فى حوش أميمه لو إتكلمت كلام ما حقّك على الطلاق
تجيك ناطة ذى اللبوة وتقول ليك الكلام دا ما حقّك فى عينك وتجيب
ليك الدليل اللى يوريك النجوم عز الضهر
أنتبهوووووووووووووووووووووووووووووووووووووووووووو
عرض للطباعة
فى حوش أميمه لو إتكلمت كلام ما حقّك على الطلاق
تجيك ناطة ذى اللبوة وتقول ليك الكلام دا ما حقّك فى عينك وتجيب
ليك الدليل اللى يوريك النجوم عز الضهر
أنتبهوووووووووووووووووووووووووووووووووووووووووووو
؟؟ ما فهمنا اي شي الموضوع ديه بفيد الثقافي وناس الثقافي في شنو .. كدي فهمنا اكتر يا مسافر ..اقتباس:
المشاركة الأصلية كتبت بواسطة msafir
ما فهمتى ؟ وكمان شنو ؟ يفيد المنتدى الثقافى ! أرجعى لموضوع القلب الطيب و راح تفهمىاقتباس:
المشاركة الأصلية كتبت بواسطة اميمه عشريه
وين ذكائك يا سيادة المشرفة ؟ أ انا قلت ولأ بلاش , نا قصات عقل ودين !!!
يا القلب الطيب و نحنا معاك ألطش ذى ما داير !!!!!!!
يا اميمة
واحد كتب كلام ما حقو وإنتى بالدليل القاطع
أثبتى ليهو إنو الكلام اللى قالو ما حقو وأنا
أشدت بإبداعك وتقولى لى اللى قلتية ؟ حرام
عليك ! شاطرة من ناحية وداقسة من ناحية
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!
أنا جاي بس أتحشر . . . بصراحة أعتقد إنك عندك مشكلة هنا بس الظاهر إنت بتجامل الاخت (أميمة ) . . . عشان كده كلمها في موضوع الكفالة بتاعتنا .اقتباس:
المشاركة الأصلية كتبت بواسطة msafir
المسافر
ها زول إنت مطرطش ؟ أجاملها
كيف وأنا وهى ختيناهو قرض ؟!
ندخل نحل الخلاف
واله الواحد يطلع بي سلامته احسن
المسافر
لو سمحتا انا عندى تعليق بسيط بى النسبه لى الاخت اميمه
والله هى شايفه شغله باكمل وجه لكن اسلوبها في توعية الاعضاء شويه
جافى يعنى انا لو شفتا موضوع فى منتدى تانى وحبية اخوانى هنا يشاركونى
فى الموضوع مفروض يكون التوجيه شويه راقى
فا النفرض انى انا نسيت اكتب (منقول)
زى ما عملتى معاى يااخت اميمه
ولكم منى جزيل الشكر
سلام الله عليكم... راسكال اخوي كلامك عين العقل... لو واحد نقل موضوع للافاده وحب انو الاخوان والاخوات هنا يطلعو عليو دي فيها حاجه؟؟ مااظن بيكون ليو الاجر من رب العالمين والكلمه الطيبه من الناس,,,, وكان نسى يكتب منقول ولا محمول ولا جوال ولا موبايل.. خير ياطير . .... اصلا الانسان طبعو النسيان ... لكن كان كتب الموضوع ولمح انو الموضوع دا خاطاه انامله دي تبقى حاجه تانيه ..,والوقت دا ممكن الناس تقيف وتقول ليو ..... اعمل شخيييييييييييط واقيف بعيد (( لكن بي اسلوب راقي عشان مايجرح مشاعر الانسان دا ولا نو دا مامن عادات السودانيين اهل الطيبه ..))
والله اعلم
ودمتم سالمين
خارج النص:
الجوط دي من زمان وأنا ما عارف؟؟
أفا عليك آ ود عمي ، ما كان تكلمني أجر عكازي،،،
جوه النص:
الرفق الرفق يا شباب .. بالهداوة
***
لكم خالص ودي
أحباء القلب المستشار ... راسكال .. رضا أبو عيسى .. شبارقة
تحياتى . يا جماعة الخير الحكاية وما فيها ,
أنا قريت موضوع كتبو واحد وما قال عليهو منقول كويس معاكم ؟
الغالية أميمة ردت عليهو وقالت ليهو كان مفروض تقول عليهو
منقول وجابت ليهو الرابط اللى جاب منو الموضوع , كويس ؟
أها أنا إتكيفت منها شديد وقمت قلت( إنتبهوا وإنتو فى حوش مدنية )
وقلت أى زول لو قال كلام ماحقوا وما قال عليهو منقول مدنية ح تنط
فى حلقوا ودا واجبها , أكان ألقاها ليك ناطة فى حلقى أنا !!! قالت لى
كلامك دا بفيد الناس فى شنو؟؟؟!!!
عِلا آشبارقة أخوك بقى ذى مشّاطة المطامير قلنا وقالوا والعكاز نزّلو
ودى إيّاعا المحرية فيك .
وتسلموا لى كلكم .
انا معاك اخوى المسافر
كلامك ميه الميه بس انا الزعلنى الاسلوب لا غير
وماعاش البعاين ليك خلى البزعلك وراك رجاله
ودمتم
؛؛؛
حبيب قلبى إنت , واللّة كنت عاوز أعقب على كلامكاقتباس:
المشاركة الأصلية كتبت بواسطة راسكال
لأنو فعلا إسلوب (نشاف شديد ) وعلشان إنتو وراى
أنا فارى شنبى , ( وعارفنى بريدك شديد )
تحياتي اليكم ...اقتباس:
المشاركة الأصلية كتبت بواسطة msafir
طيب لو عرفت انك قاصدني ما كان ده حيكون ردي .. عفوا ما انتبهت انك قاصدني انا بمدنيه دي لانو يا مسافر في عضوه فاعله جدا في المنتدي اسمها مدنيه انا من هنا احييها ... وانا ما عندي هنا غير اسمي الظاهره بيهو ديه عشان كده نقدر نقول انو الحاصل ديه كلو مبني على سؤ فهم وبالله خلينا نقفل لناس الشمارات ديل الباب عايزين اي حفله ويدوروا فيها ... ههههه كان ليكم ..
تحياتي ومعذره جدا والله ما فهمت كلامك عشان كده ردي برضو كان في محلو ... تحياتي
العزيز جدا راسكال ...
طيب اولا لك العتبي حتي ترضي
ثانيا ممكن انقل مره ومرتين وانسي لكن لمن يكون طوالي النقل عمال على بطال وانسي احفظ الحق الادبي لصاحب الملطوش منه حيبقي شي مشين جدا ومقصود جدا ... واسمح لي لا مجال هنا للاساءه للقسم الثقافي بأننا لا نملك من الموهبه سوى (((منقوووووووووووووووووووووووول ...!! )))وفي مقوله اخري ((ملطوش ..!!)) فأسمح لي راسكال وانت مراقب ومنوط بك ان تتحري الدقه اكثر .. شكرا لكم جميعا ..
( النار ولّعت)
يا ناس المطامير كل واحد يركب
حمارو وتعالوا وراى , خلّوا العوين
وأرحكم النعمل ليكم شكلة تانى بغادى
جيناااك يا نزااااار .
999 رن رن رن رن رن
الو السلام عليكم
وعليكم والسلام . . . ده قسم الشرطة
لا ده حديقة الحيوان . . إنت يا مواطن ضربت 999 وما عارفو ده وين . . أيوه ده قسم الشرطة
إنت ليه زعلان يا جانبو؟
أنا بزعلني النوع الزيك ده يا مواطن . . . نعم داير شنو ؟
عندنا (6) أنفراد عاملين شكلة هنا ليهم أسبوع يا جانبو؟
وين الشكلة يا مواطن ؟
إنت بس تعال المنتدى الثقافي وأنا بوريك ليهم يا جنابو ؟
أسماؤهم منو يا مواطن ؟
أميمة عشرية و msafir و راسكال و almostshar و رضا عيسى و شباقة . . يا جنابو ؟
إنت قايلها دي كمبوني !!! قول الأسماء بالعربي يا مواطن ؟
أميمة عشرية و مسافر و راسكال و المستشار و رضا عيسى و شباقة . . يا جنابو ؟
في إصابات كثيرة يا مواطن ؟
بصراحة لغاية هسي ما في شيء بس لو بتتأخر جيب معاك إسعاف ومطافيء لأنهم مسخنين خالص يا جنابو ؟
كويس إنت أسمك منو يا مواطن عشان نسجلك في البلاغ ؟
أنا فاعل خير يا جنابو ؟
إنت قايلو ده فلم عربي يا موطن . . . إسمك منو سريع قبل ما أجي أكسر ليك رأسك ؟؟
اسمي قلت ليك فاعل خير . . . ممكن سؤال يا جنابو ؟
إنت قايل دي مدرسة . . . أسال سريع ؟
الجماعة ديل بتودهم ياتو سجن عشان أزورهم هناك ؟
بس يا مواطن في التحتة ديل ما بنقصر معاك ابداً بتفسحهم ليك أحسن فسحة بترضيك ويستحسن ما تزورهم عشان يمكن يكون مزاجي عكران وأدخلك معاهم !!
شكراً يا جنابو
( كده الواحد ينوم وهو مطمئن )
طبعاً يا جماعة أنا ما كنت عارف القوانين الجديدة دي بتاعت الثقافي . . . . عشان كده رجاءاً أعذورنا
ودمتم
يالمسافر
إبشتن محنك !
دا أنا قايلك تجيب عكازك وتجى
تقوم تجيب لينا الشرطة .
ما عليك فرفرنا قبل ماتصل .
خلاص أنا سحبت البلاغ . . . وأرجعوا بس تاني ما تتشاكلوا . . .
ما بنختلف علمنى بس قانون هواك ... أحفظ حروفو حرف حرفاقتباس:
المشاركة الأصلية كتبت بواسطة المسافر
اقتباس:
المشاركة الأصلية كتبت بواسطة ود المطامير
قصدك شنو يعني !!!! والله أميمة ما دفعت لي أي رشوة ولا قالت لي بخليك مشرف المنتدي عشان أسحب البلاغ .
بس خلى الحمّة تروح وبجيك .اقتباس:
المشاركة الأصلية كتبت بواسطة المسافر
قالوا متألم شوية . . . ياخي بعد الشر عليكم
سلامتك وناس المطامير كلهم كرامتك . . . إلا علوية مرت أبو رويس !!!
معنى كدا شبارقة سوّاها فينى !!!اقتباس:
المشاركة الأصلية كتبت بواسطة المسافر