ما هو؟؟؟؟

[ياسر فقيري]

والله يا أخوانا رسالة على الجوال خلتني أحك راسي ساعتين لقيت كبير مشرفينا حمدتو على الماسنجر قبل ما اسلم عليه أديه الرسالة .. وقلنا نشرك الناس معانا يمكن نلقى حل ..
***///***///***///***///***///***///***///***///***///***///***///***///

الرسالة بتقول ..

أبيض من الثلج وأسود من الليل .. أكله حرام وشربه حلال .. يتكون من خمسة حروف ويبدأ بحرف الميم .. يستعمله الرجال ثلاثة مرات في اليوم وتستعمله المرأة مرة واحدة في العمر :rolleyes:

***////****////****////****////****///***///***///***///***///***///***///***///***///***///***

يا شباب أنا ما عارف الحل لحدي الآن والزول الرسل لي الرسالة المشكلة هو ذاتو ما عارف الحل .. يعني محاولاتكم ممكن تفيدني أنا ذاتي :confused:

[أبوبكرحامد]

ود فقيرى ......... المصحيك لى هسى شنو ؟ ولاتكون نايم وجاك اب كباس .
والله راسى وجعنى من التفكير وماوصلتا لى نتيجة.

[zoolfrda]

الحل هو :

المقابر

ولتوضيح الإجابة أكثر :
* أبيض من الثلج وأسود من الليل
(بحسب عمل كل إمرئ)

* أكله حرام وشربه حرام
(أي إشعال النار للطبخ في بيت العزاء وإقامة الولائم لا يجوز شرعاً أما الشراب فيه فجائز)

* مكون من خمسة حروف
(م ق ا ب ر)

* مذكور في القرآن الكريم لقوله تعالى
(ألهاكم التكائر حتى زرتم المقابر)

* يستخدمه الرجال ثلاث مرات يومياً والمرأة تستخدمه مره في العمر

يعمله الرجل ثلاث مرات في اليوم : (ثلاثة أوقات يدخل الرجل المقبره :
1. من ارتفاع الشمس قيد رمح إلى قيامها.
2. من بعد زوال الشمس إلى قبل الغروب
3. من بعد غروب الشمس إلى قبل الإشراق

أما المرأه فمنهية عن زيارة المقابر ولا تدخلها إلا مرة في حياتها عند موتها لتدفن
(وإن كان أن هناك من العلماء من يقول بجواز الزيارة للعبرة ودخولها في عموم قوله صلى الله عليه وسلم: كنت
نهيتكم عن زيارة القبور فزوروها فإنها تذكر لآخرة)


مشكور يا حبيبنا ياسر فقيري

[فوزيه]

والله يا زول يا فرده ما خليت شي من توضيح

انشاء الله الاجابه تكون صحيحه يافقيري

[عزيز عيسى]

انت يا ياسر أكيد بعد ما مر عليكم الكسوف جاكم أب كباس زي ما قال أبوبكر.. هههههه
قبل فترة واحدة من العضوات سألت سؤال مشابه
ولحدي الآن بحك في راسي وما قدرت أتوصل للإجابة.
الاخ عبدالمنعم (زول فرده) أتى بتوضيح شبه مقنع لكن بختلف معاهو
في مسألة أكله حرام وشربه حلال.
أكيد يكون في حد عارف الاجابة.. ننتظر باقي المتداخلين.

[ياسر فقيري]

والله يا أستاذي أبو بكر حامد السبب المصحيني دا هو ذاتو.. اللغز ؟؟؟؟
بس شكلك ما حاولت تشوف لينا حل ..

[ياسر فقيري]

والله يا زول يا فردة إجابتك مقنعة جداً وأظنها صحيحة .. لكن كدا خلينا نشوف إمكن في زول عندو راي تاني ..

لك كل الود مع كثير الاحترام

[ياسر فقيري]

والله يا فوزية يا أختي أنا ذاتي ما عارف الإجابة الصحيحة بس على قولك الزول الفردة ما قصر وزي ما قلت إمكن إجاتبو مقنعة جداً

[ياسر فقيري]

انت يا ياسر أكيد بعد ما مر عليكم الكسوف جاكم أب كباس زي ما قال أبوبكر.. هههههه
قبل فترة واحدة من العضوات سألت سؤال مشابه
ولحدي الآن بحك في راسي وما قدرت أتوصل للإجابة.
الاخ عبدالمنعم (زول فرده) أتى بتوضيح شبه مقنع لكن بختلف معاهو
في مسألة أكله حرام وشربه حلال.
أكيد يكون في حد عارف الاجابة.. ننتظر باقي المتداخلين.

والله يا أستاذ عزيز أنا ذاتي ما عارف الخليني أهبش العقارب في جحورها بالليل شنو .. براي من زمان هاباش :D لكن الحمد لله الزول الفردة شكلو مرقنا من المهابشة ..

[Jamal Elmahi]

الحل هو :

المقابر

* أكله حرام وشربه حرام
(أي إشعال النار للطبخ في بيت العزاء وإقامة الولائم لا يجوز شرعاً أما الشراب فيه فجائز)

* مكون من خمسة حروف
(م ق ا ب ر)



يا أخوانه فردا يا قايم بيهو الاقاشيه ذي ما قال أخونا عزيز وداير يقوم بينا سدّاري....أو حلمان انو هو الشيخ القرضاوي واقع فينا فتاوي....
أءتنا ياقرضاوي بدليل من الكتاب أو السنّه أنو أشعال النار للطبيخ لايجوز شرعاَ!!!!!! نحن كان ما متنا أأأبوي شقينا المقابر....

ثانياَ مين قالك يا قرضاوي الاوقات الذكرتها دي ثلاثه أوقات....انتي ذكرته اليوم كلّو ...بالاضافه لانو ذيارة المقابر ما محدده بوقت معيّن....

مشاققه...
الحل يا حبايب....هو ( مقالب) وليس مقابر.....قال مقابر قال....هاك الكفن دا....

ود الماحي

[زيكو منيب]

الحل هو :

المقابر

ولتوضيح الإجابة أكثر :
* أبيض من الثلج وأسود من الليل
(بحسب عمل كل إمرئ)

* أكله حرام وشربه حرام
(أي إشعال النار للطبخ في بيت العزاء وإقامة الولائم لا يجوز شرعاً أما الشراب فيه فجائز)

* مكون من خمسة حروف
(م ق ا ب ر)

* مذكور في القرآن الكريم لقوله تعالى
(ألهاكم التكائر حتى زرتم المقابر)

* يستخدمه الرجال ثلاث مرات يومياً والمرأة تستخدمه مره في العمر

يعمله الرجل ثلاث مرات في اليوم : (ثلاثة أوقات يدخل الرجل المقبره :
1. من ارتفاع الشمس قيد رمح إلى قيامها.
2. من بعد زوال الشمس إلى قبل الغروب
3. من بعد غروب الشمس إلى قبل الإشراق

أما المرأه فمنهية عن زيارة المقابر ولا تدخلها إلا مرة في حياتها عند موتها لتدفن
(وإن كان أن هناك من العلماء من يقول بجواز الزيارة للعبرة ودخولها في عموم قوله صلى الله عليه وسلم: كنت
نهيتكم عن زيارة القبور فزوروها فإنها تذكر لآخرة)


مشكور يا حبيبنا ياسر فقيري
ماك سااااااااااااهل يا فردة

[معتز حمدتو]

ابني عمي مساء الخيرات
الحل نفس ما قال ليك عبدالمنعم زنون وهي رسالة اظنها منتشرة في المملكة السعودية وهي تذكير بالموت وحسن العمل والتفات الناس الي الطريق المستقيم والبعد عن ما يكثر من الذنوب واسال الله لكل المسلمين التوفيق واتباع طريق الصواب اقتدائا بحبيبنا محمد صلي الله عليه وسلم .
بعدين ذي ما قال ليك ود حامد المصحيك اكيد ما السؤال لكن الزوجة البعيدة !!! ده انت يا بن عمي لا زلت في البر ...

[ياسر فقيري]

ابني عمي مساء الخيرات
الحل نفس ما قال ليك عبدالمنعم زنون وهي رسالة اظنها منتشرة في المملكة السعودية وهي تذكير بالموت وحسن العمل والتفات الناس الي الطريق المستقيم والبعد عن ما يكثر من الذنوب واسال الله لكل المسلمين التوفيق واتباع طريق الصواب اقتدائا بحبيبنا محمد صلي الله عليه وسلم .
بعدين ذي ما قال ليك ود حامد المصحيك اكيد ما السؤال لكن الزوجة البعيدة !!! ده انت يا بن عمي لا زلت في البر ...

ابن عمي العزيز حمدتو .. والله الرسالة دي خلتني أزازي زي المجنون من موقع لي موقع إمكن ألقى حل في النهاية جاني مارق نبيل حمدتو على الماسنجر .. قلت ليه الرسالة قعد شوية ساكت بعدين استأذن وطلع ولي الليلة ما عارف الحصل عليه شنو :p أنا خايفو يكون مزازي بالإمارات كلها .. بعدين والله يا معتز البر دا جاف جداً عشان كدا دايرين نخش البحر معاكم

[معتز حمدتو]

نبيل سكت وطلع من الماسنجر بقي سرحان في السودان لان مسافر غدا ان شاء الله 6/4/2006م وحصل احتمال تكون عندك وصية لام الاولاد .
بعدين يابن عمي البتبلبل بعوم مالك ومال البر ابقي داخل .