أعزائي ،، مجموعة من محاولاتي للتعبير عن الدواخل أخترت لها (زفاف الطين) ... إجازة خريفية ممتعة قضيتها بحلفا في احضان المطر ،، أمتزجت خلالها أشواقي بأشواق الطين لزلال الطل ،، سعدت جداً بتلك الليلة فكتبتها بذاكرتي فكان
زفاف الطين
وداع مرسوم علي الخاطر
،، علـــــــي الوجــدان
أسف يا حلفا يا إشراق ،،
نـسيب أرضك ،
وما صدقنا لينا زمـــــان
عيونا تشوف زفاف الطين ،
جمـــال اللقـــيا بين حـبان
وكل عشاقنا منتظرين ،،
سحاب الشوق ،،
موشح بالعديل والزين
يغنوا عديلة يا مطيرة
تصبي علـــينا خير وأمـــان
رزاز عابر،،
يبشًر بي دعاش ونسيم
يعطر جـــلسة الـــزوار ،،
خلاص هلت بشايرنا،،
ويــملا الــــدار ،،
نغيم طمبور ،، رقيص شبال
عمم مشدودة ،، برضو الشال
رقــص مشدوه ،، فـريع الــبان
هناك الناس تقول ياريت
فرحنا يطول ،،
وننسى هـموم زمـــنا الــكان
يطول الليل ،،
يــسوق الـخاطر الولـــهان
نسيت باكر زمن ترحال ؟
يـذَّكر قلـبي بالحــرمان
كفاني اليوم " زفاف الطين "
سـحاب الــشوق
موشـح بالـعديل والزيـن
ولمّا نكون من العايدين
نشوف كيف بذرة التــحنان
نمت أزهار بقت ياسمين
تـسالم الـناس بتسأل مــين ؟
مسافر في طريق الريد
رحل مـجبور ولـيهو سنين
غناهو يطل علي أنسام
حروفوا تطيب ، عـذابي يلين
أنا البهديك هواي وشقاي
تعال نرجع ،، نعيد أشــجان
نغني عديلة يا مطيرة ،،
تصبي علينا خير وأمـان
ونملا الساحة من تاني
نعيش أحلامنا ،،
نروي هوانا يا مطيرة
وتبقي غنانا ما غيرها
