عرض للطباعة
أتمنى مشاركة المتزوجين في هذا الموضوع ، ولا بأس أن نقرأ أراء أخوانا من خارج القفص الذهبي ::
الموضوع بإختصار كالتالي :-
* هل أنت صريح مع زوجتك ... يعني ممكن تتناقش معها في كل شيء وبكل حرية ؟؟
* هل يعبر الرجل السوداني تحديداً عن مشاعره لزوجته بعد سنتين زواج أوأكثر ولى الأمر أصبح عنده عشرة فقط وروتين ممل ... أم هناك أشياء مبتكرة تجعل هذه الحياة مع زوجتة جنته الصغيرة؟
ولله يا اخوي مجدي انا صريح مع زوجتي في حدود المعقول .... يعني في الاشياء البتهم علاقتنا الزوجية .... اما الخارج نطاق علاقتنا .... فانا ما ممكن اصرح ليها بيه لانها في النهاية مراة .... وانتا عارف ما اصعب الاسرار عند النساء....؟؟؟؟ اظنك فهمتني .... وربنا يستر وما تشوف الكلام دا مرتي ... حا تعملها حكاية كبيرة ... ولك الود
صريح مين يا عم، روق المنقة وما تخلينا نبدأ نقول يا عصمأأأأأأأأأأأأأأن
انا بديك نصيحة لوجه الله تعالى ، سرًك ما تديهو لي أي زول رجل أو مرأة.
الغالي مجدي
تشكر على الموضوع الجميل والرائع
نخش في الموضع طوالي انا شخصيا
صريح مع المره لدرجة قف تأمل
وتاني شئ لو مافي صراحة ما في
حياة زوجية سموها زي ما عايزين
وكان علي الرجل السوداني كضب
البيقول ليك ما بيظهر مشاعرو لزوجتو
الا بعد فترة سنتين او اكتر ياخي ده بيعبر
عنها من وهم جكس ساااااااااااكت وتجي مرحلة
الخطوبة وبعدها الزواج بعدين تعال هنا بعد
الزواج تعبير اكتر من كده شنو يعني كلمة يا حبي
وحياتي وعمري وقلبي بتاعت الجماعة ديلك
السودانيين بيقولها فعل ما كلام ساكت وكان ما
مصدق اسأل مجرب ....
تخريمه في نص الظلط:ـ
انت يا مدناوي بالانجليزي ما قالو للمتزوجين فقط
الجابك هنا شنو بعدين نمشي عرس الكوره نلقاك
نمشي الجريده نلقاك نرجع العيادة نلقاك الجنا انت
عرق بطيخ....
ودوما في رعاية الله وحفظه...
مع كل الود باقة ورد...
مشكورين ياشاب على المداخلة
بعدين يا مدناوي صح إنت لسه قاعد سااااااااي كده ...
إتصرف بسرعه ... وحل الموضوع
أبو رجاء .... أنا معاك أنا برضو جميع الأمور معاها لمرحلة قف تأمل ( كل ما يدور في رأسك )
يعنى يا بورتبيل في الأشياء الخاصة بالبيت والأشياء العامة
والأشياء الخاصة بالعائله عموماً ( العائلتين أقصد ) والخاصة خاصة جداً
... أما قصة التعبير دي ... بتكون حلوة شديد ما بتخلو من الطرافة
في بعض الأحيان ... والأحيان الأخيرى تكون جادة شويه ...
وبعدين ما تنسو يامتزوجين... الموبايل سهل ليكم المهمه شديد
يعني لوما قادر تعبر ( فيس تو فيس ) أرسل رساله ياخي
وصدقنى وقعها بيكون أعمق شديد عندها حتى لو كنتم متزوجين
ليكم عشرة سنة ...
والحياة الزوجية عموماً حلوة جداً ...
أتمنى من أخوانا الفي القيف ينزلو معانا البحر ونعوم سوا سوا
ولا رايكم شنو ياشباب ........
والله يا أخوي أبو رجاء كلا م ميه ميه وده عين العقل وصاح الصحاقتباس:
صريح مع المره لدرجة قف تأمل
وتاني شئ لو مافي صراحة ما في
حياة زوجية سموها زي ما عايزين
انا عن نفسي ما متزوج لكن بشوف انو ده الصح لأنو هي في النهايه زوجتك
وبالعكس المرأه تمسك سر زوجها والبتفك سر زوجها نادره جدا
أي نعم يمكن معظم النسوان ما بمسكن اسرار لكن ما لي مرحلة سر زوجها وبيتها
لو دي بتحصل تبقى عوجه والله وربنا يستر
وتسلم اخوي مجدي وربنا يديك العافيه
الصراحة والوضوح من اهم اسباب نجاح الحياة الزوجية
انا شخصيا صريح جدا مع الحكومة
بصراحة موضوع جميل انا بالنسبة مع زوجتى اكثر من صراحة ودرجة الرمانسية عالية لو شفتنا مع بعض تقول ده بيحب البنت دى ( مجكسها وعايز يتزوجها ) بمعنى كأن العلاقة جديدة واذا غبت عنها تجن جنون وكذلك انا لو كنت فى الشغل بتمنى متى اروح البيت عشان اشوفها وطبعا" هى تلفونات كثيرة اثناء الدوام وبتقول لى مشتاقين يلا بسرعة انا منتظراك الحمد الله حياتنا كلها حب ورمانسية ويا جماعة ما تسحرونا مدناوى ده طلعوا بره الكره الارضية واعملوا كلمة سرية عشان مايدخل هنا
أمل حياتي ،،،،
ماشاء الله عينى باردة ................
وأتمنى لكم محبة دائمة إن شاء الله فأنتم تتبعون طريقة جميلة جداً في حياتكم الزوجية ودى الأشياء البتنمى الحب ويظل موجود على مدى العمر ، ،،،
رينا يسعدكم ياخي .....
........ وعين الحسود فيها عود .............
بصراحه موضوع جميل . انا عازب والفضول هو الدخلنى ليكم .
اهل مكه ادرى بشعابها .لكن نتمنى ليكم حياة زوجيه سعيدة
صاحب الموضوع كيف تعامل زوجتك وبكل صراحه يا مجدى
شكراً يأخ إبراهيم ،،
الرد موجود فوق (( راجع التعقيب ))