احيانا تتصل باحد معارفك او اقرباءك ولكن يصدمك الرد او يرفع من ضغطك وخاصة اذا كان من رد على الهاتف طفل صغير وعنيد و يستجوبك بكل دقة ولا يبرد قلبك بجملة مفيدة او مريحة واليكم هذه المحادثة بين واحد متصل من خارج الدولة لاحد اقربائه وطفل صغير
الو السلام عليكم
لطفل الشقى : الوووو الشلام عليكم
عمو : الووو ..منو انت ادينى الوالدة
الطفل : الووو انت منو...منو انت ههههههها
عمو : وين الوالدة ؟
الطفل: ما في عندنا وحدة والدة..
عمو : لا لا عيب عليك ... لا سمح الله الله يخلى ليك امك
الطفل: شنو لا شمح ما لا شمح الله .... بقوليك ما عندنا واحدة والدة ....
عمو : كم عمرك يا يا شاطر؟؟
الطفل : وكيف علفت انا شاطل...
عمو : لا قادر يضحك ولا يبكى...الظاهر عليك دمك خفيف
الطفل : انت دمك خفيف..هههههههه اقرأ ليك نسيد بلادى؟
عمو: انت لسع صغير على الثرثرة
الطفل : انا اطول منك ......
عمو : طيب يلا ادينى ماما او بابا لو سمحت...
الطفل : انت امك عندنا ؟؟
عمو : خلاص نادي امك ...
الطفل :أمي ما عندها نادي ..
عمو: الله يطولك يا روح ويصبرنى......
الطفل : يصبرك مع شوك ولا بدون شوك ويا عمو انت يتقدر تطول الروح كيف؟؟
عمو: يصرخ بعد 10 دقائق ثرثرة " ادينى واحد كبير يلا"
الطفل : كبير , بالحجم ولا بالطول ولا بالعمر ..
عمو: ادينى واحد برميل اتكلم معاهو..
الطفل : ههههها ههااا ككككككك مع برميل .. بس البرميل ما بتكلم
عمو : يلا حبيبى بجيب ليك حلاوة كمان...
الطفل: حلاوة شنو...من وين استريت؟؟..عمو عندك فلوس؟؟...
عمو : طيب بس خلينى الاقيك حاعمل منك بطاطس
الطفل : بطاطس مسلوقة وألا بالفرن؟..بس ماما بتعمل كل يوم
عمو: احسن ليك لانك عملت لى جلطة..
الطفل : شنو يعنى جلطة يا عمو
عمو : اففففففففف عاد والله انت فظيع
الطفل: وين عاد الى بيته ؟ ولا عاد ولا ثمود كخخخخخخخ
عمو: عاد الى بيته .. مبسوط
الطفل: عمو عندك ولد صغير.؟؟.
عمو : انت زعلتنى وحانفجر..
الطفل: شنو عندك بالونة انفجرت؟؟
عمو: يصرخ باعلى صوته عشان ناس البيت يسمعوا
الطفل:اديت ماما؟؟
فتاخذ الام التلفون معاى منو؟؟
وتقول تانى الووووو.. مين معايا؟
عمو:معاك حسن ابن عمك من.....وشنو الولد اللى بطلع القرون دا؟؟
الام : قرن شنو اخويا , قرن الغزال ولا قرن موز ..؟؟
ودمتم
