الدنيا كانت ما نهار
كان ليل عجيب
بصراحة جادي وما هظار
وحدث قريب
عزابة كنا وما كتار
انا والطريفي متكلين
في الشقة نطة علينا فار
جقراً سمين
قدر الحمار
صاحبي الطريفي بدون خجل
بالخلعة من الشقة طار:eek:
وبدت حكايتي مع الجقر
حمرت ليه:(
وراني معني الاحمرار:mad:
هابيت عليه:confused:
الفار مُصِر
زي التقول طالني تار
لا بنهرش لا بتهبش
كملت فيو كل الحجار
ادفرو من كرسي الجلوس
يرميني في خلف الستار
اديهو كيف لمن يقع
يديني بنية اشوف شرار
هو دة فار شنو؟:confused:
في الليلة ديك
خلاني ريحتي شمار شمار
والشقة ضاقت بي خلاص
بقى عندي بس واحد خيار
يا إما افتح وانكشح
يا إما يا عمك دمار
وسألت ربي يحلني
يمرقني من هذا الحصار
وهربت بي اقرب طريق
شتت سبت الفار براه
زي التقول دافع الاجار
وانا والطريفي بقينا هومليس
وسكنا في سوق الخضار
ودعيت على الجقر السمين
انشاءالله يا فار يا عوير
تلقاك كديسة قليبا حار
تقرم نخرتك وفقرتك
وتلحقك ناس قندهار
