لوحة وداع

[ابراهيم]

باقى الخيوط .. الباقية كان ..!!
اتقّطعت ..
رغم إنقطاع حبل العشم ..
وإستحالة الرجعة ليك
منى الدموع ...
اتدفقت
رسمت على خد الحزن
لوحة وداع
وإعلان نهايات ما ابتدت
إيقنت إنو الحب وهم
زرعوه ناس قيس من زمان
لا وصلو
لا الناس إهتدت

ما ليلى كان زيك كدة
وكانت نهاية قيس عذاب
وعبلة في نفس الدرب
جرّعت عنتر سراب
وكتير زمان قبلينا كم
باعو العمر
وهبو الشباب
وأدنى إحتمالات العشم
لو يلقو بس للريدة باب
بس كان وهم
كل اللقوه في الريدة
كان شي من سراب
هم وإكتئاب

وأنا مقتنع ..
إنو البحب ... تب ما بشوف
يلقى الجراحات ضفتو
وتعاندو في السكة الظروف
والهم يحاصر دنيتو
قلبو الرهيف يتشاقى خوف
برضو بيسارق خطوتو
يهمس شعر ويصيغ حروف
رغماً عليه
مكتوب محال في سكتو
كيف ما وهم ..!!؟

يا حلوة انسى خلاص بقى
ما قلبى كان تايه زمن
متجرع الويل والشقى
ولهان بفتش باب عليك
لا لمّ فيك ..
لا هو إتلقى ..
وكل الخيوط اتقطعت
يا ريدة كنت مصدقها

تلش/2002

[سواااح]

انيق الكلمات .. ابراهـــــــيم ..

احسست تفاصيل هذه اللوحة دون ان اراها

من ضربات اصابعك المدهشة

علي قماشها المشدود امامك

مزجت الالوان ،

تداخلت مع بعضها ،

ولدت لوحة حزن مع ذلك .. جميلة ،

وازيدك ..

حتي لو هي نسيت او تناست

فنحن لن ننسي حزنك النبيل ...

دمـــــــــــــــت ،،

[elfatih61]

الله يديك العافية برهوم00

ياربي تلقى الحب اللي يخلي الجراحات
ما تقيف في ضفتك00 ولا تعاندك ظروف السكة
ولا الهم يحاصــر دنيتــــك 00 وتتلمى كل الخيوط
القطعوها ليــك دي 00
ودمت

[الامين]

عزيزي : ابراهيم

صاحب الحضور المتميز : دائما

الدنيا .... كتاب ... في قصة
لها بداية .............. ونهاية


لك التحية
تخريمة كدة ( وين الصور) :)

[ياسر فقيري]

وأنا مقتنع ..
إنو البحب ... تب ما بشوف
يلقى الجراحات ضفتو
وتعاندو في السكة الظروف
والهم يحاصر دنيتو
قلبو الرهيف يتشاقى خوف
برضو بيسارق خطوتو
يهمس شعر ويصيغ حروف
رغماً عليه
مكتوب محال في سكتو
كيف ما وهم ..!!؟
***************************************
زي ما بقولو ا أخوانا الخليجيين ..

( صح لسانك يا برهومة )

[عمار بيلي]

حتي الحزن يا إبراهيم إستطعت ان تجد له
كلمات انيقة ..
حتي حزنك يتسم بالجمال .. والصدق .. والأدب

[اميمه عشريه]

انت لم ترسم هذه اللوحه انت نزفتها .. ابراهيم جميله ورقيقه عباراتك الطابع ده من الكتابات لايق عليك وجميل فيك .. دمت

[ود بدر]

إبرااااااااااااااااااااااااهيم

جيتك أسابق فى ريح العشم ....
وسط الدعاش ....
جيتك مليان أنفاس شوق ...
وختيتك جواى رغم بعد المسافات ..
أساسق فى طل الكضب ....
وقلت اكيد بلقاك ....
فى جروف السراب مزروع عشم للمواعيد الما جات .....
اتاريك ...
وهم وزيف ونفاق للزمن الوقف وإستناك تدق الباب ....
تاكيتك الزمن الماجيت ومستنيك ....
وكم غيرك بكسر الليل ... بصراخ الوجع
أتاريك ياريد كنت نفاق


شكرا ً ياصاحب الكلمة الأنيقة
وشكرا ً لك على هذه الكلمات وربنا يديك العافيه

[ابراهيم]

صديقي
ســــــــــــــــواح
تكفيني السياحة في محيط كلماتك الرزينة والمتزنة
وروعة حضورك وقتما حضرت
وعزائي أنها أحزان أكل عليها الدهر وشرب
أحياناً يكون للأحزان الفائتة نكهة طيبة في الدواخل
لك ودي اخى سواح
اسعد بقدومك دوماً

[ابراهيم]

آمين أخوى الفاتح
ودعوتك دي نشيلها انا وانت ونشتتها للناس ونملا الدنيا حب وفرح

دعني أهمس لك أخى الفاتح بأنه
لإطلالتك طعم مميز اترغبها في هذه الأركان
وهأنت هنا تزين البوست ليتجمل بك
لك تقديري دوماً

[ابراهيم]

أخي الأمين
معطر تحياتي



الدنيا .... كتاب ... في قصة
لها بداية .............. ونهاية

وفي رواية أخرى لكل بداية ونهاية
ولكن تتباين النهايات ...
أمنياتي لك ولي وللجميع بنهايات ناضرة مخضرة دوماً
وابقى طيب يا صديق حتى الملتقى

[أبوبكرحامد]

ندى الحروف ........ أبوخليل
بحثت عن أحرف بقامة وأناقة أحرفك ، فوجدت الكيبورد محدود الأحرف فما عساى أخط هنا سوى شهقة وبسمة ودعوة بأن يبقى هذا الألق .

[ابراهيم]

***************************************
زي ما بقولو ا أخوانا الخليجيين ..

( صح لسانك يا برهومة )

لك تحياتي أخى ياسر
واشواقي
وزي ما قال الفنان
بي زيارتك بيتنا نور
والله نور وكلو زينة
بكم دوماً تتزين الأماكن
وابقى طيب

[ابراهيم]

حتي الحزن يا إبراهيم إستطعت ان تجد له

كلمات انيقة ..
حتي حزنك يتسم بالجمال .. والصدق .. والأدب


بيلي ..
أيا إنساناً يسكنه الفرح كل الأوقات
ترتسم الشاعرية دوماً وتسكن حروفك
حتى في حديثك العادي
هل وجدت الأناقة والجمال إلاك درباً
إذاً فدلنا لكى لا نتوه
ايا شفافاً يأتى سرياً ليس سيراً
لتعلم إني لا ألهث كثيراً حين الاسترسال اليك
فتلقئايتك اصابتني منذ زمن
كيف لا وانت تقاسمنى حزني وتشاركني فرحي
تحياتي ايها الشاعر

[ابراهيم]

انت لم ترسم هذه اللوحه انت نزفتها .. ابراهيم جميله ورقيقه عباراتك الطابع ده من الكتابات لايق عليك وجميل فيك .. دمت

في "مفكرتي الخالية" تفاجأت بأنها خالية إلا من افراح ولقاءات قادمة وأمسيات رزينة
فكانت لي "الف أمنية صغيرة" وهي مجرد كلمات احاول جمعها وترتيبها فأجدها "شيء خطير جداً"
و"يضيع الكلام" فعفواً أختى أميمة لـ"الخروج عن النص"
ففي حضرتكم يتسع الفرح وتضيق اللغة او تتسع فيصعب الاختيار.
وتقف الدهشة اعجاباً وشكراً وتقديراً بقدر ما ابدعتم

[bakri]

اخى ابراهيم

معاك تتوة خطاوى الشوق
نسير فى سكه الاقدار
لابنخاف قدر باكر
ولابنشيل شقا الايام
نقابلك وانت اجمل وعد
نفارقك وبرضو مشتاقين


تسلم يارائع

[سوباوي]

الشفيف .. إبراهيم ..

فلنغزل .. سوياً يا عزيزي ما تبقى من خيوط مدغومة بلون العشم ..

ونلقي بالمغزول في القلوب لعل العشق يعود بصير من جديد .. وبعدها فليقل :

"من شاء الرحيل إلى السماء بشارةً .. عشقاً سيأتي بين أطراف الأصابع .. إرتعاشاً

.. فرحةً .. موتاً درامياً .. له لون الخروج عن الوفاق .."

ناضر تحياتي ...

[ابراهيم]

ود بدر ...
هكذا انت دوماً
تتعمق الكلمة والاحساس
وتفتح للبوح ابواباً
تتكيء عليها دهشتنا
لك يا صاحب القلم الجميل
كل الود هنا وهناك
واشواق بقدر المسافات
وهنا يقف القلم صامتاً فالصمت اجمل حينا يتجمل المكان بكم
وابقى طيب

[sambaaa]

http://9q9q.com/apr/1145479150.jpg (http://9q9q.com/)

http://9q9q.com/apr/1145479550.rm

[بابكر]

انيق الكلمات .. ابراهـــــــيم ..
ياسلام عليك ياساحر00الكلمات

[ابراهيم]

اذن فماذا عساي أن أفعل أنا الذي تحتلني الحيرة فقط لحضورك
ولكنك تحرجني دوماَ فتحاصرني بتوقيعك فأقف عاجزاً عن خط حرف
وتفشل كل محاولات التمرد ..
أخى ود الماذون
سأسور الـ(شهقة، بسمة ، دعوة) بإحترامي وتقديري لتوقيعك الذي أسعدني

[كاظم]

ابا الوسيم تحياتي يا زول .. واهو لقيت لي فرقة مع الناس السمحين ديل عشان اجي واقعد اقرا بمزاج رايق ومعاهم برضو يا ابراهيم بقول ليك جمال الحاجة البتكتبها دايما في صدقها وعفويتها وعجبني انو اميمة عشرية وعمار البيلي دخلو على القصيدة من باب هسة انا دخلت منو وخليتو متاكى لزول تاني ممكن برضو يسوقو الدرب ليهو ..
دائما يا ابراهيم كنت على قدر ما راهنا عليك رهيفا ووريقا في كل ما تكتب .. فكن هكذا دائما
تقبل ودي

[ابراهيم]

الغالي بكرى ..
أعجبني حديث الشوق عندك
التمسك بعشم باكر هو جسر الوصول
للقيا في الخاطر تأملناها كثيراً
ولا زلنا
لك تحياتي دوماً

[ابراهيم]

هاهوذا حديثك ينشر على غيم الحزن وردة فرح
لا نزال نغزل ما تبفى من خيوط ..
وإن تقطعت فخيوط الأمل "باقية فينا الروح"
العشق موجود وساطٍ على كل محتوياتنا ..
فهذا الحديث كان في إحدى المحطات التائهة .. وما أكثرها:)
وهكذا الإنسان كما يعشق بعنفوان يذرف بعنفوان
ولا زلت قانع بأن العشق بجنون ضعف وجنون ..

اعجبني هذا الحديث:




"من شاء الرحيل إلى السماء بشارةً .. عشقاً سيأتي بين أطراف الأصابع .. إرتعاشاً

.. فرحةً .. موتاً درامياً .. له لون الخروج عن الوفاق .."

وهكذا نحن نستقبل أمواج الحزن ونذرفها
وفي الدواخل (عشم وأمل وأمنيات) وقناعتنا بأن هذه الثلاثية لن تتوه مهما وهنت الخيوط

لك مودتي
وتقديري
سوباوي

[ابراهيم]

سلامات سامبا ...
العزيز سامبا ...
شكراً لهذا الطرب ..
وهذا اللحن الذي يعانق روعة حضورك
اسمعها كثيراً هذه القصيدة ولا أمل

* * *
زمن الغناوى الطالعة
من قلباً رضى
وحسّاً ندى
وزوقاً رهيف
* * *
وهكذا كان ذوقك أخى سامبا
مع امنياتي لك بهذا الزمن
ولك مودتي

[ابراهيم]

العزيز ... بابكر

الروعة في حضورك الذي يسعدني

تقبل مني أكليل من الورد

مقرون بأصدق تحية

وشكراً لتوقيعك وابقى طيب
مع مودتي

[ابراهيم]

الصديق كاظم ... اين أنت؟؟
اشتاقتك الأماكن .. وكل الحروف تتلصص مجيئك
فهي تتباهي بلمساتك .. ولأنك حين تطل
تزرع الفضاء حضورا وروعة
واشتقنا لحرفك ..
سنظل ننادي وجودك النور الذي يضئ الاوقات
ويبقى لي فخر حضورك ها هنا

[ابراهيم]

الأنيق كاظم ..
الظاهر حصل trick وتصادم الزمن في الزمن ودس مننا حروفك دي
زي ما قلت ليك يا كاظم الحاجات بتبقي سمحة لما تتجوهر بحضوركم

هناك وفي ركن هاديء
اشواق ..
وسؤال على استحياء
ترى ما سر هذا لن اقول الغياب ولكن اقول الصمت العجيب؟

لك مودتي صديقي كاظم