مشاهدة النسخة كاملة : دكان ود الصول
أبوبكرحامد
03-06-2006, 09:16 PM
يا أولاد مدنى .. بلدى الحنون
الريد قسم ..... والحب جنون
دكَّانّا حلاتو ... لاشك لاظنون
قليبنا صافى ... والريد فى العيون
بشوفكم بهرتكم .. كهارب ولمبات نيون
بدلتوا ريدنا .. بى برعى وتشتهون
فارقتوا طيبة ... جيمى وود الماذون
دنيا فرندقس .. ودهر خؤون
خالد هاشم علي
03-06-2006, 10:38 PM
ناس الدكان سلاااااااااام جاكم.... قبل ماأخش لي جوه وين صاحب الدكان عمنا بابكر والصول؟؟؟ وين عمنا أبو المهتدي؟؟؟ ياناس قوماكم أرح نسعل منهم لأنو الدكان بدونهم ماببقي ولا شنو ؟؟؟؟
أها كدي النحكي ليكم القصة دي بمناسبة الكمبو... ياود الماحي...
عندنا واحد بلدياتنا كده كان مقيم في مشروع الجزيرة قام إشتري ليهو عجل ... أها الناس نصحوهو يقوم يوديهو الكمبو عند ست العرقي عشان يأكل المشق( مايكونوا في حناكيش مابعرفوا المشق) عشان يبقي مدغلب ويكبر بي سرعة بعدين يقوم يبيعه بي سعر تماااااااااااااااام.
أها قريبنا ده قام ودا العجل لي ست العرقي وقال ليها خلي العجل ده معاك وهاكي القروش ديل عشان تأكليهو كمان.
بلدياتنا ده كان عندو أخوهو أصغر منه زبون دائم عند ست العرقي دي يعني كل يوم يجي يشرب ويطشم زيييييييييييين ويمشي.. قام عرف بي حكاية العجل حق أخوهو العند ست العرقي ... وكانت حالته صعبة ومفلس شديد .. أها بقي كل يوم يشرب في العرقي ولمن يجي علي الحساب يقول ليها ( ياخي أنا مضمووووووون والعجل حقنا عندك) وكل مرة يشرب عرقي تقوم ست العرقي تعمل ليها شخيت في الحيطة بي عدد القزازات الشربهم.
مرت الأيام والشهور وصاحبنا سيد العجل قال خلاص بعد كده النمشي أجيب العجل ده بكون خلااااااااااص كبر وبقي تورا مانع أبيعة وأقبض قروشه.. مشي لي ست العرقي قال ليها أها أنا جيت أسوق العجل... قالت ليهو عجل شنو ياخوي كدي عاين للشخوت الفي الحيطة دي ... دي كلها شربها أخوك وهسه أنا كمان دايرة منكم قروش فوق حق العجل وتدفعهم لي هسة دي.
صاحبنا قدر مافرنب شمال يمين مافي أي طريقة وعشان الفضايح قام دفع الفرق لي ست العرقي ورجع يسب ويلعن وحكايتو بالبلا...
أها أول ماوصل لقي ليك أخوهو قااعد وهو طبعا جاي من بره مغبووووون ... قام قال ليهو عليك الله تعال هنا ده ( والله أنا كتييييييييير سمعت بي فلان أكل حق أخوهو ... لكن أول مرة أسمع بي واحد شرب حق أخوهو).
أبوبكرحامد
04-06-2006, 01:15 AM
حباب الفنجرى
حباب رفيق الاشراف
لابتتضارا ولابتخاف
أهلاً حباب أب هاشم
وقريبو بى عجل اخوهو طاشم
شاحد مولاى ومتوسل بالرسول
إرجعولنا سالمين أبو المهتدى وود الصول
Jamal Elmahi
04-06-2006, 07:46 AM
ود هاشم والله أول مرّه أسمع بي زول شرب ليهو تور لا عشرق ليهو الضنب ولا حتي الضلوف...
عمنا راجل كبير من أطيب وأكرم ناس الحله ...محبوب وراجل نكته ودمو خفيف...مشي الحواشات وغشي الكمبو وضرب المرايس لامن وقف زمباره..دخل الحله مع صلاة المغرب..هفة ليهو يصلي ربط حمارو في عمود الكهربا ودخل الجامع..وقف في الصف الاول ..الامام كبّر وبدت الصلاه وفي أول ركعه مع الدنقيره ديك عمنا فقد التوازن وأتدحرج لي قدام دق دق دق لامن طقش حيطة الجامع بي راسو لانو مازال راكع...فقال أأأفو أنا الصعيد تكّس يرجع..الامام وجماعتو فقعوها ليك ضحكه....
ود الماحي
خالد هاشم علي
04-06-2006, 09:25 AM
هههههههههههههههههههههه حلوة ياود الماحي والله..
ياحليل البلي وتكس يرجع ...
تعرف ياود الماحي مع إني جني وجن الطشمنجية لكن مرات عندهم لقطات تموتك من الضحك...
عمك تنقو
04-06-2006, 08:57 PM
ههههههههههههههههههههههههه
شكيتك علي الله يا ود الماحي
الجنا ده
جا من وين !
فلنتعارف والظاهر مطممورتنا واحدة
عمك ود أشقر اشتري ليهو بصلات وزيت في كباية الشاي ومشي علي البيت
الجماعة بصلوا قدام الدكان المغرب قال كدي النصلي معاهم
وقف طرف وخت كباية الزيت والبصل جنبو تحت
الكديسة جات تشمشم
عمك خاف علي الجرورة !
لكزها بي كراعو وقاليها :
بس
admin
05-06-2006, 01:08 AM
السلام عليكم .. وين سيد الدكان دا .. شنو الحكاية الناس دي شايله الاكياس الفاضية دي منك وماشه وين .. وبعدين شنو الريحة الخميرة دي انتو بتكوجنو ليكم في ابري ولا شنو
http://img.rian.ru/images/4107/65/41076556.jpg
أبوبكرحامد
05-06-2006, 04:19 AM
السلام عليكم .. وين سيد الدكان دا .. شنو الحكاية الناس دي شايله الاكياس الفاضية دي منك وماشه وين .. وبعدين شنو الريحة الخميرة دي انتو بتكوجنو ليكم في ابري ولا شنو
http://img.rian.ru/images/4107/65/41076556.jpg
أها تانى الحكومة جاتنا كابسة .... الله استر علينا
بعدين ياجنابو الناس دى بتشترى منى الأكياس الفاضية أنا مالى ومالوم ... هم مخيّيرين اشيلوا فيها عرقى ولافول ، وكان الشغلة سلبطة زى سلبطتك دى امشى أقبض ناس الشمالية الزارعين التمر ...... ياود الماحى خوى ارقد رقادك ، النظام العام لغوهو ههههههههه
أبوبكرحامد
05-06-2006, 04:22 AM
ههههههههههههههههههههههههه
شكيتك علي الله يا ود الماحي
الجنا ده
جا من وين !
فلنتعارف والظاهر مطممورتنا واحدة
عمك ود أشقر اشتري ليهو بصلات وزيت في كباية الشاي ومشي علي البيت
الجماعة بصلوا قدام الدكان المغرب قال كدي النصلي معاهم
وقف طرف وخت كباية الزيت والبصل جنبو تحت
الكديسة جات تشمشم
عمك خاف علي الجرورة !
لكزها بي كراعو وقاليها :
بس
مطمورة شنو ياعم تنقو .... ده انتا وود الماحى فولة وشقوها نصين ........ خصمتك بالنبى كان تغيب متل غيبتك المسيخة دى
أبوبكرحامد
05-06-2006, 04:25 AM
هههههههههههههههههههههه حلوة ياود الماحي والله..
ياحليل البلي وتكس يرجع ...
تعرف ياود الماحي مع إني جني وجن الطشمنجية لكن مرات عندهم لقطات تموتك من الضحك...
أمشى كده يابتاع موية صحة انتاج " الكرنتينة " هههههههههههههههه
البشوف رقيصك فى الحفلات اقول الزول ده حوض رملة ........حقيقى ليس كل مايلمع ذهباً هههههههههه
أبوبكرحامد
05-06-2006, 04:26 AM
ود هاشم والله أول مرّه أسمع بي زول شرب ليهو تور لا عشرق ليهو الضنب ولا حتي الضلوف...
عمنا راجل كبير من أطيب وأكرم ناس الحله ...محبوب وراجل نكته ودمو خفيف...مشي الحواشات وغشي الكمبو وضرب المرايس لامن وقف زمباره..دخل الحله مع صلاة المغرب..هفة ليهو يصلي ربط حمارو في عمود الكهربا ودخل الجامع..وقف في الصف الاول ..الامام كبّر وبدت الصلاه وفي أول ركعه مع الدنقيره ديك عمنا فقد التوازن وأتدحرج لي قدام دق دق دق لامن طقش حيطة الجامع بي راسو لانو مازال راكع...فقال أأأفو أنا الصعيد تكّس يرجع..الامام وجماعتو فقعوها ليك ضحكه....
ود الماحي
انتوا ياخوى من كباركم ناس مشاققة هههههههههه
Jamal Elmahi
05-06-2006, 07:49 AM
ههههههههههههههههههههههههه
شكيتك علي الله يا ود الماحي
الجنا ده
جا من وين !
فلنتعارف والظاهر مطممورتنا واحدة
بس
حباب عمنا تنقو...حبابك واليوم السعيد في دكانا جابك...
نحن أأأبوي مطمورتنا بنخليها لامن تزرّع...يعني تبقي زريعه ...وبنشربا مابناكلا...ذي تور ود هاشم ...أرقد أأأعيش أنا دقاقك...
هو عليك الله الزول ان ماشبع مريسه تب لامن الفشفاش يطلع في دشوتو شن فايدتو...باأأأأع الكترابه....
ود الماحي
عزيز عيسى
05-06-2006, 11:24 AM
جيت أتاوقك وبس!
مشغول لليفة.. ود الماحي طلب مني أدخل على الدكان ولو لمدة خمسة دقائق..
وبناء على طلب ودالماحي هاكم دي إتسلوا بيها لغاية ما ربنا يفرجها..
واحد أخينا سكران الظاهر بايته معاه.. كان نايم في الكوشة وخاتي رقبته في حمار ميت..
بعد شوية جاء ولد ماشي مع أبوه في الشارع بالقرب من الكوشة..
الولد لما شاف المنظر أشر بأصبعه على الراجل السكران وقال لأبوه: أبوي أبوي شوف الراجل السكران دا نايم في الكوشة وخاتي رقبته في الحمار الميت.
أبوه عاين لمنظر السكران وقام ضحك وقال:
هلا هلا الزول دا عفيت منو طب.. والله يا ولدي أبوك من زمن كايس ليهو على سكرة زي دي مالاقيها.
نزار حسن محمد
05-06-2006, 01:16 PM
السلام عليكم ياناس الدكان .. الظاهر المطرات الرشن دى خالت الجماعه من بدرى بدرى امشوا الكمبو تعرفوا عندنا خضرجى طوله شبر وايديه قصيره..بعد مايبع خضاره عديل على الكمبو وتلاقيه اغنى براه.. عسلية حواء وخميسا من شرابك انا ياسلام عسليه حواء وخميسا بزبيب والشرى مابنقيسا والعجب عسلية خميس للنفوس الضاله التعيسه اااه يومى بالطريقه دى وتلاقى جيوبه مليانه بالشطه الخضراء اليوم داك جات الكشه وعمنا شرب تب لمن شاف الضابط قام وقف عديل وادى الضابط تحيه الضابط قال ليه انت هوى القصير دى عامل كدى ذى الولر جنى التماسح جيوبك دى فوقه شنو قام طلع ليه الشطه الخضراء قام الضابط اكله الشطه كلها صحابنا جاته ام زرقه ومن اليوم داك لمن اشوف الشطه الخضراء ساكت تلاقيه براه اشتم فى الضابط .. ودعتكم الله ... ود حسن
أبوبكرحامد
06-06-2006, 12:05 AM
السلام عليكم ياناس الدكان .. الظاهر المطرات الرشن دى خالت الجماعه من بدرى بدرى امشوا الكمبو تعرفوا عندنا خضرجى طوله شبر وايديه قصيره..بعد مايبع خضاره عديل على الكمبو وتلاقيه اغنى براه.. عسلية حواء وخميسا من شرابك انا ياسلام عسليه حواء وخميسا بزبيب والشرى مابنقيسا والعجب عسلية خميس للنفوس الضاله التعيسه اااه يومى بالطريقه دى وتلاقى جيوبه مليانه بالشطه الخضراء اليوم داك جات الكشه وعمنا شرب تب لمن شاف الضابط قام وقف عديل وادى الضابط تحيه الضابط قال ليه انت هوى القصير دى عامل كدى ذى الولر جنى التماسح جيوبك دى فوقه شنو قام طلع ليه الشطه الخضراء قام الضابط اكله الشطه كلها صحابنا جاته ام زرقه ومن اليوم داك لمن اشوف الشطه الخضراء ساكت تلاقيه براه اشتم فى الضابط .. ودعتكم الله ... ود حسن
عسلية حوا وخميسة ..... الجابت لينا نزار وعزيز عيسى
Jamal Elmahi
06-06-2006, 04:43 AM
جيت أتاوقك وبس!
مشغول لليفة.. ود الماحي طلب مني أدخل على الدكان ولو لمدة خمسة دقائق..
وبناء على طلب ودالماحي هاكم دي إتسلوا بيها لغاية ما ربنا يفرجها..
حباب ود عيسي...
صاحبي كعوبيه زول الله وعلي نياتو...علاّ بريد المريسه بالحيل...كان عندنا عرس في الحله...صاحبنا ضرب الشربوت الماخمج وعبارين مريسه لزوم هضم ام فتفت والمراره لغاية ما وقف لمبه....ريحتو بقت خلطه عجيبه ..مريسه +بصل+شربوت+فجل = خمره(مع ضم الخاء)..المهم مع بداية الحفله الساعه حداشر بالليل حلف سين يمين الاّ يستحمي في البحر...راح كاسح علي البحر وأنا وراهو ...خايفو يقوم يغرق حسب سكرتو...الواطه قمر..دخلت صاحبنا المويه والغتسه الاولي راح طارش...الفشفاش وأم فتفت الرهيفه ديك بقت مطفحه في المويه وتلمع مع القمرا..وأخونا بقي يلقط من المويه ويكوضم..والفشفاش السرح بعيد بقيت أنا أعوم ليهو أقبضو وأناولو ليهو لانو حلف ما يخلي واحده تزوغ منو...والله لي هسه أنا بطني طامّه...
ود الماحي
أبوبكرحامد
06-06-2006, 08:58 PM
الله اجازى محنك ياود الماحى ......... والله بضحك والدموع ماليات عينى ، ماعارف اركز واشوف الحروف كويس ، غايتو منظركم تلقطوا فى العفشة من البحر مابقدر اوصفو ، دى سكرة طيرى هههههههههههه .
معتز حمدتو
08-06-2006, 04:19 AM
سلام استاذ ابوبكر حامد والتهنئة بالهيكل الاداري الجديد وان شاء الله دكانك دائما منور .
نزار حصل في حد قاليك اجازي محنك . تحياتي
معتز حمدتو
08-06-2006, 04:22 AM
ود الماحي قالت اختنا في المنتدي ان الضحك بنقص الوزن
انا باسكرتكم الزنباره ده اكون حتي الان نقصت 2 كيلو قول يارب .
تحياتي ود الماحي وسلام تعظيم لذكريات الشباب .
معتز حمدتو
08-06-2006, 04:32 AM
يااستاذ ابوبكر انت بشار ده انت دفعة ولا هو دفعة .
الحاجة العارفه ان مولانا بشار في السودان لزواج اخيه مجدي ( وحشي ) لكن الكلام ده قبل فترة طويله الا اكون مستني السماية بالاضافة لزواج اخ زوجته النقيب راشد عووضة لكن برضو اكون منتظر ابقي رائد ولا شنو .
رايك شنو ياعم
zoolfrda
08-06-2006, 07:43 AM
سلااام ناس الدكاان
شايف لي كوته من بنات الجامعات متوجهين عليكم قلت الأنبهكم
معاكم سلام
نزار حسن محمد
09-06-2006, 06:25 PM
سلااام ناس الدكاان
شايف لي كوته من بنات الجامعات متوجهين عليكم قلت الأنبهكم
معاكم سلام
الزول الفرده .. ماتخاف ديل بنات الجامعه دايرين صور مقالات وراجعين لكن بينى وبينك ريحة الدكان بقت مشق ساكت
الله يجازى اعمامك قدر مانقولهم السجم ده لمن تشربو اقعده فى الكمبو والا امشوا عديل للبيت لكن نسوا شنوه .. عاد مايقت ليهم عاده هم قايلين الدكان ده جنينة كعكاتى ..... طفشوعلينا الزبائن..اسع مفكرين نقلبه مطعم بتاع كــــوارع وملحقاتها.... غايتو الله اجيب العواقب سليمه..
أبوبكرحامد
10-06-2006, 08:34 PM
هلا وحباب ود حسن والزول الفردة .........
هاناس مسعولين من الخير الجماعة وين راحوا؟
آنزار آخوى ناسنا ديل لمان إتَّمسحوا مابفرزو الدكان من البيت ، قبل يومين جانى ود الماحى واخدلو انبطاحة فى العنقريب وهاك ياكواريك : يابت ياسكر الجنيد ... يامقصوفة الرقبة ... أنا ماقلتا ليك قولى لى أمك جيبيلنا العشا هنا فى الديوان !!!! - هازول قول بسم اللاى .. ات قاعد فى الدكان ... وات ياود الماحى دحين ماك قايلى وليداتك وديتم الخرتوم عندهم عرس ؟ ياناس ود الماحى ده ملَّخ لى كتافى كلو يوم أتَكِّكل فوقو وادرجو لى عند بيتو .... بس يمين الزول ده وكتو اليشرب نفسو ماتشم فيهو غير المَحَنَّة والدوباى .... أرقد ياعييييييييششششششش
zoolfrda
10-06-2006, 09:32 PM
حباب ود المأذون
البركة الشفناك متعافي
إلا يا أخوانا مسؤولين من الخير
ندور نتابع الكورة ماتجيبوها لينا في الدكان
ولا المسألة عنصرية ... سودان مافي ... كاس عالم مافي
نزار حسن محمد
10-06-2006, 10:57 PM
ودالماذون ماسمعته الخبر ..قالوا ودالماحى اشتراه ليه تلفزيون ملون واقعد قدامه 24 ساعه قال بدور اشوف الفريق السودانى فى كاس العالم!!!؟؟؟
السلامى
12-06-2006, 02:11 AM
عليكم الله ياناس الدكان البلد دى مابتحير ضرب مثل تقوم تمشى الشغل كدارى يقولوا عليك جلد تحاول تركب المواصلات تدفع لثلاثه اربعه معاك تقوم من الصباح تلهس وراء المعيشه وأخر الشهر تسلمها للمره يعنى ساقية جحا عديل نعمل شنو
Jamal Elmahi
13-06-2006, 03:56 AM
عليكم الله ياناس الدكان البلد دى مابتحير ضرب مثل تقوم تمشى الشغل كدارى يقولوا عليك جلد تحاول تركب المواصلات تدفع لثلاثه اربعه معاك تقوم من الصباح تلهس وراء المعيشه وأخر الشهر تسلمها للمره يعنى ساقية جحا عديل نعمل شنو
حباب السلامي ...وسلام عليك أأألسلامي...
غايتو كان سمعته كلامي أأأبوي من دربك دا تمش تاخد ليك حمار ضكر حمامي وسرجين ...السرج التاني دا أمكن تلقي ليك موظفه غلبانه تردفا وتاخد فيها الاجر..أهو منها تونسك ومنها تحس انك دفعته ليك لي زول...والحمار أأبوي بوفر عليك سحك المركوب والنعلات من الكسحي الكداري...أها قصرته معاك...والعلوق علي أنا...
ود الماحي
Jamal Elmahi
13-06-2006, 04:12 AM
سلااام ناس الدكاان
شايف لي كوته من بنات الجامعات متوجهين عليكم قلت الأنبهكم
معاكم سلام
دا كلو كوم وبنات الجامعه الجايات ديل كوم براهو...يكونن ياربي سمعن بالشدر الكبار فيهو الصمغ؟؟ وهسع قالو بقن يقولن الشدر الكبار فيهو البترول...وباين عليها ريحتنا بقت جاز جاز...
دحين أأود الماذون أأبوي الراكوبه ما ترشها في الصنانه دي تقوم تتطلّع لينا ريحة الصعوط ونبقي في حاو وتر مع البنيات ديل...وأنا حقتي بقزها في الراكوبه فوق لامن سمع لامن شاف...
ود الماحي
Jamal Elmahi
13-06-2006, 04:30 AM
هلا وحباب ود حسن والزول الفردة .........
هاناس مسعولين من الخير الجماعة وين راحوا؟
آنزار آخوى ناسنا ديل لمان إتَّمسحوا مابفرزو الدكان من البيت ، قبل يومين جانى ود الماحى واخدلو انبطاحة فى العنقريب وهاك ياكواريك : يابت ياسكر الجنيد ... يامقصوفة الرقبة ... أنا ماقلتا ليك قولى لى أمك جيبيلنا العشا هنا فى الديوان !!!! - هازول قول بسم اللاى .. ات قاعد فى الدكان ... وات ياود الماحى دحين ماك قايلى وليداتك وديتم الخرتوم عندهم عرس ؟ ياناس ود الماحى ده ملَّخ لى كتافى كلو يوم أتَكِّكل فوقو وادرجو لى عند بيتو .... بس يمين الزول ده وكتو اليشرب نفسو ماتشم فيهو غير المَحَنَّة والدوباى .... أرقد ياعييييييييشششششششن
ود الماذون أأبوي هو أنا كان قدرته لامن فكيت البايظ عكس الهوا في الخرتوم تاني البرجعني البيت شنو...الكمبو ياحلات همبريبو يمرقو ليك عنقريب برّأ وتخت حقتك قدامك والليل كلو تسف وتبزق لا رقيب لا عتيد...أنا في أبشوارب قدر فكه البايظ في السودان كيف وهو قعد يخوجل في الرياض...؟؟ دي عبلانج ما يعملا أأأبشوارب !!!
يضع سرّو في أضعف خلقو...يسيها علينا الله يايمه...
ود الماحي
Jamal Elmahi
13-06-2006, 04:38 AM
ودالماذون ماسمعته الخبر ..قالوا ودالماحى اشتراه ليه تلفزيون ملون واقعد قدامه 24 ساعه قال بدور اشوف الفريق السودانى فى كاس العالم!!!؟؟؟
ود حسن أأابوي سيرة التلفزيونات دي بتجيب لينا الهبايب...وأسعل منها ود الماذون...تلفزيون ست الشاي قرّب يغتّس حجري...
وكان دايرني أفتّو ليك تاني أنا أصلو مارق للربا والتلاف...
ود الماحي
أبوبكرحامد
13-06-2006, 09:07 PM
ود حسن أأابوي سيرة التلفزيونات دي بتجيب لينا الهبايب...وأسعل منها ود الماذون...تلفزيون ست الشاي قرّب يغتّس حجري...
وكان دايرني أفتّو ليك تاني أنا أصلو مارق للربا والتلاف...
ود الماحي
ود الماحى المسيخيت ....
تانى طريت البحر ، ياخوى فك البايظ عندكم مكلف والسفرية تاخد قريب العشرين ساعة ، الله اهون ليكم مشاققة عبر المحيط.
................................
حباب السلامى ونورت الدكان .
sambaaa
14-06-2006, 08:35 AM
هههههههههههههههههههههههههههههه
يا ناس الدكان سلام جاكم من كباركم لصغاركم
والله جاني الخبر قالو جاييكم جكس وكده
وكمان من الجامعة .. عشان كده قلت ازوركم في الله
واشوف لي بنبر اصنقر معاكم في ضل الدكان ملتقى الحبايب :d
zoolfrda
14-06-2006, 09:24 AM
يا سمباا ما كملت ليك الشمااار
الجكس كان بسألني عن ود كيافه أبوه كان مأذون
khalid ahmad
14-06-2006, 11:03 PM
ازيكم يا ناس الدكان ان شاء الله كويسين والله عجبتنى قعدتكم دى قلت آخد لى جمة معاكم
كدى اول حاجة ادونى سفة النملا بيها خشمى ده قالو لى فى واحد اسمو ود الماحى عندو
تمباك سمح شديد خبرو لقيتو فى ود ازرق وجيت مشاقق كدى ادونى البمبر ده النتحكر.
أبوبكرحامد
17-06-2006, 08:42 PM
هههههههههههههههههههههههههههههه
يا ناس الدكان سلام جاكم من كباركم لصغاركم
والله جاني الخبر قالو جاييكم جكس وكده
وكمان من الجامعة .. عشان كده قلت ازوركم في الله
واشوف لي بنبر اصنقر معاكم في ضل الدكان ملتقى الحبايب :d
هازول نحن عندنا برش ...
للبيحمل الدرش .....
وقدام العوين مابنبرش ........
وللحصى اقرش قرِش
أبوبكرحامد
17-06-2006, 08:47 PM
يا سمباا ما كملت ليك الشمااار
الجكس كان بسألني عن ود كيافه أبوه كان مأذون
الجكسى يافرده ..... عاوز بيبسى
انحنا زمان يوم نشرب البيبسى والله تحس نخرتك عاوزة تنقطع ودميعاتك اجرن تقول سايطنو بى نشادر ... بتعرفوا النشادر ؟؟؟
أبوبكرحامد
17-06-2006, 08:51 PM
ازيكم يا ناس الدكان ان شاء الله كويسين والله عجبتنى قعدتكم دى قلت آخد لى جمة معاكم
كدى اول حاجة ادونى سفة النملا بيها خشمى ده قالو لى فى واحد اسمو ود الماحى عندو
تمباك سمح شديد خبرو لقيتو فى ود ازرق وجيت مشاقق كدى ادونى البمبر ده النتحكر.
حباب خالد ود أحمد .... حباب فارس المطارحة الشعرية ......... حباب الفى الدارة حام صقرية ...... صعوطنا من أجود ما أنتجته مزارع ريشموند ودارفور " قبل الدواس " ، ابقا لاجوا وغردك مقضى تب .
عماد الصادق
18-06-2006, 01:35 AM
السلام لأهلنا الحلوين
ناس منتدى مدني السمحين
وللشئ داااك ما جاهلين
وللهناي والهنايات عارفين
وتب ترب تب ما ساهلين
رأيك شنو في البداية دي يا ود المأذون
بتدخلني الدكان بعد الغيبة الطويلة دي..
والشوق ليكم مطر
بمشي وبجيكم صادي بعد المداولة...
Jamal Elmahi
18-06-2006, 11:14 AM
ازيكم يا ناس الدكان ان شاء الله كويسين والله عجبتنى قعدتكم دى قلت آخد لى جمة معاكم
كدى اول حاجة ادونى سفة النملا بيها خشمى ده قالو لى فى واحد اسمو ود الماحى عندو
تمباك سمح شديد خبرو لقيتو فى ود ازرق وجيت مشاقق كدى ادونى البمبر ده النتحكر.
حباب ود أحمد
التمباك وسيد التمباك من أيدك دي لي أيدك دي...بس أأأبوي قالوا ماشي علينا جكس دحين السفّه ختها في الشلوفه الفوقانيه ..واسيها سمح ما تكرضما تقوم تتطيّر مننا البزقلّي وحلاوه بلّي...
ود الماحي
Jamal Elmahi
18-06-2006, 11:26 AM
هازول نحن عندنا برش ...
للبيحمل الدرش .....
وقدام العوين مابنبرش ........
وللحصى اقرش قرِش
ود الماذون أأأبوي الشئ ما عوين الشئ جكس...العوين يختننا بس ...الجكس أأبوي بنبلع بي جزيماتو بس الكعب العالي بسوّي العشراقه...
ود الماحي
Jamal Elmahi
18-06-2006, 11:31 AM
السلام لأهلنا الحلوين
ناس منتدى مدني السمحين
وللشئ داااك ما جاهلين
وللهناي والهنايات عارفين
وتب ترب تب ما ساهلين
رأيك شنو في البداية دي يا ود المأذون
بتدخلني الدكان بعد الغيبة الطويلة دي..
والشوق ليكم مطر
بمشي وبجيكم صادي بعد المداولة...
حباب العمده ود الصادق
صرف النظر عن المساكين رحمه....الاداكم بألكوريق يدينا بالكمشه مش بالشلّوت...ما تطوّل أأبوي...
ود الماحي
عماد الصادق
19-06-2006, 12:09 AM
حبيبنا الغال ود الماحي..
أهلنا الحلوين الغلين
والله والله والله انتو دايما على البال
لكن الدنيا الفرندقس شاغلانا شوية
ورجعنا للخطة القديمة أربعة أربعة اثنين
أشواق وأمها مشو البلد
البت شافت الحالة المايلة
قالت أحسن تمشي تقرأ
في السودان
وتمتحن للشهادة من السودان
أصلو أبوي سعر الريال (الدولار) نازل
وسعر الجنيه زايد (سبحان الله)
والحال في حاله
البت ناقشه الوضع وشايفه الناس الملمعين في التلفزيون
ديل ما ببحلو حاجة .. نقة ساي
قالت أحسن تجيبها من قصرها..
أخوك راسه ضارب وبفتش لي على عزابة
أنا ما ناسيكم ولا بايضة لي
والحمدلله
لكن تخيلو عندي واحد صاحبي (ودالبيك)
شحن عفشو بالبحر.. كسرو ليهو قزاز الفرن (البوتاجاز)
أنا عامل حسابي شحنت عفشي بالكونتنر..
كسرو لي قزاز الفرن والرجالة الحلوين برفعو العفش من البيت للشاحنة
هسه لينا ثلاثة أيام والعفش مجدع في الحوش
راجين يصلحو المكسور..
خالد أحمد الصول
19-06-2006, 01:32 AM
أخي الحبيب عماد و الصادق
أستاذن ناس الدكان الحلوين عشان أسلم علي عماد الاصدق الطولت ما سمعت أخبارو و أخبار ناس جدة كلهم من ود الصوفي لي توتو و سيف سخانه أصلوا الايام دي السخانه بدت في جدة الله يبرد الجيوب و الجيوب الانفية
نحنا هنا ماسكين العقاب تمام ... الكتاحة عندنا معطر للجو و السخانه مكيف فريون و خمسمية جنيه أنت غني
شنو ليك .. كمان الجلسه في العصرية في طلمبة معاوية فارس و شاي اللبن المقنن و كل الاخبار العطره
خاتين كراع في كراع زي أمراء آل سعود لا خايفين من كفيل و لا دورية .. هنا اللعب كلو ودي
و كمان الايام دي الموضة أغنية للبنات بتقول راجل المرا حلو حلا طعمو برا .. يعني كان كنت شين زي توبي
تلقي روحك أحلي من عبد الحليم
خالد الصول
عماد الصادق
19-06-2006, 02:28 AM
ودالصول العزيز حليلكم وحليل لياليكم
لك وللأخ معاوية صديق فارس وعادل سلك التحية
جبيبهم معاك وتعالو أشربو الجبنة معانا هنا
وسيف سخانة ده تلقاهوفي الخرتوم
زمان زمان خلا جدة.. إلا يكون جا صاد تاني
ونحن ماعارفين..
لكم تحيات توتو والصوفي
وكمان زيادة محمد كمبال جابوه لينا في جدة
وحنو كوارع .. ودي نايمه معانا.. نووووم
أبوبكرحامد
19-06-2006, 02:45 AM
ود الماذون أأأبوي الشئ ما عوين الشئ جكس...العوين يختننا بس ...الجكس أأبوي بنبلع بي جزيماتو بس الكعب العالي بسوّي العشراقه...
ود الماحي
ود الماحى آخوى انا راح على الحساب ، وبقيت مانى فارز كساب من المسيكتاب .... كعب الخرف وفضا الجراب ... الله ايسرلكم اموركم واكفيكم شر العذاب ... واستركم فى الدارين ويوم الحساب.
أبوبكرحامد
19-06-2006, 02:48 AM
حبيبنا الغال ود الماحي..
أهلنا الحلوين الغلين
والله والله والله انتو دايما على البال
لكن الدنيا الفرندقس شاغلانا شوية
ورجعنا للخطة القديمة أربعة أربعة اثنين
أشواق وأمها مشو البلد
البت شافت الحالة المايلة
قالت أحسن تمشي تقرأ
في السودان
وتمتحن للشهادة من السودان
أصلو أبوي سعر الريال (الدولار) نازل
وسعر الجنيه زايد (سبحان الله)
والحال في حاله
البت ناقشه الوضع وشايفه الناس الملمعين في التلفزيون
ديل ما ببحلو حاجة .. نقة ساي
قالت أحسن تجيبها من قصرها..
أخوك راسه ضارب وبفتش لي على عزابة
أنا ما ناسيكم ولا بايضة لي
والحمدلله
لكن تخيلو عندي واحد صاحبي (ودالبيك)
شحن عفشو بالبحر.. كسرو ليهو قزاز الفرن (البوتاجاز)
أنا عامل حسابي شحنت عفشي بالكونتنر..
كسرو لي قزاز الفرن والرجالة الحلوين برفعو العفش من البيت للشاحنة
هسه لينا ثلاثة أيام والعفش مجدع في الحوش
راجين يصلحو المكسور..
هازول ربنا اسهل امورك..... وانتا سيد بلد وخيرك سابق ... ان ماشالتك جده تعال على فى البحرين توانسنا وتشرفنا لمان التشريف اتمحن ذاتو ، ويومى اقطع بيك الجسر لى السعودية اوديك شغلك وارجع صادى .
أبوبكرحامد
19-06-2006, 02:59 AM
أخي الحبيب عماد و الصادق
أستاذن ناس الدكان الحلوين عشان أسلم علي عماد الاصدق الطولت ما سمعت أخبارو و أخبار ناس جدة كلهم من ود الصوفي لي توتو و سيف سخانه أصلوا الايام دي السخانه بدت في جدة الله يبرد الجيوب و الجيوب الانفية
نحنا هنا ماسكين العقاب تمام ... الكتاحة عندنا معطر للجو و السخانه مكيف فريون و خمسمية جنيه أنت غني
شنو ليك .. كمان الجلسه في العصرية في طلمبة معاوية فارس و شاي اللبن المقنن و كل الاخبار العطره
خاتين كراع في كراع زي أمراء آل سعود لا خايفين من كفيل و لا دورية .. هنا اللعب كلو ودي
و كمان الايام دي الموضة أغنية للبنات بتقول راجل المرا حلو حلا طعمو برا .. يعني كان كنت شين زي توبي
تلقي روحك أحلي من عبد الحليم
خالد الصول
حبابك خالد ... حبابك يا العزيز تيرابك ... ماك ضيف فى شان تستأذن ...ده دكان ود الصول ؟؟؟ كل الجاهو زولاً زين وخاتى القول ، ابقا لاجوه يابو النسب .
قلتا اغنية البنات عن راجل المرا ، الله استر ود الماحى ما اشوف الكلام ده -انا خابرو بتشيلو الهاشمية ويعرض واقوم كدى ارسل وليداتو فى اجازة ، غايتو الفترة الجاية نراقبوا ونلعب معاهو " مان تو مان " .
Jamal Elmahi
19-06-2006, 04:26 AM
ود الصادق حبابك ...
أنا نفسي أعرف حرفنتكم في فك البايظ عكس الهوي...دي بتعملوها كيف؟ البايظ بي بوتجازو كمان...شدّه والله وغسيل عدّه...
أنا أحجزوا لي معاكم في العزابه فترة نقاهه لامن أتعلم فك البايظ من المعلمين ..ذي أبشوارب كبيرهم الذي علمهم فك البايظ..وفك البايظ نضوقو ونطلع سوقو...
ود الماحي
Jamal Elmahi
19-06-2006, 04:47 AM
ود الماحى آخوى انا راح على الحساب ، وبقيت مانى فارز كساب من المسيكتاب .... كعب الخرف وفضا الجراب ... الله ايسرلكم اموركم واكفيكم شر العذاب ... واستركم فى الدارين ويوم الحساب.
هسع أأأود المأذون في زمّتك لزومو شنو سيرة العذاب ويوم الحساب...أنا غايتو غير لساني دا شيتاَ بغتّس حجري مافي...الله يكفيني شرو...
مرّه كانو معانا ضيوف فيهم مره حاجه كبيره وقمنا جبنا سيرة التدبيل والعروسه الحنكوشه ونسوانا قاعدات يعاينن وانا قلته ليهم غايتوالله يضوقنا عرس الحناكيش..ردت علي الحاجه قالت لي أأأولدي واقعه عليك حكاية الراقد في الواطه ويرفس في السما..وطبعاّ مرتي ما صدّقت لقت فيني فرصه وعجبا كلام الحاجه وبقت ماسكه لي المثل دا....
ود الماحي
Jamal Elmahi
19-06-2006, 05:00 AM
و كمان الايام دي الموضة أغنية للبنات بتقول راجل المرا حلو حلا طعمو برا .. يعني كان كنت شين زي توبي
تلقي روحك أحلي من عبد الحليم
خالد الصول
حباب خالد...حباب ود الصول...
تم الاغنيه أأبوي ...هو الاغاني المتل دي في احلي منها ..والعجب كان غنتا ندي القلعه...غايتو الزول الاّ يقعد يجعّر بس...
ياحليل أأأبوي قعدة الكراسي برّه الشارع ...الزول يملا بطارياتو لامن يقول بس وكان الكهربا قطعت في ستين داهيه...
ود الماحي
sambaaa
19-06-2006, 04:16 PM
http://www.9m.com/upload/20-6-2006/0.672011768238.gif
http://www.sudaneseonline.com/SudaneseMusic/music/MohdAlmaghrabi/Al_Kan_Daka__mohamed_al_maghrabi@sudneseonline.mp3
عماد الصادق
19-06-2006, 11:12 PM
سامبا المبدع ..
إنت الحركات دي بتعملها كيف!
ودالمأذون اللخو.. مابتقصر تب
وإن شاء الله زيارتك في البحرين نخليها على البال
ويا حبيبنا ود الماحي
الحكاية ما حرفنة وفك بايظ
الحكاية أبوي خرخرة ودك وشتيت ورق..
تجبيو قوي أخوي..
السلامى
20-06-2006, 01:11 AM
حباب السلامي ...وسلام عليك أأألسلامي...
غايتو كان سمعته كلامي أأأبوي من دربك دا تمش تاخد ليك حمار ضكر حمامي وسرجين ...السرج التاني دا أمكن تلقي ليك موظفه غلبانه تردفا وتاخد فيها الاجر..أهو منها تونسك ومنها تحس انك دفعته ليك لي زول...والحمار أأبوي بوفر عليك سحك المركوب والنعلات من الكسحي الكداري...أها قصرته معاك...والعلوق علي أنا...
ود الماحي
أقول ليك شنو أخوى جمال الثقة البتردف فيها المره فى ضهرك راحت يعنى شافع صغير لو لقاك سايقها يقول ليك أختشى وبعدين أنا داير حمار بشتغل بالغاز لزوم التوفير
أبوبكرحامد
20-06-2006, 03:35 AM
الحاجه قالت لي أأأولدي واقعه عليك حكاية الراقد في الواطه ويرفس في السما..
ود الماحي
إنَّ كيدهن عظيم .... قطعوا ليك المشاققة فى راسك ههههههه ، انا اقترح نجيب الحاجة دى مشرف عام :D :D
عماد الصادق
20-06-2006, 06:20 AM
عاجل
(((((الحكاية أبوي خرخرة ودك وشتيت ورق..)))))
حبيبنا ود الماحي
صراحة ردي اللي فوق ده ماريحني
وخايف من التأويل ..
لذا فإني أحذف ما بعد الخرخرة
خليها خرخرة ساي
وخلينا من دك الورق وشتيته !!!!
Jamal Elmahi
20-06-2006, 07:33 AM
عاجل
(((((الحكاية أبوي خرخرة ودك وشتيت ورق..)))))
حبيبنا ود الماحي
صراحة ردي اللي فوق ده ماريحني
وخايف من التأويل ..
لذا فإني أحذف ما بعد الخرخرة
خليها خرخرة ساي
وخلينا من دك الورق وشتيته !!!!
ود الصادق أأبوي أها بعد ما الواحد يفك البايظ ...يفك تيكه كيق ؟؟؟ ما تقول لي الكرنتينه ...الاداره بجينا ناطي هسه...بالله سيرة الكشه ساي تخلي الواحد شعرة جلدو تكلّب....
ود الماحي
عماد الصادق
21-06-2006, 12:46 AM
[ود الصادق أأبوي أها بعد ما الواحد يفك البايظ ...يفك تيكه كيق ؟؟؟ ما تقول لي الكرنتينه ...الاداره بجينا ناطي هسه...بالله سيرة الكشه ساي تخلي الواحد شعرة جلدو تكلّب....
ود الماحي
ودالماحي بعد فك البايظ بس تتفرج!!!
والجرجرة أخوي بتجيب لينا الهوى
وديجانقو على الهبشة
والكرنتينة مافي سبب يودينا هناك!
علا موية ود هاشم
عزيز عيسى
22-06-2006, 05:41 AM
إزيكم يا ناس الدكان.. ما عندكم جردقة وكبريت؟
نزار حسن محمد
22-06-2006, 01:47 PM
والله ياخوى عزيز من ماجبت الجنا دى من الضهارى كان كويس فى الاول لكن اتخرب من بنات الجامعه قال الجكس بدور اسكريم وبرغر والله ياحليل ايامك تقول جردقه وكبريت اوع تقول لى كمان الحاكم البلد الرئيس عبــــــــود .... الله استرنا من الخرف ..
Jamal Elmahi
22-06-2006, 03:56 PM
إزيكم يا ناس الدكان.. ما عندكم جردقة وكبريت؟
يا خواجه أتا الجردقه داير تكتل بيها شنو؟ كان ملاح أم بقبق أخير ليك الجردقه الترابيه وكان كمان جديله بدل الكربونات شيل ليك جردقه حجر..والباكمبودر اختاهو بدودر بيك...بنات الجامعه جايات شيل جردقتك وأتراوح أهلك كان شافن الجردقه بجردقنها علينا...زح النطع والكسيده من الدرب أأأود حسن...
ود الماحي
sambaaa
22-06-2006, 09:02 PM
سامبا المبدع ..
إنت الحركات دي بتعملها كيف!
..
يا عمدة والله سهر ليالي وحاجات كده من طرف الدولاب
ولو ما اخونا الكبير ودالماذون كنت قلبتها ليك سينما عديل كده
عيلا خائف من النبيشة وكشف الحال ..:)
وقالو الفلاش بيجيب الكلاش والكلاش بيجيب وجع الاضراس
اها انشاءالله نتلاقى فوق الرملة الدقاقة
عزيز عيسى
23-06-2006, 03:53 AM
والله ياخوى عزيز من ماجبت الجنا دى من الضهارى كان كويس فى الاول لكن اتخرب من بنات الجامعه قال الجكس بدور اسكريم وبرغر والله ياحليل ايامك تقول جردقه وكبريت اوع تقول لى كمان الحاكم البلد الرئيس عبــــــــود .... الله استرنا من الخرف ..
هو عبود مات؟.. لا إله إلا الله.. الدنيا دي ما فيها خير أبدا..
بطارية الرادي الكبيرة الظاهر عليها نزلت وبقي يشخشخ..
عشان كدا ما سمعت الخبر..
أها أرمي البطارية ولا أرمي الرادي؟
كدي قول لي مين المسك الحيكومة بدل عبود؟
والله يا أخوي نزار الجنى دا بنات الجامعة خربن طبعه شديد..
زمان كان بيقالعنا في اللالوب والنبق والدوم..
هسع سواها لينا عسكريم والداهية اللي إسمو البرغر دا..
شن نسوي ناس البندر ديل الله يكفينا شرهم..
خربوا لينا طبع وليدتانا كلهم..
الجردقة بدور عليها عندي لواية في بطني..
سألت أبوالمهتدي قال لي أعصر فيها ليمونه بتفك ليك اللواية..
والكبريت.. شلت كراعي وفزعت علي السوق ما لقيت فحم
اشتريت بدلو طنضب وعايز أولعو لأم العيال تسوي لينا
جبنة مظبوطة بالجنزبيل والقرمبهان باقيلك متقريف خلاص..
وجبنة الدكان ما فكتها لي.
عزيز عيسى
23-06-2006, 04:13 AM
يا خواجه أتا الجردقه داير تكتل بيها شنو؟ كان ملاح أم بقبق أخير ليك الجردقه الترابيه وكان كمان جديله بدل الكربونات شيل ليك جردقه حجر..والباكمبودر اختاهو بدودر بيك...بنات الجامعه جايات شيل جردقتك وأتراوح أهلك كان شافن الجردقه بجردقنها علينا...زح النطع والكسيده من الدرب أأأود حسن...
ود الماحي
إتا يا ودالماحي وقت ما عندك جردقة مالك بتتريق على..
كدي خليني النفك اللواية في اللول وبعدين نسعلكم عن الملحات..
أنا جردقتي بشيلها وبروح بها لكن
باقيلك بنات الجامعة ديل نظرهن مجلي؟
ودحسن الناس ديل أنصحم وقول ليهم
خليكم في دكانكم وتمباكم أخير ليكم..
عزيز عيسى
23-06-2006, 04:17 AM
إنت يا سامبا السعودي الفي الصورة دا منو؟
السلامى
24-06-2006, 12:14 AM
أعزائى الكرام شنو دكانكم بقت بضاعتو بسيطه فى واحد ما دفع حق الجروره ولاشنو كدى قولوا لى أول حرف منو بس وما فى داعى للفضائح وتكشفوا أسمو
Jamal Elmahi
24-06-2006, 03:51 AM
إتا يا ودالماحي وقت ما عندك جردقة مالك بتتريق على..
كدي خليني النفك اللواية في اللول وبعدين نسعلكم عن الملحات..
أنا جردقتي بشيلها وبروح بها لكن
باقيلك بنات الجامعة ديل نظرهن مجلي؟
ودحسن الناس ديل أنصحم وقول ليهم
خليكم في دكانكم وتمباكم أخير ليكم..
الخواجه أأأبوي اللوايه بشربوا ليها الحرجل..ولاّ موية النال لكن أم زقيفيته الزي الرشوشه بموصو ليها الجردقه الترابيه...هو يعني الصيدلي دا الاّ يلبس ليهو بالطو أبيض....
ود الماحي
sambaaa
24-06-2006, 02:58 PM
إنت يا سامبا السعودي الفي الصورة دا منو؟
ههههههههههههههههههه
ده الكفيل ايامو الكان صغير .. يا حليلو والله
هسه لو شفتو بقى يتلفت ساي حتى الكلام غلبو ..ههههه
الدنيا دي ما فيها خير يا عزيز
كل اول ليهو آآآآآآخر
مشاققة كده ..
( ربنا يديك الصحة وطولة العمر )
نزار حسن محمد
24-06-2006, 03:40 PM
ود الماحى اجزى محنك والله النطع ده عرفته مش يهو بتاع الدخان المخروم من النص لكن قدر ماصنقعته ..ودنقرته انت يا الكسيده دى حرم تب ماعرفته . فى النهايه قلته اتصل بصديق ... الو ...اخوى عزيز عيسى باقى انت ود جيرانه كدى ساعدنى فى محن ودالماحى دى الكسيده دى شنو معك دقيقه من بداية المحادثه ..
sambaaa
24-06-2006, 09:33 PM
يا جماعة انتو مسعولين من الخير
ودالماذون مشى وين ؟؟
الزول ده خلى الدكان فاتح ساي كده
( هي لكن دكانو ده فاضي مافيهو التكتح )
غايتو شايف لي كيس تمباك فاضي تحت العنقريب بتاعو داك ..
يا زول تعال على دكانك ده .. ناس الكشة هسه جايين بيجاي
أبوبكرحامد
24-06-2006, 11:54 PM
[QUOTE=عزيز عيسى]وعايز أولعو لأم العيال تسوي لينا
جبنة مظبوطة بالجنزبيل والقرمبهان باقيلك متقريف خلاص..
.[/QUOTE
القرمبهان ده شنو ياخواجة ... إطرشنا ماسمعنا بيهو ، بنعرف القرنجان ، وبنعرف الهبهان أو الحبهان أو الهيل بلغة أهل الخليج ، ياخوى تعال راجع ان بقيت تودر فى الكلام ، حالتى معتمد عليك تعلم الجنيات كلامنا السمح ، اتاريك انتا ذاتك دايرلك سودنة
أبوبكرحامد
25-06-2006, 12:21 AM
أعزائى الكرام شنو دكانكم بقت بضاعتو بسيطه فى واحد ما دفع حق الجروره ولاشنو كدى قولوا لى أول حرف منو بس وما فى داعى للفضائح وتكشفوا أسمو
الجرورة هينة وماها مشكلة - المشكلة يا السلامى فى النساوين العجايز ، مرة فى واحدة جات قالت بتدورلها دوا ملاح ودوا شاى ،الولد الشغال فى الدكان ماقصر معاها وعمل ليها تخفيض وقال ليها حسابك الفين جنيه ، قومى يا الحاجة اديهو خمسمية جنيه ، الولد افتكرا غلطانة فى الحساب قالها ياحاجة القريشات دى ناقصة ، قومى يا الحاجة طقى الكواريك ، قالت انتوا ناس حرامية بتدورو تسرقونى ، وانا عندى تأمين صحى كل الدويات بشتريها بى ربع القيمة ، هى لكن ياحاجة شن دخَّل دوا الملاح ودوا الشاى فى التأمين الصحى ، غايتو جنس محن :D :D
خالد هاشم علي
25-06-2006, 12:23 AM
القرمبهان ده ياود المأذون يبقي ود عم أبو الجعران لزم.....
ياحليل أبو الجعران... إنتوا ملاحظين ياخوانا ابو الجعران ده إختفي !!!! ياربي يكون إنغرض ولا هاجر لي دولة تانية؟؟؟؟
أبوبكرحامد
25-06-2006, 12:25 AM
لكن قدر ماصنقعته ..ودنقرته انت يا الكسيده دى حرم تب ماعرفته . ..
غايتو ياود حسن الكسيدة دى كلنا ماعرفناها ، وان داير تشاور اسال ابوشوارب او ابو المهتدى او عمك تنقو او عماد الصادق ، ان ديل كلهم ماعرفوها اكون ود الماحى ده ناجرا من راسو ساكت :) :)
أبوبكرحامد
25-06-2006, 12:28 AM
يا جماعة انتو مسعولين من الخير
ودالماذون مشى وين ؟؟
الزول ده خلى الدكان فاتح ساي كده
( هي لكن دكانو ده فاضي مافيهو التكتح )
غايتو شايف لي كيس تمباك فاضي تحت العنقريب بتاعو داك ..
يا زول تعال على دكانك ده .. ناس الكشة هسه جايين بيجاي
هى لكن ياسامبا تدقوسنى وتخلونى مصنقر بى جاى ، وانتوا بى هناك " منورين " ياعينى :) :D
أبوبكرحامد
25-06-2006, 12:33 AM
القرمبهان ده ياود المأذون يبقي ود عم أبو الجعران لزم.....
ياحليل أبو الجعران... إنتوا ملاحظين ياخوانا ابو الجعران ده إختفي !!!! ياربي يكون إنغرض ولا هاجر لي دولة تانية؟؟؟؟
الله استر ما اكونوا الجماعة ركبوهو الطيارة :) :D
السلامى
25-06-2006, 12:33 AM
الجرورة هينة وماها مشكلة - المشكلة يا السلامى فى النساوين العجايز ، مرة فى واحدة جات قالت بتدورلها دوا ملاح ودوا شاى ،الولد الشغال فى الدكان ماقصر معاها وعمل ليها تخفيض وقال ليها حسابك الفين جنيه ، قومى يا الحاجة اديهو خمسمية جنيه ، الولد افتكرا غلطانة فى الحساب قالها ياحاجة القريشات دى ناقصة ، قومى يا الحاجة طقى الكواريك ، قالت انتوا ناس حرامية بتدورو تسرقونى ، وانا عندى تأمين صحى كل الدويات بشتريها بى ربع القيمة ، هى لكن ياحاجة شن دخَّل دوا الملاح ودوا الشاى فى التأمين الصحى ، غايتو جنس محن :D :D
الحاجه دى أعمل حسابك منها يمكن تكون عميل وبعدين المال تلتو ولاكتلتو لكن المحيرنى دكانكم دى الشى كلو شوالات مالو حتى ( الكجيك ) عندكم
عزيز عيسى
25-06-2006, 08:45 AM
الخواجه أأأبوي اللوايه بشربوا ليها الحرجل..ولاّ موية النال لكن أم زقيفيته الزي الرشوشه بموصو ليها الجردقه الترابيه...هو يعني الصيدلي دا الاّ يلبس ليهو بالطو أبيض....
ود الماحي
يا ودالماحي الحرجل عرفناهو لكن النال والمصيبة التانية دي أم زقيفيته تبقى شنو؟
وصفتك دي أخير لي أمشي لفكي يكتب لي محاية أشربها وأرتاح.
عزيز عيسى
25-06-2006, 08:54 AM
ههههههههههههههههههه
ده الكفيل ايامو الكان صغير .. يا حليلو والله
هسه لو شفتو بقى يتلفت ساي حتى الكلام غلبو ..ههههه
الدنيا دي ما فيها خير يا عزيز
كل اول ليهو آآآآآآخر
مشاققة كده ..
( ربنا يديك الصحة وطولة العمر )
يا عثمان لو عايزين فيز مستعدين..
الدنيا ما بتدي حريف..
خالد هاشم قال صورتي دي بتشبه لاعب المنتخب السعودي
محمد الخليوي..
تابعت مباريات المنتخب السعودي عشان أشوف محمد الخليوي
دا لكن ما وجدته من ضمن المنتخب..
اللاعب دا وين يا ودهاشم؟
عزيز عيسى
25-06-2006, 09:00 AM
اخوى عزيز عيسى باقى انت ود جيرانه كدى ساعدنى فى محن ودالماحى دى الكسيده دى شنو معك دقيقه من بداية المحادثه ..
ها ودحسن الأكسيدة دي أنا ذاتي ما عرفتها..
إفتكرتها من الأعضاء الحمضية لأنه فيها كلمة أكسيد..
سألت عنها ناس المعامل.. احتاروا فيها وقالوا
دي تركيبة كيمائية ركبها ودالماحي من راسو..
كدي النسعل ودالماحي يشرحها لينا..
عزيز عيسى
25-06-2006, 09:05 AM
[QUOTE=عزيز عيسى]وعايز أولعو لأم العيال تسوي لينا
جبنة مظبوطة بالجنزبيل والقرمبهان باقيلك متقريف خلاص..
.[/QUOTE
القرمبهان ده شنو ياخواجة ... إطرشنا ماسمعنا بيهو ، بنعرف القرنجان ، وبنعرف الهبهان أو الحبهان أو الهيل بلغة أهل الخليج ، ياخوى تعال راجع ان بقيت تودر فى الكلام ، حالتى معتمد عليك تعلم الجنيات كلامنا السمح ، اتاريك انتا ذاتك دايرلك سودنة
يا ودالمأذون إتخيل القرمبهان دا قرفة مخلوطة مع الهبهان..
كدى النسأل عنها ودالماحي يجاوب عليها ويصححنا..
أكان على تعليم الجنيات بقولهم الكلام البقدر عليه.
ولو ودرت إنت مررها. :D
عزيز عيسى
25-06-2006, 09:20 AM
القرمبهان ده ياود المأذون يبقي ود عم أبو الجعران لزم.....
ياحليل أبو الجعران... إنتوا ملاحظين ياخوانا ابو الجعران ده إختفي !!!! ياربي يكون إنغرض ولا هاجر لي دولة تانية؟؟؟؟
إتا يا ودهاشم أبوالجعران دا مش هو نفسه أبوالدرداق ولا شخصية تانية.
Jamal Elmahi
25-06-2006, 12:01 PM
غايتو الله يكضب الشينه..حتي ناس الدكان طلعو حناكيش...يعني أنا أمش وين...أغتس ولاّ الراي شنو؟؟؟
غليكم الله بي صحّكم ما بتعرفوا الكسيده...مخيّر الله والرسول...
الكسيده أأأجنيات مصلايه مصنوعه من فصوص قصب العيش الفتريته وشكلها مستطيل وغايه في الجمال وأسعلوا حبوباتكم...
أما القرنبهان بعد العولمه دمجنا القرفه مع الهبهان وبقت قرنبهان...يعني بدل ما تعذّب المره وتقول ليها أعملي لي شاي بالقرفه والهبهان تقول ليها أعملي شاي بالقرنبهان ولله في خلقه شئون..ألا هل بلّغت اللهم فأشهد....
ودالماحي
نزار حسن محمد
25-06-2006, 03:21 PM
غايتو الله يكضب الشينه..حتي ناس الدكان طلعو حناكيش...يعني أنا أمش وين...أغتس ولاّ الراي شنو؟؟؟
غليكم الله بي صحّكم ما بتعرفوا الكسيده...مخيّر الله والرسول...
الكسيده أأأجنيات مصلايه مصنوعه من فصوص قصب العيش الفتريته وشكلها مستطيل وغايه في الجمال وأسعلوا حبوباتكم...
أما القرنبهان بعد العولمه دمجنا القرفه مع الهبهان وبقت قرنبهان...يعني بدل ما تعذّب المره وتقول ليها أعملي لي شاي بالقرفه والهبهان تقول ليها أعملي شاي بالقرنبهان ولله في خلقه شئون..ألا هل بلّغت اللهم فأشهد....
ودالماحي
ودالماحى ..غايتو نحن بنعرف التبروقه والفروه ومصليت الحصير.. الا الكسيده ..دى اول امره ... واسمع منك الله نبقى حناكيش بعد الحال اسع ياودالماحى اتنخيل ود المازون دا حنكوش.. وال ود المهتدى دا حنكوش.. مابقوله القيامه قامت عديل... والا الخواجه حنكوش بالعقال كمان
عزيز عيسى
26-06-2006, 04:30 AM
ودالماحى ..غايتو نحن بنعرف التبروقه والفروه ومصليت الحصير.. الا الكسيده ..دى اول امره ... واسمع منك الله نبقى حناكيش بعد الحال اسع ياودالماحى اتنخيل ود المازون دا حنكوش.. وال ود المهتدى دا حنكوش.. مابقوله القيامه قامت عديل... والا الخواجه حنكوش بالعقال كمان
يا ود حسن يا أخوي.. لما جيت سعلت ناس الدكان عن الجردقة عايزها علاج للواية البطن..
ودالماحي عملها لي كسيدة ومصلاية وعيش فتريته شوية شوية يقول شرقانية..
أكان كدي أجري أشوف لي عونكوليب أخير من وصفته دي ..
ولو قعدت أكثر من كدة ودالماحي دا حيهرد لي مصاريني ويوديني في داهية..
انت ياود حسن الدكان دا ما فيهو حكيم أو تمرجي؟
يديني أي حبوب تفك لي اللواية..
Jamal Elmahi
26-06-2006, 06:43 AM
أم زقيفيته بعد العولمه بقي أسمها أسهال مائي وبمرق ليهو بوخ في شكل رشوشه أو سخينه...
كان ود الماذون والخواجه بقوا حناكيش أها الحناكيش الاصليين نقول عليهم شنو؟
ود الماحي
عزيز عيسى
26-06-2006, 08:56 AM
شي زقيفيته وشي زيفه وليفه ورهيفه
يا ودالمأذون وودحسن يا جماعة ما تلحقوني بحكيم
ودالماحي دا ما هرد مصاريني وزاد لي اللواية..
غايتو يا ودالماحي أكان بقيت حكيم ماني معتب على عيادتك..
في واحد صيني جمبي قلت ليهو عندي لواية
قال لي أشرب شاي حار بتفكك
قلت ليهو هسع أنا جيتك قلت ليك أنا خرمان؟
أقبل وين عووووك.
Jamal Elmahi
26-06-2006, 05:21 PM
ياخواجه غايتو لوايتك الما ودرتا الجردقه والحرجل دي ألاّ تكون عين...ياعين فتاه وعين الفتاه بتقد الواطه ...ياعين مره وعين المره منها ياأبشره...
ولاّ عين حنكوشه وعين الحنكوشه مع اللوايه بتسوي الكاروشه....وعلاجك بخره من أبكرونه....بالعدم أيميل....
ود الماحي
عمك تنقو
26-06-2006, 07:33 PM
يا ود عيسي وود الماحي ،،، خواجات أمريكا كيفنكم آجنيات ،،، اللواية بسو ليها المحريب وبعصرو ليها الليمون لكن عندها دوا تاني ما بتقدروا عليهو
عليكم الله اسألوا السودانيين هناك بكون عندهم هو ما ( أبغازي ) انتو قايلنو عصير برتكان
ههههههههههههه
والله منورين كتير يا أخوانا
نزار حسن محمد
26-06-2006, 08:23 PM
إتا يخواجه عزيز والله بلغته ده وقته لواية شنوه وناس الدكان من يوم ما شافه بنات الجامعه بقه جاين على الدكان وناسك بقه حناكيش إتا ماسمعته بتسريحة ودالمازون بعد الحنكشه قالوا شعر شقوه من نص الراس ..والسلسل واصل الصره ..وطقطقت البان تجيب الضهبان..
وإتا متابع لى فى وصفات ود الماحى انا خايف اخرتها نبقى فى.. حاو ..وتر وكمان ناس عمك تنقو وصفاتم بجيبوه من التكيلات .. ديل ناس حنتوب واجرك على الله.. اسعل منهم نميرى!
أبوبكرحامد
27-06-2006, 04:06 AM
عزيز آخوى مرضك ده مرض حامد ، بشوفكم بعد سمعتوا بى غنية راجل مرا بقيتو تعملوا فى حركات - زى لعيبة زمان الواحد لو عندو موضوع اسوى نفسو معوق واقول للمدرب غيرنى
عزيز عيسى
27-06-2006, 09:10 AM
يا ودالماحي لا فتاة ولا حناكيش ولا يحزنون..
الحمدلله اللواية فكتني.. والكراويش بتاعتك دي لمها عليك..
نسيت ما كلمتك.. يوم السبت أخوك مشي لبس الكدارة
وملابس الكورة ودخلت الميدان مع فريق السودانيين..
في الشوط الأول سجلت هدف خطير.. الجماعة كلهم
قالوا بشبه الهدف بتاع الأرجنتين في مباراتهم الأخيرة
مع الأكوادور على ما أعتقد.. وفي الشوط الثاني برضو
سجلت هدف لكن كان ضربة جزاء.. طبعا أدخلتها بحرفنة..
وبعد دا أفهم الباقي الحصل لي شنو؟
عازمك التمرين يوم السبت القادم.. تعال اتفرج وأحكم
لأنه تمرين لمباراة قادمة وحيكون ساخن.
عزيز عيسى
27-06-2006, 09:22 AM
يا ود عيسي وود الماحي ،،، خواجات أمريكا كيفنكم آجنيات ،،، اللواية بسو ليها المحريب وبعصرو ليها الليمون لكن عندها دوا تاني ما بتقدروا عليهو
عليكم الله اسألوا السودانيين هناك بكون عندهم هو ما ( أبغازي ) انتو قايلنو عصير برتكان
ههههههههههههه
والله منورين كتير يا أخوانا
دا إنت اللي نورت بطلتك البهية..
والله يا عمك تنقو بقيت زي حكاويك..
لما تظهر زي الواحد إتذكر ليهو حجوة..
ياراجل والله مشتاقين.. مالك بتظهر يوم وتختفي شهر كامل..
حن علي أخوانك وتعال اتونس معاهم..
الحمدلله الربنا حلاني من اللواية.. أكان على الدواء بتاعك
دا أديهو لودالماحي الزول دا بتاع لاغاويس
بنى ليهو (تكل) صغير في برحة
ومعلق أبغازي والعتي في مشلعيب ومعاهن الطايوق.
شفت ليك محن زي دي.. كمان في بلاد الخواجات.
عزيز عيسى
27-06-2006, 09:29 AM
إتا يخواجه عزيز والله بلغته ده وقته لواية شنوه وناس الدكان من يوم ما شافه بنات الجامعه بقه جاين على الدكان وناسك بقه حناكيش إتا ماسمعته بتسريحة ودالمازون بعد الحنكشه قالوا شعر شقوه من نص الراس ..والسلسل واصل الصره ..وطقطقت البان تجيب الضهبان..
وإتا متابع لى فى وصفات ود الماحى انا خايف اخرتها نبقى فى.. حاو ..وتر وكمان ناس عمك تنقو وصفاتم بجيبوه من التكيلات .. ديل ناس حنتوب واجرك على الله.. اسعل منهم نميرى!
ها ودحسن أسكت ساكت..
اللواية فكتني.. الحمدلله الربنا مرقني من وصفة ودالماحي..
الزول دا عايز يوديني الآخرة..
ما عندك صورة لودالمأذون وهو شاقي شعره..
بسرحها بخلال ولا بفرشة؟
أكان قلت السلاسل والقجة أكيد شفت ودأبوشوارب..
وكان على طقطقة اللبان يكون شفت ليك واحد حنكوش..
إتا يا ودحسن النميري دا لسه حي؟
عزيز عيسى
27-06-2006, 09:58 AM
عزيز آخوى مرضك ده مرض حامد ، بشوفكم بعد سمعتوا بى غنية راجل مرا بقيتو تعملوا فى حركات - زى لعيبة زمان الواحد لو عندو موضوع اسوى نفسو معوق واقول للمدرب غيرنى
انت عارف يا ودالمأذون ذكرتني أيام كنا بنلعب كورة في مارنجان..
كان معانا الأخ ابراهيم حمدالنيل الملقب بأبراهيم (نوبة) الله يطراه بالخير.. الراجل دا كان
حريف جدا ودائما كنا بنسجل أهداف في مرمى الخصم.. مرة كان عندنا تمرين حار
شديد كنت لاعب بجانبه في الهجوم بالاضافة الى الأخ خلف الله محمد الحسين..
لاعب النادي الأهلي سابقا..
وفي الوسط الأخ حسن خير الله لاعب نادي الاتحاد سابقا..
وفي الدفاع الخصم المرحوم سامي جدو لاعب النادي الأهلي سابقا
وشقيقي الأكبر محمد الملقب بـ (حنين) لاعب نادي النيل سابقا
والأخ هاشم عبدالعزيز محمد نور.. الآن في أبوظبي..
والصفارة ماسكها المرحوم فيصل محمد فرج الله شقيق سامي جدو.. المهم
الجماعة لعبوا خطة دفاعية وقفلونا قفلة محكمة.. وابراهيم نوبة قدر ما يحاول يجي
يشوت الجماعة يهجموا عليه ويقلعوا منه الكورة.. في النهاية وقت ما لقى طريقة
يسجل هدف بدأ يتصنع ويعرج في جريتو عامل معوق..
قام رفع يدو للاخ فيصل وقال ليهو بزهج يا حكم يا حكم عن إذنك
عندي chock في الأنكل وما قادر أجري.. ويأشر ليهو على محل في قدمه..
قام المرحوم فيصل قاليهو:
يا عب بطل حركات وفلسفة بالانجليزي قول الجماعة قفلوك وما قدرت
تسجل هدف وعايز تمرق.
لما إتذكر الكلام والأيام دي أقعد أضحك
لكن تاني أقعد أبكي. يا لها من أيام.
Jamal Elmahi
27-06-2006, 02:47 PM
عمنا تنقو...
نحن أأأبوي أبغازيه بنشربو برا لوايه ...والحرجل والمحريب دوا الجضماره...أبغازيه مرّه مرّه بسوّي أبشقاق ود عم أبنحّار...
بس ملح الحيكومه وبعد العولمه الاندروس والكزرزر ما خلّن ليهن نفاخ حايم....
ما تغيب أأأبوي
ود الماحي
zoolfrda
28-06-2006, 12:24 AM
ناس الدكان هووي سلام جاكم
الأخت المعاي دي بتسأل عن شركة عاملة إعلان دايرين سكرتيرات عندكم فكرة الشركة دي يمشولا بيوين ؟
http://www.y1y1.com/data/media/681/030.jpg (http://www.y1y1.com)
Jamal Elmahi
28-06-2006, 12:57 PM
ناس الدكان هووي سلام جاكم
الأخت المعاي دي بتسأل عن شركة عاملة إعلان دايرين سكرتيرات عندكم فكرة الشركة دي يمشولا بيوين ؟
http://www.y1y1.com/data/media/681/030.jpg (http://www.y1y1.com)
والله عليكم جنس حساده ...هسه في زمتكم صورة نانسي عجرم بتنحزف...خلّو الصوره وأحزفونا نحنا....
ياخواجه قلته متمني تشوف نانسي عجرم ...هسه جاتنا زياره لمّو فيها طفشوها وين ماعارف؟؟ أها كمان الصوره فيها شنو...عندكم أعتراض في خلقة الله السمحه دي ....وفي أنفسكم أفلا تبصرون؟؟
ود الماحي
أبوبكرحامد
28-06-2006, 10:54 PM
عمنا تنقو...
نحن أأأبوي أبغازيه بنشربو برا لوايه ...والحرجل والمحريب دوا الجضماره...أبغازيه مرّه مرّه بسوّي أبشقاق ود عم أبنحّار...
بس ملح الحيكومه وبعد العولمه الاندروس والكزرزر ما خلّن ليهن نفاخ حايم....
ما تغيب أأأبوي
ود الماحي
ذكرتنى يا ود الماحى جدى الأمين الله ارحمو ، كان برسلنى الدكان اجيب ليهو حبوب " ريرى " ومرات اندروس لزوم النفاخ - ياحليل الدعاية فى الراديو " إريح المعدة ليل ونهار .. دايماً منعش ترررم منعش فوَّار ... أندروس "، وياحليل الأسبرو وكافينول كبار وكافينول أطفال آآآآخ كنا بنقرقشو عشان طعم البرتقال - ياناس اعفوا لى - والله العبرة خنقتنى
ناصر الباشا
28-06-2006, 11:10 PM
ناس الدكان ازيكم
حقيقة يا ود المازون جيت ماري بهنا و لقيت زحمة فظيعة في الدكان قلت امكن السكر جابوه
و لمن دخلت بعد عراك و مدافرة لقيت الناس لامة في رتينة و بشوفو في صورة بنيةً بدت ملامحها
في شبه يصل حد المطابقة مع (ام جمعة ست الدكوة ) و لا اخفي عليك يا ود المأزون كنت كل يوم
بمر و اخد لي فول و تسالي عشان اشوفا , و لمن عركت عيوني كويس لقيتو يخلق من الشبه
سالب اربعين يا اخوانا هوي انا كبرت ساي الحقوني و اخطبوا لي ست الصورة دي و اوعدكم
اني اعيشها في بزخ و من حسة اجرت ليها راكوبتين و قطية و جهزت ليها خمسة كراتين شعيرية
لزوم التغذية و كدة و تماينة كيلو عدس بليلة و كورتين كبكبي عشان طعمية السنة قصرت معاها
بالله ردكم سريع عشان اجهز الشيلة و للاتصال (كشاشة ود الصول )
السلامى
29-06-2006, 07:59 AM
على باليمين يعينوها سكرتيرة نقف فى الدكان بالصف لكن دكان ود الصول دى ما بجيب الى العجائز
Jamal Elmahi
29-06-2006, 03:51 PM
عالم ماتجي الاّ بالجكس النضيف ...أنا زمان ما قلته ليك أأأود الماذون الجردقه والحرجل والعطرون بطردن الزبائن...وقلته ليك بدل البلح جيب حلاوه نانسي ...أها هسي شوف الصفوف الزي صفوف السينما ديل....ناس الثقافي مافضل فيهم لا شفيف ولا رغيف كلو جاء ناقز بي جاي....وكان خاويناها بي جينيفر لوبيز الصف حدو حسن...حسن ...حسن شنو ...والله حدو القضارف....وكدي حدو كبوشيه....
والله يكفينا شر الجانجاويد....
ود الماحي
عمك تنقو
29-06-2006, 09:01 PM
يعني ياود الماحي ناس الثقافي ديل بقدرو يمشو في دربكم المليان ( ضريسه ) ويسدروا يجيبوا العنكوليب والدّالي والفقوس وأمبنه وينضفوا البودة ويفطروا ملاح ورق باللقمة الحارة والملاحة جنبهم ( تقول لي صـــوص ) ويركبو الحمار بدون سرج ،،، عليك الله رجعهم وقول ليهم الدكان ده مافيهو طحنية ولا حلاوة حربة :D فيهو شوالات لالوب ونبق ولوبيا بيضة وعطرون :confused:
Jamal Elmahi
30-06-2006, 05:28 AM
عمك تنقو دا كلو كوم وامبنّه دي كوم والماعارف يقول حمّيض...تديها ضحوه بالواسوق وتتحكر فوق الترس عرقك يتخرّت وتقوم تخمج العصيده الماخمج بمويه الترس بعد ماتفج خري القعونج و تفقش البصله وتمصر نص الليمونه وتكب حبة الزيت الكانت معنقله في نص العصيده وبرضو تقول لي أقاشيه وأبوظريفه.....
ود الماحي
صلاح ودالطاهر
01-07-2006, 01:20 AM
الشمار حارقني الاخ ابوشوارب شنو الصوره دي وتحرمني منك وكده انت ماعرف انو عندك صوره عندي بواسط الجوال اعمل حسابك وادفع الاتعاب والا.............................................. ...... تحياتي للجميع بدون فرز
ناصر الباشا
01-07-2006, 02:17 AM
ناس الدكان جيناكم تاني
الشي العارفينو ان ناس الدكان ديل اكرم ناس و الكرم هم اسيادو ، لكن شايفين زيارتنا دي قوبلت
و كاننا مولدين بالمهندسين ، و شايف عمك تنقو شاني على ناس الثقافي هجوم جميل و كتاحتو فوق
عشان كدة يا عمك تنقو وود الماحي السمح و كل ناس الدكان معزومين معانا في جروف الثقافي
(بني كربو ) كارب بملاح( كجيك )منشف في طرف المعية ، و العزومة دي فيها كل الاصناف الشهية
ويكاب ريحتو تجيب الرايح الداير من ويكاب السمسم متوفر و من ويكاب (الربعة ) برضو عندنا
بالاضافة للمحدقات بكل انواعها (الكول) و (ابو غازي) و طبعاً الوجبة حتكون اروع في شوال خيش
عليه شوية دقيق احسن صنية في العالم , رايك شنو يا عمك تنقو
Jamal Elmahi
01-07-2006, 05:56 AM
حباب الباشا ود الباشا...
براكم أأأبوي خربانه...وأتا ما شاء الله عليك خاتف لونين (ثقافي +دكان ودالصول)...عزومتك مقبوله أأألعشاي وما تنسي الفنانين ناس عشه الفلاتيه ومرغني المامون واحمد حسن جمعه....وبالعدم ندي القلعه...
ماشي أقطع الجمار تحت قيف البحر وبجيكم صاد....
ود الماحي
هلا بالجميع احبابنا ناس مدنى وناس المنتدى وخاصه اهل الدكان حفظكم الله جميعا
أبوبكرحامد
02-07-2006, 01:32 AM
هلا بالجميع احبابنا ناس مدنى وناس المنتدى وخاصه اهل الدكان حفظكم الله جميعا
البركة بالشوفة يامولانا الذى جانا ، احكى لينا عن مدنى والاجازة.
Jamal Elmahi
02-07-2006, 02:58 AM
هلا بالجميع احبابنا ناس مدنى وناس المنتدى وخاصه اهل الدكان حفظكم الله جميعا
حباب مولانا...حباب قدم الخير...
ليك وحشه وسعلنا منك أأأبوي...أفو أأأمولانا تفوت البلد ودعتكم الله ساي ماتقولا لينا...المادارك ما لامك أأأبوي...
كوفرنا عديل من عدم كلام المدن...كدي احكي لينا عن البلد وناس البلد والعقاب (العين مفتوحه أأأبوي)..وضوّقنا حاجات البلد قنقليس..تسالي..نبق..لالوب..عرديب..حلومر..كركدي..حر جل...جردقه ترابيه..عطرون..محريب..قرنجال..
بس الساهل أأأبوي...
ود الماحي
الزبير محمد عبدالفضيل
03-07-2006, 03:41 AM
لك التحيه ياود الماذون وكان ود الصول حكمه وفرفشه للجميع ولك جزيل الشكر علي الذكريات الجميله
محمد حسين (المميز)
03-07-2006, 03:59 AM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
على العمووووووووووم
شكـــــــــــــــــــــــرااا,,,,,,,
zoolfrda
05-07-2006, 07:50 PM
سلام يا ود المأذون
سلام عليكم يا أخوانا
كيف أصبحتوا إن شاء الله طيبين
أبوبكرحامد
05-07-2006, 09:13 PM
الأعزاء : المميز - السفير - زول فردة ....... أهلاً حبابكم وسعيد اليوم الجابكم ، ابقوا قراب ، بروشنا مفروشة - وواطاتنا مرشوشة ، والدكان معاكم ، جنة بالفرح معروشة.
معتز حمدتو
06-07-2006, 12:54 AM
سلام اهلنا الحلوين كيف اصبحتوا
عاجبني الدكان لكن بالجد عاجبني اولاد البلد الفيهم ريحة البلد
[size=1]5
zoolfrda
07-07-2006, 03:51 AM
دكانا بالخير عمرااااااااان
وبالناس الشهامة عمرااان
Jamal Elmahi
07-07-2006, 03:57 AM
ود الماذون أأأبوي ودهاشم قالو متألم شويه...فدحين أأألعشاي جهّز الاندروبل وكان مالقيت ليهو بنزين كب ليهو نص قزازه من الكمبو وتعال غاشينا
بنرجاك أنا وأبشوارب والخواجه وودالصادق في الكرنتينه قلنا نشيل ليهو كسره بدل البرتكان كان عكّروها ليهو ولاّ شربا موص بتنفعو...
ما تتأخر أأأبوي...
ود الماحي
zoolfrda
07-07-2006, 04:00 AM
معاكم سوا يا حبايبنا ما تفوتوني
صالح ابوشوارب
07-07-2006, 06:38 AM
سلام اهل الدكان .. والله مشتاقين .. فعلا انقطعنا منكم .. لكن معليش .. القندراني كان قاطر ليهو ترلة .. و جيتك يا ود الماحي فكيت الترلة في ميدان بانت .. يللاكم نمشي لابو هاشم .. لكن القندراني شاحن ليهو حصحاص .. شوف لينا كم ترابي ( فتح التاء ) ينزلوا لينا الحصحاص وياريت .. تعزل لى الترابي عزيز .. الترابي ودالماذون الترابي ود العمدة الترابى صلاح ود الطاهر ( انت يا الطاهر ما عجباك صورتى ولا شنو ) وشوف لينا معاك كم بنجوس اما ناصر الباشا الداير يسوى لينا بنى كربو في خيش قول ليهو تعال نزل معانا الحصحاص وبعدين سوى لينا بنى كربو بام بق بق وبعدين كلم لي الترابة ديل ما في زول يشرب لي عبار بغو .. نحن اصلنا ماشين لابو هاشم
عماد الصادق
08-07-2006, 01:06 AM
ود الماذون أأأبوي ودهاشم قالو متألم شويه...فدحين أأألعشاي جهّز الاندروبل وكان مالقيت ليهو بنزين كب ليهو نص قزازه من الكمبو وتعال غاشينا
بنرجاك أنا وأبشوارب والخواجه وودالصادق في الكرنتينه قلنا نشيل ليهو كسره بدل البرتكان كان عكّروها ليهو ولاّ شربا موص بتنفعو...
ما تتأخر أأأبوي...
ود الماحي
ظنيت اللاندروبل ما دَور ليكم بالهينة!!
أصلكم المرة الفاتت نسيتو البنفلة عندنا...
أنا مشيت قدامكم والحمد لله لقيتو طاشي كمان..
يعني حسه بالعافية... وأحر وعافية إن شاء الله..
تعالو غاشين .. مجهز ليكم قدقدو مستورد..
مخلوط بلبن المراعي.. ونكهة الموسى..
حبة اسبرين .... عشان الرغوة!!!!
عماد الصادق
08-07-2006, 01:20 AM
سلام اهل الدكان .. والله مشتاقين .. فعلا انقطعنا منكم .. لكن معليش .. القندراني كان قاطر ليهو ترلة .. و جيتك يا ود الماحي فكيت الترلة في ميدان بانت .. يللاكم نمشي لابو هاشم .. لكن القندراني شاحن ليهو حصحاص .. شوف لينا كم ترابي ( فتح التاء ) ينزلوا لينا الحصحاص وياريت .. تعزل لى الترابي عزيز .. الترابي ودالماذون الترابي ود العمدة الترابى صلاح ود الطاهر ( انت يا الطاهر ما عجباك صورتى ولا شنو ) وشوف لينا معاك كم بنجوس اما ناصر الباشا الداير يسوى لينا بنى كربو في خيش قول ليهو تعال نزل معانا الحصحاص وبعدين سوى لينا بنى كربو بام بق بق وبعدين كلم لي الترابة ديل ما في زول يشرب لي عبار بغو .. نحن اصلنا ماشين لابو هاشم
أبوشوارب أخوي..
فهَمنا بالله بشويش أصلو الحصحاص الشاحنو ده حَيَرنا..
القندراني لمن يفك الترلة .. ببقى راس ساي...
أها الحصحاص ده شاحنو وين!!!!
وبالله تأمل معي العلاقة بين الترلة ... والقندراني..
وقولهم ... كده كده يا الترلة ... وهلمجرا...
أبوبكرحامد
08-07-2006, 08:40 PM
ها ناس أنَّبشركم بالخير .. ود هاشم نِصِح وراح الشغل كمان ، بس المشية لازمانا ، بندورلنا حميل بِج عشان نضبحو للكرامة ، الله إختّينا الخواجة ونعاجو ، آخر مرة جابلوا نعجة قال اضبحوها ، أها ياناس انا ماشى أدوّر الأندروبل واجيكم ، دحين بطّلوا المحركة وابقوا مارقين .
Jamal Elmahi
09-07-2006, 01:03 PM
أبشوارب بعد ما فكيت الترله برضو شاحن حصحاص؟؟؟
غايتو أأأبوي الله يفك ساجورك...والحمدلله الما بقيت شاحن رقيطه....
ود الصادق أأأبوي حصّل أخونا أبشوارب بعد ما فكّه الترله لسه شاحن ...غايتو ألاّ يكون كربوهو عند ناس أبحراز يلحقوني وينجدوني يا يمّه...
ود الماذون أتا جهز الاندروبل وبدل الحميل أنا علي الحاشي(الجمل الصغيّر) لزوم كبدة الابل والذي منو...وكرامه وسلامه لي ود هاشم ....
أهو حليناكم من نعاج الخواجه....
ود الماحي
admin
09-07-2006, 10:54 PM
ودالماحي وعزيز عيسى وناس امريكا بدون فرز .. انا جاييكم يوم الاحد 16/7/2006م ان شاءالله .. ما دايرين حاجة من جدة معاي.. ما تخجلوا اي حاجة انا جاهز ان شاءالله كبدة ابل ماعندكم مشكلة
zoolfrda
09-07-2006, 11:09 PM
بالسلامة يا ريس ويا ود الماحي وعزيز عيسى ألحقوا الكشة جاياكم
الاخوان فى الدكان كان ما عزيزين وغاليين ما كان جيناكم تانى زعلان من ود المأذون شديد المهم يا ناس ام المدائن بتسال عنكم ودايره تشوف وليداتها خاصه الطولوا منها شديد وحقيقه احلى مدينه واحلى ام مدنى وتحياتى للجميع .
خالد هاشم علي
10-07-2006, 08:21 AM
سلام ياناس سلام...
سلام أهل الزين أهل العديل...
جاتنا البشارة وقالوا جايين عندي... أها من ماسمعت الخبر ده أنا واقف علي أمشاطي زي أم العروس... بس وين جيتكم وين رسايلكم إليا...؟؟؟؟؟؟؟؟
مابقولكم مشكورين عشان فقدتوني وياني أخوكم كان رضيتوا إن كان أبيتوا وياها المحرية فيكم....
تخريمة....
هووووووووووووي ياناس أمريكا جاكم بلا :eek: :eek: :eek: :eek:
عزيز عيسى
10-07-2006, 09:04 AM
القندراني كان قاطر ليهو ترلة .. و جيتك يا ود الماحي فكيت الترلة في ميدان بانت .. يللاكم نمشي لابو هاشم .. لكن القندراني شاحن ليهو حصحاص .. شوف لينا كم ترابي ( فتح التاء ) ينزلوا لينا الحصحاص وياريت .. تعزل لى الترابي عزيز .. الترابي ودالماذون الترابي ود العمدة الترابى صلاح ود الطاهر ( انت يا الطاهر ما عجباك صورتى ولا شنو ) وشوف لينا معاك كم بنجوس اما ناصر الباشا الداير يسوى لينا بنى كربو في خيش قول ليهو تعال نزل معانا الحصحاص وبعدين سوى لينا بنى كربو بام بق بق وبعدين كلم لي الترابة ديل ما في زول يشرب لي عبار بغو .. نحن اصلنا ماشين لابو هاشم
أنحنا الشماسة (الترابة) شايل (الكوريك) جاهزين..
ولو ما جبت عبارين ثلاثة (هنأمل إدراب وما هنشتغل)
إنت بس جيب العبارين وشوف بعد دا ممكن ننزل صبة مسلحة بحالها مش حصحاص..
طيب إنت سواق القندران ما تجي تعجن معانا (المنى) وترفع معانا الصاج..
كدي النسعلك يا ودأبوشوارب..الخرصانة مودينها لودهاشم يسوي بيها شنو؟
عايز يردم بيها الشارع القدام بيتهم في حي مايو طرف؟
عزيز عيسى
10-07-2006, 09:11 AM
ود الماذون أأأبوي ودهاشم قالو متألم شويه...فدحين أأألعشاي جهّز الاندروبل وكان مالقيت ليهو بنزين كب ليهو نص قزازه من الكمبو وتعال غاشينا
بنرجاك أنا وأبشوارب والخواجه وودالصادق في الكرنتينه قلنا نشيل ليهو كسره بدل البرتكان كان عكّروها ليهو ولاّ شربا موص بتنفعو...
ما تتأخر أأأبوي...
ود الماحي
إنت عارف يا جمال الكرنتينة دي فيها محلات شية لذيذة بشكل..
بس ما عارف عندهم أقاشي عشان أطلب لنبيل حمدتو والزول الفردة عبدالمنعم.
تلقاني (مقرش) اللاندروبل جمب محل الشية في بداية الكرنتينة
وحأكلم بتاع المحل يصلح لينا كده طلبات ويجهزهم لغاية ما تجوا..
وحأكلمو يعمل لودهاشم طلب خاص.. وبعد داك لو عايز
يمشي علي ستات الكسرة كمان الله معاهو.
عزيز عيسى
10-07-2006, 09:17 AM
ها ناس أنَّبشركم بالخير .. ود هاشم نِصِح وراح الشغل كمان ، بس المشية لازمانا ، بندورلنا حميل بِج عشان نضبحو للكرامة ، الله إختّينا الخواجة ونعاجو ، آخر مرة جابلوا نعجة قال اضبحوها ، أها ياناس انا ماشى أدوّر الأندروبل واجيكم ، دحين بطّلوا المحركة وابقوا مارقين .
لا يا ودالمأذون.. خلاص عرفت درب الخرفان السواكني..
وهادا دربي ماشي على ودالماحي أسوقو معاي الحراج أعزل
لينا عشرة خرفان.. ديل كلهم كرامة علشان نحتفل بشفاء
ودهاشم.. بس ما تنسى تغشانا باللاندروبل عايزين
ترحيل وجيب لينا العتالة ودأبوشوارب وودالصادق يرفعوا لينا الخرفان..
وكمان لو مولانا بشار فيهو قدرة خليه يجي معاكم.
وما تنسى سامبا خليه يجيب سكين الضبح معاهو.
صالح ابوشوارب
10-07-2006, 10:52 AM
والله يا كارتر ويا العمدة وودالماذون .. طلعتو حناكيش موديل 70 بالله ما بتعرفو القندران الفيت !!! القندرانى زمان كان هو بيشحنو عليهو الحصحاص يعني شكلولو ذى الدينا بس على كبير وبعدين بيجر معاهو التريلة .. والترابة طبعا الناس الكانو بيعبوا ويفضوا القندران من التراب والحصحاص بالكوريك يا خنافس .. شكرا للفردة عزيز للمفهومية
صلاح ودالطاهر
10-07-2006, 10:30 PM
سلام اهل الدكان .. والله مشتاقين .. فعلا انقطعنا منكم .. لكن معليش .. القندراني كان قاطر ليهو ترلة .. و جيتك يا ود الماحي فكيت الترلة في ميدان بانت .. يللاكم نمشي لابو هاشم .. لكن القندراني شاحن ليهو حصحاص .. شوف لينا كم ترابي ( فتح التاء ) ينزلوا لينا الحصحاص وياريت .. تعزل لى الترابي عزيز .. الترابي ودالماذون الترابي ود العمدة الترابى صلاح ود الطاهر ( انت يا الطاهر ما عجباك صورتى ولا شنو ) وشوف لينا معاك كم بنجوس اما ناصر الباشا الداير يسوى لينا بنى كربو في خيش قول ليهو تعال نزل معانا الحصحاص وبعدين سوى لينا بنى كربو بام بق بق وبعدين كلم لي الترابة ديل ما في زول يشرب لي عبار بغو .. نحن اصلنا ماشين لابو هاشم
اخوي ابوشوارب اخواني البقين دحين اخونا ابوشوارب رجع الحصاص وبقي القندراني فاضي دحين دي العوجه والله يكدب الشينه
عزيز عيسى
11-07-2006, 04:24 AM
ظنيت اللاندروبل ما دَور ليكم بالهينة!!
أصلكم المرة الفاتت نسيتو البنفلة عندنا...
أنا مشيت قدامكم والحمد لله لقيتو طاشي كمان..
يعني حسه بالعافية... وأحر وعافية إن شاء الله..
تعالو غاشين .. مجهز ليكم قدقدو مستورد..
مخلوط بلبن المراعي.. ونكهة الموسى..
حبة اسبرين .... عشان الرغوة!!!![
يا دفعة،
انت يا عمدتنا جبت المنفلة لكن نسيت حاجة مهمة جدا
هسع اللاندروبل دا (اللستك) بتاعو الخلفي منفس.. لحدي الآن ما لقيت
العفريتة علشان نغير العجل.
كدي شوف ودالماحي وودالمأذون يرفعوا اللاندروبل محل
العجل المنفس ويختوا تحته حجار علشان ودالمأذون يغير العجل.
أخخخخ العجل اللسبير طلع برضو منفس.. والله دي مصيبة..
أقول ليك حاجة خلي ودأبوشوارب يجيب القندران يوصلنا الحلة الجاية..
اللاندروبل بتاع ودالمأذون دا غايتو إلا يرسلو علي التشليح بعد دا.
عزيز عيسى
11-07-2006, 04:35 AM
ها ناس أنَّبشركم بالخير .. ود هاشم نِصِح وراح الشغل كمان ، بس المشية لازمانا ، بندورلنا حميل بِج عشان نضبحو للكرامة ، الله إختّينا الخواجة ونعاجو ، آخر مرة جابلوا نعجة قال اضبحوها ، أها ياناس انا ماشى أدوّر الأندروبل واجيكم ، دحين بطّلوا المحركة وابقوا مارقين .
الحمد لله ودهاشم البقي نصيييييح..
ودالمأذون حميل شنو يا جنى إنت.. شايف المراح الماشات من هناك ديلاك..
كدي النكلم ودالماحي يأخد لنا منهن حداشر خروف (همبته)
علشان نضبح منهن عشرة خرفان كرامة وسلامة لودهاشم..
والخروف الحداشر دا بيعرفه ود الماحي حق الهبته..
لو طلع الراعي صومالي الله معاكم!!
إنتو يا جنيات.. ودالصول وين؟.. الزول دا مافي حدا يجيب لنا خبارو؟
عزيز عيسى
11-07-2006, 04:40 AM
ود الماذون أتا جهز الاندروبل وبدل الحميل أنا علي الحاشي(الجمل الصغيّر) لزوم كبدة الابل والذي منو...وكرامه وسلامه لي ود هاشم ....
أهو حليناكم من نعاج الخواجه....
ود الماحي
هسع يا ودالماحي تفتكر ودالمأذون دا يرجع لي نعجاتي الصوماليات..
عمل بيهن نايم ويشرب في لبنهن ليل نهار لحدي ما عمل ليهو كريشة..
بطالبو بحق ايجار نعاج.. ولازم يدفع لي على داير المليم..
عزيز عيسى
11-07-2006, 04:42 AM
ودالماحي وعزيز عيسى وناس امريكا بدون فرز .. انا جاييكم يوم الاحد 16/7/2006م ان شاءالله .. ما دايرين حاجة من جدة معاي.. ما تخجلوا اي حاجة انا جاهز ان شاءالله كبدة ابل ماعندكم مشكلة
سجمنا ووب علينا الكشة جايانا لحدي عندنا..
عزيز عيسى
11-07-2006, 04:45 AM
بالسلامة يا ريس ويا ود الماحي وعزيز عيسى ألحقوا الكشة جاياكم
عبدالمنعم أخوي،
شكرا على التحذير..
أكان كدي النكلم الناس الما عندها إقامات تعمل حسابها..
:D
عزيز عيسى
11-07-2006, 04:57 AM
الاخوان فى الدكان كان ما عزيزين وغاليين ما كان جيناكم تانى زعلان من ود المأذون شديد المهم يا ناس ام المدائن بتسال عنكم ودايره تشوف وليداتها خاصه الطولوا منها شديد وحقيقه احلى مدينه واحلى ام مدنى وتحياتى للجميع .
أخوي بشار،
ألف حمدالله على سلامة العودة من أم المدائن..
وإن شاء الله تكون استمتعت بالإجازة..
إنت الغالي علينا.. تعال بندورك في الدكان..
ودالمأذون دا ما زولا بزعلوا منو..
لكن نصيحة مني.. الزول دا لو عزمك تركب معاهو
اللاندروبل حقو أوعك تركب.. لأنه اللاندروبل
بيقوم بالمنفلة ودفرة.. إنت بس ركز على الأخيرة دي.
عزيز عيسى
11-07-2006, 05:07 AM
سلام ياناس سلام...
سلام أهل الزين أهل العديل...
جاتنا البشارة وقالوا جايين عندي... أها من ماسمعت الخبر ده أنا واقف علي أمشاطي زي أم العروس... بس وين جيتكم وين رسايلكم إليا...؟؟؟؟؟؟؟؟
مابقولكم مشكورين عشان فقدتوني وياني أخوكم كان رضيتوا إن كان أبيتوا وياها المحرية فيكم....
تخريمة....
هووووووووووووي ياناس أمريكا جاكم بلا :eek: :eek: :eek: :eek:
ودهاشم،
ألف حمدالله على السلامة والبركة الشفيت وبقيت نصييييييح..
كان بودنا نكون ضمن الوفد الزائر نشوفك ونطمن عليك
حاولت الإتصال بكم وما فضل لينا شيء إلا نحاول عبر الرسائل.
الدنيا كلها عرفت إنو الكشة جايانا.. الله يستر. :D :D :D
Jamal Elmahi
11-07-2006, 12:26 PM
ودالماحي وعزيز عيسى وناس امريكا بدون فرز .. انا جاييكم يوم الاحد 16/7/2006م ان شاءالله .. ما دايرين حاجة من جدة معاي.. ما تخجلوا اي حاجة انا جاهز ان شاءالله كبدة ابل ماعندكم مشكلة
يا ضيفنا لو زرتنا لوجدتنا
نحن الضيوف وأنت رب المنزل...
ود الماحي
أبوبكرحامد
12-07-2006, 12:31 AM
ماشي على ودالماحي أسوقو معاي الحراج
الحراج البعرفو بيشتروا منو حاجات التشليح ، دحين آلخواجة خروفكم ده مستعمل ولاشنو؟؟ سكند هاند ، غايتو الله اكضب الشينة
أبوبكرحامد
12-07-2006, 12:37 AM
هسع يا ودالماحي تفتكر ودالمأذون دا يرجع لي نعجاتي الصوماليات..
..
نعجاتك ان بقن صوماليات ده طرفى منهن ، ياخوى الخوف اطلعن تبع " المحاكم الإسلامية " ، وديل عنيفين وشغالين رش فى الخلق " سرتانا لايرحم " ، تعال آبوى شيل نعاجك بدل نخش فى مشاكل السياسة الصومالية .
عزيز عيسى
13-07-2006, 05:44 AM
الحراج البعرفو بيشتروا منو حاجات التشليح ، دحين آلخواجة خروفكم ده مستعمل ولاشنو؟؟ سكند هاند ، غايتو الله اكضب الشينة
ودالمأذون،
حراج.. زريبة.. ملجة.. سكند هاند.. يا زول ما تاكل ساي..
مش أحسن من نجيبها ليك كيري.
نعجاتك ان بقن صوماليات ده طرفى منهن ، ياخوى الخوف اطلعن تبع " المحاكم الإسلامية " ، وديل عنيفين وشغالين رش فى الخلق " سرتانا لايرحم " ، تعال آبوى شيل نعاجك بدل نخش فى مشاكل السياسة الصومالية .
إيه رأيك يا ودالمأذون النعجات ديل تبيعن لودأبوشوارب..
شيل أتعابك ورسل لي الباقي..
وأديه الوصية دي:
قول ليهو مبروكات عليك النعجات
وما تضبحن إلا بعد ما يلدن.
الكرشة أديها لودالصادق..
وما يغشوك في الجلد تبيعه بـ 25 قرش.
والسلام ختام.
أبوبكرحامد
15-07-2006, 08:58 PM
ود اب شوارب راجل حار وماعندو صبر لى دلع النعجات ، اتاريك شفتو كيف فكَّا البايظ ، دحين شوفلهن زول فاضى شان يولدن ويرعى جنياتن ، كدى النشوف عمك تنقو ان فاضى ، ولا شوف ابو المهتدى اخليهن اسرحن مع المراح.
السلامى
15-07-2006, 11:23 PM
نخش من وين لدكانكم البقى كلوا عجائز ولاالشباب يمشوا المنتدى العام ادونا فرصة انشاءالله أقعد فى شوال بليلة
أبوبكرحامد
17-07-2006, 12:22 AM
نخش من وين لدكانكم البقى كلوا عجائز ولاالشباب يمشوا المنتدى العام ادونا فرصة انشاءالله أقعد فى شوال بليلة
رغم بعدى برسل سلامى ... ليك يا السلامى ، عجايزنا ديل زى الشجر الفى شارع البحر تلاقى عندهم الطيبة والمحنة وريحة الزمن الجميل ، تعال اتوهط فى الواطا واسمع ليك كلام حكم
السلامى
17-07-2006, 02:19 AM
رغم بعدى برسل سلامى ... ليك يا السلامى ، عجايزنا ديل زى الشجر الفى شارع البحر تلاقى عندهم الطيبة والمحنة وريحة الزمن الجميل ، تعال اتوهط فى الواطا واسمع ليك كلام حكم يعنى متماشين مع لغة العصر وبتفهمو اللغة الرندوكيه أكيد ما مخلين ليكم شماروالا وعقبتم عليه أنسالكم أنتو أسرائيل دى لابتتحنس ولابتنقرع نعمل ليها شنو ماتول لى نعبر تانى خط بارليف
أبوبكرحامد
17-07-2006, 09:03 PM
يعنى متماشين مع لغة العصر وبتفهمو اللغة الرندوكيه أكيد ما مخلين ليكم شماروالا وعقبتم عليه أنسالكم أنتو أسرائيل دى لابتتحنس ولابتنقرع نعمل ليها شنو ماتول لى نعبر تانى خط بارليف
خط بارليف مين يا السلامى ، حليل عبد الناصر والأمة العربية ، الحكام العرب الحاليين ما بيقدروا إعبروا ( خط سنكات جبرونا - خليك من خط بارليف )
zoolfrda
18-07-2006, 12:21 AM
سلام ود المأذون حبابكم ناس الدكان
سمعت لي اتهام بيقول الدكان بقى كلوا عجايز
قلت النديكم الإملاء دي عشان تثبتوا العكس وترجعوا لينا شباب وحيوية تاني رأيكم شنو؟
يلا أرح :-
أقروا الكلمات المكتوبة تحت دي بصوت عالي اللون مش الكلمة :
برتقالي أزرق أصفر
أخضر أحمر أسود
أحمر أصفر بني
أسود أخضر برتقالي
بني أحمر أزرق
برتقالي أزرق أخضر
أها يا عزيز عيسى وود الماحي وود المأذون ... طلعتوا شباب ولا ما شباب
عزيز عيسى
18-07-2006, 07:11 AM
برتقالي أزرق أصفر
أخضر أحمر أسود
أحمر أصفر بني
أسود أخضر برتقالي
بني أحمر أزرق
برتقالي أزرق أخضر
أنا غايتو الألوان الفوق ديل شايف لونهم كلو واحد أزراااااااق.
والحروف مالها (دقاقه) كدا.. ما تكبرها شوية علشان نقدر نشوف.
http://www.wahj.net/ws/upload/uploads/aa728832c9.gif (http://www.wahj.net/ws/upload/)
السلامى
19-07-2006, 12:12 AM
أنا غايتو الألوان الفوق ديل شايف لونهم كلو واحد أزراااااااق.
والحروف مالها (دقاقه) كدا.. ما تكبرها شوية علشان نقدر نشوف.
http://www.wahj.net/ws/upload/uploads/aa728832c9.gif (http://www.wahj.net/ws/upload/)
كتر ياأخوى فى أكل البصل خصوصا الفحل ونوم بدرى من المغربيه ومع الصباح قبل ماتشرب الشاى أقرش ليك واحدة تانى وتقعد فى ضل الدكان لمدة ساعة بس وما تنسى وانت قاعد عد مصماص البلح البتاكلوا كل يوم لمن حاج بابكر قرب يفلس بسبو يعود ليك بصر عشرين سنة لورى
نزار حسن محمد
20-07-2006, 12:44 PM
ناس الدكان السلام عليكم كبار وصغار وصلت قبل شويه ولسع رحت الدعاش والمطر فوق هدومى الا قلت اسلام عليكم بعدين اغير هدومى عشان الكلام كتير وداير ليه فنجان جبنه من ام العيال .. بجيكم بعد شويه بس اخد لى نومه فوق الراكوبه الجديده .. ودحسن
عمك تنقو
20-07-2006, 07:55 PM
نزار حسن الف حمد الله علي السلامة الحكاية اسبوع واحد بس والله انا قايلها شهر شهرين والواحد يقابلك بي هناك في شهر 8 عشان نمشي ام سويقو
وناكل السمك الماخمج
رسالتي الخاصة تعني لك باني كان في اعتقادي الاجازة طويلة وحانتقابل حانتقابل في مدني نتقابل
معليش المرة الجايا
والف مبروك لعائلة الريس في زواج الابن الاصغر ببركات
ومبروك تشييد المسجد الجديد في بركات الذي قام الاخ نزار حسن بتمويله وبمجهوده الخاص
جمال الماحي عووووك
ودحامد الجدك سيد البنية
في ناس في المنتدي ده ببنو مساجد
يديكم العافية
معتز حمدتو
21-07-2006, 05:11 AM
اهل الدكان وعلي راسهم ود الماحي صراحتا كنت عبر الشبكة العنكبوتيه مع جريدة المشاهير وقد استوقفني بوست لاحد السودانيين المغتربين في المملكة العربية السعودية - الرياض وهو عبارة عن خطاب موجه لوالينا وراعينا المشير / عمر حسن احمد البشير وقد استوقفتني فيه بعض المقططفات عن مجانية التعليم وعن ما يعنية ابناء المغتربين في دخولهم للجامعات والمعاملة التي تحسسهم بانهم اجانب وليسُ سودانيين .بالاضافة لمايعانيه المغترب وان كنت اضيف ليس في السعودية فحسب وانما في كل الدول .
معليش احبة الدكان للاطالة ولكن تمنيت مشاركتكم في موضوع اعتبره جوهريا وربما ننكوي به نحن في مقبل السنوات كما انكوي به عمنا او اخونا / مهدي الصادق
المقال منقول عن جريدة المشاهير
بسم الله الرحمن الرحيم
رسالة ألي السيد الرئيس المشير عمر حسن البشير
سيدي الرئيس راعى الامة السودانية وولى امرها
تحية طيبة طيبة أهلنا السمحين المتسامحين أرجو أن تجد رسالتي هذه لديكم أذننا صاغية وقلبا مفتوحا بوصفكم الراعي لكل سوداني على وجه هذه البسيطة وخاصة شريحة المغتربين .
سيدي الرئيس كان الفرد السوداني في بلاد المغترب يمثل سفارة في حله وترحاله بما يحمله من قيم سامية واخلاق رفيعة جعلت كل الجاليات تحسدنا عليها وكان السوداني هو الأمين على المال والعرض وفى هذا وصف كثير . ولكن سيدي الرئيس تبدلت ألان الأحوال وصار السوداني ينظر أليه بنظرة مختلفة بعد أن صارت الجالية السودانية اكبر جالية عاطلة بالمملكة العربية السعودية وبزيارة سريعة ألي مراكز ترحيل الوافدين تجد الجالية السودانية الأكثر عددا أما في مراكز التوقيف (الحراسات ) فحدث ولا حرج ومن الجنسين .
نعود ألي الأسباب والمسببات سيدي الرئيس هل وفرتم حياة كريمة للفرد السوداني لكي لا يهاجر ويرفض العودة ألي البلاد ؟؟؟؟ا فقد فكر كثير منا في العودة النهائية ألي ارض الوطن ولكن العودة محفوفة بعقبات كثيرة ومخاطر اكثر فقد ضحينا كثيرا ودفعنا الكثير وقد كنا ندفع فواتير كثيرة عن الشعب السوداني حين ضاقت وتقطعت به السبل دفعنا دون منن الضرائب الجائرة ودعمنا القناة الفضائية ودعمنا الجهاد والتعليم والشريعة وتحت بند أخرى دفعنا الكثير هذا غير التزاماتنا تجاه الأسرة والأهل بالداخل . كثير منا كان يعمل في وظيفة مرموقة راتبها يكفى وزيادة وبعد فترة توقف كثير منا بسعودة الوظائف أو تدنى الرواتب ولظروف كل منا قبلنا بالوضع الجديد وضحينا بالكثير وانتم في السودان تزيدون في تكبيلنا بالكثير من الالتزامات أبنائنا يعاملون معاملة سيئة لانهم المرفهون أبناء الأغنياء ولكن الحقيقة غير ذلك فالمغترب ألان اصبح بين نارين نار تدنى سوق العمل ونار الضرائب والرسوم المفروضة على أبنائنا في الجامعات السودانية , منا من له أربعة أولاد بالجامعة وكلهم يريدون الرسوم والمصاريف وغيرها وكثير من أبنائنا قد تركوا الدراسة لان ولى الآمر غير قادر على دفع التكلفة العالية آلتي فرضت عليه ومنهم من اختار أن يدرس أحد أبنائه ويضحى ببقية اخوته .سيدي الرئيس الله على ما أقول شهيد أنني اعرف كثير من أولادنا اصبحوا يتسكعون في الشوارع بعدما تقطعت بهم السبل والأمثلة كثيرة جدا وتدمى القلوب وهذا بالطبع قاد الكثير منهم ألي الانحراف هل تعلم سيدي الرئيس أنني وجدت طفلا سودانيا لا يتجاوز عمره الثالثة عشر ربيعا يمتهن تمسيح وتلميع السيارات من اجل توفير لقمة العيش لبقية أفراد الأسرة بعد أن فقدوا العائل ؟؟؟؟؟ هل هذه هي الحالة الأولى لا وألف لا كثير من أمثاله يهيمون في الشوارع تعال لترى بنفسك المجموعات الكبيرة منهم بجدة تحت الكباري ومن الجنسين في حالة هي الفريدة بين جميع الجاليات بالمملكة العربية السعودية . تعال لترى جموع الشباب يقفون بشارع معروف بوسط الرياض يبحثون عن لقمة العيش في صورة تجعلهم كالمتسولين
هل تعلم سيدي الرئيس أن هناك من أرسل ابنه ألي الدراسة بالسودان منذ خمسة أعوام حيث ضاع كل ما يملكه لانه لم يقبل ولم تشفع له الدرجات العالية آلتي أحرزها وقد ضاع مستقبل هذا التلميذ النجيب بسسب العوائق والمتاريس الموضوعة أمام أبناء المغتربين وللعلم أن أقامته انتهت ووالده غير قادر على السفر أليه وحل مشاكله لان له اخوة غيره في الجامعات يريدون المصاريف كم مثله ضاع مستقبله وصار فاقد تربوي ومن المسئول عن ذلك ؟؟؟ بكل بساطة أنت المسئول الوحيد أمام الله سيدي الرئيس لانك الراعي .عليك برفع الظلم عن كاهل المغترب السوداني وذلك بإصدار قرار مجانية تعليم أبناء المغتربين مكافئة لهم على ما قدموه طيلة السنوات العجاف وان تصدر قراراك فورا بالتصديق للمغترب العائد نهائيا بسيارة تعينه على العيش داخل السودان والتصديق لمن لا يملك بيتا بقطعة ارض أو تبنى مشاريع إسكان شعبي بعد دراسة كل الحالات .
أخيرا سيدي الرئيس هناك من له مشاكل معقدة تمنعه من العودة ألي ارض الوطن نرجو تكوين لجنان من العالمين ببواطن الأمور أن ييسروا لهذه الحالات حتى تتاح لها العودة والعيش الكريم داخل ارض الوطن . اامل سيدي الرئيس أن تجد مناشداتي هذه سبيلا إليكم وان تجد الاستجابة السريعة وهى الأمل الأخير لكثير من أبناء شعبنا المعذب بنيران الغربة والمعاناة والظلم من ذوى الغربي وهذا هو الظلم الأعظم إلا هل بلغت اللهم فشهد .
الرياض /مهدى الصادق السيد
Jamal Elmahi
22-07-2006, 01:45 PM
الاخ الحبيب معتز حمدتو
الرساله مؤثره وتقطع القلب وتشق الحجر ولكن لا حياة لمن تنادي !! أخونا مهدي ينفخ في قربه مقدوده والله يعينه ويعين كل أخوانا وأخواتنا وكل أغبش كايس للقمة عيش شريفه...
أملنا حبيبي وعشمنا في الله وحده أما الحيكومه الفيها عرفناهو وهل تفتكر أنهم ماعارفين ؟؟؟ ديل عارفين البئروغطاها والكل يقول نفسي نفسي...
وما العمارات والعربات الفارهه والغناء الفاحش للموالين للحكومه ألاّ شاهداَ علي ظلم الحكم والحاكم وشريعة الغاب هي الغالبه حالياَ ويبقي الضحيه المواطن العادي الاغبش ناس قريعتي راحت والمغتربين الغلابه بقن عليهم أتنين غربه وخراب بيوت...والله يجيب العواقب سليمه والله يكون في العون...
ود الماحي
أبوبكرحامد
23-07-2006, 03:20 AM
بركة الشفناك طيب ياود حسن ، ربنا اتقبل منكم صالح الأعمال .
لك الشكر معتز حمدتو على ايصال شكوى الأخ مهدى ، ولله الأمر من قبل ومن بعد ، أرجو أن لاتزعجوا السيد الرئيس بشكاواكم ، فالرجل لديه رقصات جديدة تناسب الظرف السياسى الراهن ... ودقى يامزيكا.
نزار حسن محمد
23-07-2006, 12:14 PM
الاحباب .. العجائز عمنا تنقو ود الماحى ود الماذون وابو الشباب ابونسب ودحمدتو..والله الشوق مطر عديل كدى ليكم وحشه وللحبان ناس المنتدى عم التنقو مشكور كتير على الرساله وكمان النقول ليك شى شهر اغسطس ان اشاء الله نتقابل فى الحبيبه ام المدائن ونمشى كمان نكل داك يالسمك .
ودالماحى ... والله ياابو الاميره كنت راجع من الخرطوم ولمن وصلت طريق المشرع بتاعكم لقيت ديك يالسيره الماخمج انقر مانزلت من العربيه ومشيت هزيت فى العريس
وكمان مبروك عليكم طرمبت البنزين الجديده اسمها بترول نوفل على الشارع الرئيسى والله ياود الماحى اناوقف جنب السيره المطر قالت ليك شو والجماعه قالوا العرس
فى ود السيد وهو جنس شباب غايتو حمراء وصفراء وعينك ماتشوف الا النور السيره جايه من ام درمان..
الحبيب ود الماذون والله ليك وحشه شديده .. لكن جبت ليكم اخوى سامر حسن بس انت اقراء كتابته وبعدين ادنى رايك.
ابو النسب .. ياخى ناس الحكومه ديل والله هم فى وادى والشعب السودانى فى وادى وحاكتب عنهم بالتفاصيل ..
الا حباب معليش انا اليومين ديل مشغول شويه لكن حاكتب ليكم بالتفصيل الدقيق عن مدنى واهل مدنى .. لكم حبى اخوكم ودحسن
HAMADTO
23-07-2006, 09:23 PM
بسم الله الرحمن الرحيم
السلام عليكم يا ناس الدكان كيف اخباركم ان شاء الله طيبين .....
حمد الله على السلامه يا ود حسن وألف مبروك افتتاح المسجد وان شاء الله نحضر معاك افتتاح المسجد التاني ..
بس ما يكونوا قالوا افتتاح المسجد بمناسبة اعياد الانقاذ ... معليش اقصد اعياد السلام ...
اها كيف البلد على حسك في انتظار الاخبار على احر من الجمر .....
هو الجماعه ديل ماقالوا لحام ستلين مع الشعب ...
وهي لله هي لله لا للسلطة ولا للجاه
أبوبكرحامد
24-07-2006, 01:03 AM
الحبيب ود الماذون والله ليك وحشه شديده .. لكن جبت ليكم اخوى سامر حسن بس انت اقراء كتابته وبعدين ادنى رايك.
ياخى سامر ده زولى تب ، والله أصاحبو ليك لمن الصحوبية تتمحن ، وبهديكم الاتنين اغنية سيد خليفة " المنديل " : ما إنتَ جميل والجابك لىَّ نزار وجميل
غايتو يانزار بدعوا ليك بدعاء أمِّى " تتبارك ماتتشارك " - بس فى سامر ده بنشاركك ولا على كيفك .
نزار حسن محمد
24-07-2006, 01:49 AM
الحبوب الغالى ود الماذون ..امين دعاء الوالده مستجاب..باذن الله .. وصدقنى ياود الماذون ستراء... ماذا سيكتب هذا السامرى.
ود الماذون كدى نجى فى الكلام المهم تتذكر قبل مده قلت ليك الاراضى وموضوع الاراضى دا ياخوى بقى جد جد الحاصل الان تسجيلات الاراضى فاتحه ابوابه لكل المتقدمين والتوزبع ماشى على قدما وساق و المطلوب الاتى 1/صوره من جواز السفر صفحة الاقامه مهمه 2/ قسيمة الزواج 3/ شهادات ميلاد الاطفال 4/ شهادة مواطنه من اللجنه الشعبيه بالحى5/ شهادة خلو طرف من ناس الضرائب اضربم الضرئب كسار العناقريب. التصنيف كالاتى قطعه درجه اولى الرسوم مليون وماتين الف دينار قطعه درجه ثانيه بى سبعمائه وخمسون الف دينار قطعه درجه ثالثه بى خمسمائه وخمسون الف دينار سودانى..اه ياودالمازون تكلم معاك ناس عمك تنقو ود الماحى والخواجه وابوالمهتدى وناس السعوديه والجميع من غير فرز مع تحياتى اخوك ودحسن
Jamal Elmahi
24-07-2006, 04:26 PM
ومبروك تشييد المسجد الجديد في بركات الذي قام الاخ نزار حسن بتمويله وبمجهوده الخاص
جمال الماحي عووووك
ودحامد الجدك سيد البنية
في ناس في المنتدي ده ببنو مساجد
يديكم العافية
يا الشيخ الطيب يا ود السائح تلحقني وتفزعني....يا عم تنقو هو الشيخ الطيب دا ألاّ يشق البحر بي عربيتو!!!
أن شاء الله يا الشيخ الطيب أقصد ياالشيخ نزار ربنا يديك ويدّي منك ويذيدك من فضلو كمان وكمان ويعلّي مقامك ويعظّم شأنك دنيا واّخره ويفتحا عليك محل ما تقبّل ويعدل طريقك ويفرّج ضيقك وما تنسانا من صالح الدعاء....
ود الماحي
نزار حسن محمد
25-07-2006, 01:25 AM
ياود القبائل جمال الماحى .. لاتتخيل سعادتى بهذا الدعاء .. انشاء الله ربنا اديك الصحه والعافيه ويخلى ليك عيالك وام العيال ويردك لينا من بلاد العم سام.. سالم وغانم.
تعرف ياود الماحى انا ماكنت داير اجيب سيره للمسجد فى المنتدى لكن عمك تنقو فضحنى... آه بعد كده بفك اخرى انشاء الله بعد اسبوعين راجع تانى مدنى عشان اضع حجر الاساس للمسجد الثانى بمدنى حى المنيره ومركز صحى لى اهلى فى بركات وربنا يسهل قول امين ... لك الود والحب..اخوك ودحسن
معتز حمدتو
25-07-2006, 02:02 AM
بارك الله فيك اخي نزار ودمت ذخرا لاهلنا وللسودان قاطبه
وان يجعلك الله دوما ممن تقضي علي ايديهم حوائج الناس .
وعقبال المستشفي والمدرسة وكل مامن شأنه ان يأمن حياة طيبة لاهلنا الطيبين .
وذي ما قالوا الاصلوا نخله اصلُ الخير ما بخلا .
عزيز عيسى
25-07-2006, 06:10 AM
أخوي ود حسن،
ألف حمدالله على السلامة..
ومن خلال متابعتي لأعمال الخير الذي تقوم به لا يسعني إلا أن أقول
ربنا يوفقك دنيا وآخرة.
ولما ترجع السودان سلم لي على الأهل والأخوان كلهم..
ولو وجدت فرصة إتصل بالأخ السلامي وحاول تساعده في مشروعه
لأني عارفك أخو أخوان وما بتقصر من الناحية دي..
وكان ربنا هون حأنزل البلد آخر السنة إن شاء الله.
قول يا مسهل.
نزار حسن محمد
26-07-2006, 01:05 AM
بارك الله فيك اخي نزار ودمت ذخرا لاهلنا وللسودان قاطبه
وان يجعلك الله دوما ممن تقضي علي ايديهم حوائج الناس .
وعقبال المستشفي والمدرسة وكل مامن شأنه ان يأمن حياة طيبة لاهلنا الطيبين .
وذي ما قالوا الاصلوا نخله اصلُ الخير ما بخلا .
الغالى ..معتز مشكور على الكلام الطيب وربنا يقدرنا على فعل الخير لعامة اهل السودان .. هناك كتيب يحكى قصة تشيد هذا المسجد والذى يسع لى 1600 مصلى وقد صار اكبر مسجد بولاية الجزيره وهذا فضلا من الله ان يسر هذا المسجد..سوف يقوم الاخ سامبااا بنشر هذا الكتيب عبر صفحات المنتدى فى القريب العاجل وكرر شكرى لك اخى معتز
نزار حسن محمد
26-07-2006, 01:18 AM
أخوي ود حسن،
ألف حمدالله على السلامة..
ومن خلال متابعتي لأعمال الخير الذي تقوم به لا يسعني إلا أن أقول
ربنا يوفقك دنيا وآخرة.
ولما ترجع السودان سلم لي على الأهل والأخوان كلهم..
ولو وجدت فرصة إتصل بالأخ السلامي وحاول تساعده في مشروعه
لأني عارفك أخو أخوان وما بتقصر من الناحية دي..
وكان ربنا هون حأنزل البلد آخر السنة إن شاء الله.
قول يا مسهل.
العزيز الغالى عزيز ..يشهد الله مشيت وشاهدة الطريق الذى حدثنى عنه الاخ السلامى وهو يقع فى منطقة اول مره اسمع باسمها هى منطقة الربيع الى مرنجان عوضه والمسافه المتبقيه للسفلته.. ليست بالمسافه الكبيره .. وعلمت من الجهات المختصه بان ميزانية الطريق قد رصدت وفى القريب العاجل سوف يكتمل الطريق باذن الله.. وقد حاولت ان اقابل الاخ السلامى ولكن لم اوفق وانشاء الله هذه المره اقابله .
والله ياعزيز كل ناس مرنجان بساله عليك وبشده وماناسينك.. انشاء الله ربنا يسهل ليك النزول للبلد وتبل الشوق
لك ودى اخوك ودحسن
السلامى
26-07-2006, 07:53 AM
العزيز الغالى عزيز ..يشهد الله مشيت وشاهدة الطريق الذى حدثنى عنه الاخ السلامى وهو يقع فى منطقة اول مره اسمع باسمها هى منطقة الربيع الى مرنجان عوضه والمسافه المتبقيه للسفلته.. ليست بالمسافه الكبيره .. وعلمت من الجهات المختصه بان ميزانية الطريق قد رصدت وفى القريب العاجل سوف يكتمل الطريق باذن الله.. وقد حاولت ان اقابل الاخ السلامى ولكن لم اوفق وانشاء الله هذه المره اقابله .
والله ياعزيز كل ناس مرنجان بساله عليك وبشده وماناسينك.. انشاء الله ربنا يسهل ليك النزول للبلد وتبل الشوق
لك ودى اخوك ودحسن
الاخ العزيز /نزار أولا حمدلله على السلامة وأنشاء الله تكون خطواتك فى وطن الخير كلها للخير لقد سرنى جدا وصولك الى منطقة عووضه لرؤية البلوة التى أسردها دائما فى بوستاتى ولكن يظهر أنك سلكت طريق أخر غير الذى أقصده فانت يظهر أنك دخلت بالطريق الوسط والذى يؤدى الى داخل الحى ولكن ماقصده أنا هو الطريق الذى يفصل بين عووضه وأركويت من جهة ثم بين عووضه وحى حبيب الله بقية الطريق وعموما هويبتدى من أخر محطة لاركويت وهى المحطة القديمة الى الامتداد وهو الذى عملت فيه المحطة الجديدة فأذا حضرت ماعليك الا أن تسلك طريق أركويت حتى المحطة القديمة ثم يبتدى معك الطريق الكارثة وهو الامتداد الجديد ومن ابرز معالمه الان هوحفرة كبيرة تسد الشارع تماما وهذه الحفرة من مخلفات هيئة توفير المياه الذين لم يكلفوا أنفسهم بعمل الصيانة للماسورة الكبيرة التى تسقى أهل الحى فأذا رغبت فى الحضور الى ماعليك الا الوصول الى محطة الجنينة ثم السؤال عن منزلنا أو أرسال رسالة لى فى بريدى أما أذا رغبت الاطلاع على العرضحال الموجود فى مكتب المعتمد قبل ثلاثة أشهر تقريبا فما عليك الا الوصول الى المكتب ومن ثم السؤال عن مكاتبة بأسم أمتداد اركويت ( صيانة الشارع ) وأتمنى أن تجد أجابة شافية كما أتمنى الالتقاء بك
السلامى
26-07-2006, 08:08 AM
العزيز الغالى عزيز ..يشهد الله مشيت وشاهدة الطريق الذى حدثنى عنه الاخ السلامى وهو يقع فى منطقة اول مره اسمع باسمها هى منطقة الربيع الى مرنجان عوضه والمسافه المتبقيه للسفلته.. ليست بالمسافه الكبيره .. وعلمت من الجهات المختصه بان ميزانية الطريق قد رصدت وفى القريب العاجل سوف يكتمل الطريق باذن الله.. وقد حاولت ان اقابل الاخ السلامى ولكن لم اوفق وانشاء الله هذه المره اقابله .
والله ياعزيز كل ناس مرنجان بساله عليك وبشده وماناسينك.. انشاء الله ربنا يسهل ليك النزول للبلد وتبل الشوق
لك ودى اخوك ودحسنحمدلله على السلامة أولا أخى نزار وربنا يجعل لك فى كل خطوة بركة ومبروك أفتتاح المسجد وقد شدنى اليوم موضوعك مع الاخ عزيز عيسى بخصوص مشكلتى وأحب أن أشكركم أولا على تلك الامشاعر الدفاقة أما بخصوص الطريق فالظاهر أنك سلكت طريق أخر غير الذى أقصده وهو الطريق الداخلى لعووضة أما ما أقصده أنا فهو الطريق الذى يفصل بين عووضه وأركويت من جهة وعوووضه وحى حبيب الله من جهة أخرى وهو يقع شمال عووضه وجنوب أركويت ويسمى الان بأمتداد شارع أركويت فأذا سلكت طريق أركويت القديم ماعليك الا مواصلة السير فى طريق الامتداد وهو عبارة عن ردمية من التراب الاحمر أما عندنا فهو عبارة عن حفر ومطبات وبلاوى متلتة فيمكنك السير فيه وفى نهايته توجد محطة الجنينة وهى أخر المنطقة المنكوبة فاذا سألة اىشخص عن يوسف تصلنى أنشاء الله أما أذا اردت السوأل عن الطريق فى مكتب المعتمد فهو معنون بطريق أمتداد أركويت ( وموضوعه عن الردمية الحمراء ) أتمنى أن تصل اليهم لتعرف بنفسك ما يقولونه لك أو الوصول الى منزلى لاصطحبك اليهم وعلى كل حال شكرا شكرا لك حتى وأن لم تصل الى ويكفينى فخرا بأن هناك من يحس بما أعانى من شأن عام
نزار حسن محمد
26-07-2006, 11:33 PM
عزيزى السلامى لك الود ... انشاء الله عند حضورى هذه المره سوف اتصل بيك وياريت لو تدينى رقم مبايلك ..رقم مبايلى بالسودان 0914080249 مع تحياتى اخوك نزار حسن
السلامى
28-07-2006, 07:06 AM
عزيزى السلامى لك الود ... انشاء الله عند حضورى هذه المره سوف اتصل بيك وياريت لو تدينى رقم مبايلك ..رقم مبايلى بالسودان 0914080249 مع تحياتى اخوك نزار حسن
أشكرك مرة أخرى الاخ العزيز الى نفسى نزار وحقيقة كم تأسفت لبعدك عننا ولكن هذه هى الحياة تترك لنا دوما الذى لايفيد وأنا أنشاء الله أن مد الله لى فى العمر سوف أكون فى أنتظارك
السلامى
01-08-2006, 06:31 AM
شنو ياناس الدكان أغيب ثلاثة أيام وأجى القى الدكان مقفل أيام الجرد جات ولامشيتو ليكم فاتحة للضهرة وحبستكم مطره هناك
أبوبكرحامد
02-08-2006, 01:37 AM
الدكَّان فاتح يا السلامى بس المطر منع الناس المرقا من البيوت ، أها انا قاعد مستنيكم
السلامى
02-08-2006, 06:42 AM
الدكَّان فاتح يا السلامى بس المطر منع الناس المرقا من البيوت ، أها انا قاعد مستنيكم
أنت طوالى فى الصورة لكن باقى الشلة وين وبالمناسبة عندى ليكم شمار حار لكن لمن الجماعة يتلمو بس بسرعة قبل ما يحرقنى
سامر حسن
02-08-2006, 09:13 PM
الشفيف ود المأذون
أولا الله يجعل ضحكي ده في ميزان حسناتك ... وجزى الأمريكان غما بغم ، شكرا لهذه الروعة المتتالية من مداخلات الشباب وبالجد دكان ود الصول ما بتفات بس الوالد كل مرة بقول لينا ما تباروا الأكبر منكم ... لكن عموما بوعدكم أجيب صينية الشاي بعد شوية وبجي
أبوبكرحامد
02-08-2006, 10:48 PM
الشفيف ود المأذون
أولا الله يجعل ضحكي ده في ميزان حسناتك ... وجزى الأمريكان غما بغم ، شكرا لهذه الروعة المتتالية من مداخلات الشباب وبالجد دكان ود الصول ما بتفات بس الوالد كل مرة بقول لينا ما تباروا الأكبر منكم ... لكن عموما بوعدكم أجيب صينية الشاي بعد شوية وبجي
اها راجيك ياسامر ، بس ياخوى قصة الناس الكبار دى ذكرتنى قصة الراجل الكبير القام جارى مع الشباب من كشة الخدمة الالزامية ، قال امكن اكونوا دايرين لواءات ، دحين ياخوى انتا ماك صغير تعال وبتلقانا اصغر منكم
zoolfrda
03-08-2006, 01:59 AM
ناس الدكان الطيبين
سلام جاكم
والأسد جاكم
آها عندكم ليهو لحمة ؟
ولا يقوم يقوليكم هاكم
نزار حسن محمد
03-08-2006, 03:55 AM
ناس الدكان السلام عليكم...
سمعته صوت الاسد... بكوريك بى هنا قالت نساله عن نكتت الماسوره الداخل فيها الاسد ياربى بكون سمع بيها ولا لسع... حبيبنا الزول فرده
أبوبكرحامد
04-08-2006, 10:31 PM
ناس الدكان السلام عليكم...
سمعته صوت الاسد... بكوريك بى هنا قالت نساله عن نكتت الماسوره الداخل فيها الاسد ياربى بكون سمع بيها ولا لسع... حبيبنا الزول فرده
ياود حسن اتعدل أحسن ليك ، الحكومة رجعت ، الله استر ما اودوك الماسورة انتا ذاتك ههههه
خالد هاشم علي
04-08-2006, 10:32 PM
ههههههههههههههههههههههههههههههههههه
ههههههههههههههههههههههههههههههههههه
هووووووووووووووووي يانزار
طبعا أنا عارف قصة الأسد مع القرد والماسورة وطبعا ود الماحي وابو شوارب وود المأذون والبقية بكون الشمار حارقهم لكن مافي طريقة احكي ليكم عنها إلا في الرسايل الخاصة ولا شنو يانزار.
الله يجازي محنك..
نزار حسن محمد
04-08-2006, 10:54 PM
تعرف ياخالد ود الماذون . دا مصيبه ماتفوت عليه حاجه لكن اعمامك ناس ود الماحى وابوشوارب وعمك تنقو وابو المهتدى بكونه داقسين ساكت ...المشكله كلها جابه لينا اسد الزول الفرده.. الله يجازى محنه كل يوم طالع لينا بفن جديد..
أبوبكرحامد
06-08-2006, 12:02 AM
وطبعا ود الماحي وابو شوارب وود المأذون والبقية بكون الشمار حارقهم لكن مافي طريقة احكي ليكم عنها إلا في الرسايل الخاصة ولا شنو يانزار.
..
خالد هاشم جيب اضانك عشان احكى ليك النكتة ياداقس ، انا قلتا لى نزار اتعدل الحكومة رجعت ، تقول لى ماعارفا .
هلا بالدكان واهله الظريفين والكلام ما ليك يا ابوبكر يا ما فيك فايده بس الواجب
معتز حمدتو
06-08-2006, 07:07 AM
ناس الدكان البركة المليانين محنه وريد
الظاهر اسد منعم ده حايجيب البلوي والفتن ونقترح ازالته فورا .
تحياتي ليكم ولمجلسكم العامر وتعظيم سلام يامولانا ابودجانه .
نزار حسن محمد
06-08-2006, 09:32 PM
ناس الدكان البركة المليانين محنه وريد
الظاهر اسد منعم ده حايجيب البلوي والفتن ونقترح ازالته فورا .
تحياتي ليكم ولمجلسكم العامر وتعظيم سلام يامولانا ابودجانه .
ابونسب معتز ... انت ماسمعته اغنية محمد مسكين من ارض الجزيره ومن قلب المحنه.. وبعدين منو الما بحب الاسد انشاء الله بعد الحال تبقى لينا اسد المنتدى قول امين ياود حمدتو... لك ودى اخوك ودحسن
والله يا عواجيز( ابوبكر وابو ) ومعتز ومرتضى والبقيه روحكم لسه شباب بس حقو يا ابوبكر تلحق نفسك والا المسأله حا تبقى صعبه والكبر والمرض ما مضمونات . مدنى الجميله تزداد جمالا رغم ما بها من كوارث وحرام يكون هنالك احد ابنا ئها ولا يقوم بزيارتها سنويا او لنقل كل ثلاثه اشهر وكفايه جرى وراء الفلوس يا ود المأذون ويا شباب
سلام
معتز حمدتو
07-08-2006, 12:17 AM
تحياتنا يا ساكنين مساماتنا .... دكان البركات والمحنة
والله نحن اسود يا ابو النسب بس ان شاء الله ما نكون واحد من اسود المواسير .
نزار حسن محمد
07-08-2006, 12:31 AM
حشاك حبيبنا ود الاصول من المواسير وكلامك يشفى العليل... اظهر وبان علينا فى المنتدى العام بمواضيعك المميزه وحتكون هناك مفاجاة..فى القريب العاجل ... مع تحياتى اخوك ودحسن
أبوبكرحامد
08-08-2006, 12:07 AM
حشاك حبيبنا ود الاصول من المواسير وكلامك يشفى العليل... اظهر وبان علينا فى المنتدى العام بمواضيعك المميزه وحتكون هناك مفاجاة..فى القريب العاجل ... مع تحياتى اخوك ودحسن
أها ياود حسن قمتا تلفح فى ناس الدكان ، ياخوى المنتدى العام مليان ناس خلى لينا ناسنا هنا محكرين ومتوهطين
معتز حمدتو
08-08-2006, 01:05 AM
حبيبنا ودحامد
نحن داخلين الدكان عشانك يابركه نفوتك نمشي وين وقالوا الماعندو كبير اشتري ليه كبير ..... ولما ما كده ياعمُ
وكان شاركنا ود حسن طمعانين منُ في حسنات والراجل ده ببني في الجوامع سائ عيني بارده عليه ولو شاركنهُ في الفكر بتجينا حبة حسنه في الدنيا الزايله دي ولا ما كدى ....................
عزيز / ابو المهتدي / ود الصول / ابراهيم / الاخت قمر
اولاً السلام عليكم وربنا يخليكم ويديكم العافية,
حقيقى دكانكم رغم انو فاضى من البضاعة وما فيه غير جركانة زيت وكرتونة صابون وشوية بصل وتوم لكن حقيقى مليان بالانس والزكريات الجميلة والمليانة بالاحاسيس والشجن لمحة من الزمن الجميل رغم انو فى زمن انا عشتو وزمن سمعت عنو يعنى ما لدرجة تحرمنى منك لانه ده زمناً بعيد بالحيل .
عموماً لك التحية ابو بكر وحقيقى فكرة جميلة بس فى حاجة الدكان بقفل كتير لية مفروض اى واحد عندو لو نص ساعة يفتح الدكان وبالطريقة دى الدكان بشتغل احسن والبضاعة بتمشى كويس .
لكم الود والتحايا ودمتم لمدنى الحنينة
مدنى اللوز الفتح دابو الفول القام فى الحواشات
HAMADTO
08-08-2006, 05:47 AM
السلام عليكم يا ناس الدكان ... اها الجديد عندكم شنو والا ياها بضاعتكم القديمة ذاته ....
انت يا ود المأذون مولانا بشار ما جاب ليك بضاعة جديدة دحين ...
يامولانا اها البلد على حسك كيف لقيتها .....
ونرحب كتير باخونا تومي ... تعرف يا تومي الايام دي ودالمأذون بين يديه دراسة جدوى عشان يحول الدكان سوبر ماركت حديث زي البرعي سنتر ويشتهون كده تاني العنقريب ما بنلقاهو وجلوس في المسطبة ساكت مافي طريقة
يا ودحسن ناس الدكان ديل ناس ركلسه وشرب شاي وقهوة ما بقدروا على المنتدى العام وزي ما قال ليك ود المأذون خلي ناسنا هنا متوهطين ومحكرين .. لكن مرة مرة كده بنجيب الجماعة وبنجي نغشاكم بهناك بس جهزوا لينا البارد والحلاوة
السلامى
08-08-2006, 07:53 AM
ونرحب كتير باخونا تومي ... تعرف يا تومي الايام دي ودالمأذون بين يديه دراسة جدوى عشان يحول الدكان سوبر ماركت حديث زي البرعي سنتر ويشتهون كده تاني العنقريب ما بنلقاهو وجلوس في المسطبة ساكت مافي طريقة
يعنى ياحمدتو فى داعى تقول الكلام ده أسع أنا مفكر أعمل طبلية سجائر بجانب الدكان لمن يتحول لسوبر ماركت أوديها وين والبلد كلها كشات
نزار حسن محمد
08-08-2006, 11:53 AM
السلام جاكم .. ناس الدكان...
ودالماذون... كدى قول بسم الله .. عليك الله ناس بعاينه لفريق الهلال امشوا.. اسجلو فى.. الروابط ياكافى البلا ..دكان لافيه سجوك لا بيرغر لاسجاير مارلبوره.. ده بسمو.. دكان .. غايتو لو كلام نبيل ود حمدتو صحيح .دايرين تغيره لى سوبر ماركت .. فى الحاله دى بنسكت مجبورين.. لكن بحالته دى امسكو.. الخشب ساكت
بس النصيحه لى الله ود الماحى جايب ليكم .. الكلام.. بالله الجكس بنات الجامعه قطعو رجلهم بالمره من ريحة ود الماحى عليك الله ياوالماذون فى واحد فى القرن الواحد وعشرين بتريح بى بنت السودان .. وكمان يمشى يشرب ..عيش فتريته من البرمه .وكله كلمه والتانيه . .... ارقد ياأأأأعيش
وقاعد ليك فى وش الدكان..طير الزباين كلهم..
بعدين اولاد حمدتو ديل ناس مرتاحين .. . ديل ناس نادى الجزيره ودار الاطباء وماشابهه...
حتى السلامى تانى مابجيكم.. درعو ليه ..ودمدنيات فى رقبته.. عشان كدى ياااااابوى شوف ناس عمك تنقو وابو المهتدى وما فوق
هوى ياود الماذون ... والله انا لو مادخلت اول حاجه على الدكان .. لابقدر امشى العام ولا الثقافى..الخ ياخى البركه كلها فى دكان ود الصول
HAMADTO
08-08-2006, 12:02 PM
اهلا بالسلامي والف الف مبروك الاشراف ....
تعرف طبليتك دي إلا تفرشها جنب منتدى ودمدنيات لو ودالمأذون وافق على ودالصول سنتر ....
تعرف يا ودحسن ودالمأذون ليهو يومين ما ظهر شكله كده بمخمخ في الفكرة ...
جالوص
08-08-2006, 02:23 PM
عوافي
يا ناس الدكان
وتبرو من المواسير :D
وهاكم الجبنة دي
من جالوص
http://bb.domaindlx.com/kanzee/soe.jpg
خالد هاشم علي
08-08-2006, 07:53 PM
والا ياها الايام دي ودالمأذون بين يديه دراسة جدوى عشان يحول الدكان سوبر ماركت حديث زي البرعي سنتر ويشتهون كده تاني العنقريب ما بنلقاهو وجلوس في المسطبة ساكت مافي طريقة
لا للعولمة لا للتغيير.... سنقف في وجه التغيير بكل ماتملك أيدينا من قوة.... وسنضرب بيد من حديد كل من يقترب من تراثنا ( دكان ود الصول)...
حركة تحرير دكان ود الصول
خالد هاشم...
الناطق الرسمي بإسم الحركة
والله قال سوبر ماركت قال... طيب ود الماحي يمشي وين ياناس
خالد هاشم علي
08-08-2006, 08:41 PM
:eek:
كنت ماشي بي عند المنتدي العام لقيتلكم الجنا برهوته كديستوا قامت عليهو وقال داير يفتح ليهو شيتاً كده إسمو كوفي شوب....
ده كلو هين لكن شوفوا المصيبة دي...
قعدت اكشف اكشف اكشف ... انقروا لقيت منو قاعد ومتحكر ... وقال داير يزوق من دكان والصول... عشان ناس برهوته عندهم إضاءة بمبي ومكان بعييييييييييييييد للكلام الدقااااااقة...
لقيتلكم....
ود الماحي.............
أقبض .... ألحق...
ياناس حوشوا الزول ده.....
وكمان معاهو منووووووووووووو؟؟؟؟؟؟؟؟؟
معهاهو نزار ود حسن..... :eek:
العولمة جات العولمة جات العولمة جاااااااااااااااااات....
أنا من دربي ده شايل عكازي وبغشي ود المأذون وبربط ليهم بره جنب الداهي اللي إسمو كوفي شوب.... وبكسر كرعينهم لمن يقولوا الرووووووووووووووووووووووووووووب... رجعنا لي دكان ود الصول والكوفي شوب ده بنمشي نملا بطاطيرنا ساااااااااااااااه ونرجع صادين للدكان..
HAMADTO
08-08-2006, 10:58 PM
يا ابوهاشم انا كمان شايف ودالماحي قاعد ولا هارون الرشيد وحوله الجكس في الكوفي شوب ...
تعرف يا ابوهاشم يكون ود المأذون عاوز يجاري العولمة .......عشان كده ما نديهو فرصة وضمني معاك لحركة تحرير دكان ود الصول وماشي معاك للمتمرد ودالماحي بس ما عندي عكاز جهز لي واحد معاك...
http://www.wadmadani.com/up/pic/Fighting_Sports_Bully_prv.gif
أبوبكرحامد
09-08-2006, 12:30 AM
حبيبنا ودحامد
نحن داخلين الدكان عشانك يابركه نفوتك نمشي وين وقالوا الماعندو كبير اشتري ليه كبير ..... ولما ما كده ياعمُ
....
تسلم يا معتز ... ماقصرتا
أبوبكرحامد
09-08-2006, 12:33 AM
عزيز / ابو المهتدي / ود الصول / ابراهيم / الاخت قمر
هسى ياتومى الناس ديل راحوا وين؟
أبوبكرحامد
09-08-2006, 12:36 AM
[يعنى ياحمدتو فى داعى تقول الكلام ده أسع أنا مفكر أعمل طبلية سجائر بجانب الدكان لمن يتحول لسوبر ماركت أوديها وين والبلد كلها كشات[/QUOTE]
ولو جارت عليك كشات تعال لى عيونا بتشيلك
أبوبكرحامد
09-08-2006, 12:41 AM
هوى ياود الماذون ... والله انا لو مادخلت اول حاجه على الدكان .. لابقدر امشى العام ولا الثقافى..الخ ياخى البركه كلها فى دكان ود الصول
طول عمرك أصيل ياودحسن وبتعرف الواجب ، إلهى إحفظك
أبوبكرحامد
09-08-2006, 12:44 AM
عوافي
يا ناس الدكان
وهاكم الجبنة دي
من جالوص
http://bb.domaindlx.com/kanzee/soe.jpg
دى جبنة تعدل الخطوة .... شكراً ياجالوص.
أبوبكرحامد
09-08-2006, 12:48 AM
:eek:
لقيتلكم....
ود الماحي.............
..
ياود هاشم ود الماحى ده زول خلا وجنس الحاجات الفى الكوفى شوب دى مابيقدر عليها ... استنا لو ماشفتو جا راجع الدكان تانى ... أصلو العرجا لى مراحا
أبوبكرحامد
09-08-2006, 12:50 AM
يا ابوهاشم انا كمان شايف ودالماحي قاعد ولا هارون الرشيد وحوله الجكس في الكوفي شوب ...
تعرف يا ابوهاشم يكون ود المأذون عاوز يجاري العولمة .......عشان كده ما نديهو فرصة وضمني معاك لحركة تحرير دكان ود الصول وماشي معاك للمتمرد ودالماحي بس ما عندي عكاز جهز لي واحد معاك...
http://www.wadmadani.com/up/pic/Fighting_Sports_Bully_prv.gif
صورة ود الماحى دى لقيتا وين يانبيل ، بس المصوراتى فنان ، ماعارف كيف قدر غير العراقى الأغبش ولبسوا الدلاقين السمحة دى كيفن؟؟؟؟
والله يا أبوبكر وخالد هاشم قالو النسى قديمو ضله وياخالد انت عارف الكلام ده ولا شنو عارف فى مدنى من عاطف الوجيه قفل دكانو والناس مشت آخر محطة عند ناس جعفر العوض السوبر ماركت الجديد وطبعاً كل الشباب رحل من جمال التوم مروراً بعمر جعفر وعثمان ومنير وكل الشلة حتى ابو الوفاء لمن يجى من الخرطوم على آخر محطة على طول (بالمناسبة ابو الوفاء وعصام كانو معانا فى قطر قبل شهرين) انا حرمت قعاد الدكاكين لانه القعده الزمان ياحليله .
وشوف لى منصب فى حركتك دى انشاء الله مشرف على لجان .......
امير عبدالباقي
09-08-2006, 06:56 AM
الاخوه الاحباب
شايف شماراتكم كتيره اها هدي صنقيره مستنيكم
السلامى
09-08-2006, 08:07 AM
أعملو حسابكم يا أعمامنا من الجيل البقى يدخل الدكان يوماتى أنا خايف يجى يوم يحولوه لمنتدى عام وبعد داك الا تشوف ليكم ضل تلعبو فيه سيجه
أبوبكرحامد
09-08-2006, 11:31 PM
والله يا أبوبكر وخالد هاشم قالو النسى قديمو ضله وياخالد انت عارف الكلام ده ولا شنو عارف فى مدنى من عاطف الوجيه قفل دكانو والناس مشت آخر محطة عند ناس جعفر العوض السوبر ماركت الجديد وطبعاً كل الشباب رحل من جمال التوم مروراً بعمر جعفر وعثمان ومنير وكل الشلة حتى ابو الوفاء لمن يجى من الخرطوم على آخر محطة على طول (بالمناسبة ابو الوفاء وعصام كانو معانا فى قطر قبل شهرين) انا حرمت قعاد الدكاكين لانه القعده الزمان ياحليله .
وشوف لى منصب فى حركتك دى انشاء الله مشرف على لجان .......
الدكان ده يا التومى قصدنا منو نعيد ايام مدنى والضحكات البريئة .... والله ايام يازمان
أبوبكرحامد
09-08-2006, 11:33 PM
الاخوه الاحباب
شايف شماراتكم كتيره اها هدي صنقيره مستنيكم
حباب قريبى أبو ريلان ، أمانة فى الذمة يا أمير تخلوا بالكم من منتدى ودمدنيات.
أبوبكرحامد
09-08-2006, 11:34 PM
أعملو حسابكم يا أعمامنا من الجيل البقى يدخل الدكان يوماتى أنا خايف يجى يوم يحولوه لمنتدى عام وبعد داك الا تشوف ليكم ضل تلعبو فيه سيجه
البركة فيكم يا السلامى ، الدكان ومنتدى ودمدنيات أمانة فى ذمتكم
zoolfrda
09-08-2006, 11:37 PM
الله يديكم العافية وعمارة ناصية
Jamal Elmahi
10-08-2006, 03:36 AM
ها أأأناس دحين دا الدكان ولاّ أنا ضهبان...؟
العولمه تطير عيشتا ما خلّت حاجه ما هبشتا حتي الدكان....
عولمة الدكان قالوا جايبين بياعات أتنين هنود زي جميلة أبشوارب ...وأتنين حبشيات جكسا في خط سته....يعني الحمد لله التمباك ما محتاجين نسفو..عين في التمباك وعين في البزيقللي تكون أتكيفته أربعه وعشرين قيراط...دي العولمه ولاّ بلاش...
ود الماحي
نزار حسن محمد
10-08-2006, 05:24 AM
سلام ياناس الدكان ... اسمعوا الحاضر احدث الغائب عندنا عرس فى المنتدى العام .. والعريس مفاجاه من عيار الاسود .. تعالوا ساكت .. ناس عقد
امير عبدالباقي
10-08-2006, 06:33 AM
ود الماذون قريبي
لك التحيه ......... انشاءالله مابنقصر تب
لكن مادام الزيكم في مابتجي عوجه
امير عبدالباقي
10-08-2006, 06:38 AM
ود حسن اخوي
امانه الشمار ماحرقني
الرسول كمافتيتو وتخبرنا
بالمفاجئه دي النبي عليك
معتز حمدتو
10-08-2006, 11:05 AM
مفارق كيف تخلينا لشوقنا وذكري ماضينا وكيف بعدك يكون الحال وكيف تصبح ليالينا
انت موصي بشده كده مالك ياود حامد يعني خفسه في مدني لمدت ساعة تطمئن علي عيالك أن شاء الله كيفنكم
بنوصيك علي السكن جواك ما يطلع ...
نزار حسن محمد
11-08-2006, 11:25 AM
ود حسن اخوي
امانه الشمار ماحرقني
الرسول كمافتيتو وتخبرنا
بالمفاجئه دي النبي عليك
اه يالاامير .. خصمتنى بالرسول .. اه المفاجاه تلقها معلقه فوق سقف المنتدى العام .. وفوقه اسد بضرع ساكت. تعال انت بس امانه ما وقع اسد
انا يا شباب بضمن ليكم الكوفى شوب لو ما فيهو حبش من القضيبيه او راس رمان اخوكم ود المأذون ما بشتغل بيهو وكمان اليومين ديل حا يدخل القفص الذهبى يعنى لسه موجود فى الدكان اطمئنوا وختوا فى بطنكم بطيخه شتوى كان تنفع .
وده السبب الجابنا أخ ابوبكر وتسلم وشكراً ليك كتير على اللمه الحلوة دى
السلامى
13-08-2006, 04:19 AM
اه يالاامير .. خصمتنى بالرسول .. اه المفاجاه تلقها معلقه فوق سقف المنتدى العام .. وفوقه اسد بضرع ساكت. تعال انت بس امانه ما وقع اسد
مشينا هناك لكن لقينا مع الاسد ضابط أنتو دايرننا تانى مانجى المنتدى العام
امير عبدالباقي
14-08-2006, 07:21 AM
ود حسن
فتشته المنتدي العام فوق تحت مالقيت شي
زي ماقال ليك سلامي في ضابط في كشه ولا شنو
نزار حسن محمد
16-08-2006, 05:10 AM
السلامى والامير .. والله جنس حساده عليكم يعنى اسد قدر ده وكمان ضابط نجومه تسوى حى والليل وتقولوا مالقينا حاجه وكمان داير اقوليكم حاجه نحن جبنا الاسد والضابط عندنا عشان اليومين ديل عندنا حراميه حايمين فى فريقنا .. الله يستركم ..اه ابقه عشره على مدنيات وعلى الدكان.. فتكم بعافيه
محمد حسين (المميز)
16-08-2006, 10:48 PM
والله لكن دكان ودالصول بقى صيوااااان
شمارات ساااااااي
يديكم العافيــــــــه
***********
السلامى
17-08-2006, 06:01 AM
[quote=المميز]والله لكن دكان ودالصول بقى صيوااااان
شمارات
نحن ماصيوان شمارات نحن نحن الكبار البرانا ما حتعرفوا للدنيا حاجه تروحو ساكت مع العولمة لمن الواحد يبقى فيكم ذى أولاد جون الواحد فيهم لابعرف عمتو من خالتو
نحن دايرين ياأخوى المميز نرجعك للوراء لماضيك الجميل والمثل بقو ل الماعندو كبير يشترى ليه كبير
نزار حسن محمد
22-08-2006, 10:44 AM
ياناس الدكان .. السلام جاكم .. شنو الحاصل المطر والا بحر مسكت الناس فى بيوتم ولا الحاصل شنوه... الجكس والشباب الظريف قعدين فى كوفى علاء طبعا ده ما فى شارع النيل لاطين ولا مطره بتمسك الشباب ... لكن يااخوانا من غير الدكان مابنبقى والله نخوج فى موية المطر ونجيكم.. بعدين الحقوه ود الماحى مشنط ببنطلون تريفيره وقميص دموريه طابعه بالبوهيه ومتحكر وسط الشباب ولما فى اخوانا ابوعلاء وعملوا الكوفى شوب خيمة دوبيت .. ودالماحى كل مره امروق لى بره واجى امسح فى خيشموه ... ظنته داسى ليه شيتن.. بره .. الحقوه ابوعلاء من مصائب ودالماحى...
السلامى
22-08-2006, 10:35 PM
ياناس الدكان .. السلام جاكم .. شنو الحاصل المطر والا بحر مسكت الناس فى بيوتم ولا الحاصل شنوه... الجكس والشباب الظريف قعدين فى كوفى علاء طبعا ده ما فى شارع النيل لاطين ولا مطره بتمسك الشباب ... لكن يااخوانا من غير الدكان مابنبقى والله نخوج فى موية المطر ونجيكم.. بعدين الحقوه ود الماحى مشنط ببنطلون تريفيره وقميص دموريه طابعه بالبوهيه ومتحكر وسط الشباب ولما فى اخوانا ابوعلاء وعملوا الكوفى شوب خيمة دوبيت .. ودالماحى كل مره امروق لى بره واجى امسح فى خيشموه ... ظنته داسى ليه شيتن.. بره .. الحقوه ابوعلاء من مصائب ودالماحى...
والله كله حاصل ينزار ولأأسكت ساكت مش كنت بفتش الايام ديك فى المعتمد الايام دى شدة مابجى يومى بشارعنا لمن جاتوا فلايت وبعد دى مافكر يكب ليه دور ساكت ... وماشفت يانزار نحن ماغرقنا حرم بأقى لينا من البحر عشرين متر بس لحدى مافكرت أتم الباقى بحفر مجرى ودى كله عشان الناس ديك تحس وبعدين أنتو ما شلعتونا بفتح أبوعلاء كوفى شب وكدى عاين لردود أعمامك ناس ودالماحى أظن ليهم أسبوعين ماشافوا الدكان مضهبين عليكم أكيد
محمد حسين (المميز)
22-08-2006, 10:57 PM
نحن ماصيوان شمارات نحن نحن الكبار البرانا ما حتعرفوا للدنيا حاجه تروحو ساكت مع العولمة لمن الواحد يبقى فيكم ذى أولاد جون الواحد فيهم لابعرف عمتو من خالتو
نحن دايرين ياأخوى المميز نرجعك للوراء لماضيك الجميل والمثل بقو ل الماعندو كبير يشترى ليه كبير
حولااااااااااااااااا
مالك زعلت يالسلامي
شكلك فهمتني غلط ياخ :o
وانا آسف لو انت فهمت قصدي غلط
لكن انا من باب المداعبه قلت كلامي ده
وانا رغم اني قعدت في السودان فترات متقطعه لكن قعدت في برندات الدكاكين حقت سوقها كله ويا محلاها الونسه مع الرجال الكبار :p
ههههههههههه
ماتفهمنيش غلط ;)
***************
السلامى
24-08-2006, 01:14 AM
حولااااااااااااااااا
مالك زعلت يالسلامي
شكلك فهمتني غلط ياخ :o
وانا آسف لو انت فهمت قصدي غلط
لكن انا من باب المداعبه قلت كلامي ده
وانا رغم اني قعدت في السودان فترات متقطعه لكن قعدت في برندات الدكاكين حقت سوقها كله ويا محلاها الونسه مع الرجال الكبار :p
ههههههههههه
ماتفهمنيش غلط ;)
***************
المميز أناليس من طباعى الزعل ودى تسخينه ساكت عملتها ونحن هنا غير المحنه دايرين شنو وأهدى اليك أغنية كوكب أفريقيه ندى القلعه ( فهمونى غلط ) بس أبت تنزل يازول ردد معاى فهونى غلط .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. ...........
محمد حسين (المميز)
25-08-2006, 08:34 AM
المميز أناليس من طباعى الزعل ودى تسخينه ساكت عملتها ونحن هنا غير المحنه دايرين شنو وأهدى اليك أغنية كوكب أفريقيه ندى القلعه ( فهمونى غلط ) بس أبت تنزل يازول ردد معاى فهونى غلط .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. ...........
لاموني الناس فهموني غلـــــط :( ..........
ههههههههههههه
تسلم يالسلامي
**************
السلامى
28-08-2006, 11:31 PM
عوووك ياناس الحكايه شنو الدكان جاتو شنو مابتجو تزوروه
نزار حسن محمد
29-08-2006, 12:12 AM
السلامى ..ياأأأخوى .. هاك الوصفه السحريه دى
اول حاجه تقوم تمشى سوق الفرشات الوراء ميز الاطباء تلقى الحبوبات عندهم بخور تيمان اشترى قدر ماتقدر
اه بأااخوى ..غشت عينك من النوم تصلى الفجر حاضر بعد داك تولع الفحم وتخد البخور .. وتقول ياعين ياعنيه ياكافره يانصرانيه عين الفتاه تقد الوطه وعين الحسود فيها عود ... من عين ناس المنتدى العام ومن عين ناس الثقافى .. ومن عين ناس جريدة الجزيره .. ومن عين ناس الاقترحات .. ومن عين ناس المشرفين .. وتشيل من حبوب الدكان من كل حاجه شويه شويه وترميها للحمام وبعد داك شوف البحصل شنوا للدكان ... سمح ياأأأبوى.. اه ودعتك الله .
أبوبكرحامد
29-08-2006, 03:55 AM
بعدين الحقوه ود الماحى مشنط ببنطلون تريفيره وقميص دموريه طابعه بالبوهيه ..
لاحولا .. يانزار .. ياجنا والله انتا قديم قدم غريب ، من زمن التريفيرة والدمورية مطبوعة بالبوهية . :D :D :)
Jamal Elmahi
29-08-2006, 05:29 AM
لاحولا .. يانزار .. ياجنا والله انتا قديم قدم غريب ، من زمن التريفيرة والدمورية مطبوعة بالبوهية . :D :D :)
ود الماذون أمانه ما ليك وحشه أأأبوي....بعافيتك أأأبوي قالوا لي المره وصلتك وبقيت الشمش ما بتشوفا ومن كترت المسوح بقيت ترقش زي الخرتوم بالليل ...ربنا يسعدكم ويهنيكم ....
كلام ود حسن ما وقع واطه ..التريقيرا الله بسعلني لبستها وكمان شارلستون وحتتها الدموريه والوكت داك خلينا البطان وبقينا نرقص هورسي ...شدّه وغسيل عدّه....
ود الماذون أنا عازمك في الكوفي شوب باقي اليومين ديل بقسّم لي في زيت سمسم ...واليومين ديل بتحتاج ليهو أأأبوي أسعلني أنا من زيت السمسم...بس جيب جركانتك وتعال....
جمال الماحي
أبوبكرحامد
29-08-2006, 11:16 PM
ود الماذون أمانه ما ليك وحشه أأأبوي....بعافيتك أأأبوي قالوا لي المره وصلتك وبقيت الشمش ما بتشوفا ومن كترت المسوح بقيت ترقش زي الخرتوم بالليل ...ربنا يسعدكم ويهنيكم ....
كلام ود حسن ما وقع واطه ..التريقيرا الله بسعلني لبستها وكمان شارلستون وحتتها الدموريه والوكت داك خلينا البطان وبقينا نرقص هورسي ...شدّه وغسيل عدّه....
ود الماذون أنا عازمك في الكوفي شوب باقي اليومين ديل بقسّم لي في زيت سمسم ...واليومين ديل بتحتاج ليهو أأأبوي أسعلني أنا من زيت السمسم...بس جيب جركانتك وتعال....
جمال الماحي
ود الماحى خوى يللا الزراعة ... أصلو العرس واجبوا السراعة ... فى الجزيرة نعصر سمسمنا .. نزرع نتيرب نحقق أملنا
المرا آبوى بتجى بعد اسبوع ان الله هوَّن ، أمانة ماوقع راجل آود الماحى ، بقن على رمضان ومرا ، جنس نشاف ريق ، غايتو أن انعصرتا عندى رخصة السكرى ، وحات أبوك وأبوى ست أسلها واتفن فى الواطة واجغم الموية الماخمج .
السلامى
29-08-2006, 11:57 PM
السلامى ..ياأأأخوى .. هاك الوصفه السحريه دى
اول حاجه تقوم تمشى سوق الفرشات الوراء ميز الاطباء تلقى الحبوبات عندهم بخور تيمان اشترى قدر ماتقدر
اه بأااخوى ..غشت عينك من النوم تصلى الفجر حاضر بعد داك تولع الفحم وتخد البخور .. وتقول ياعين ياعنيه ياكافره يانصرانيه عين الفتاه تقد الوطه وعين الحسود فيها عود ... من عين ناس المنتدى العام ومن عين ناس الثقافى .. ومن عين ناس جريدة الجزيره .. ومن عين ناس الاقترحات .. ومن عين ناس المشرفين .. وتشيل من حبوب الدكان من كل حاجه شويه شويه وترميها للحمام وبعد داك شوف البحصل شنوا للدكان ... سمح ياأأأبوى.. اه ودعتك الله .
ودحسن أخير لى من وصفتك دى تورينى محل فكى كارب يرجع لينا ناسنا الطفشو للكوفى شوب
نزار حسن محمد
30-08-2006, 12:44 AM
لاحولا .. يانزار .. ياجنا والله انتا قديم قدم غريب ، من زمن التريفيرة والدمورية مطبوعة بالبوهية . :D :D :)
ود الماذون .. العريس انأ عجبنى ليه سيرته بالخميس انأ عجبنى ليه ....
هوى .. ياود الماذون اتحزم وتكرب .. وارفع راس الجزيره ياخضورى
آه كدى النحكى ليك على الزمن الجميل والله ياود الماذون ياحليل ايام التريفيرا والجزمه الكموش والحزام ابو حديده لنص الصره والله كانت جنس قشره تمشى آه وتتقدل كدى ويادنيا ما فيك الا انا بعدين يوم تكون قاشر لازم تمشى استديوا النيل الازرق للتوثيق بس الصور دى سريه للغايه .
وكان للرقيص اياما ديك كان اسمه الجركى والهورس غايتو التوستى لحقنه ايامه الاخيره.. وبعدين بين الفاصل كان فى غناء البنت وفى اغنيه للرقيص بالمنديل البنت ترمى المنديل فى الولد العاجبه والعكس ياحليلنا منها الزايله
نزار حسن محمد
30-08-2006, 12:50 AM
ودحسن أخير لى من وصفتك دى تورينى محل فكى كارب يرجع لينا ناسنا الطفشو للكوفى شوب
السلامى ياأأأبوى .. الناس عينم للعصائر والكابتشينو والتفاح والجكسى النضيف البجيبم شنوا للشطه والكثبره والقرنجال ... باأأأبوى احمد الله على الوصفه دى وماتفرض ناس الضرائب حايمين .
rasheed
30-08-2006, 03:22 AM
ود المأذون ود الماحي ود أبودجانة ود حسن السلامي تومي المميز وأمير هاااااااااااااا ناس السلام عليكن كيفكن طيبين شديدين بالحيل أخباركن والله مشتاق ليكن جنس شوق بس علا ما عارف أقولكم شنو غير الشمار الوصلني وقالو لي في شيتاً جديد أسمو الكوفو شب ولا ما كدي دحي شال الناس كلهن من دكان ود الصول المسيكين علا ما مشيت عليه قلت العرجا لمراحا وقلت أجي بجاي عشان أشوف الكلام صحي ولا ساكت كضب كضب والله يكضب الشينة دحين منتزركم تدوني الشمار عن الموضوع ده ،، وطبعاً أطمنت بعد ما لقيت ود الماحي وود الماذون قاعدين لكن الشمار وصلني وقالوا أخدليهم طله كده لكن ود الماحي ما لقا محل يبزق فيه سفتو جا راجع ،، وبرضو العرجا لمراحا ود الماحي تحياتي وقبلت دعوتك لكييين جيت متأخر وأت عارف الظروف ،، أها أرح يا ود حسن عندك لينا شنو مفاجعتك دي ما عرفناه جينا جداد ورينا بدون ما نخصمك ،،، الرشيد الوقل
Jamal Elmahi
30-08-2006, 12:28 PM
ود الماحى خوى يللا الزراعة ... أصلو العرس واجبوا السراعة ... فى الجزيرة نعصر سمسمنا .. نزرع نتيرب نحقق أملنا
المرا آبوى بتجى بعد اسبوع ان الله هوَّن ، أمانة ماوقع راجل آود الماحى ، بقن على رمضان ومرا ، جنس نشاف ريق ، غايتو أن انعصرتا عندى رخصة السكرى ، وحات أبوك وأبوى ست أسلها واتفن فى الواطة واجغم الموية الماخمج .
ود الماذون أأأبوي السكري كان خارجك من رمضان البخارجك من المرا شنو؟ كان لقيت ليك بصاره للمرا ما تنسي أخوك...المرا مرّه قالت لي والله البقرأ بوستاتك دي اقول أنا منجضاك نجاض!!! قلته ليها بوستاتي دي عشان تبعد مننا العين والعرض الشين ...قالت لي والله أخير العين من بوستاتك دي ...فالمرا ما توريها درب المنتدي ...هسه ما شايف أخوك يدو ملويه...بالله كان قحيت ساي في غضب الله ...والعجب أيام البلازما ديك بالله سعلوني سعال نكير....ما ترقد لهن في أمان ....الراعي واعي أأأبوي...
جمال الماحي
Jamal Elmahi
30-08-2006, 12:38 PM
ود المأذون ود الماحي ود أبودجانة ود حسن السلامي تومي المميز وأمير هاااااااااااااا ناس السلام عليكن كيفكن طيبين شديدين بالحيل أخباركن والله مشتاق ليكن جنس شوق بس علا ما عارف أقولكم شنو غير الشمار الوصلني وقالو لي في شيتاً جديد أسمو الكوفو شب ولا ما كدي دحي شال الناس كلهن من دكان ود الصول المسيكين علا ما مشيت عليه قلت العرجا لمراحا وقلت أجي بجاي عشان أشوف الكلام صحي ولا ساكت كضب كضب والله يكضب الشينة دحين منتزركم تدوني الشمار عن الموضوع ده ،، وطبعاً أطمنت بعد ما لقيت ود الماحي وود الماذون قاعدين لكن الشمار وصلني وقالوا أخدليهم طله كده لكن ود الماحي ما لقا محل يبزق فيه سفتو جا راجع ،، وبرضو العرجا لمراحا ود الماحي تحياتي وقبلت دعوتك لكييين جيت متأخر وأت عارف الظروف ،، أها أرح يا ود حسن عندك لينا شنو مفاجعتك دي ما عرفناه جينا جداد ورينا بدون ما نخصمك ،،، الرشيد الوقل
حباب الرشيد...
النصيحه لي الله ...الكوفي ريحتو ساي ترد الروح...وأخوك سفتو ديمه بالعا ...ومرات تعشرق لي...المرا مرات تلحقني في الكوفي وتجرني من العراقي للبيت...غايتو شغلم نضيف والجكس نضيف والكوفي شيتاَ وسخان غيرنا مافي بس النفوس متطايبه وابوعلا كان ختوهو فوق الجرح يطيب وأبراهومه والله لغاية الشيشه جابا لي ...زورنا أأأبوي في الكوفي باقي اليومين ديل بوزع لي في زيت سمسم وظنيتك محتاج ليهو ....أقرأ كتلوج زيت السمسم والعمايل البعملا في الكوفي....جيب جركانتك وتعال أأأبوي...
جمال الماحي
خالد أحمد الصول
30-08-2006, 09:56 PM
يا أحلي ناس يا ناس الدكان
كلكم علي بعضكم كدي حلوييين تقول جايبنكم من الحلواني
والله الواحد لما يدخل أقل حاجة عاوز ليهو 3 ساعات
وكل مناي الواحد يقابلكم واحد واحد لانكم من آخر سلالة الزمن الجميل
يحفظكم الله و يخليكم ويزيدكم من نعموا
بس عاوزكم تدعوا لي أخوكم عشان 3 حاجات:
1. أن تجي الماهية الشهر دة يوم 10 في الشهر
2. أن يفك ممنا جبص الفلس
3. أن يفتح لينا من خزاينو
السلامى
02-09-2006, 12:27 AM
يا أحلي ناس يا ناس الدكان
كلكم علي بعضكم كدي حلوييين تقول جايبنكم من الحلواني
والله الواحد لما يدخل أقل حاجة عاوز ليهو 3 ساعات
وكل مناي الواحد يقابلكم واحد واحد لانكم من آخر سلالة الزمن الجميل
يحفظكم الله و يخليكم ويزيدكم من نعموا
بس عاوزكم تدعوا لي أخوكم عشان 3 حاجات:
1. أن تجي الماهية الشهر دة يوم 10 في الشهر
2. أن يفك ممنا جبص الفلس
3. أن يفتح لينا من خزاينو
أخوى ود الصول جوائز ودحسن أنا شايفها أقرب من المرتبات واليوم أنا كنت فى البنك وأوريك شمار ولا أقوليك ما أطمم بطنك
zoolfrda
02-09-2006, 12:38 AM
ناس الدكان الطيبين ... سلام عليكم ... من كبيركم لصغيركم
والله يا ود الصول يا خوي رمضان آخر الشهر وعيد آخر الشهر ..قول يا لطيف بس ...
السلامى
04-09-2006, 12:27 AM
ناس الدكان الطيبين ... سلام عليكم ... من كبيركم لصغيركم
والله يا ود الصول يا خوي رمضان آخر الشهر وعيد آخر الشهر ..قول يا لطيف بس ...
يعنى نشوف لينا جامع من أسع ولا أقول ليك ننتظر زكاة الفطر من ناس الريالات والدراهم بالله ماتنسوناهاهاههاه
نزار حسن محمد
09-09-2006, 11:08 AM
والله ياحليلك .. وياحليل ... ايامك ...يالدكان... عوووك ياناس... النسه.. قديموه تاه... السلامى كدى ياخوى خته لك مكنة شاورما امكن جكسى الجامعه اجى وقطع شك اعمامك بجوه... ودحسن
zoolfrda
09-09-2006, 08:56 PM
يعنى نشوف لينا جامع من أسع ولا أقول ليك ننتظر زكاة الفطر من ناس الريالات والدراهم بالله ماتنسوناهاهاههاه
والله يا السلامي
عندنا حبوبتنا كان جات قعدت معانا شهر
لمن جات ماشا عارف قالت شنو ؟
قالت: إتوا يا المغتربين حاله عليكم الصدقة !!!!
:D ههههههههههههههه :D
السلامى
10-09-2006, 12:10 AM
والله ياحليلك .. وياحليل ... ايامك ...يالدكان... عوووك ياناس... النسه.. قديموه تاه... السلامى كدى ياخوى خته لك مكنة شاورما امكن جكسى الجامعه اجى وقطع شك اعمامك بجوه... ودحسن
والله يانزار الا ترجع أعمامك اللابدين فى الركن المظلم بتاعكم داك حتن الدكان يعمر وما قلت ليكم من أول ما تعملوا ليكم تربيزة ضمنه
نزار حسن محمد
10-09-2006, 01:02 AM
السلامى .. انت فى دكان ماعندكم تمر قديم .....كدى شوف ليك معه شوية مويه وخميره ... وبعد داك اسالنى.من اعمامك...
أبوبكرحامد
10-09-2006, 03:09 AM
السلامى .. انت فى دكان ماعندكم تمر قديم .....كدى شوف ليك معه شوية مويه وخميره ... وبعد داك اسالنى.من اعمامك...
حبابكم ناس الدكان ، معليش شغلتنا المعايش شوية ، وياود حسن بى كلامك ده هسى ود الماحى بجيك طاير اصلو بريد التمر وعصير البلح.
السلامى
11-09-2006, 12:38 AM
حبابكم ناس الدكان ، معليش شغلتنا المعايش شوية ، وياود حسن بى كلامك ده هسى ود الماحى بجيك طاير اصلو بريد التمر وعصير البلح.
حمدلله على السلامه وأول حاجه أعملها لينا جيب الجماعه ديل محدقاتنا بقت دقليه بكسره رهيفه عديييل
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir