مؤتمر المغتربين بولاية الجزيرة

:o :o السلام عليكم...
سمعنا في الأخبار أن هنالك مؤتمر للمغتربين عقد في ولاية الجزيرة...
أرجو شاركرا" من تابعوا هذا المؤتمر أن يمدونا بنسخة كاملة من مقررات هذا المؤتمر حتى نعرف (كوعنا من بوعنا)...
ولكم خالص تحياتي ....

ونحن منتظرين معاك.. يالبربرى

اخى البربرى وبقية الاخوه الاعضاء... علمت من مصدر مسؤل فى للجنة الاعلام ما صدر عن مؤتمرالمغتربين بولاية الجزيره والاخبار تتلخص فى الاتى 1/ فى خلال اسبوعين ستصدر مجله تعكس فعاليات مؤتمر ابناء الجزيره بدول المهجر وتوصيات المؤتمر.. كما علمت شملت الموضيع الاتيه أ/ تعليم ابناء المغتربين .ب/ توفير العلاج عند العوده ج/ توفير فرص استثماريه د/ تمليك قطع اراضيه تسهيل اجراءت المغتربين بادارة الجهاز بودمدنى ..واشياء اخرى
كل ذلك تحت رعاية السيد والى ولاية الجزيره.. وقد وعدنى المصدر بارسال نسخه من المجله التى تشمل كل ما دار فى المؤتمر وسوف اقوم بتنزيلها اليكم فور وصولها ولكم كل الاحترام والتقدير،،،

والله نتمنى ان ترى بنود الؤتمر النور وما يكون كلام وصرف نثريات ساى
عشان نعرف نحن المغتربين هل يكن ان نلاقى حقوق ولا .. لا لا
يلا طمنونا على ما يجرى ... ولكم الشكر والتقدير

السلام عليكم ورحمة الله تعالي وبركاته
رسالة تحمل الكثير من التشاؤم .. وأتمني أن لا أكون قد شطحت واستعجلت الإستنتاجات
يعني إنتو عاوز تتطمئنو علي شنو ...
(1) أولادكم يا مغتربين مش ح يقروهم ليكم في الجامعات إلا بنظام القبول الخاص ونصيحتي رسلو أولادكم يمتحنو الثانويه في بلادكم عزيزين مكرمين.
(2) أراضي مافي إلا تشترو بقروشكم لو عندكم قروش والماعندو يشيل ليه سلفيه ربا يعني عشان بعدين يشوف الويل في جهنم والله أقول ليكم شوفو ليكم سكن عشوائي والأراضي القسموها في المؤتمر شالوها الماعندهم ضمائر والعاوزين يكوشو علي كل شيء وبأمانه كثيرين تحصلو علي قطعتين وثلاثه ولو كنت المسئول كنت طالبت كل متقدم باثبات شخصيته أولا ولتحريت الشفافيه يا خوفي عليكم من السؤال في القبر .......
(3) شغل مافي هو الناس الخريجين ما مالين البلد ما في ليكم غير المرمطه في الأسواق والتماسيح مالين السوق منتظرينكم تجو.
(4)علاج زيكم وزى الناس تدفعو حق الكشف والروشته مجاني ده عشم إبليس في الجنة.
(5) تبسيط الإجراءات في جهاز المغتربين ماهي بسيطة بس تكون دافع العليك وماليك مافي....
(5) الفرص الإستثمارية دى موضوعها يطول ....
وباختصار ما في داعي تتلتل روحك يا نزار .. والله رايك شنو يا صديقي هارون ... وأما إنت ياأخ / بربرى مالك مقلب علينا المواجع ما تخلينا نغترب غربتنا كفايه علينا فراق الأهل وسهر الليل ...
وتسلموا يا إخوه