طبعا كلكم او بعضكم سمع بصندوق الوالي الخيري بس اقلبكم ما سمع بقصة الصندوق .
سر اول ...
يقال و العهدة على الراؤي انه يوجد رجل من مدينتنا العامره يعاني من مشكله وهي ان زوجتها سوف تضع ولي عهده و تحتاج لاجراء عملية قيصريه و تكاليفها في المستشفي العام 800 الف جنيه وهو فلسان و بتاع اللبن طالبو المبلغ ما عندهو قوم وديها مستوصف الخير تلد قال و البحصل يحصل .
و بعد الولاده عصروه ناس المستوصف في القروش و مسكو زوجته و ابنه لحين سداد المبلغ و قدره مليون و 100 الف اخونا قام مشي ديوان الزكاة اسبوعين جاري ادوه 200 الف . ولقي نفسهو يا ابزيد ما غزيت مشي يقابل الوالي ما لقي طريقه دق كل الابواب و رجع خائب الرجاء. و في نهاية المطاف حار بيهو الدليل و طال حبس زوجته و المولود لأقي ليهو دكتور جنوبي مسيحي في المستوصف قال ليهو امشي مجمع الكنائيس بتلقي الاثقف اديهو الورقه دي .
صاحبنا اتحير شديد و في النهاية مشي الكنيسه و بالفعل لاقي الاثقف و اداهو الورقة قام الاثقف فتح صنوقو الخيري و اداهو 2 مليون جنيه و قال ليهو خرج زوجتك و ابنك و سمي ليهو .
اخونا زعل بعد السمايه زعل شديد و مشي حرن في الولاية حتي ما لاقي الوالي و حكي ليهو القصة .
قام الوالي حلف طلاق وفتح صندوقو الخيري . و يقوم الان بحل جميع مشاكل اسر مدني و الجزيرة البصلو هو و للعلم مقر الصندوق خلف ديوان الزكاة في الدباغة .
سر تاني ..
من مصدر موثوق به في الصندوق قال لي يومي بتطلع منهو قروش عون للاهالي في حدود ال10 و 15 مليون بس السؤال هل القروش دي حقتو و لا حقتنا .
فنيجيط
