السفارة في قلب الحارة (الجزء الثاني )
اليكم احبائي ابناء مدينتي الحالمة
رسالة رقم (2)
البداية من المدخل , والشكل العام ابتداءا من (البيه البواب) رحمه الله
قالوووووا البوابة بتشتغل بالريموت كنترول والنظام (الهيدرو جر حبل)
وهنالك اعلان مكتوب مدخل خاص بسيارات هيئة دبلوماسية ولكن النظام (كيزو ماسية) ولكن كل ما هب ودب داخل والله لو في ركشات ولواري ودفارات كا ن دخلت ( الباب بدخل فيل ) لانو مافي رقيب وكل زول لابس كرفته عامل فيها سفير ( على وزن البصحى اول بيبقى الر...........)
واهم مافي الموضوع ان احد افراد شرطة السفارات من اهل الدوله المضيفة(مضيفة كلمة حلوه لها معاني كثيره في مختار الصحاح ولسلن العرب )
طفشان زهجان جدا وخاتي الطاقية في الجيب و دمو عكران لانو باين في وشو ولهجتو تغيرت وبقى يحكي سوداني بحت بلغة اهل العوض ( يا ريت يصرفو ليهو جلابية وعراقيي وعكاز بدل مهنه سودانية) والله المشهد ناقصو بتاع مويه ( برد) اكيد نحن في السوق الشعبي
وفي غرفه الاستقبال ( ادفع بدون كلام ) هنالك رسوم وقدرها (3.......) قالوا رسوم ملف تجديد الجواز ولكن مافي اي حد بستعمل الملف ولكن في الحقيقة الملف بلف ويرجع تاني الى موطنه الاصلي ( نظام دورة كارنو ) وبي لغتنا ساقية جحــــــــــا بس الساقية دي بتكب في جيب منو.......... , اما بانسبة لدورات المياة والله دورات مياه السوق الشعبي مدني فندق خمسة نجوم درجة اولى بالنسبة لها , النظام جردل ( حي ووب) والباب مركوز بحجارة والريحه ( يااااااااااااااااااع ) والله دخلتها واحدة واحدة قلت القى لي باب فيه ترباس على الاقل ولكن الحجارة تتناثر في كل مكان , والله الفلسطينيين ممكن يغزوا حماماتنا لان بها ترسانة من الزخيرة الحية , وما شفتوا النافورة و المسرح والساحة ........
لنا عودة اكيييد في الرسالة القادمة من داخل الصالة الداخلية
مع محبتي لكم
