وداعا للمجاني

بعد ساعات في هذا اليوم 10/1/2007 م نكون انتهينا من منحة سوداني المجانيه وبعد كده مافي نت مجاني ولا رسائل ولاخمسميه عالميه ( دموع وأسف وحسره:( :( )
والحق يقال ناس سوداني ماقصروا معانا والله يديهم العافيه يعني ريحونا نخش نت في الشغل في البيت
في طريق مدني ( اعجاب وتقدير وشكر:D )
المشكله بعد ده البحصل شنو ومابنقدر نخش نت والساعه بتلاته الف ونحنا في اول الشهر ومامعروف الماهيه تجي اخر الشهر ولا كالعاده مافي ماهيه - سلفيات وديون - ( حيره شديده:confused: :mad: )

المهم مافي واحد من الاعضاء عندو حنك مع ناس سوداني ديل يقوم يخليهم يمدوا المجاني ده لحدي ما الزول يكون نفسو شويه ( رجاء وامل :o :o )

لما ناس المخابرات يقولوا ألحقونا
أها ناس المسافر وشبارقة ومدناوى
إسوّا شنووووووووو ؟؟؟ !!!

انت عارف كويس ذاتو حتي الشبكة تهدا شوية
لا للمجان لا للمجان

شكرا علي المرور ياغاليين msafir و SHMS999
وبسألك يامسافر انت مسافر بالضمه ولا مسافر بالفتحه (مسافر)
عشان في مسافر تاني من السعوديه وكده نقدر نفرق بيناتكم