خوفى على بنا تنا من الاجانب

--------------------------------------------------------------------------------

بسم اللة الرحمن الرحيم
السلام عليكم جميعا
اكتب اليك رسالتى وانا فى غاية الحسرة والاندهاش فى حقيقة الامر تعجبت كثيرا عندما وجدت
فتايات سودانيات فى الاماكن العامةبصحبة اجانب ليست المرة الاولى
بل كل ما اتردد انا وبعض اصدقائى نشاهد هذة الظاهرة بصراحة
الغيرة دخلت من غير ما اشعر لية الحاصل شنو وين الاسرة مين يراقب
البنات ديل قلت فى نفسى هم بيعملو كدة لية . طبعا البعض حيقول
لو كان شاب سودانى مع فتاة سودانية حتقبل ؟ حاقول يمكن اخوها
يمكن خطيبه او ابن عمها ولكن شاب عربى ومن دولة اخرى الوضع
هنا يختلف انا شخصيا لااقبل اى بنت حتى لو مااعرفها ان تفعل
اشياء غير لايقة انا هنا ماعندى دخل تمشى مع مين دى حياتها
الشخصية وانا مامسوول عنها بس اقول فى النهاية وين اولاد
مهيرة وين الغيرة وين شباب السودان الاجانب اباحو فى البلاد
ارجو من الجميع ان يفهم ماذا اقصد واللة حبى لبناتنا اكتر
من اى شى اخر دى الخلانى اكتب هذة السطور
وفى النهاية اقول حماكم اللة من كل سوء يا بت بلدى

انا من المناظر الشوفتها تلاقي البت ابتسامتها لحد اضنينا

ودا البفور الدم زيادة

دمــــــــــــت

ولد مدني ..

كما ذكرت لك سابقا
اين دور الشباب مما يحدث
هل سنكتفي فقط بالملاحظات ؟؟؟

دمـــــــــــــــت ،،

الغالي ولد مدني
لك كل التجلة وانت فيك كل هذه الغيرة
والخوف على زهرات السودان بنات
بلدي. لكن ليس بكافا هذه الغيرة والنخوة
لا بد من تحرك وسريعا جدا وفوري
لا تنتظر من الاسرة او الدولة افعل
انت ومن معك ما يمليه عليكم ضمائركم
وتأكد ان الغلبة لكم ....
ارجعوا الى القيم السمحة من النخوة
والشهامة المعهودة فينا كسودانيين
فاذا انتظرنا الدولة ان تفعل كل شئ
فعلى الدنيا السلام ودقي يا مزيكا.....
دوما في رعاية الله وحفظه......
مع كل الود باقة ورد.......

هل الواحد سال نفسو ليه هن بعملو كدا ؟
دا مابيعني اني بوافقكم في البعملو فيه لكن جد الحالة الافتصادية في البلد بقت صعبة و الاجانب هم العندهم القروش

أخي العزيز : ولد مدني

.. في مصر ..هنا ...

الفتاة المصرية لاتعطي اي فرصة ولو حتى للحديث مع اي شاب غريب

لكن يبدو احنا في السودان ... بقت بناتنا مثقفات زيادة عن اللزوم

ربنا يستر والفينا مكفينا

بقول ليكم حاجه .. انا زول شفتها وعاشرتها وحصلت لي مشاكل منها.. يااخوانا انا بقرى في جامعه الجزيره .. مدني ... طب ..سنه تانيه (( ادعو لي بالتوفيق لانو القرايه هناك نار والله وليكم علي علاج اعضاء ودمدني مجانا لاقدر الله طبعا:D :D )) العرب ديل طلعو زيتنا وخربو بيتنا وووو والله العظيم انا مره متشاكل مع واحد عربي بخصوص بنت من دفعتنا:mad: .. ومره اصحابنا متشكالين مع تلاته عرب عشان صورو بنات دفعه معانا في الجامعه:mad: .. وقبل 4سنين تقريبا تم القبض على واحد عربي في اوضاع مخله بالاداب مع فتاه سودانيه دااااااااااااخل حررررررررررم الجامعه ..(( حكم)).. دسا في جيب الحرس 50 االف وبقى مارق... وماخفى كان اعظم :mad:
..(( الله يجازي الحكومه السودانيه اللي بتعاملهم على اساس انهم بني ادمين ...وبتجيبوم لينا ينهشو في اعراض بنات السودان.... ))

اللهم احفظ بنات المسلمين جميعا من اغدار الذئاب البشريه واحمهم يارب العالمين.. واجعل العفه

أول شي بحييك وبشكرك كل الشكر و.....و......,على غيرتك على بنات وطنك, وده إن دل بيدل على إنو مازال هناك شباب من بلدي صاحي, ومابيرضى الغلط وبيعتبر بنات الغير أخوات ليه زي أخواتو بالضبط.
نرجع لموضوع العرب هم جايين من بلادهم قايلين بنات السودان شينات , ولما جوا لقوهم عكس مامتوقعين الجمال في السودان(ما كل البنات ), أما البنات اللي مع العرب ديل تقول شنو ماديات مامعروف بعدين يعني شنو مادة إلعن أبو القروش البتخلي بنات تبيع كرامته علشانة, وخير ياطير عرب وإذا عالسماحة أولادنا في اللي بيملأ العين والحمدلله وزي ما ربنا خلق عرب مقرشين في سودانيين مقرشين اللحبوهم لو عايزين أفضل وأرحم من ناس برة, بعدين ده كلو كوم الواحد جاي يقرأولا جاي لتفاهات زي دي وبالذات البنات الواحدة أهلها وثقوا فيها ودخلوها الجامعة إذا هي ما محترمة نفسها تحترم أهلها عالأقل(ده بصفة عامة للحركات البيعملوها بعض بنات الجامعات بعيدا عن الزمالة), وزي ماقالوا أخواني فوق إنتو أولاد البلد ولو شفتو شي غلط على طول تدخلوا.
والله يستر على الجميع وعلى بلدي.
أعتذر عن الإطالة.
وشكرا ياولد مدني وللجميع.

ولد مدني أخوي مشتاقين وين انت يا راجل؟؟ بركه الشفناك طيب

والله الموضوع ما حبابوا وفعلا زي ما قال رضا تعال الاعداديه وشوف اليحرق الدم

ربنا يستر ويجيب العواقب سليمه

فعلا ضاع الحياء من ذلك النوع من الفتيات

وأحب أن أصنفهم الخارجين عن العادة .

واشد على يدك في البحث عن مخرج يتيح لنا معالجة الامر مع الثقة الزائدة . من الأهل مع العنصر الأنثوي لا أقول هي زائدة ولكن الغير واعية من بعض الأهل . لا أحب أن أجمع فمن فتياتنا من نفتخر بعلوهم عن غيرهم وتميزهم والمحافظة على ذلك التميز . ولكن أقول كلامي أيضا من واقع مجرب وأحب أن أقوله بالصراحة : إنبهار الشباب بالعنصر الأجنبي ووضع معتقد أنهم أفضل من الشباب في داخل البلد وأنا أقول أن العنصر الأجنبي والقليل بل النادر منهم ملتزمون بمبدأ قدومهم إلا هذا البلد . أقول أنهم يبحثون عن مبدأ إشباع الرغبة فقط .... فالكثير منهم قد أتى من بلاد يكثر فيه الفساد وهم يتحدثون من تغطية أن هذا البلد ذو أخلاق حميدة .... لقد عاشرت إحدى تلك الشعوب حيث أن الشاب فيها مغلق إغلاق تام . وعند قدومه إلا السودان ويرى الناس بطبيعتهم الصادقة وتعاملهم الاجتماعي يستغل ذلك في إرواء رغباته المندفنه ..... وكثير من الفتيات قد قدمن من قرى أو ولايات أو منا طق بيعدة أو حتى قريبة من المدن والتحقا بالجامعات وتفاجان بالعناصر الغريبة التي تجتمع في حرم الجامعة من كل لون وجهة ..... ومما لاشك فيه أن الفتاة ذات قلب رقيق وإحساس مرهف وصدق في المعاملة ..... فيستغلها الشباب بمركب الحب ... لكي يقظي فترته الجامعية فقط .... أو ليعيش حياة الغوغائية لا أقول الشباب الأجنبي فقط بل بعض الشباب المحلي أيضا ....
الغيرة تأخذنا عندما نلقى الشخص المناسب في المكان غير المناسب . والشخص المحترم مع غير ذلك لا أنكر ولا أستطيع أن احدد تفكيري في هذا الموضوع فهو غريب علينا وأرجو طرح شامل للموضوع وملاحقة تفاصيله لنخرج بصورة واضحة عن حل يرضي جميع من في المنتدى وشكرا على هذا الموضوع الاجتماعي الجيد