نيلين و الأرض عشم

[ود بدر]

نيلين و الأرض عشم
والغيم شال هطل فى تقاسيم الوجع
وفاض صوت الرعد
وفات شايل البروق ورحل جوه الدواخل
وقف
وقف حيل الصبر مصلوب
ويفتش ليك بين أهاتو ليل طويل
مستنيك تكون جوانا
نيل
وسهر
وسفر
وانت ماجيتي
بحاول ارجع تانى من أول
ذى الخطوة البترتع بين مداراتك
وما بتقيف
شايله
تتفاصيل الوجع
سحابات الأسي
الما ... بتهطل
ولابتظلل
ولابتكب
شايلك جوه فى دروب جروف الزرع
العطشانة للمطر الماهطل
وشايفك فى كفوف اطفال بنادوا
للقمرة والشوق والمطر
سافرى جوه الريد
سافرى
وأرحلى ياوجع الكتابات
الأبت تطلع ذى
المطر
و
الغيم
لما عشمنا بالخريف
وأرضعنا مسامات الطريق
وأشبعنا بحلم الأنتظار
وماهطل مطر
ولا
طللنا غيم
واتوسط أطفالنا فرح
وريحة دعاش وماهطل
أتاريك مدفونة
جوه الطين
جوه الأرض
ومستنيه المطر
حليلك
يلا أطلعى يامواجع
مازمان بكيتك فى زمن حرقتى
وبكيتك وجع فرقتى
وزرعتك فرحة مطر
وعيون ناس غلابة بتتشابى للسحاب
وبتترجى الآسى
شان الزرع
شان الأرض
شان يبقو نيلين
نيل للأرض
ونيل يجرى فيك
وتتبخر منو سحابات الوجع
شان الأرض
شان تمرقى من جوه
وتنبتي فينى
زهرة ورد
ابقى نيلين
ودأخلينى
وماتخافى ؟؟
من جفاف الأرض
ويباس الزرع
وصبى نيل
وخوف فينى
وابقى نيلين جواى

[سواااح]

اخي وصديقي ود بدر ..

اسعدني جدا السفر داخل كلماتك الجميلة والانيقة

وهذا يدل علي ان قلمك مشبع بالحب والاحساس المتميز

مع وجود نسمات ريحان تعبق المكان حولك

دمـــــــــــــــــــــت ،،

[ود بدر]

اخي وصديقي ود بدر ..

اسعدني جدا السفر داخل كلماتك الجميلة والانيقة

وهذا يدل علي ان قلمك مشبع بالحب والاحساس المتميز

مع وجود نسمات ريحان تعبق المكان حولك

دمـــــــــــــــــــــت ،، عفوا تكرر الموضوع

[ود بدر]

اخي وصديقي ود بدر ..

اسعدني جدا السفر داخل كلماتك الجميلة والانيقة

وهذا يدل علي ان قلمك مشبع بالحب والاحساس المتميز

مع وجود نسمات ريحان تعبق المكان حولك

دمـــــــــــــــــــــت ،،


سواح
أنت دوما ً تدهشنا بالإقتراب
من مرافى الشط وحدك من يستطيع
انتشالنا من بورة احزاننا برغم بعد المسافة
التى باتت تفصل هذه الحروف عن الكلمات لك الله
فى كل خطوه وهانذا أمد يراعى نوحك لأعلمه كيف له
ان يحنى راسه أمام حضورك الآثم فينا
لك منى الود