقول عليك حنكوش ، أها ياود الماحى دحين بندور شرح لى الكلام السمح ده عشان الجنيات المعانا ديل إفهمو سماحة النضم ده.
ياسامبا راجع الرسائل الخاصة .
شفته النضم دا حلو كيف أأأود الماذون...النضم دا رجعني وري خلاص لي أيام الهمبته...ياحليل الهمبته أأبوي وياحليل رجاله...شرح النضم دا أأبوي يطول ودايرلو سنه لي الحول...لكن برضو اخوك جاهز بس خلّي الجنوي يتلمّو...
ود الماحي
Jamal Elmahi
23-03-2006, 11:58 AM
ود الماحي عاد وكتين ركز ما اتهز
والسوط اب جلد في ضهرو شخبت وحزّ
ود ناسا ضكور ما بقومهو بلكزه
والتوب العليهو دمو لامن نزّ
ماالزول ود اصل مليان شجاعه وعذه
هاأأأود وداعه...والله كتلتني تب...هاأأأزول ات شفتني راكز في صفاح الشول بت ناس البكري ولاّشنو ...النعمنو الايام ديك خاتّي عيني في العازّه...والشبّال أأأبوي منّها بي أربعين سوط (شريعه ساي)..وأخوك ركز لي ميّه ...حق شبالين والعشرين الفاضله سلام للعازّه...وياحليلك ياالعازه أخدا ود البلوله ..ما ود عمّها عاد وأنا لي يوم الليله كل ما أشوفا تمسكني أم هلاّ هلاّ وقلبي يقعد يضرب ذي الهبابه وينتح...أتح ..أتح..أتح..
ود الماحي
Jamal Elmahi
23-03-2006, 05:35 PM
دحين خلينا في الضبيحة ونسيتلنا الفشفاش ما كبيتلو العتي نفختوا ساكت وبعدين تمرة الفؤاد رقدتبيها براااااااااااااااااك أأأأزول ،، وإن كان داير تبقى حنكوش تقول الجلد بتدور تسويه قربة ما سعن يعني ،، وين ناس الجمعية في الفريق ما بدوروه ،، الجلد يا اللخو بقى فلكولور يعني بسووهو زي مصلاية كده وبعلقوه منظر ،، أنت ما شفت خرفان أبو حريرة أمات فروة بيضاء ولا شنو ،،
حباب الرشيد ...حباب الغالي...نضوق الحنكشه أأأبوي وندبّل من بنات العالي....عافي منّك أأأالرشيد فكيت البايظ وقعدته تخوجل ذي فحل المراح...نحن يا يابه اضوّقنا الله الهمله وفك البايظ....أنا النصيحه حاسدك عديل دي عملتها كيف أأأأالضو...
الفشفاش أأأبوي أنا بالحيل نفختو وكبيتلو أبغازيه وكمان ذياده في الطعم نفختو وأنا سافي ونص السفه سرحت بوشها في الفشفاش...أها طعم أكتر من كدا عاد تاني شنو...الاتّي أأأزول لخبتوهو مع الشطّه وان دايرلكم طعام ذياده سفتي قاعده حلا وحمار(مع فتح الحاء)...
بعدين أأبوي الشربوت ماتكترلو الغرنجال...بقوم يعشرق للحناكيش...وما تخلّو يبيت أكتر من يومين النعمنّو الحناكيش أأأبوي راسم خفيف...وات عارف الحنكوش لمّا راسو يلف بسوي شنو...المهم أأأزول عيب الشربوت ولا عيب سيدو...
ود الماحي
عمك تنقو
23-03-2006, 08:56 PM
ابوبكر صاحب خليات النحل الدائب والنشاط الرائع وعزيز عيسي الولد الامريكاني .. مشتاقين ليك كتير
امانة في رقبتكم دي الولد الرائع ده ود فرقان العرب الرحالة ( جمال الماحي كما لبستو حجاب )
ياسر مبيوع
23-03-2006, 11:51 PM
http://www.engineering.uiowa.edu/~mahmed/02%20al3yoon.wma
العيون ..الكاشف.. بصوتى
elfatih61
24-03-2006, 04:05 AM
شكراً 00 ياسر على الهدية التي وجدت آذانا صاغية لكل من اهديته لها (ناس مدني) 00 نرجو المزيد من الهدايا الحلوة دى 00
الفاتح
Jamal Elmahi
24-03-2006, 06:17 AM
ابوبكر صاحب خليات النحل الدائب والنشاط الرائع وعزيز عيسي الولد الامريكاني .. مشتاقين ليك كتير
امانة في رقبتكم دي الولد الرائع ده ود فرقان العرب الرحالة ( جمال الماحي كما لبستو حجاب )
حباب عمنا تنقو...حباب أبوي...هاأأزول أنا الحجاب لابسو تب في ضراعي اليمين والسكين أم جفير الخاساويه في ضراعي العسير...علاّ كان عندكم لي حجاب جديد بعد العولمه حتتو بلبسو...وكان دايرين تتمو الناقصه رسلو لي عرق محبّه كان ينفع في الخواجيات ديل....والله يهدّي السر...
ود الماحي
sambaaa
24-03-2006, 01:27 PM
http://www.engineering.uiowa.edu/~mahmed/02%20al3yoon.wma
<الراقي حد الإندهااااش ..
الأخ الصديق .. دكتور / ياسر .. للذوات الراقية إلفتها وحضورها الإستثنائي في الخاطر .. ولا أود أن اشكرك على هديتك الغالية ... فمواعين الشكر أضيق من شاسع بونه .. ولكنني سعيد جداً بهذه التحفة الفنية التي تحمل بصماتك الغالية جدا ... لك كل الود يا صديقي العزيز .. ودمت لنا ..:)
http://9q9q.com/March/1143312906.gif (http://9q9q.com/)
http://9q9q.com/March/1143312944.gif (http://9q9q.com/)
أبوبكرحامد
25-03-2006, 03:13 AM
ابوبكر صاحب خليات النحل الدائب والنشاط الرائع وعزيز عيسي الولد الامريكاني .. مشتاقين ليك كتير
امانة في رقبتكم دي الولد الرائع ده ود فرقان العرب الرحالة ( جمال الماحي كما لبستو حجاب )
عليك امان الله ياعمك تنقو ود الماحى ده اخليك تتذكر البطانة والشرق فى ايام الخريف ، والله ان ما اخاف الكضب اقولك الزول ده اياهو ود اب سن جانا من التاريخ عشان اورينا سماحة البطانة ، وحكمة الله الزول امريكى ، الحجاب بنسويهو وبنزيدو دعا ربنا احفظو واغتيهو من اليجهلو واليعاديهو.
عزيز عيسى
25-03-2006, 09:52 AM
ابوبكر صاحب خليات النحل الدائب والنشاط الرائع وعزيز عيسي الولد الامريكاني .. مشتاقين ليك كتير
امانة في رقبتكم دي الولد الرائع ده ود فرقان العرب الرحالة ( جمال الماحي كما لبستو حجاب )
البركة بالشوفة عمك تنقو،
ومشتاقين كثير:
انت عارف جمال دا ما بحتاج لحجاب
لكن عايز ليهو طاقية (يقنطره) فوق راسه
وعراقي مع سروال طويل
و(قرجة) يضعها على كتفه
ويعلق عليها يديه
ويشوف ليه شجرة يتكي عليها
ويقعد (يدوبي) للخواجات
وزي ما قال ليك ودالمأذون
دا ود أب سن ذاتو..
ت.
sambaaa
25-03-2006, 10:23 AM
أخي العزيز / ودالماذون ..
طبعا الأغنية دي مهداة من الأخ دكتور / ياسر .. وحبينا تكون إتكاءة تحت ضل الدكان .. ( مشاققة ذي ما بيقول ودالماحي )..
ولكم كل الود ... وللأخ الفنان / ياسر مبيوع كل الشكر والإمتنان ..
أبوبكرحامد
26-03-2006, 03:40 AM
شكرا حبيبنا سامبا على الاغنية ، والشكر موصول للمبدع ود مبيوع .
أبوبكرحامد
27-03-2006, 11:16 PM
قالوا الناس فى السودان عندهم اجازة تلاتة يوم بمناسبة الغمة العربية " آسف أعنى الغمة " .
اها اظن الناس قاعدين فى البيوت وبطلوا اجوا الدكان دحين اسمحوا لى انا بمشى باخد لى رقدة الضهرية وبجيكم والبدورلو حاجة الباب متاكا شيلو حاجتكم والحساب دفعوا سامبا مقدم " انشاء الله قدموا لى ابو ابراهيم ".
Jamal Elmahi
29-03-2006, 05:49 PM
ها أأأناس ود المأذون دا نومتو دي ما أنقلب منها ...كدي الكزوهو ...دي والله الغول أبنومة سنه مابسويها...الكتحيبه بالله صفحتو لامن شرطنت من حبال العنقريب...انتو أأأناس مدني عناقريبكم دي موّسره بي عاشميق ولاّ شنو...غايتو أنا هادي تصنقره قدام الدكان...كان عاينته لي بنات العالي ديل ساي روحي بتبرد...الدكان ...والهبّهان ...والوش الحسن...
ود الماحي
أبوبكرحامد
29-03-2006, 08:27 PM
والله ياوليد الماحى مانى نايم بس الناس دى التقول صبت فيها مطرة لازولاً إسالم لازولاً إناغم ، اها اسوى شنو ان اتكلمتا براى بقولوا جنيت ، بعدين آخوى مالك على بنوت العالى انتا ياخوى نشوفلك ناس تعليم الكبار .
عماد الصادق
30-03-2006, 01:02 AM
يا ود الماذون ... سلام
ياخي صراحة انا ماخد موقف من ستات الشاي..
كان ما زحيتو ولا طفشتو لينا ست الشاي القاعدة
في ركن الدكان ماني جاي..
كراهيتي في السودان لستات الشاي
زي محلات الاتصالات
ولا زي صيدليات النهدي في جدة..
حاجة عجيبة ... شياتين..
بين كلو ست شاي وست شاي تلقى ست شاي
التقول الواحد ماطالع من بيتو علا عشان يشرب شاي..
حاجة عجيبة ...
هو الزول اللي يقترح يبيعو السودان في المزاد العلني..
علا يشوف طريقة ينضفو من ستات الشاي !!!
بس عليهم..
ود المأذون .. بما أنك من أولاد بانت..
عاوزين لينا بوست عن الكوكبه والكواكب
وعصرهم الذهبي
بمشي وبجي صاد
عماد الصادق
30-03-2006, 01:04 AM
تخيل واحد
اتصل وقال لي تجي صاد ولا تجي ضاد
ست الشاي قااااااعدة
أبوبكرحامد
30-03-2006, 01:21 AM
طلباتك أوامر ياعمدتنا وبوعدك نكتب عن الكواكب ال : إحتفلوا بى القمر
الامين
30-03-2006, 01:30 AM
العزيز جدا : ابوبكر حامد
اتيت لأقول ............................. تحياتي ....
عزيز عيسى
30-03-2006, 07:03 AM
أمبارح جاتني حلمة غريبة قولوا إن شاء الله خير..
حلمت نفسي ماشي كداري وقت العصرية قبل المغرب في شارع سنكات جبرونا مع واحد صحبي اسمو هاشم عبدالعزيز
الآن هو في أبوظبي.. نتونس لغاية ما وصلنا السينما الخواجة.. ما عارف اسم الفيلم شنو.. لكن قطعنا تذاكر ودخلنا لوج
ولقينا بابكر ودالصول قاعد جمبنا في واحدة من مربعات اللوج رفع ايدو أشر لينا وقال لينا تعالو هنا في محلات..
سلمنا عليه وجلسنا بعد شوية أشوف ليك من بعيد في (شعب) صالح ودأبوشوارب وخالد هاشم عاملين شكلة مع الشماسة..
والحجاز أمير عبدالباقي ومعاهو أمينو (أنا عارف حيجي ودأبوشوارب وودهاشم يقولوا لي اشمعنى انتو في اللوج وأنحنا في الشعب)..
الكلام دا كلو قبل المناظر ما تبدأ.. يعني لا لمينا في مناظر ولا فيلم ولا يحزنون..
المهم نطينا السور ولحقنا الشكلة وجاء البوليس ودانا الحراسة كلنا وفتحوا علينا بلاغ بإزعاج الأمن العام..
يوم المحكمة جاء ودالمأذون شايل شينيطو علشان يدافع عننا..
لكن ماعارف هل طلعنا براءة أم ماذا حصل لأني فجأة صحيت ولقيت نفسي بره المحكمة والحراسة.. يعني الله مرقني
لكن ما عارف باقي الجماعة لسه محجوزين ولا ودالمأذون طلعهم براءة ؟!!
تفتكروا حلمة زي دي يمكن قربت أسافر أشوف مدني؟
عمنا تنقو تعال فسر لينا الحلم دا..
اللهم أجعلو خير..
Jamal Elmahi
30-03-2006, 03:29 PM
يا ود الماذون ... سلام
ياخي صراحة انا ماخد موقف من ستات الشاي..
كان ما زحيتو ولا طفشتو لينا ست الشاي القاعدة
في ركن الدكان ماني جاي..
كراهيتي في السودان لستات الشاي
زي محلات الاتصالات
ولا زي صيدليات النهدي في جدة..
حاجة عجيبة ... شياتين..
بين كلو ست شاي وست شاي تلقى ست شاي
التقول الواحد ماطالع من بيتو علا عشان يشرب شاي..
حاجة عجيبة ...
هو الزول اللي يقترح يبيعو السودان في المزاد العلني..
علا يشوف طريقة ينضفو من ستات الشاي !!!
بس عليهم..
بمشي وبجي صاد
عمده أأأبوي ست الشاي مابنبقي براها... أنا وصاحبي الكوز كنا زبائن ست الشاي القاعده برّه داخليات الجامعه...بعد الفطور قلته ليهو أرح أأزول نشرب لينا شاي....من بعيد شفنا زحمه شديده عند ست الشاي...قال لي ست الشاي دي أخير نختاها من الزحمه دي أكيد تكون مشغّله التلفزيون....قلته ليهو كمان جابت ليها تلفزيون والله دا عز الطلب ..نشرب شاهينا ونحضر نشرة الساعه عشره...قال لي يازول أستغفر الله ...قلته ليهو أها أأأالكيزان قمتو علي جنّكم دايرين تحرّموا لينا النشره والتلفزيون؟؟؟ قال لي ياخي دي تلفزيونا شئ تاني ....دي قليلة أدب..بتعمل حركات ما كوييسه تلم الشباب...
فانت يا عمده لو ست الشاي شغّلت ليك التلفزيون كلّمنا أأأبوي...وهو الابيض وأسود دا تلفزيون....التلفزيونات يا ملونه يا بلاش...والعجب البلازما أأأبوي والله تدّي ربّك العجب....
مشاققه...
غايتو سجن سجن...غرامه غرامه...بس الرفديه ما فينا....يعني نفضفض وين؟؟؟؟
ود الماحي
بابكر
31-03-2006, 12:22 PM
الاخوه الاعزاء رواد الدكان سلام جاكم
والله انا اليوم زعلان شديد وحزين كمان
تصوروا انا عندى عصفورتين اخر جمال وحلاوه بيغردوا طوال اليوم
جات الكديسه اكلتهم 00فتحت القفص واللى كان كان ياحسره
وفقدت اعز اصدقاء 00والله كانوا قاعدين معاى اكتر من سنه 0ولمن المره تسافر بهتم بيهم ذى العيال 000يعنى كانو مالين على وقتى 000
تقولوا لى جيب ليك واحدات تانى ؟؟؟ بس انا والله زعلان عشان ديل فهمونى عديل كده وقربت اعرف لغتهم00
المهم الما بعزينى فيهم انا بكون زعلان منو اشد الانزعال والحاضر يكلم الغائب
ولاعزر لمن انذر
عزيز عيسى
31-03-2006, 01:50 PM
ودالصول أولا البركة بالشوفة في الدكان
والجاتك في عصافيرك سامحتك
والكديسة الأكلت العصفورين إن شاء الله تجيها أنفلونزا الطيور
انت عارف يا بابكر ذكرتني برضو كان عندنا عصفورين
حليوات من فصيلة الببغاء أذكياء جدا..
كانوا مالين لينا البيت تغرد وبيعملوا حركات مضحكة..
يحبوا يجلسوا فوق رؤوس الناس..
ومن شدة ما ولفوا علينا كنا بنتركهم يلعبوا خارج القفص..
ومرات تلقاهم دخلوا القفص لوحدهم..
واحد من العصفورين أداني ليه جمال الماحي هدية
الظاهر واحد فيهم زعل من الثاني فتح القفص وهرب..
ظل الآخر وحيدا وبطل يغرد على الرغم من محاولاتنا
باللعب معاهو.. قمنا يوم في الصباح ما سمعنا صوتو
لما بنتي الصغيرة مشت على القفص لقتو ميت
قنبت تبكي بكاء شديد..
والله كلنا حزنا لفراقو.. وفي النهاية
عملنا ليه مراسم دفن خاصة داخل سور حديقة البيت.
الله يرحم عصافيرنا.
أبوبكرحامد
31-03-2006, 11:16 PM
العزيز جدا : ابوبكر حامد
اتيت لأقول ............................. تحياتي ....
تحياتك لو وزعت على أهل الأرض لكفتهم وزادت( سنهدى بعضاً من أريج تحاياك لسكان كوكب المريخ " هم رائعون بالتأكيد " ).
سعيدٌ أنا بمرورك أخى الأمين وفى انتظار المزيد من الروائع.
أبوبكرحامد
01-04-2006, 12:03 AM
يوم المحكمة جاء ودالمأذون شايل شينيطو علشان يدافع عننا..
لكن ماعارف هل طلعنا براءة أم ماذا حصل لأني فجأة صحيت ولقيت نفسي بره المحكمة والحراسة.. يعني الله مرقني
لكن ما عارف باقي الجماعة لسه محجوزين ولا ودالمأذون طلعهم براءة ؟!!
..
ياخواجة رسل أتعاب القضية شنو الله مرقك ، داير تملحنا فى أتعابنا ولاشنو؟
أبوبكرحامد
01-04-2006, 12:10 AM
مشاققه...
غايتو سجن سجن...غرامه غرامه...بس الرفديه ما فينا....يعني نفضفض وين؟؟؟؟
ود الماحي
شكيت محنك ياود الماحى ..........................
غايتو السجن والغرامة ديل ماهن هولى ، بس التعديل وحات ابواتك سويتو بى ايدى وشديدى ، دحين اعفا لى .
أبوبكرحامد
01-04-2006, 12:16 AM
جات الكديسه اكلتهم 00فتحت القفص واللى كان كان ياحسره
انتا يابابكر أخوى شغال فى السعودية ولا المسعودية ... كدايس شنو ؟
غايتو منى بهدى ليك جوز طيور " قدوم أحمر - يعنى عاملات روج " رايك شنو ؟
انا خايف أم العيال تشوف " قدوم أحمر " تشيلا الغيرة وتضبح ليك الطيرة والكديسة !!!! ههههههههههه.
أبوبكرحامد
01-04-2006, 12:20 AM
واحد من العصفورين أداني ليه جمال الماحي هدية
الظاهر واحد فيهم زعل من الثاني فتح القفص وهرب..
.
ياعزيز كدى ورينا العصفور المات ياتو حقكم ولا حق جمال الماحى ؟
غايتو نصيحتى ليك كان عصفور جمال لسع حى خلوا نومكم خفيف !!!!!!!
" بدون تعليق "
صالح ابوشوارب
01-04-2006, 01:04 AM
البركة فيكم يا ود الصول
والله وجعنى شدييييييد
لكن اوصيك تتبنى عشوشة وبرسل ليك ود ابرق
عماد الصادق
01-04-2006, 01:43 AM
ود المأذون بوصيك تعمل ليك شفرة
ولا باب سري لدكانك عشان العوين والعيال المعانا ما بنجرحو..
ده حالتو بعد التعديل..!!!!
غايتو شوية ودالصول بعصافيره و(حنكشته) لّطف الجو
ويا ودالماحي عندي سعال
البلازما فيهو شاشه ولا من غير شاشه
قصدي سماعاتو داخلية ولا في الصقيعة
أصلو التكنولوجيا الواحد بس علا ما ينوم..
يقعد طول الليل مبحلق...
هسه عليكم الله في مكان ما كنتو
شفتو ليكم ستات شاي زي اللي عندنا...
كان الحكاية دي عالميا منتشرة ..
قولو لينا ...أصلنا بقينا دفه قديمه...
وغلبنا البنسويهو..
Jamal Elmahi
01-04-2006, 04:10 AM
الاخوه الاعزاء رواد الدكان سلام جاكم
والله انا اليوم زعلان شديد وحزين كمان
تصوروا انا عندى عصفورتين اخر جمال وحلاوه بيغردوا طوال اليوم
جات الكديسه اكلتهم 00فتحت القفص واللى كان كان ياحسره
وفقدت اعز اصدقاء 00والله كانوا قاعدين معاى اكتر من سنه 0ولمن المره تسافر بهتم بيهم ذى العيال 000يعنى كانو مالين على وقتى 000
تقولوا لى جيب ليك واحدات تانى ؟؟؟ بس انا والله زعلان عشان ديل فهمونى عديل كده وقربت اعرف لغتهم00
المهم الما بعزينى فيهم انا بكون زعلان منو اشد الانزعال والحاضر يكلم الغائب
ولاعزر لمن انذر
حباب ود الصول...
العصيفيرات أأأبوي يغتسن...ربّي ليك أأأزول بلوم وبالعدم قمريّه...لمّا المره والعيال يسافرو بريحوك بالحيل وكان ما نسّوك العيال لومني...والعجيبه ما بدورن ليهن قفص...حكمتك يا ربي...
ود الماحي
Jamal Elmahi
01-04-2006, 04:37 AM
ويا ودالماحي عندي سعال
البلازما فيهو شاشه ولا من غير شاشه
قصدي سماعاتو داخلية ولا في الصقيعة
أصلو التكنولوجيا الواحد بس علا ما ينوم..
يقعد طول الليل مبحلق...
عمده أأأبوي انتو كان رقتو أنا بوصّف الشفتو...بس ود المأذون دا اختاني أأأزول ...دكان هو ولاّ محكمه...
البلازما أأبوي أريتو تلفزيونك...ليهو جضوم...ونضيف جنس نضافه واريلو قاعد مافي زول لعب فيهو ولاّ قطعو...قطع الاريل أأأبوي ما ياهو ذاتو البوشوش الصوره في التلفزيون الابيض وأسود...البلازما أأأبوي ريحتو ساي ترد الروح...قايلا شمار شمار ...الله يضوّقك أأبوي البلازما والله ماتشبع فيهو شوف...بجيك صاد أأأبوي كان الحيكومه خلتني...
ود الماحي
عماد الصادق
01-04-2006, 05:21 AM
شوف الجنا ود المأذون.. لافي سورو!!!
قاعد يعاين ساي والضحك كاتلو
وبصراحة بطريقتك دي بتكتل ليك واحد!!
وأنا بنصح الإخوة مايقرو تعليق حبيبنا ود الماحي
بعيدا عن اللهط بكل أنواعه شراب وأكل .... بتنشرق وتروح فيها
والزمن ده الناس بقت ما حريفه في أم دلدوم...
المغتربين المبغبغين ديل الواحد لو أداك أم دلدوم يجيب أجلك...
وأصلها بايظه والحيكومة لازم تتغير!!!
دحين أأأخوي ودالماحي ...
كلامك زي إبر البنج.. وبس
وبيني وبينك نحن خلاص كفانا الأبيض وأسود..
وماعندنا قدرة .. أقصد قروش للبلازما ده..
وسبحان الله مافي تلفزيون في السودان .. وإلا تلقا أريلو مكسور...
هباشة ما بعدها هباشة...
بابكر
01-04-2006, 01:02 PM
عزيز
ود المأذون
ابو شوارب
ودالماحى
عماد الصادق
تعزيتكم وصلتنى 00شكرا ليكم كتير
وانا شايل الكشف ومتظر الباقين
sambaaa
03-04-2006, 10:21 AM
اخوانا الكبار ... سلام عليكم
طبعا دي هدية ليكم .. وللأخ ود الماحي عشان يعرض فيها
وصوت العنج بيد اخونا ودالماذون ..
يلا خشوا الدارة ..
http://9q9q.com/March/1142304459.gif (http://9q9q.com/)http://9q9q.com/March/1142304459.gif (http://9q9q.com/)http://9q9q.com/March/1142304459.gif (http://9q9q.com/)
http://www.sudaneseonline.com/SudaneseMusic/music/MohdAlmaghrabi/Al_Kan_Daka__mohamed_al_maghrabi@sudneseonline.mp3
http://9q9q.com/March/1142304709.gif (http://9q9q.com/)
أبوبكرحامد
03-04-2006, 08:31 PM
ها زول أبشر بالخير ، بس الجلد آسامبا خوى خلو بعد يوم السبت لأنو ود الماحى مشغول بى شوية حاجات " حمدو فى بطنو ".
بابكر
04-04-2006, 12:58 PM
شكرا لك ياسامبا
والامير ود الماحى يستاهل
يلا صفقوا كلكم ,, ويلا ارقصوا كلكم00 الاليفه ندى الجروف ماخده حاجات منكم
ساوه ليكم بأيدينها شاى
وحالبالكم ضراع الليل
وجالبالكم ضى القمره
وماممكن تخليكم
تجيب النجمه هى تديكم عشان كان نورها ماكفى تجيب ضوا يكفيكم
أبوبكرحامد
06-04-2006, 12:48 AM
شكرا لك ياسامبا
والامير ود الماحى يستاهل
يلا صفقوا كلكم ,, ويلا ارقصوا كلكم00 الاليفه ندى الجروف ماخده حاجات منكم
ساوه ليكم بأيدينها شاى
وحالبالكم ضراع الليل
وجالبالكم ضى القمره
وماممكن تخليكم
تجيب النجمه هى تديكم عشان كان نورها ماكفى تجيب ضوا يكفيكم
ياود الصول بعد نضمك السمح ده ماعندنا طريقة غير نصم قدومنا ونسكت ، أدنى الحقة النختلى سفة ود الماحى خوى.
بابكر
08-04-2006, 07:58 AM
الاخ الوفى ود المأذون لك التحه 0وانت كللك ذوق يا امير
أبوبكرحامد
08-04-2006, 08:27 PM
تعظيم سلام لود الصول وقد عاد لدكانه الذى كسح عفراء مول " العهدة على ود الماحى " ، اين رواد الدكان ود الماحى الذى اصابته التخمة من الشواء ، عزيز عيسى مشغول بكورس دراسى ، اين البقية ؟؟
أبوبكرحامد
11-04-2006, 10:58 PM
ياناس الدكان خباركم مبورين لينا بضاعتنا ، جمال الماحى ياخوى قريبك ده لسه ماسافر عشان تدينا غشوة / وزى ماقال الفنان " تعال فرح ليالينا" .
والله ياسامبا انا هسى يادوبك بسمع فى غناك السمح ده - انشاء الله اسمحن أيامك ، طبعاً ماعندى سماعات ولاوكت فى المكتب لى جنس الغنا السمح ده وانا هسى فى محل انترنت ومركب السماعات التقول سايق طيارة - هاجنا العلام سمح بالحيل هههههه.
الليلة عندى اجازة بمناسبة المولد النبوى الشريف وهى تعويض عن يوم الإتنين .
ابراهيم
13-04-2006, 01:50 PM
كل عام وانتم بخير يا ناس الدكان
اها حلاوة المولد وين يا ناس
السمسية والفولية واللكوم
اكيد ناس حي المدنيين وناس بانت ما حينسونا
من طيبات الشانزيليزيه وسلا ومكاوي
آي يا جماعة اعملوا ليها attachment
الايميل بشيل Gegabyte
sambaaa
14-04-2006, 03:34 PM
ياناس الدكان خباركم مبورين لينا بضاعتنا ، جمال الماحى ياخوى قريبك ده لسه ماسافر عشان تدينا غشوة / وزى ماقال الفنان " تعال فرح ليالينا" .
والله ياسامبا انا هسى يادوبك بسمع فى غناك السمح ده - انشاء الله اسمحن أيامك ، طبعاً ماعندى سماعات ولاوكت فى المكتب لى جنس الغنا السمح ده وانا هسى فى محل انترنت ومركب السماعات التقول سايق طيارة - هاجنا العلام سمح بالحيل هههههه.
الليلة عندى اجازة بمناسبة المولد النبوى الشريف وهى تعويض عن يوم الإتنين .
تسلم يا زعيمنا ..
ود الماحي نهدي ليهو .. ولما يجي وقت الجلد والصوت يشرد .. أفو .. أفو عليك يا ودالماحي والله
تخلي ود الصول يعرض براهو .. دحين الكلام ده مو غلط . .. أفو عليك والله ..:)
وكان للدكان ده يا زعيمنا ليك علي ذي ما قلت ليك اجردو ووريني حسابك كم .. كيتا على ودالماحي الشرد ده ..
أبوبكرحامد
14-04-2006, 11:16 PM
تسلم يا زعيمنا ..
ود الماحي نهدي ليهو .. ولما يجي وقت الجلد والصوت يشرد .. أفو .. أفو عليك يا ودالماحي والله
تخلي ود الصول يعرض براهو .. دحين الكلام ده مو غلط . .. أفو عليك والله ..:)
وكان للدكان ده يا زعيمنا ليك علي ذي ما قلت ليك اجردو ووريني حسابك كم .. كيتا على ودالماحي الشرد ده ..
ياها المحرية فيك ومابتقصر يا ابوعفان تسلم انشاء الله ، والدكان هولك وان داير حتى باقى العمر شيلو " غنا هاشم ميرغنى ده بيجيب الهوا هههه"
أبوبكرحامد
23-04-2006, 02:47 AM
نيابةً عن رواد الدكان نشاطر آل حمدتو الأحزان فى وفاة والدة الأخ معتز حمدتو - لها الرحمة والمغفرة ولأهلها الصبر وحسن العزاء.
أبوبكرحامد
23-04-2006, 02:52 AM
انضم لمنتديات ودمدنى صول السودان ، وهاهو يعطر المنتدى الثقافى بحلقات هنا مدنى ، ورغم انو مدنى هنا فى هذا المنتدى فله كل التحية أينما حل حلَّت البركة والسرور .
أها كدى تعال شوف دكان اخوك ده وكان فى طريقة تمسك الدكان بدل أخوك الفتران ههههههه.
الجندي المجهول
24-04-2006, 10:27 PM
والله دكانكم بديع وغريب وجميل للغاية بس عندس سؤال برئ للاخ الذي احبه كثيرا بابكر حامد هل انت من جيل ادينا حركة يا عم قسم ولا لا ، عموماً شقاوة ابراهيم لذيذة للغاية وذكرتني ناس حلوين كتار في مدني بالجد بفتقدهم كثيرا الان ولكني اجدها فيكم وبضاعتي العاوزها انا بالجد متوفرة عندكم في دكان ود الصول العندي انا بعتبرو اكبر من العزيزية بنده واهم منها ويالما عارفين العزيزة بنده دي عبارة عن مجمع اسواق كبيرة جنس كبر ، علي كل حال يا اخواني لو في امكانية امر عليكم كل يوم لانو شارع دكان ود الصول دا انا يومي بجي ماري بيهو وتحياتي للجميع وسلامي اكيد بلا حدود ،،،، عفواً ابراهيم تحرمني منك الان موجود بس وريني نازل السودان متين وتلقاهو قدامك واعتبرو هدية من اخوووك ؟؟
أبوبكرحامد
25-04-2006, 04:18 AM
بى زيارتك دكانا نور ......... حبيبنا الجندى الجهول
انا من جيل شاف حاجات حلوة زى عم قسم وعبد اللطيف بتاع الحلاوة والسينما المتجولة وودعم فاروق - ياخى مدنى دى لو قضينا باقى العمر نتكلم عنها ما اظنو اكفى.
مرورك اليومى يسعدنا ويضيف لرواد الدكان زول فيهو ريحة مدنى بى الحنية والذوق ... حبابك وماك غريب الدار
Jamal Elmahi
26-04-2006, 06:06 AM
سلام أأناس..هلاّ هلاّ أمانه ما الدكان ليهو وحشه....
حباب أهلي ...حباب الفحول...
حباب ود المأذون وود الصول...
حباب أبشوارب سمح القول...
وينو العمده سيف الخلا المسلول...
وود هاشم الكمّل كبدة ابل تمبول...
والخواجه القايل الجردقه كافينول...
يابراهومه جيب الدكوه أخمج الفول..
وياسامبا شغّل الكنداكه ..أمانه ما وقع زول....
ود الماحي
صالح ابوشوارب
26-04-2006, 07:10 AM
اولا زغرودته .. يو .. يو .. يو .. يو
حمدالله على السلامة والله انا فرحان لانى اول واحد استقبلك .. تعال يا ولد ..جيب الكرسي لعمك ود الماحى .. والحقنا بموية باردة من تيبار ناس ود الماذون .. وكلم الجماعة ناس ابو بكر .. وود الصول .. وود الماذون ..وابو هاشم .. والعمدة .. والشباب ابراهيم وسمبويه وقول ليه جيب معاك شريط ود اللمين جيناكم يا حبا يبنا وكلم تومى الخواجة قول ليه قرب تعال ما تبتعد وقول ليهم عمكم ابو شوارب .. ضابح لى اصحابو .. والغدا في بيته .. يلا اسرع
خالد هاشم علي
26-04-2006, 08:37 AM
اولا زغرودته .. يو .. يو .. يو .. يو
حمدالله على السلامة والله انا فرحان لانى اول واحد استقبلك .. تعال يا ولد ..جيب الكرسي لعمك ود الماحى .. والحقنا بموية باردة من تيبار ناس ود الماذون .. وكلم الجماعة ناس ابو بكر .. وود الصول .. وود الماذون ..وابو هاشم .. والعمدة .. والشباب ابراهيم وسمبويه وقول ليه جيب معاك شريط ود اللمين جيناكم يا حبا يبنا وكلم تومى الخواجة قول ليه قرب تعال ما تبتعد وقول ليهم عمكم ابو شوارب .. ضابح لى اصحابو .. والغدا في بيته .. يلا اسرع
رجع الدكان بعد السنين المرة يادوب العيون ماسهرن هجد... الرمال تبكي وتعاتبه وتبكي منو وتشتكيلو... تقولوا ليه خليتني فتا والزمن فتش بديله ...
حباب الارباب... حبابو ود الماحي حباب السم النقوع الفي البدن نتاح حباب إعصار المفازة للعيون كتاح
ياود عيسي....
أرجع لي تاني وعيد لي الأماني ...أضمك بي حناني وأشيلك في عينينا
Jamal Elmahi
26-04-2006, 02:29 PM
اولا زغرودته .. يو .. يو .. يو .. يو
حمدالله على السلامة والله انا فرحان لانى اول واحد استقبلك .. تعال يا ولد ..جيب الكرسي لعمك ود الماحى .. والحقنا بموية باردة من تيبار ناس ود الماذون .. وكلم الجماعة ناس ابو بكر .. وود الصول .. وود الماذون ..وابو هاشم .. والعمدة .. والشباب ابراهيم وسمبويه وقول ليه جيب معاك شريط ود اللمين جيناكم يا حبا يبنا وكلم تومى الخواجة قول ليه قرب تعال ما تبتعد وقول ليهم عمكم ابو شوارب .. ضابح لى اصحابو .. والغدا في بيته .. يلا اسرع
أبشر ...أبشر...أأأبشوارب...أبشر أأأبوي...
هاأأأزول زغاريتك لخمنّي ...قلته يا ربي أنا داير أعرّس وما جايب خبر ولاّ شنو....يا ربيّ أنا عضّاني كلب ولاّ لحستني غنمايه....ياربي الحمار العاير دا هول منو؟؟؟...يا ربي الحمار اللخدر دا هول العمده ولاّ ناس البلوله...والغنمايه الكرته دي حقت ود المأذون؟؟ لكن الوسم دا هول ناس التايه بت أمحد اللمين...الكيمان أأبوي أتلخبتن علي ...كدي خلينا في الضبيحه ...دحين الفشفاش دا أنفخو ليكم بي سفتي دي النعمني يا دابي ختيتا...ولاّ أبزغا وأجيكم صاد...النصيحه أأأزول أنا جايي من الكمبو ..وعشان ما تقول لي كلامك ملخبت مالو... هسه كلامي دا عيبو لي ...مو عديل ذي الخيت ...والحمدلله حمارتي نجيضه بعد ما أدومس تب براها بتوصلني البيت...أرقد أأأعيش أنا مدقاقك....
ود الماحي
Jamal Elmahi
26-04-2006, 03:00 PM
رجع الدكان بعد السنين المرة يادوب العيون ماسهرن هجد... الرمال تبكي وتعاتبه وتبكي منو وتشتكيلو... تقولوا ليه خليتني فتا والزمن فتش بديله ...
حباب الارباب... حبابو ود الماحي حباب السم النقوع الفي البدن نتاح حباب إعصار المفازة للعيون كتاح
ياود عيسي....
أرجع لي تاني وعيد لي الأماني ...أضمك بي حناني وأشيلك في عينينا
ود هاشم أأأبوي الخواجه ود عيسي جاي تب ....أنا خليتو يشد في سرجو...النعمنو اليومين ديل حمارتو الخدره بدلا بي حمار الاطرش...
أنا طيّعتو ليو لكن برضو بفنجط...وباقي الخواجه ساويلو قرايه ...أنا قتلو القاريلا شنو....هي قرايةّ ما فيها نضافه لا يوم السبت لا يوم التلاتا شن بدوروبا....لكن راسو قوي وما بسمع الكلام ..قلته ليو خلاص أأأزول أها خم وصر وقراية الكبر دي كان ما غتّست حجرك لومني...أها ما قلته ليكم...هداك ود عيسي جايي ليهو علاله ...عيني بارده حمارو التقول برينسه....بس فاقد البوري ...أستغفر الله بي بوريهو....
ود الماحي
عزيز عيسى
27-04-2006, 09:09 AM
اهل الدكان السمحين.. ازيكم،
أها يا ودالمأذون جينا ليكم.. بس إن شاء الله الكهرباء تاني ما تنقطع في الدكان ويقعد ضلمة..
أنا أفتكرت في البداية ناس الكشة جوا مارين بي هنا!!
ود الماحي.. الخواجة عامل سرتانا لايرحم وجاكم راكب دحشة بدل الحصان.. كارب صليبو ورابط مسدساتو في ركبو..
جاي أهنضبكم واحد واحد..
بس ختوني قدام الدكان علشان اللي ما عاجبكم أقوم أرشو.. بس شوفوا لي برسيم ومكان أربط فيه الدحشة الليلتي دي.
يا صالح زغرودتك المتقطعة زي الصوتك مقروش دي ما سمعناها.. كان أحسن تضرب الكورايك..
ودهاشم يا أخوي.. واقع في ودالماحي.. إنت النتاح.. إنت الكتاح.. وعصار المفازة.. وتراح تراح..
وجاي بيجاي واقع فيني أنا الخواجة.. أضمك بحناني وأشيلك في عينيا.. إنت عايز تحنكشني؟
بعد كلامكم السمح دا شن الخوة لو الانسان ما قدركم ورجع لي بيتو وأهله وأخوانه وأخواته؟
غايتو القعدة في الدكان فاقدة ناس كثير.. وين ناس ودالصول وعمدتنا وأمينو وباقي الشلة.. ..
ومرحب بالاخوان الجدد الذين إنضموا لناس الدكان الاخوان سامبا و الجندي المجهول..
ابراهيم دا ما جيبوهو بيجاي بيصلح القعدة.. الظاهر عايز ليه عيزومة.
Jamal Elmahi
28-04-2006, 05:17 AM
ها أأأناس مسعولين من الخير...دحين ود الماذون ميرود ولاّ شنو؟؟ الله يستر ما يكون وجع المفاصل تاورو تاني...غايتو المرّه دي حقو نوديهو يفصدو ليهو كريعاتو ديل النعمنو هو الكي بالنار ما بحملو...أنا بناغم لي ود منقاش أقولو تعال زول حجامه ساي وانتو أمرقو لي ود الماذون لي برّه....
ود الماحي
أبوبكرحامد
28-04-2006, 09:01 PM
ها أأأناس مسعولين من الخير...دحين ود الماذون ميرود ولاّ شنو؟؟ الله يستر ما يكون وجع المفاصل تاورو تاني...غايتو المرّه دي حقو نوديهو يفصدو ليهو كريعاتو ديل النعمنو هو الكي بالنار ما بحملو...أنا بناغم لي ود منقاش أقولو تعال زول حجامه ساي وانتو أمرقو لي ود الماذون لي برّه....
ود الماحي
هازول ها تعالى النطايبك واقالدك ... البركة بى الشوفة
هازول انا من يوم الخميس جارى وسط الحلاّل اكورك ... ياناس الله هوى ود الماحى رجع من السفر ... وهسى انا لميتلك الغنايين والطمبارة وهجيج لى الصباح.
يعلم الله انا جارى زى شايلنى بساط الريح من الفرح وبراك عارفنى بحب لمة الناس ... عشان كدى قلتا افرح الناس وبعد داك اجى اسالمك ، مع انو شوقى ليك ماليهو حدّود ، بس قت افرح الناس وانا فرحى بيك بسويهو جواى محل ما انتا محكر بى خوتك وسماح طبعك .
والله لمان لقيت ترحيب ابوشوارب بيك قربتا اطير من الفرح نعمنو قدمنا لى استقبالك كبيرنا واميرنا .
sambaaa
29-04-2006, 11:40 PM
يا جماعة وينكم ؟ مشيتو وين ؟
أبوبكرحامد
30-04-2006, 03:14 AM
حبابك سامبا ......... الناس ديل اظنهم حايمين على البيوت مع ود الماحى بعد رجعتو من السفر.
ابراهيم
30-04-2006, 02:48 PM
ابراهيم دا ما جيبوهو بيجاي بيصلح القعدة.. الظاهر عايز ليه عيزومة.
جينا ليكم والشوق دفرنا ..
والله يا عزيز العيزومة ما باباها ...
لكن الجماعة ضربو الشية والمرارة زمان ومافي زول هبب لينا انشاء الله يسمنو؟
انا جيت زمان لكن انت قالوا كان عندك كورس وعندك بوست كدة اظنو مشى الارشيف ود الماذون قال انت امنتو البوست دة وانا اتعاقدت معاهو .. الكلام دة كلو وانت مافي هسع انا منتظر الحساب وشايف ود الماذون عامل نايم؟
والله يا عزيزنا الشوق كتير الا انت بقيت مختفي من ما غيرت اسمك بالعربي وجيتنا بالـNew look بقينا ما بنشوفك
وباقى العجايز اختفوا كلهم يا جماعة الدكان دة شكلو حيفلس لأنو الزباين بطفشو بالطريقة دي ..
ابقو طيبين لغاية ما نجي
عزيز عيسى
01-05-2006, 05:39 AM
جينا ليكم والشوق دفرنا ..
والله يا عزيز العيزومة ما باباها ...
لكن الجماعة ضربو الشية والمرارة زمان ومافي زول هبب لينا انشاء الله يسمنو؟
انا جيت زمان لكن انت قالوا كان عندك كورس وعندك بوست كدة اظنو مشى الارشيف ود الماذون قال انت امنتو البوست دة وانا اتعاقدت معاهو .. الكلام دة كلو وانت مافي هسع انا منتظر الحساب وشايف ود الماذون عامل نايم؟
والله يا عزيزنا الشوق كتير الا انت بقيت مختفي من ما غيرت اسمك بالعربي وجيتنا بالـNew look بقينا ما بنشوفك
وباقى العجايز اختفوا كلهم يا جماعة الدكان دة شكلو حيفلس لأنو الزباين بطفشو بالطريقة دي ..
ابقو طيبين لغاية ما نجي
برهوته الغالي،
الجماعة بعد ما ضربوا الشية بقوا يدلعوا ويتحنكشوا واحدين طلبوا جاتوه وواحدين طلبوا باسطة..
وأنا لو عارفهم بزوغوا ما كان جبت ليهم الخرفان والباسطة.. الظاهر عليهم الناس ديل بتاعين حوليات
لافين من بيت لي بيت..
قبل ما أسلم ودالمأذون البوستات بتاعتي أتفقت معاه على أساس أنو يتولاها لغاية ما أجي..
وحذرتو إنو ما يعمل عقد باطني مع أي واحد..
ما في حل غير إنك تمشي تقاضيه في المحكمة وتأخذ حقك على داير المليم..
بس المشكلة الزول دا محامي.. غايتو إلا توكل عبدالعزيز شدو يدافع عنك..
والله يا ابراهيم أخوك شوية مزنوق اليومين ديل دروس مكثفة.. والجماعة الجلاكين ودالماحي و ودالمأذون
شغالين لي وبقولوا شن القراية بعد الكبر.. و ودالماحي بيقول قراية ما فيها يوم نظافة شن بتسوي بيها؟
عليك الله في حسادة أكثر من كدة؟.. شايف الناس ديل عايزين يجيبوا لي الهواء..
Jamal Elmahi
01-05-2006, 05:52 AM
حبابك سامبا ......... الناس ديل اظنهم حايمين على البيوت مع ود الماحى بعد رجعتو من السفر.
حباب ود الماذون ...وحباب سامبا...وحباب أبرهومه...
النصيحه أأأناس أنا ركبته حمارتي مرقته في كساب...كايس لي أخوي العمده ود الصادق...لقيتن اداشر كساب ..بقيت حايم من كساب لي كساب لامن حمارتي دبّرت وعراقي أنهرد والسروال بقي رهيف ذي توب الساكوبيس وغايتو الله يكضّب الشينه...لكن ان ما لميت في ود الصادق روحي ما بتبرد ...فدحين أأأود المأذون أخوي أنا بربط حمارتي عندك هنا ونركب الاندروبل حقك ونغشي أبشوارب نركبو معاي بي قدام والخواجه وودهاشم وود الصول يركبو بي وري النعمنهم شباب...نفك الريق في أبوظريفه ..نضرب الاقاشيه الماخمج ونطلب لي أبشوارب كلاوي النعمنو بريدا وبعد داك نشاقق بي العريباب والحرقه علي كساب وما نرجع ألاّ والعمده في يدنا...وأنا علي الطلاق عراقي المهرود دا ما أغيرو كيتاّ علي ألادمن...أرح أأأأناس...
ود الماحي
عزيز عيسى
01-05-2006, 08:37 AM
ونركب الاندروبل حقك ونغشي أبشوارب نركبو معاي بي قدام والخواجه وودهاشم وود الصول يركبو بي وري النعمنهم شباب...
عليكم الله دا عدل؟.. تركبوا قدام وتركبونا بي ورا اللاندروبل..
الشي أنحنا خرفان؟
أنا سمعت تحت تحت كدا قالوا الحرامية سرقوا عجلات اللاندروبل حق ودالمأذون
وعملوا باللساتك الله يكرمكم جزم (تموت تخلي) وهسع معروضة في سوق الحرامية..
وبعدين اللاندروبل دا من شدة ما قديم.. قالوا أكان كشحت ليك كوز موية
في الأرض يوحل فيها.. الله معاكم... أنا ماني راكب معاكم..
وكان على العمدة أخير ليه يركب القطر ويلاقنا منتظرنو في محطة مدني..
أها ماشي أشوف لي دحشه وشايل دربي علي السوريبة أدور على أخوي أبوالمهتدي أجيب ليكم خبارو
عايز أكل معاهو موليته وملاح خدرة.. بس خايف من الضريسة وأبواللصيق..
والله الزول دا سمح بالحيل ومشتاقين ليهو.. وأخبارو انقطعت عننا كثير..
أبوبكرحامد
01-05-2006, 10:01 PM
ما في حل غير إنك تمشي تقاضيه في المحكمة وتأخذ حقك على داير المليم..
بس المشكلة الزول دا محامي.. غايتو إلا توكل عبدالعزيز شدو يدافع عنك..
.
ههههههههههه والله ياعزيز انتا شكلك عاوز تمقلب ابراهيم وتضيع حقو شمار فى مرقة ، ياخى شدو اتوفى لرحمة مولاه قبل كم سنة ، له الرحمة والمغفرة ولآل شدو بمدنى وخارجها الصبر وحسن العزاء.
أبوبكرحامد
01-05-2006, 10:08 PM
حباب ود الماذون ...وحباب سامبا...وحباب أبرهومه...
النصيحه أأأناس أنا ركبته حمارتي مرقته في كساب...كايس لي أخوي العمده ود الصادق...لقيتن اداشر كساب ..بقيت حايم من كساب لي كساب لامن حمارتي دبّرت وعراقي أنهرد والسروال بقي رهيف ذي توب الساكوبيس وغايتو الله يكضّب الشينه...لكن ان ما لميت في ود الصادق روحي ما بتبرد ...فدحين أأأود المأذون أخوي أنا بربط حمارتي عندك هنا ونركب الاندروبل حقك ونغشي أبشوارب نركبو معاي بي قدام والخواجه وودهاشم وود الصول يركبو بي وري النعمنهم شباب...نفك الريق في أبوظريفه ..نضرب الاقاشيه الماخمج ونطلب لي أبشوارب كلاوي النعمنو بريدا وبعد داك نشاقق بي العريباب والحرقه علي كساب وما نرجع ألاّ والعمده في يدنا...وأنا علي الطلاق عراقي المهرود دا ما أغيرو كيتاّ علي ألادمن...أرح أأأأناس...
ود الماحي
وانا خبارى آود الماحى تسوقو عربيتى وتخلونى قاعد مع العوين ؟ والله جنس حقرة ، هازول حرم ود الصادق فداهو اللندروبل والدكان ذاتو بس نجيبو ونجى ، أرح على شواربو ان ماطلع ماش ابيع الجلد بتاع خروف الكرامة الضبحناهو ليك ، هازول براحة على عصاية الجربوكس شنو شابكنا كع كرع التقول ابشلة البصير لمن يعالجلو زول مكسور.
أبوبكرحامد
01-05-2006, 10:14 PM
وبعدين اللاندروبل دا من شدة ما قديم.. قالوا أكان كشحت ليك كوز موية
في الأرض يوحل فيها.. الله معاكم... أنا ماني راكب معاكم..
..
غايتو جنس حسادة عليك آلخواجة المسيخيت ، حرم اللاندروبل ده اطلع الجبال زى الدبيب ، امشى لى دحشتك اصلو مرمية الله مابتترفع.
Jamal Elmahi
02-05-2006, 02:57 AM
وانا خبارى آود الماحى تسوقو عربيتى وتخلونى قاعد مع العوين ؟ والله جنس حقرة ، هازول حرم ود الصادق فداهو اللندروبل والدكان ذاتو بس نجيبو ونجى ، أرح على شواربو ان ماطلع ماش ابيع الجلد بتاع خروف الكرامة الضبحناهو ليك ، هازول براحة على عصاية الجربوكس شنو شابكنا كع كرع التقول ابشلة البصير لمن يعالجلو زول مكسور.
ود الماذون أأبوي هو أنا متين شفتني سايق لي عربيه...أنا الحماره في تلتله أأأبوي بركب ليها بالبنبر....والتانيه أأأللخو أندروبلك دا غيرك منو البقدر يسوقو...أنا وأخوي أبشوارب محكرين قدام ...وكان أبشوارب أداني خاترو بركب جمب الشباك عشان ابزق السفه..بس الخازوق ااابوي نصها يقع في الخواجه والنص التاني في ود الصول والاتنين فنجريين وهدمن ديمه نضيفه وريحتم حلوه ...غايتو بت السودان والصاروخ يخلوها ليهم...
هاأأأزول جربكسيك دا ما تقد بيهو صفحة ابشواراب براها مقدوده...أنهر أأأبوي....
ود الماحي
خالد هاشم علي
02-05-2006, 09:54 AM
هههههههههههههههههههههه ياسلام علي شباب الدكان... والله الواحد يجي عندكم وينبطح في البرش والهمبريب يضربو لمن (......................) خفت أكتبها ياود الماحي يقوم الآدمن يجيني متلب لكن عااااااااااااارفكم بتكونوا فهمتوني وعرفتوا بين القوسين في شنو.......... والله ياناس انا قصرت مع الفردة ود الصادق لكن بجيب ليكم خبره... باقي القعدة من غيرو ناقصة
sambaaa
02-05-2006, 07:01 PM
بركب جمب الشباك عشان ابزق السفه..بس الخازوق ااابوي نصها يقع في الخواجه والنص التاني في ود الصول والاتنين فنجريين وهدمن ديمه نضيفه وريحتم حلوه ...غايتو بت السودان والصاروخ يخلوها ليهم...
هههههههههههههههههههههههههههههه
عمنا / ودالماحي
والله سفتك دي بقت مشهورة اكتر من نانسي عجرم وشعبولة ..( عبدالرحيم شعبان )
هههههههههههههههههههههه
بتعرف الجماعة ديل ؟
والغريبة إنك ما بتسف ولا عمرك عرفت الصعوووووووط ..
والله يا ودالماحي لو هسه كده لقيت ليك سفه من حقت عمك عبدالحق بعد فطورا كارب كده..
كان خليت امريكا وجيت مدني كداري
رايك شنو ارسل ليك كمية .. والكيس بدولار واحد ..
ههههههههههههههههه
Jamal Elmahi
03-05-2006, 11:58 AM
هههههههههههههههههههههههههههههه
عمنا / ودالماحي
والله سفتك دي بقت مشهورة اكتر من نانسي عجرم وشعبولة ..( عبدالرحيم شعبان )
هههههههههههههههههههههه
بتعرف الجماعة ديل ؟
والغريبة إنك ما بتسف ولا عمرك عرفت الصعوووووووط ..
والله يا ودالماحي لو هسه كده لقيت ليك سفه من حقت عمك عبدالحق بعد فطورا كارب كده..
كان خليت امريكا وجيت مدني كداري
رايك شنو ارسل ليك كمية .. والكيس بدولار واحد ..
ههههههههههههههههه
تعرف يا سامنا يا وليدي سفتي دي ذكرتني سفة ود أبسن شيخ العرب ...قالوا مشي الخرتوم لي صاحبو من الناس المرتاحين وزارو في مكتبو...الونسه جرّت ودأبسن طلّع حقتو وخته السفه الما خمج ...لما الفطور جابو ود أبسن قعد اتلفت يبزغ السفه وين ...الواطه مبلوطه رخام والمكتب في الدور الرابع وما في طريقا يبزغا بالشباك...صاحبو لما شافو محتار قال ليهو مالك أأأشيخ العرب...قال ليهو هاأأأزول كسته لي محل أبزغ فيهو سفتي ويا كافي البلا صحن فيهو تراب ساي ما عندكم...قال ليهو أبزغا ساي أأأشيخ العرب...عاد كيفن أبزغا في الرخام دا...فرد صاحبو ياشيخ العرب أنتا السفه ماأستكترها علي خشمك مستكترا علي الرخام ..علي الطلاق كان تبزغا في الرخام دأ....
مشاققه...
وهادي تصنقره راجي تمباكك...بس أأبوي رسلو في حقّه باقي الكيس بعتتو...التمباك المعتت ما حبابو...
ود الماحي
أبوبكرحامد
06-05-2006, 03:52 AM
بركب جمب الشباك عشان ابزق السفه..بس الخازوق ااابوي نصها يقع في الخواجه والنص التاني في ود الصول والاتنين فنجريين وهدمن ديمه نضيفه وريحتم حلوه ...غايتو بت السودان والصاروخ يخلوها ليهم...
ود الماحي
انتا نسيت ريحة السيد على ولاشنو ياود الماحى؟ غايتو ناسك ديل حناكيش بس الظروف ماساعدتم - غايتو لو وقعت فيهم سفة بمشوا اكوسو ليهم مصل بتاع سعر
صالح ابوشوارب
06-05-2006, 06:32 AM
الاخوان ناس الدكان .. اخباركم كيف .. والله يوم الجمعة اخونا ود الماذون اتصل بى من الكول بكس وبالحيل فرحنا وانشاء الله نزورك في بلاد البحرين ونبارك ليك البيت
وبعدين يا ود الماحى يا حليل السفة ايام زمان .. كانت الحقة فيها المراية .. بعد ما تسف تشوف قدومك .. وتعصر شلوفتك وتساوي التحت مع الفوق وتمشى ( زوق سااااااااى ) .. لكن الزمن دا !!!!!!!!!!!!!!
HAMADTO
06-05-2006, 12:00 PM
ازيكم يا ناس الدكان يا طيبين
والله مشتاق ليكم بالحيل ... كيف اخباركم وشنو جديدكم
مبروك يا ود المأذون البيت ...
اها انا بمشي حسي وبجيكم انتو قاعدين في الدكان موش كده
سلام يا شباب
مسعولين من الخير ود المأذون ده بخيل كده مالو قولوا ليهو ود الافندى ما داير منك التكتح اصلوا عارفك وعارف المستور بس رنه .
أبوبكرحامد
06-05-2006, 10:07 PM
الاخوان ناس الدكان .. اخباركم كيف .. والله يوم الجمعة اخونا ود الماذون اتصل بى من الكول بكس وبالحيل فرحنا وانشاء الله نزورك في بلاد البحرين ونبارك ليك البيت
وبعدين يا ود الماحى يا حليل السفة ايام زمان .. كانت الحقة فيها المراية .. بعد ما تسف تشوف قدومك .. وتعصر شلوفتك وتساوي التحت مع الفوق وتمشى ( زوق سااااااااى ) .. لكن الزمن دا !!!!!!!!!!!!!!
لك كل الود أخى صالح ، وفى انتظار زيارتكم للبحرين لنكمل التواصل النبيل الذى اتاحه لنا هذا المنتدى الشامخ بفضل الله وبفضل روح الأخوة والمودة التى تميزه عن بقية المنتديات.
أبوبكرحامد
06-05-2006, 10:13 PM
ازيكم يا ناس الدكان يا طيبين
والله مشتاق ليكم بالحيل ... كيف اخباركم وشنو جديدكم
مبروك يا ود المأذون البيت ...
اها انا بمشي حسي وبجيكم انتو قاعدين في الدكان موش كده
اهلاً حباب كبير المشرفين ، بركة الشفناك طيب يانبيل ، انتوا ياناس حكاية البيت ده شنو ؟ نفسى افهم ، وكان ناس الحكومة قسموا لينا شى من الثروة تبقى السلطة عديلة وبخيتة عليهم .
أبوبكرحامد
06-05-2006, 10:17 PM
سلام يا شباب
مسعولين من الخير ود المأذون ده بخيل كده مالو قولوا ليهو ود الافندى ما داير منك التكتح اصلوا عارفك وعارف المستور بس رنه .
والله يابشار مشاغل وضغوط فى الشغل ، ياخى نفديك بالغوالى عشان شخصك الكريم وعشان مدنى وعشان الزمالة وعشان حبنا الأجمل سيد الأتيام ، هسى من دربى دا بضرب ليك ، ولك العتبى حتى ترضى ابا محمد .
نزار حسن محمد
06-05-2006, 10:58 PM
السلام عليكم ... شنو .. ياجماعه انتو البيوت دى بقدمه ليها فى الدكان ولا الحاصل شنو ... ود المازون .. انت ماسك التوزيع والا التوثيق... ويا ود المازون لو البيوت دى فى البحرين انا ماداير لكن لو فى الجزيره انشاء الله فى العيكور انا موافق .
sambaaa
08-05-2006, 05:23 PM
ودالماذون ..
انت قلبت الدكان لمكتب عقارات ونحن ما عارفين ولا شنو ؟؟
كان كده ..
يا اخوي انا داير لي بيت يكون فيهو زير موية وراكوبة ..
ومرة تانية بقول ليك حسابك بالدولار ..
بس البيت يكون ناصية يا حبيب ..
عشان داير اعمل فيهو دكان لزوم المعايش وكده ..
تسلم أآآآآخوي ..
فتك عافية ..
عزيز عيسى
09-05-2006, 11:52 AM
أنا وأخوي أبشوارب محكرين قدام ...وكان أبشوارب أداني خاترو بركب جمب الشباك عشان ابزق السفه..بس الخازوق ااابوي نصها يقع في الخواجه والنص التاني في ود الصول والاتنين فنجريين وهدمن ديمه نضيفه وريحتم حلوه ...غايتو بت السودان والصاروخ يخلوها ليهم...
هاأأأزول جربكسيك دا ما تقد بيهو صفحة ابشواراب براها مقدوده...أنهر أأأبوي....
ود الماحي
غايتو يا ودالمأذون لما مهيرة جابت سيرة اللاندروبل إفتكرتو آخر موديل
أتاريهو يا كافل بلا لا فيهو أبواب ولا زجاج.. ولا حتى أنوار..
والدركسون من النوع اللي يتركب ويتفك لما تصل مشوارك..
يعني الحرامي لو عايز يسرق اللاندروبل بتاعك إلا يجيب معاه دركسون..
وود الماحي الممسوخ راكب قدام مع ودأبوشوارب..
وأنا وودالصول راكبين وراء وكلما يجي ودالماحي يتف سفتو
الهواء يجيبها لينا في وشنا وهدومنا..
هسع العراقي بتاعي كله بقع من كثرة التمباك..
بس الله غالب نسوى شنو؟
Jamal Elmahi
09-05-2006, 01:22 PM
الاخوان ناس الدكان .. اخباركم كيف .. والله يوم الجمعة اخونا ود الماذون اتصل بى من الكول بكس وبالحيل فرحنا وانشاء الله نزورك في بلاد البحرين ونبارك ليك البيت
وبعدين يا ود الماحى يا حليل السفة ايام زمان .. كانت الحقة فيها المراية .. بعد ما تسف تشوف قدومك .. وتعصر شلوفتك وتساوي التحت مع الفوق وتمشى ( زوق سااااااااى ) .. لكن الزمن دا !!!!!!!!!!!!!!
ود أبشوارب أأأبوي الحقه أم مرايه عندي بس الشلوفه التحت أنرخت تب بقت ذي عش أم دلدلو قدر ما أقول أرفعا وأساويها مع الشلوفه الفوق تمش منخرته نازله ...مرمي ألله ما بنرفع ...وكمان اليومين ديل جابت ليها رياله...يعني عايره وأدوها صوط....وعلي شناته قامت ليها سن في لهاته...
غايتو لزوم القيافه قلته أجيب لي صباع أمير ألصّق بيهو الشلاليف كل يوم قبال النوم وعند اللزوم كان يتساون شويه والرياله تقيف....والله يكضّب الشينه...
ود الماحي
Jamal Elmahi
09-05-2006, 01:42 PM
غايتو يا ودالمأذون لما مهيرة جابت سيرة اللاندروبل إفتكرتو آخر موديل
أتاريهو يا كافل بلا لا فيهو أبواب ولا زجاج.. ولا حتى أنوار..
والدركسون من النوع اللي يتركب ويتفك لما تصل مشوارك..
يعني الحرامي لو عايز يسرق اللاندروبل بتاعك إلا يجيب معاه دركسون..
وود الماحي الممسوخ راكب قدام مع ودأبوشوارب..
وأنا وودالصول راكبين وراء وكلما يجي ودالماحي يتف سفتو
الهواء يجيبها لينا في وشنا وهدومنا..
هسع العراقي بتاعي كله بقع من كثرة التمباك..
بس الله غالب نسوى شنو؟
هاأأأناس نجهتوني في سفتي دي...بالله لامن شلوفتي أنبرت وبقت رهيفه وخايفا تنقد السايبه...غايتو النجهز لي رقعه ساي ...ان شاء الله حقت لستك...دحين أأألخواجه أديني خاترك أأأبوي أنا بركب ليكم وري تب وكمان في الباب...وان شاء الباب ينفتح بي عشان أقع أكسر رقبتي وأريحكم..وسفتي بموت بيها ... يعني شهيد وسافي ..في شان مته وأنا كايس للعمده ود الصادق...وأريتو بعد دا يترحّم علي بي فاتحةَ كاربه ...وأدفنوني في كساب الجعليين ...ما دوامه أأأجنيات....
ود الماحي
أبوبكرحامد
09-05-2006, 09:37 PM
السلام عليكم ... شنو .. ياجماعه انتو البيوت دى بقدمه ليها فى الدكان ولا الحاصل شنو ... ود المازون .. انت ماسك التوزيع والا التوثيق... ويا ود المازون لو البيوت دى فى البحرين انا ماداير لكن لو فى الجزيره انشاء الله فى العيكور انا موافق .
والله ياود حسن انا لى هسى قصة البيت دى مافاهما ، وغايتو البجيب البشارة بنبسطو بسط شديد ، ويازول ابشر نحنا ذاتنا كايسين جيرتكم - وزى ماقال كابلى : داير قربك لكن محتار
أبوبكرحامد
09-05-2006, 09:46 PM
ودالماذون ..
انت قلبت الدكان لمكتب عقارات ونحن ما عارفين ولا شنو ؟؟
كان كده ..
يا اخوي انا داير لي بيت يكون فيهو زير موية وراكوبة ..
ومرة تانية بقول ليك حسابك بالدولار ..
بس البيت يكون ناصية يا حبيب ..
عشان داير اعمل فيهو دكان لزوم المعايش وكده ..
تسلم أآآآآخوي ..
فتك عافية ..
ياحليل زمن اليمانية والدكان الناصية ، زمان دكان اليمانى تلقا عندو كل الحاجات وبى اسعار معقولة - الله ارحم زمناً كانت بلدنا فيهو محطة اغتراب - ومن هنا تحية خاصة لأهلنا باليمن السعيد فهم لازالوا يحفظون للسودان الكثير من الأفضال والامتنان والتقدير.
أبوبكرحامد
09-05-2006, 09:51 PM
غايتو يا ودالمأذون لما مهيرة جابت سيرة اللاندروبل إفتكرتو آخر موديل
أتاريهو يا كافل بلا لا فيهو أبواب ولا زجاج.. ولا حتى أنوار..
والدركسون من النوع اللي يتركب ويتفك لما تصل مشوارك..
يعني الحرامي لو عايز يسرق اللاندروبل بتاعك إلا يجيب معاه دركسون..
وود الماحي الممسوخ راكب قدام مع ودأبوشوارب..
وأنا وودالصول راكبين وراء وكلما يجي ودالماحي يتف سفتو
الهواء يجيبها لينا في وشنا وهدومنا..
هسع العراقي بتاعي كله بقع من كثرة التمباك..
بس الله غالب نسوى شنو؟
دحين الخواجة لاندروبلى دا ماهو نافعنا ونقضيبو المشاوير ؟ ، علا يخج البطن فى الدقداق بالله التقول مكنة خياتة اللت سنجر ، بس نقول حاجة آمنة اتصبرى عارف اللندروبل شين شديد وعارفك براو مابتقدرى
أبوبكرحامد
09-05-2006, 09:59 PM
هاأأأناس نجهتوني في سفتي دي...بالله لامن شلوفتي أنبرت وبقت رهيفه وخايفا تنقد السايبه...غايتو النجهز لي رقعه ساي ...ان شاء الله حقت لستك...دحين أأألخواجه أديني خاترك أأأبوي أنا بركب ليكم وري تب وكمان في الباب...وان شاء الباب ينفتح بي عشان أقع أكسر رقبتي وأريحكم..وسفتي بموت بيها ... يعني شهيد وسافي ..في شان مته وأنا كايس للعمده ود الصادق...وأريتو بعد دا يترحّم علي بي فاتحةَ كاربه ...وأدفنوني في كساب الجعليين ...ما دوامه أأأجنيات....
ود الماحي
ذكرتنى قصة الشلوفة الاترخت دى بى اخونا شطة ، مرة شاكل ليهو واحد شلوفتو كبيرة وواقعا جمب حنكو ، قام شطة قاليهو والله لو عندى زى شلوفتك دى كان خيتا لى زرارة فى حنكى وسويتا زى جيب البنطلون الخلف ، بالله خصمتك بالنبى ياود الماحى ان تانى تغمنى بى سيرة كسر الرقبة والموت دى ، شاحد الله تعجز لمن تنحنى وتحت السنينات ويبقى اكلك رز بى لبن ولابسكويت اغمسوهو فى كوز الموية .
نزار حسن محمد
09-05-2006, 10:22 PM
[
ياود حسن انا لى هسى قصة البيت دى مافاهما ، وغايتو البجيب البشارة بنبسطو بسط شديد ، ويازول ابشر نحنا ذاتنا كايسين جيرتكم - وزى ماقال كابلى : داير قربك لكن محتار[
هـــــــــــــــــــوى ياود المازون البياكل براه بيخنق والخبر بتاع البيت داعما الحله القدام والوراء وانا سمعتو من حمتو وقال ودالمازون الجماعه بباركه ليه وهو قاعد فى الدكان قلت احصل امكن تعزمنا انشاء الله داردومه صاقطه
يا شباب يرحمكم الله عايزين عربى مدن
Jamal Elmahi
10-05-2006, 05:52 AM
[COLOR=Orange]يا شباب يرحمكم الله عايزين عربى مدنCOLOR]
حباب بشار...حباب الفنجري ...حباب ناس البندر...أنا غايتو مع أخوي بشار دا بدور عربي المدن ...عربي البندر ...وعربي أهل العوض ناس الاقاليم يطير في السماء الاحمر والعوض بي وراو...وعرب البطانه المكطعين ديل ناس ود الماحي يختونا بس...وكلامن الدرّاب الكلو تمباك دا يلمو عليهن..وعلي الطلاق تاني النسمعو يتلفظ بي نضمي ما عربي مدن علاّ أقطع ليهو عرقوبو...هاأأناس انتو عينكم لي عربي المدن الراقي رغيف ساي تكوسو لي نضمي الاقاليم شيط ساي وعصايد...غايتو أنا و أخوي بشار دا علاّ نفوت ليكم الدكان دا ونمشي نفتح لينا فرع في مول عفراء..عاد كلام مدن ساي وأجرك علي الله...والنشوف لي حماره ولاّ أندروبل ولاّجنس أهل العوض ولاّ زول سافي أن شاء الله في الشلوفه الفوقانيه يجينا حايم بي هناك... والله أنا ناس الاقاليم ديل مكجنن ومكجن كلامن...كلام مدن ولاّ بلاش...والرهيفه التنقد....
ود الماحي
عزيز عيسى
10-05-2006, 10:54 AM
بشار أخوي حبابك في دكان ودالصول،
أخونا ودالماحي دا زول بطانة ساكت.. لاشاف مدن ولا بيعرف عيشة المدن..
ومن البطانة (ككرب) وقع في أمريكا.. وحتى في امريكا عايش ليهو في عزبة
بعيدة من المدن..
والجني دا حالف إثنين ما يغيرن.. كلام البطانة وسف التمباك..
أها عاد شن بنسوى؟ ويحلها الحل بله..
إنت كدي أقعد معانا في الدكان.. وكلام ودالماحي حيعجبك بالحيل..
الزول دا مو هين
:D :D :D :D
ابراهيم
10-05-2006, 11:01 AM
ود أبشوارب أأأبوي الحقه أم مرايه عندي بس الشلوفه التحت أنرخت تب بقت ذي عش أم دلدلو قدر ما أقول أرفعا وأساويها مع الشلوفه الفوق تمش منخرته نازله ...مرمي ألله ما بنرفع ...وكمان اليومين ديل جابت ليها رياله...يعني عايره وأدوها صوط....وعلي شناته قامت ليها سن في لهاته...
غايتو لزوم القيافه قلته أجيب لي صباع أمير ألصّق بيهو الشلاليف كل يوم قبال النوم وعند اللزوم كان يتساون شويه والرياله تقيف....والله يكضّب الشينه...
ود الماحي
والله يا ود الماحي غايتو الشلوفة دي اتنكبت نكبة العدو يا اخوي
انا اوصيك بالزول العمل عملية لي نانسى عجرم ... بيعدلها اصلو التكنولوجيا ما خلت حاجة
يعني الشلوفة ممكن يزيدوها يخلوها منفوخة وممكن ينقصوها ويطولوها يخلوها زي حماد ابسيف
ابشر وما تشيل هم..
عزيز عيسى
10-05-2006, 11:48 AM
دحين الخواجة لاندروبلى دا ماهو نافعنا ونقضيبو المشاوير ؟ ، علا يخج البطن فى الدقداق بالله التقول مكنة خياتة اللت سنجر ، بس نقول حاجة آمنة اتصبرى عارف اللندروبل شين شديد وعارفك براو مابتقدرى
ود المأذون أيه رأيك في اللاندروبلات دي؟
تفتكر توصلنا لغاية كساب الجعليين.. ونقدر نجيب عماد الصادق من هناك؟
موديل 1953
http://9q9q.com/May/1147294147.jpg (http://9q9q.com/)
كدي شوف دا.. ضربتو بوهية علشان ناس مشروع الجزيرة ما يتصلبطوا فيهو..
لكن دا بنقدر نجيب بيهو أبوالمهتدي..
شوف الاسبير مربوط في الكبوت قدام..
موديل 1960
http://9q9q.com/May/1147294217.jpg (http://9q9q.com/)
Jamal Elmahi
11-05-2006, 05:45 AM
والجني دا حالف إثنين ما يغيرن.. كلام البطانة وسف التمباك..
أها عاد شن بنسوى؟ ويحلها الحل بله..
إنت كدي أقعد معانا في الدكان.. وكلام ودالماحي حيعجبك بالحيل..
الزول دا مو هين
:D :D :D :D
تعرف أأألخواجه أنا كلام بشار دا تب وقع لي....ومن دربي دا ماشي أسجل في مدارس كمبوني أتعلم عربي المدن ...ولاّ أخير أمشي ألقبس أأزول أتعلم عربي المدن والحنكشه كمان قبال ما يفوت فيني الفوات...وأجيكم أناطق الجن الاحمر عربي مدن ساي...وعربي الاقاليم وعربي جوبا بصرهن في صرّه وأجدعن في نص البحر...أها عندكم كلام تاني معاي...
ود الماحي
Jamal Elmahi
11-05-2006, 05:51 AM
والله يا ود الماحي غايتو الشلوفة دي اتنكبت نكبة العدو يا اخوي
انا اوصيك بالزول العمل عملية لي نانسى عجرم ... بيعدلها اصلو التكنولوجيا ما خلت حاجة
يعني الشلوفة ممكن يزيدوها يخلوها منفوخة وممكن ينقصوها ويطولوها يخلوها زي حماد ابسيف
ابشر وما تشيل هم..
أبراهيم أأبوي الله يباركك شايل همي وحاسي بي...بس أأزول لمني في نانسي عجرم خليهو الزول العمل ليها العمليه الشلوفه طايره...وذي ماقال ود الماذون بسيلا زراره ولاّ كبسوله وبالعدم دبوسة ضغط....
ود الماحي
sambaaa
12-05-2006, 08:44 PM
اها النبشرك يا ودالماحي ..
قالو نانسي عجرم جاية تغني في الحصاحيصا في عيد راس النسة الجاية ديك ..
اها انت لو دايرلك تزكرة للحفلة من هسه دي اشتري واحدة بالماستر فيزا كارد ..
ابراهيم
12-05-2006, 11:57 PM
اها يا ود الماحي سامبا جاب ليك البشارة
جهز تذكرتك ساااااااااااااي
Jamal Elmahi
13-05-2006, 06:27 AM
اها النبشرك يا ودالماحي ..
قالو نانسي عجرم جاية تغني في الحصاحيصا في عيد راس النسة الجاية ديك ..
اها انت لو دايرلك تزكرة للحفلة من هسه دي اشتري واحدة بالماستر فيزا كارد ..
أنا غايتو برجاها في البنطون...وياريت تخليني أعزف ليها البنقز...
وبمناسبة البنقز قالو في واحد متزوج تلاته نسوان لاقاهو صاحبو سألو كيف عامل مع نسوانك؟؟؟ قال ليهو والله بقيت ذي عازق البنقز مركّز علي الاتنين الصغار والكبيره غايتو بأديها نقره مره مره....
ود الماحي
صالح ابوشوارب
13-05-2006, 07:56 AM
يا ود الماحي شكيت محنك .. انت ادليت من البنطون ونانسي راكبة العظمة .. لكن بنصحك شيل النوبة وخلى لى البناقز .. بالله نانسى عجرم دى من النسوان ولا نساوينا من العجرم .. انا غايتو عايز ادك الكوتشينة رايك شنو .. وشوف راي الخواجه بيدك معانا ولا ورقو سمح
عزيز عيسى
13-05-2006, 08:08 AM
أنا غايتو برجاها في البنطون...وياريت تخليني أعزف ليها البنقز...
وبمناسبة البنقز قالو في واحد متزوج تلاته نسوان لاقاهو صاحبو سألو كيف عامل مع نسوانك؟؟؟ قال ليهو والله بقيت ذي عازق البنقز مركّز علي الاتنين الصغار والكبيره غايتو بأديها نقره مره مره....
ود الماحي
هوي يا ود الماحي.. إنت مالك عايز تجيب لينا الكشة تاني؟
عزيز عيسى
13-05-2006, 08:17 AM
يا ود الماحي شكيت محنك .. انت ادليت من البنطون ونانسي راكبة العظمة .. لكن بنصحك شيل النوبة وخلى لى البناقز .. بالله نانسى عجرم دى من النسوان ولا نساوينا من العجرم .. انا غايتو عايز ادك الكوتشينة رايك شنو .. وشوف راي الخواجه بيدك معانا ولا ورقو سمح
أنا ورقي سمح وبقول ليكم باص..
لأني دائما قافل..
ودك الكوتشينة دا ما معانا..
أنت وودالماحي ألعبوا خم الولد وبصرة..
والبرمي البايظ يطلع خسران..
أنا نفسي أشوف نانسي عجرم الجننت العالم السوداني دا؟
صالح ابوشوارب
13-05-2006, 08:30 AM
انت يا عزيز النسوان جنبك ولا شنو قمت تعدل في المشاركة .. النية كانت دك .. تقوم تقول ورقي سمح .. افو ننتظر ود الماحي .. لكن ود الماذون ما اظن يدك .. لكن يا عزيز اذا نحن التلاته قلنا بندك انت بدك معانا غصب
أبوبكرحامد
13-05-2006, 10:09 PM
انت يا عزيز النسوان جنبك ولا شنو قمت تعدل في المشاركة .. النية كانت دك .. تقوم تقول ورقي سمح .. افو ننتظر ود الماحي .. لكن ود الماذون ما اظن يدك .. لكن يا عزيز اذا نحن التلاته قلنا بندك انت بدك معانا غصب
ياشواربو ياخوى أنا برا الزون عشان كده مابدك - انتوا اسكوركم ماشى على الحريق وود الماحى ده ماعندو محافظة عشان كده داير اضيعنا معاهو - انا شايف الركوز تقيل وعندى نص التسعة .
Jamal Elmahi
14-05-2006, 05:33 AM
يا ود الماحي شكيت محنك .. انت ادليت من البنطون ونانسي راكبة العظمة .. لكن بنصحك شيل النوبة وخلى لى البناقز .. بالله نانسى عجرم دى من النسوان ولا نساوينا من العجرم .. انا غايتو عايز ادك الكوتشينة رايك شنو .. وشوف راي الخواجه بيدك معانا ولا ورقو سمح
أبشوارب مش ندك الكوشتينه وبس ...نشرّطا ونشتري كشتينه لبنانيه حتي دامت الاسود والشيريه عيونم خدر....أنا غايتو بتباخت بي دامت الهارت...هي بت الهارت دي أبوها عجرم برضو أأأبشوارب....
ود الماحي
Jamal Elmahi
14-05-2006, 05:41 AM
هوي يا ود الماحي.. إنت مالك عايز تجيب لينا الكشة تاني؟
ياخواجه أنتو الادمن دا ما تدوهو اجازه ...أنا ورقي كلو بوايظ خايف أفك البايظ يقوم الادمن يجرني خمسين وقالو مرات بقلب الطربيزه بي كشتينتا...
والله يكضب الشينه...
ود الماحي
Jamal Elmahi
14-05-2006, 05:46 AM
انت يا عزيز النسوان جنبك ولا شنو قمت تعدل في المشاركة .. النية كانت دك .. تقوم تقول ورقي سمح .. افو ننتظر ود الماحي .. لكن ود الماذون ما اظن يدك .. لكن يا عزيز اذا نحن التلاته قلنا بندك انت بدك معانا غصب
شوف عيني أأبشوارب الخواجه مفرمل بي بليه شيريه وبرضو يقول ليك مضارفة المومن علي ورقو حسنه...يعني الخواجه يتسنفك وعينو تعاين....ويقول ليك راقد لي فوق راي....
ود الماحي
Jamal Elmahi
14-05-2006, 05:57 AM
ياشواربو ياخوى أنا برا الزون عشان كده مابدك - انتوا اسكوركم ماشى على الحريق وود الماحى ده ماعندو محافظة عشان كده داير اضيعنا معاهو - انا شايف الركوز تقيل وعندى نص التسعة .
ود الماذون أأبوي الحريق في رمضان حرام...ولاّ نحن ياداب في الكرامات...أخير ندكها ونقلبا وست...وكان سلم العود قروش الحريق بتعود....
ود الماحي
عزيز عيسى
14-05-2006, 12:19 PM
انت يا عزيز النسوان جنبك ولا شنو قمت تعدل في المشاركة .. النية كانت دك .. تقوم تقول ورقي سمح .. افو ننتظر ود الماحي .. لكن ود الماذون ما اظن يدك .. لكن يا عزيز اذا نحن التلاته قلنا بندك انت بدك معانا غصب
يا صالح عدلت المشاركة لأنو أدوني العين الحارة..
وبيني وبينك خايف يضبحوا لي الكديسة بتاعة ودهاشم ديك..
بدل أقعد يزرزروا فيني زي حكاية الكاكاوية..
غايتو أنا لاعب صالح ورقي.. وكمان قافل..
والحريف ما بدك..
وطالما ودالمأذون ودالماحي لاعبين معانا كمكان..
أعمل حسابك ما تتمقلب ترمي بايظ (كبير) ويطلع خمسين..
عزيز عيسى
14-05-2006, 12:35 PM
ياخواجه أنتو الادمن دا ما تدوهو اجازه ...أنا ورقي كلو بوايظ خايف أفك البايظ يقوم الادمن يجرني خمسين وقالو مرات بقلب الطربيزه بي كشتينتا...
والله يكضب الشينه...
ود الماحي
غايتو الأدمن شايل قرجتو خاتيها في كتفو وواقف ليك فوق راسك..
تروح تغلط تفك البايظ.. يقوم يركبك عكاز في نص راسك..
هسع شايف اللعب إبتدأ يسخن شوية..
أحسن ليك تضاري ورقك منو..
لأنو قلب الطربيزة بشتت الورق..
وبعدين خايف الشكلة تقوم واللاعبين ينسحبوا..
..
أبوبكرحامد
14-05-2006, 10:44 PM
أبشوارب مش ندك الكوشتينه وبس ...نشرّطا ونشتري كشتينه لبنانيه حتي دامت الاسود والشيريه عيونم خدر....أنا غايتو بتباخت بي دامت الهارت...هي بت الهارت دي أبوها عجرم برضو أأأبشوارب....
ود الماحي
ود الماحى المسيخيت ... شكيت محنك ، بت الهارت سمحة علا نحنا حكمة ربنا بنريد بت الاسود ويوم نلعب هارت البتديهو بت الاسود بنقول عليهو عريس ، فى شان سيرة العرس وعينك الطايرة تعال نقلبا هارت واديك ديس ماحصل وكان تكب جالون نحلق شوارب صالح من حدها - اها شن قولك نكوس لينا اتنين نربع بيهم التربيزة ولا نواصل فى الويست ونسيكك ضحا
أبوبكرحامد
14-05-2006, 10:50 PM
يا صالح عدلت المشاركة لأنو أدوني العين الحارة..
وبيني وبينك خايف يضبحوا لي الكديسة بتاعة ودهاشم ديك..
بدل أقعد يزرزروا فيني زي حكاية الكاكاوية..
غايتو أنا لاعب صالح ورقي.. وكمان قافل..
والحريف ما بدك..
وطالما ودالمأذون ودالماحي لاعبين معانا كمكان..
أعمل حسابك ما تتمقلب ترمي بايظ (كبير) ويطلع خمسين..
عزوز ياكيشة الخطة اتغيرت وبقينا نقفل على دو وتريس - لانو الناس بفكوهم لصغر سنهم وتعال شوف النهرة " ألف " حرَّم أنهرك لمن عمتك تقع فى الواطة
مشاققة : انتا خالد زاتو استاهل شابكك عزيز دنيانا وانتا شغال ليهو بى حكاية الكاكاو - انا الليلة بسوى المديدة حرقتنى
zoolfrda
14-05-2006, 11:46 PM
ود الماحى المسيخيت ... شكيت محنك ، بت الهارت سمحة علا نحنا حكمة ربنا بنريد بت الاسود ويوم نلعب هارت البتديهو بت الاسود بنقول عليهو عريس ، فى شان سيرة العرس وعينك الطايرة تعال نقلبا هارت واديك ديس ماحصل وكان تكب جالون نحلق شوارب صالح من حدها - اها شن قولك نكوس لينا اتنين نربع بيهم التربيزة ولا نواصل فى الويست ونسيكك ضحا
آي إنت اقعد كبكوا لينا في الجوالين دي لحدي ما يفورا فينا
أبوبكرحامد
15-05-2006, 12:51 AM
آي إنت اقعد كبكوا لينا في الجوالين دي لحدي ما يفورا فينا
اها ياود الماحى قبضتا ليك واحد حريف فى الهارت وعندو ديس بتاع زول فردة وحاقد - يللا شوف لينا مرابع
zoolfrda
15-05-2006, 01:17 AM
اها ياود الماحى قبضتا ليك واحد حريف فى الهارت وعندو ديس بتاع زول فردة وحاقد - يللا شوف لينا مرابع
والله يا ود الماحي ويا أبوبكر
أنصحكم تجيبوا نبيل حمدتو
أحقد منو ما في في الهارت
وبعدين ضابط إيقاع عجيب
لكن ... شوفوا الطربيزة مميله من وين ؟
عزيز عيسى
15-05-2006, 04:14 AM
عزوز ياكيشة الخطة اتغيرت وبقينا نقفل على دو وتريس - لانو الناس بفكوهم لصغر سنهم وتعال شوف النهرة " ألف " حرَّم أنهرك لمن عمتك تقع فى الواطة
مشاققة : انتا خالد زاتو استاهل شابكك عزيز دنيانا وانتا شغال ليهو بى حكاية الكاكاو - انا الليلة بسوى المديدة حرقتنى
يا ودالمأذون مالك كشفت اللعب.. إنت برضك قافل معاهم على دو وتريس..
ودأبوشوارب وودالماحي لو أديتهم دو تريس برضو ما يحفتحوا..
عارف ليه؟..
لآنو ورقم حيكون زايد.. وفك البايظ ما فيش ليهو طريقة بعد دا..
والورق يدك يعني حيدك.. (حرفه عدم)..
وبعدين إنت الظاهر عليك لاعب بصرة يا ودالمأذون..
لأنو حكاية الكاكاوية دي بتاعة ودأبوشوارب ما حقت خالد..
والمديدة حرقتني دي تصدق عنوان موضوع كتبته وكان
عندي النية أنزلو الاسبوع دا..
Jamal Elmahi
17-05-2006, 12:09 PM
اها ياود الماحى قبضتا ليك واحد حريف فى الهارت وعندو ديس بتاع زول فردة وحاقد - يللا شوف لينا مرابع
ود الماذون أأأبوي مرابعنا ألادمن ذاتو...نسوقو أبوظريفه...نشبعو أقاشيه لامن اقول بس...ندوّر الهارت ونلصق ليهو دامة الاسود لامن يطرش الاقاشيه..ونقلبا وست ونسنفك الادمن لامن وشو يكرضم بس كيتاَ عليهو...النفش مقصتنا فيهو...والعجب ان قلتو حريق علي الطلاق أخرتو ليكم لامن يتدين حق الصعوط ولاّ هو خلي السفه...
ود الماحي
Jamal Elmahi
17-05-2006, 12:14 PM
والله يا ود الماحي ويا أبوبكر
أنصحكم تجيبوا نبيل حمدتو
أحقد منو ما في في الهارت
وبعدين ضابط إيقاع عجيب
لكن ... شوفوا الطربيزة مميله من وين ؟
أنا أأأفرده غايتو البنقز باقي عليهو عشره....ما بفكو ألاّ لي دربكات فرقة البالمبو ...خمسه دربكات مرصوصات قدام الزول ينقر فيهو من طرف...
ود الماحي
sambaaa
17-05-2006, 12:42 PM
هههههههههههههههههههههههههههه
ياشباب والله كشفتو ورقكم وطلعتو دقة قديمة
شنو الحكاية ؟؟
بس نهبشكم بنناسي عجرم وقيامتكم تقوم وتدكوا ورقكم ؟
ونحن نقووووووووووووووول شنو ؟؟؟؟؟؟؟؟؟؟؟؟
mohammed ahmed
19-05-2006, 09:26 AM
تحياتنا لدكان ود الصول
يا أبوبكر إزيك 00 باين عليك شباب 00 عيني بارده يعني لو رسلنا ليك صورنا ح تقفل الدكان 00
قدر ما حاولت أتذكركك دفعت منو غلبني ذكرني عشان أفتح معاك نفاج 00
حمام
امير عبدالباقي
20-05-2006, 07:08 AM
[والله ياجماعه شايف كشتينتكم مولعه انتو من زمن الحريق ؛ الحريق بقي موضه قديمه انا قايتو ياوست ياهارت عشان اوريكم الغتاته كويس البقعد شمالي بكره نفسو من الديس يلا تعالو
أبوبكرحامد
20-05-2006, 11:53 PM
يا ودالمأذون مالك كشفت اللعب.. إنت برضك قافل معاهم على دو وتريس..
ودأبوشوارب وودالماحي لو أديتهم دو تريس برضو ما يحفتحوا..
عارف ليه؟..
لآنو ورقم حيكون زايد.. وفك البايظ ما فيش ليهو طريقة بعد دا..
والورق يدك يعني حيدك.. (حرفه عدم)..
وبعدين إنت الظاهر عليك لاعب بصرة يا ودالمأذون..
لأنو حكاية الكاكاوية دي بتاعة ودأبوشوارب ما حقت خالد..
والمديدة حرقتني دي تصدق عنوان موضوع كتبته وكان
عندي النية أنزلو الاسبوع دا..
زولك ود الماحى ورقو زايد ومعرج ، وشايفو لاعب للدك بس ماظنيتا تندكا ، كدى ورينا قصة المديدة حرقتنى دى شنو؟
أبوبكرحامد
20-05-2006, 11:55 PM
هههههههههههههههههههههههههههه
ياشباب والله كشفتو ورقكم وطلعتو دقة قديمة
شنو الحكاية ؟؟
بس نهبشكم بنناسي عجرم وقيامتكم تقوم وتدكوا ورقكم ؟
ونحن نقووووووووووووووول شنو ؟؟؟؟؟؟؟؟؟؟؟؟
انتوا تبكوا بس
أبوبكرحامد
21-05-2006, 12:07 AM
ود الماذون أأأبوي مرابعنا ألادمن ذاتو...نسوقو أبوظريفه...نشبعو أقاشيه لامن اقول بس...ندوّر الهارت ونلصق ليهو دامة الاسود لامن يطرش الاقاشيه..ونقلبا وست ونسنفك الادمن لامن وشو يكرضم بس كيتاَ عليهو...النفش مقصتنا فيهو...والعجب ان قلتو حريق علي الطلاق أخرتو ليكم لامن يتدين حق الصعوط ولاّ هو خلي السفه...
ود الماحي
ود الماحى آآخوى ..كوشتينا تلكم انتا والآدمن علا نجيبلها قوات حفظ سلام ، والله باكر نلقا كم فى برنامج الإتجاه المعاكس - هاهو فيصل القاسم يحييكم وارحب بضيفى من هيوستن القائد ود الماحى قائد فصيل المكاواة والمخاواة - ومن جده بكرى قائد فصيل المحافظين ، لدينا اتصال هاتفى من صالح ابوشوارب الذى دعا الفصيلين للقاء بمنزل خالد هاشم بجدة - النتيجة الآن متعادلة - يعنى حبايب - وفى انتظار ماتسفر عنه مفاوضات جدة هذه اجمل تحية لكم من استديوهاتنا بمدنى
أبوبكرحامد
21-05-2006, 12:12 AM
حبابك محمد احمد - النفاج يابوى هنا بجيب لنا الهوا - يلاك على البريد الخاص - كلام اتنين التالت برا
تحياتنا لدكان ود الصول
يا أبوبكر إزيك 00 باين عليك شباب 00 عيني بارده يعني لو رسلنا ليك صورنا ح تقفل الدكان 00
قدر ما حاولت أتذكركك دفعت منو غلبني ذكرني عشان أفتح معاك نفاج 00
حمام
أبوبكرحامد
21-05-2006, 12:17 AM
[والله ياجماعه شايف كشتينتكم مولعه انتو من زمن الحريق ؛ الحريق بقي موضه قديمه انا قايتو ياوست ياهارت عشان اوريكم الغتاته كويس البقعد شمالي بكره نفسو من الديس يلا تعالو
كان كدى نجيب ليك خالك ابراهيم السعيد " بترينا " امكن قلبك احن شوية ياحاقد هههههههه
امير عبدالباقي
21-05-2006, 12:29 AM
ود الماذون لك كل التحايا والله انا ماحاقد لكن انشاءالله نتلمه وتقعد شمالي ويكون ماعندك اسود وكرت هارت واحد وديسي يكون بت الاسود وتلاته كروت هارت كبيره عشان تعرف الحقد علي اصوله والله الا تجري
zoolfrda
21-05-2006, 12:31 AM
ناس الدكان الطيبين أبونا ود المأذون
حياكم الله وإديكم العافية واسكنكم الصافية ويقسم لكل زول منكم عمارة ناصيه .. قولوا آمين
جابني الدرب قلت انسلم عليكم ونشوفكم طيبين
فتكم بعافية
نزار حسن محمد
21-05-2006, 11:54 PM
الســــــــــــــــلام جاكـــــــــــــــــــــم ياناس الدكان ... ود الماذون بدور اخد منكم الاذن .. ومن ناس الدكان وناس المنتدى عشان ان فتحت فرع فى حى المنيره وسمته دكان ود صـــــــــــــــــــــــــول ... فارجوا ان تدونى الاذن وانشاء الله فالكم طيب... الدكان اصبح صوره حقيقيه لدكان ود الصـــول بتاع المنتدى واتمنى من اهل المنتدى التواصل الحقيقى بالجلوس فى عنقريب الدكان ومستنى الاذن منكم والولد الشغال كلمته ما يخد من ناس المنتدى وهو من اهل ناس العوض والد اصيل وكريم ... اهاااا انا فى انتظركم ودعتكم اللــــــــــــــــــه .... ودحســـــــــن
Jamal Elmahi
22-05-2006, 03:26 AM
ود الماحى آآخوى ..كوشتينا تلكم انتا والآدمن علا نجيبلها قوات حفظ سلام ، والله باكر نلقا كم فى برنامج الإتجاه المعاكس - هاهو فيصل القاسم يحييكم وارحب بضيفى من هيوستن القائد ود الماحى قائد فصيل المكاواة والمخاواة - ومن جده بكرى قائد فصيل المحافظين ، لدينا اتصال هاتفى من صالح ابوشوارب الذى دعا الفصيلين للقاء بمنزل خالد هاشم بجدة - النتيجة الآن متعادلة - يعنى حبايب - وفى انتظار ماتسفر عنه مفاوضات جدة هذه اجمل تحية لكم من استديوهاتنا بمدنى
من خشمك ولي باب السما...كان مشاورات جدّه نجحت وفكيتو لينا ناسنا ...نحن بنخت السلاح ونرجع من الغابه ونرفع راية الوحده...ونبني فوق عزّنا وباقي المنتديات ما بتهزنا...ومتين يا الله تاني تلمنا...قريب يا الله تاني تلمنا....
ودالماحي
أبوبكرحامد
22-05-2006, 08:46 PM
ناس الدكان الطيبين أبونا ود المأذون
حياكم الله وإديكم العافية واسكنكم الصافية ويقسم لكل زول منكم عمارة ناصيه .. قولوا آمين
جابني الدرب قلت انسلم عليكم ونشوفكم طيبين
فتكم بعافية
يازول يافردة ......... مانا قبلانين حكاية جابك الدرب ، بندور جيتك عديل ، اها انا فى رجاك
أبوبكرحامد
22-05-2006, 08:52 PM
الســــــــــــــــلام جاكـــــــــــــــــــــم ياناس الدكان ... ود الماذون بدور اخد منكم الاذن .. ومن ناس الدكان وناس المنتدى عشان ان فتحت فرع فى حى المنيره وسمته دكان ود صـــــــــــــــــــــــــول ... فارجوا ان تدونى الاذن وانشاء الله فالكم طيب... الدكان اصبح صوره حقيقيه لدكان ود الصـــول بتاع المنتدى واتمنى من اهل المنتدى التواصل الحقيقى بالجلوس فى عنقريب الدكان ومستنى الاذن منكم والولد الشغال كلمته ما يخد من ناس المنتدى وهو من اهل ناس العوض والد اصيل وكريم ... اهاااا انا فى انتظركم ودعتكم اللــــــــــــــــــه .... ودحســـــــــن
طول عمرك أصيل وتعرف الأصول ......... ها زول ابشر بالخير ربنا اعدل خطوتك وافتح عليك ابواب رزقو ، علا ياخوى بدور اسعلك حى المنيرة دا وين؟ نحنا طولنا من البلد ، وبندور ندى الوصف للناس البينزلو فى الصيف عشان ازوروهو
أبوبكرحامد
22-05-2006, 09:00 PM
من خشمك ولي باب السما...كان مشاورات جدّه نجحت وفكيتو لينا ناسنا ...نحن بنخت السلاح ونرجع من الغابه ونرفع راية الوحده...ونبني فوق عزّنا وباقي المنتديات ما بتهزنا...ومتين يا الله تاني تلمنا...قريب يا الله تاني تلمنا....
ودالماحي
ود الماحى آآخوى الله لاجاب بيناتنا كلام ناسنا وناسكم - وان الشغلة انفرزت كيمان حرَّم مانى جاييكم ، واسلاك الله واسعة تودينا بكان ماتودينا ، مانى داير غير اللمة وجر النمة.
نزار حسن محمد
23-05-2006, 01:12 AM
ابشر بالخير اخـــــــــــوى ود المازون ااااها الوصف ياخوى واضح شفته الجامعة الي لت الجزيره خلف الاعداديه مباشره عينك لليافطه كبيره ومكتوب فيها دكان ود الصول.. بعدين البيت من دورين وانا حاسكن فى الدور الفوقانى حـــرم الوليه كملت قروشى تب لقايت مابنيتو
بعدين حى المنيره دا لصق حى المطار وين جامع خضر الديمقراطى ااها الحى الجنبو دا حى المنيره وبعدين من مدرسة عبد الستار لو عينت غاضى للزلط عينك للبيت مضروب جير ابيض والحيطه الاماميه بحجر الجبل والدكان واضح جنبو مزيره فيها زيرين كبار وانا كان زرعته شجره للظل قالوا كبرة شويه ااااااه كــــــده وضح ولا لسعه ..... ودالمازون كلم ناس الكتشيه حنركب لمبه نايلون ولو فى غش حنبدلها بكشاف اااه ودعتكم الله
صلاح ودالطاهر
23-05-2006, 02:50 AM
اخوي ود الماذون حياك الله وحبابكم عشره بلاكشره شمار حارقني شوهد ابوشوارب في شوارع جده وعم نائم التحيه للجميع
Jamal Elmahi
23-05-2006, 03:23 AM
ود الماحى آآخوى الله لاجاب بيناتنا كلام ناسنا وناسكم - وان الشغلة انفرزت كيمان حرَّم مانى جاييكم ، واسلاك الله واسعة تودينا بكان ماتودينا ، مانى داير غير اللمة وجر النمة.
ود المأذون أأأبوي ماياها دي المحريّه فيك ...ودا عكس قصدي تماماَ...أنا قصدي لم الشمل وكان ردي علي موضوع الاتجاه المعاكس الجيبتا سيرتو...
أنتا أأأبوي الدار دارك ومطرحك وأنا معاكم عابر سبيل...لكن ما دام جابت ليها دروب تودي ...فأنا بركب قطر عجيب بودي ما بجيب...والبعد ولا البلاد أم سعد....
ود الماحي
أبوبكرحامد
24-05-2006, 08:59 PM
اخوي ود الماذون حياك الله وحبابكم عشره بلاكشره شمار حارقني شوهد ابوشوارب في شوارع جده وعم نائم التحيه للجميع
أهلاً حباب ود الطاهر ، شمار جده غير وغير ، خليك قريب وارخى اضانك .
أبوبكرحامد
29-05-2006, 09:04 PM
ناس الدكان سلام جاكم .......... معليش انقطعنا الأيام الفاتت ، ناس المنتدى شغلونا بى حكاية ناطق رسمى دى ، والله ان بدورو شورتى اخلونى اتفن ليكم فى الدكان ده ونتونس لامن تقول الروب .
أها بندور نبارك لى كبارنا الترقية : مبروك لى ود الماحى وعمنا تنقو وعمر غلام الله وعمدتنا ود الصادق والزول الأصيل ود عايدروس ، انشاء الله دايماً تامين ولامين ، وفى ربوع مدنى متجمعين .
Jamal Elmahi
30-05-2006, 01:44 AM
ناس الدكان سلام جاكم .......... معليش انقطعنا الأيام الفاتت ، ناس المنتدى شغلونا بى حكاية ناطق رسمى دى ، والله ان بدورو شورتى اخلونى اتفن ليكم فى الدكان ده ونتونس لامن تقول الروب .
أها بندور نبارك لى كبارنا الترقية : مبروك لى ود الماحى وعمنا تنقو وعمر غلام الله وعمدتنا ود الصادق والزول الأصيل ود عايدروس ، انشاء الله دايماً تامين ولامين ، وفى ربوع مدنى متجمعين .
ألبشاره أأأود الماذون...قول بشارة خير....علي الطلاق خير ونص وخمسه...هو خير ساي ...هاأأأزول العمده ود الصادق ما ظهر ...حرّم جاني وقعد معاي فوق بنبري الساخن...هااازول والله لاني محموم ولا بهضرب ..ألمس جلدي دا مو بارد تلج...والعجيبه الليله من أصبحت ما غشيت الكمبو...اليومين ديل باقي زايغ من كلتوما طالباني تلاته الاف ...ورجعت والصادق كدي بسوقو وبي قلباَ قوي علي الكمبو....
ود الماحي
HAMADTO
30-05-2006, 05:45 AM
السلام عليكم يا حبايبنا ... كيف اخباركم كده
http://www.asmilies.com/smiliespic/FAWASEL/000.gif (http://www.asmilies.com)http://www.asmilies.com/smiliespic/FAWASEL/000.gif (http://www.asmilies.com)http://www.asmilies.com/smiliespic/FAWASEL/000.gif (http://www.asmilies.com)http://www.asmilies.com/smiliespic/FAWASEL/000.gif (http://www.asmilies.com)
مبروووووووووك الترقية كبارنا الرائعين ود الماحي وعمنا تنقو والاستاذ القاص عمر غلام الله وعمدتنا ود الصادق واخونا الرياضي الكبير ود عيدروس ....
http://www.asmilies.com/smiliespic/FAWASEL/000.gif (http://www.asmilies.com)http://www.asmilies.com/smiliespic/FAWASEL/000.gif (http://www.asmilies.com)http://www.asmilies.com/smiliespic/FAWASEL/000.gif (http://www.asmilies.com)http://www.asmilies.com/smiliespic/FAWASEL/000.gif (http://www.asmilies.com)
أبوبكرحامد
31-05-2006, 02:05 AM
ألبشاره أأأود الماذون...قول بشارة خير....علي الطلاق خير ونص وخمسه...هو خير ساي ...هاأأأزول العمده ود الصادق ما ظهر ...حرّم جاني وقعد معاي فوق بنبري الساخن...هااازول والله لاني محموم ولا بهضرب ..ألمس جلدي دا مو بارد تلج...والعجيبه الليله من أصبحت ما غشيت الكمبو...اليومين ديل باقي زايغ من كلتوما طالباني تلاته الاف ...ورجعت والصادق كدي بسوقو وبي قلباَ قوي علي الكمبو....
ود الماحي
هازول أبشر بالخير ، ود الصادق رجع البلد ، حرم ياود الماحى أنا بدفعلك قروش الكمبو ومعاها حق الضبيحة ، بس ماتطولوا فى الكمبو 0 سمعتا تحت تحت قالوا فى كشة الليلة وبيكون فيها مولانا بشار - وكيل النيابة - الراجل ده قالكم بندور كلام مدن انتوا ابيتوا 0 دحين ان زراكم فى الكمبو تبقا فضيحتكم مالية البلد .
أبوبكرحامد
31-05-2006, 02:08 AM
[QUOTE=HAMADTO]السلام عليكم يا حبايبنا ... كيف اخباركم كده
مبروووووووووك الترقية كبارنا الرائعين ود الماحي وعمنا تنقو والاستاذ القاص عمر غلام الله وعمدتنا ود الصادق واخونا الرياضي الكبير ود عيدروس ....
حبابك حمدتو - اسعدتنا تب بى زيارتك وورداتك - انشاء الله نباركلك الزواج ياباشمهندس
Jamal Elmahi
31-05-2006, 02:50 AM
هازول أبشر بالخير ، ود الصادق رجع البلد ، حرم ياود الماحى أنا بدفعلك قروش الكمبو ومعاها حق الضبيحة ، بس ماتطولوا فى الكمبو 0 سمعتا تحت تحت قالوا فى كشة الليلة وبيكون فيها مولانا بشار - وكيل النيابة - الراجل ده قالكم بندور كلام مدن انتوا ابيتوا 0 دحين ان زراكم فى الكمبو تبقا فضيحتكم مالية البلد .
غايتو مولانا بشار دا الله يكفينا شرو راقد لينا فوق رأي ..يعني كاشينا كاشينا ..فدحين أأأود الماذون قريشات الكمبو خليهن للضمانه..وأنا قبيل ودحسن قال لي ناس البندر ديل ماترقد ليهم في أمان...وبركه أأأبوي الكلمتنا بالكشه عشان نبدّر ونلحق نشرب لينا عبّارين تلاته وناكل ام فتفتنا ومرارتنا وعلي شوية همبريب كلام المدن يرقد هبطرش وأنا خايف بدل ما يدخلني الحبس يدخلني الثانوي العالي...
ود الماحي
أبوبكرحامد
31-05-2006, 11:57 PM
والله ياود الماحى بشار صاحبى دا راجل صحابى ماشاء الله طول فى عرض فى ارتفاع يعنى ده موش ادخلك العالى ، ده إدخلك فى جيب الساعة هههههههه.
مرة عزمنا فى شقتو غدا ، بعد الغدا عاوزين نمشى بشار حلف ستين يمين الا نقعد ، وقام قفل الشقة وختا المفتاح فى جيبو ، قلتا لى صاحبى ياخوى بشار ده مضاربة مابنقدر عليها ، غايتو إلا نتدردق فى الواطة ونبكى ليهو كان إحن علينا هههههههههه .
بعدين آخوى ان وقفتوا لط باروا الدرب ورا القطاطى لأنو كومر الكشة بيجى بى قدام الحلة . الله اغتيكم من دورية الكجر وعربية الكجر.
Jamal Elmahi
02-06-2006, 03:12 AM
ما دام جابت ليها بسطه في الجسم وعضلات تبش وشيل مفاتيح...نحن أأأبوي قعدتنا في راكوبه الهمبريب ضاربا من كل النواحي لاباب ولاشباك...وكان الموضوع داير ليهو واسطه أنا بربط حمارتي عند ود عمي قاضي المديريه مصطفي الجنيد ويديني كومر الكشه ذاتو يوصلني الكمبو وأرجاني لامن أقضي غرضي ويجيبني صاد وقروش ضمانتك بديهن بلصه لسواق الكومر تربيط علاقات دا كان ما رضي أقعد معانا...
مشاققه...
مسعول من الخير أأبوي ...مولانا بشار دا بغشانا بي جاي متين والله اشتقنا لي طلتو ولي كلام المدن...هو بس اللجينا والدايرو بنسويهو ليهو ما بنقول ليهو الزاير في يد المزيور...
ود الماحي
أبوبكرحامد
03-06-2006, 03:26 AM
والله ياود الماحى بشار طولتا منو ، شكلوا قام السودان لانو موبايلو خارج التغطية " حلوة خارج التغطية دى - كلام مدن ، مو زى كلامكم - لابصُد لابِرُد هههههه".
HAMADTO
03-06-2006, 10:12 AM
السلام عليكم ... شنو يا ودالماذون و ودالماحي الدكان بقيتوا قاعدين فيهو براكم الناس شتتو وين ....
سمعت من عيدروس ان مولانا بشار في ودمدني بين الصاغة ونادي الاهلي وبين احتفاء الاصدقاء به نتمنى له اجازة سعيدة وعودا وحميدا انشاء الله ....
ود المأذون من ما فتح البرعي سنتر ويشتهون الناس خلو دكان ودالصول
حتى ناس الجرورة بقوا ياخدوا بالشهر من البرعي ويشتهون والا شنو
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir