عرض للطباعة
اعلان تمرديا شعب المنتدى العظيم .. السلام عليكم ورحمة الله ...
وبما أن شرق الله البارد من أهم وأقوى المناطق الداخلة ضمن اطار حبيبتنا مدينة ودمدني
وبما أنه همش لفترات طويلة ، فاننا نعلن من هنا مولد جبهة جديدة هي جبهة ابناء شرق الله البارد، ومطالبنا هي:
1ـ تسوو لينا منتدى خاس.
2ـ تعرسو لينا.والمعرس تدبلو ليهو.
وشكراً
القائدين العامين (شبارقة ، ود المطامير)
امكن يكون فيها قطع راس ، عشان كده في الهوا سوا يا ود المطامير يا اخوي***
لكم خالص الود
حبايبنا والغالين علينا ونور عينينا
ود المطامير وشبارقة (جبهة شرق الله البارد)
يا اخوانا نحن نلملم في الشباب وانتو عايزين
تفرتكوها والله حركاتكم اصلو ما بتخلوها بالذات
انت يا شبارقة زمان كان جنك فرتيق حفلات عارفك
بس ذنبو شنو اخوي ود المطامير تجهجهو معاك
الزول ابو وليدات وانت عنقالي ساكت بعدين سؤال
انت ود المطامير ده صحي متكتكها معاك والا لقيتو
مسكين ساكت وحشرتو معاك ساكت وتاني شئ
مطالبك دي ما عايزه ليها تمرد عايزه ليها صندوق
يعني خته نتلم كلنا ونعمل ليكم صندوق ونعرس ليكم
لكن منتدى دي لا نو نهي هنا بس تقعد وان رفضت
بنربطك سامع والا اعيدو ليك....
ودوما في رعاية الله وحفظه...
مع كل الود باقة ورد....
قلت شنو؟؟
والله انتو كان دايرين برااكم بتسوو ناس الشرق ديل خلينا منهم بتاعين محن وبعرفوها براهم!
دا إنت يا شريك ؟؟اقتباس:
المشاركة الأصلية كتبت بواسطة moram
بيان من الناطق الرسمي باسم حكومة المنتدي
بيان رقم (1)
تعلن حكومة منتديات ودمدني انه لا توجد اي صحة للتحالف الذكور
وان كل ما يصدر منهم من بيانات يعتبر محض افتراءات واكاذيب
واشاعات مقرضة ولا اساس لها من الصحة .. وبهذا نعلن ..
ان اي تعاون او تقديم مساعدة للتحالف المذكور
يعتبر خروجا عن نصوص القانون والدستور
وسيتم تطبيق الاحكام العرفية في حقهم
وحق كل من يكون مساندا للانشقاق والخروج عن وحدة الصف
الله اكبر .. الله اكبر
ولا نامت اعين الجبناء :D
حكومة منتديات ودمدني
قرية المطامير والشرق البارداقتباس:
المشاركة الأصلية كتبت بواسطة سواااح
بيان هام ... 1 ...
نعلن أن ما زكرة اللخو المتحدس بإسم الحكومة
صحيح ولا يوجد تحالف ( الذكور ) ولا توجد غير
جبهة الشرق بقيادتها الرشيدة ,
شبارقة وود المطامير
بيان هام رقم (2)
أبناء جبهة شرق الله البارد الشرفاء ..
السلام عليكم ورحمة الله وبركاته
الله أكبر ... الله أكبر ... الله أكبر
تم بقيادة القائد الميداني (ودالمطامير) القبض على المشرف سوااح ، حيث كان مختبئاً خلف احد البوستات التي تؤلب الرأي العام على جبهتكم الباسلة ...
ونقول لسوااح الذي ينتمي الى قيادة حكومة المنتدى :
(الله يمرقك يا ابودرباً ماكن)..
ولو ما نفذتوا مطالبنا ياناس حيكومة المنتدى .. شوفوا ليكم مشرف تاني يحل بدل سوااح..
***
لكم خالص الود
بيان من جيش حكومه منتديات ودمدني
البيان رقم 1
لاحظ الجيش في الفتره السابقه بعض اعمال الشغب من قبل
بعض افراد شعب المنتدي وعمل زعزعه لمريديهم ولقد كان
الجيش مراغبا لهم وقام بتهديتهم وارجاع كل من تمرد الي
سكناتهم ؛ ويحزر الجيش كل من تثول له نفسه ويتبع هواه
ويقوم باي اعمال تحريضيه او الخروج من النص سوف
يجد الردع اللازم ونتمني من الجميع الالتفاف خلف حكومه
المنتدي وانزال مواضيع جميله ترضي الجميع وان لاتكون
هناك اكثر من مشاركه للعضو حتي يستفيد الجميع
الله من وراء القصد
جيش حكومه المنتدي
الغالين بتاعين التمرد يا حبوبين
الجيش مالو خله سكناتو وجاكم
هنا كدي سكناتك الفاضيه دي احرسها
ما يقومو يقلبو عليك حيكومة
يا ود عمي عبد الباقي الا كدي قول
لي انت السكنات المحرسنك ليها
مالهم نايمين طوالي ما عندهم شغل
خلاص نحول ليك كم عسكري نشيطين
من ناس جبهة الشرق يعملو معاك تحالف
احسن من التمرد والا رايكم شنو يا معارضة
شرق الله البارك منتظرين بيانكم التاني وان
شاء الله تكونوا رجعتو لي عقلكم اوكي...
ودوما في رعاية الله وحفظه..
مع كل الود باقة ورد...
قيادة جبهة شرق اللّة البارد
بيان ... 3 ...
نرجوا من جميع مواطنينا البواسل
عدم فتح الأوراق التى ترميها
طيارت جيش الحيكومة عشان
ما تجهجة المعنويات ,
حكومة منتديات ود مدني
بيان رقم .. 2 ..
اظهارا لحسن النية
وضبطا للاعصاب
وتمكينا للعقل والمنطق
رات حكومتكم الانصات لصوت الاخوة
من حكام الدول الصديقة والمجاورة
والقبول بالجلوس مع قوات التمرد
في جلسة تقريب وجهات النظر :mad:
وتندد وتهدد وتكيل الكيل بمكيالين
لكل من يفكر المساس بوحدة الصف
وتمزيق جسد الاخوة والانتماء الواحد
وتفريق الوحدة الوطنية
حكومة منتديات ود مدني
هلا هلا قال ( شرق اللّة البارك ) واللّة نحن النياقاقتباس:
المشاركة الأصلية كتبت بواسطة ابورجاء
بنط فوقهن واقفات , يا شبارقة ألحق ( طابور خامس )
بيان رقم .. 3 ..
تفيد حكومة المنتدي
بان المشرف سواااح
حر وطليق السراح
وهو الان متواجد ضمن الخطوط الامامية
مستميتا في الدفاع عن المنتدي وامن الاعضاء
ومعه مجموعات غفيرة من الحريصين
علي امن وسلامة المنتدي
وهدفهم واحد من ثلاثة :
جهاد .. نصر .. شهادة
الغالي ابوي العمدة بدون عمودية حبيبنااقتباس:
المشاركة الأصلية كتبت بواسطة ود المطامير
اها قلبتونا طابور خامس كمان يا اخوي
نحن عايزين المصلحة العامة بنكوس
ليكم الخير والصلاح لكن شكلكم عايزين
تحكمو علينا وتعدمونا ساكت جربندي
كان كده اكب الزوقه من اسه كان جا
الجنا اب رويس داك قايد التمرد بيسويها
فينا ونروح شمار في مرقه هع يا الجري
جاك زول...
ودوما في رعاية الله وحفظه...
مع كل الود باقة ورد...
( أنا مش قبل كده حذرتكم !!!!! كويس عشان تشوفوا الشمار على حقيقتو )
999 رن رن رن رن رن
الو السلام عليكم
وعليكم والسلام . . . ده قسم الشرطة
لا ده حديقة الحيوان . . إنت يا مواطن ضربت 999 وما عارفو ده وين . . أيوه ده قسم الشرطة
إنت ليه زعلان يا جانبو؟
أنا بزعلني النوع الزيك ده يا مواطن . . . نعم داير شنو ؟
عندنا (6) إرهابيين قالوا عايزين يقلبوا الحكومة يا جانبو؟
أسماؤهم منو سريع يا مواطن ؟
شباقة وود المطامير وأبو رجاء وmoram وسوااح وأمير عبد الباقي يا جنابو
وmoram دي شنو يا مواطن ؟
الظاهر في دولة أجنبية بتدعمهم يا جنابو ؟
بجتمعوا وين يا مواطن ؟
بجتمعوا في المنتدى العام كل يوم يا جنابو .
كويس إنت أسمك منو يا مواطن عشان نسجلك في البلاغ ؟
أنا فاعل خير يا جنابو ؟
إنت قايلو ده فلم عربي يا مواطن . . . إسمك منو سريع قبل ما أجي أكسر ليك رأسك ؟؟
أنا أسمي المسافر يا جنابو !
إنشاء الله تسافر ما تجي راجع !!
ممكن سؤال يا جنابو ؟
إنت قايل دي مدرسة . . . أسال سريع ؟
الجماعة ديل بتودهم ياتو سجن عشان أزورهم هناك ؟
بس يا مواطن من الناحية دي ما بنقصر معاك ابداً بتفسحهم ليك أحسن فسحة وبوديهم ( كونتنامو) وبلبسهم ليك البدلة البمببية . . . ويستحسن ما تزورهم عشان يمكن يكون مزاجي عكران وأدخلك معاهم !!
شكراً يا جنابو .
يالله شتت يا مواطن .
( كده الواحد ينوم وهو مطمئن )
اقتباس:
المشاركة الأصلية كتبت بواسطة ابورجاء
ابو رجاء ..
الحجاز ادو عكاز
كان خليتنا حركن الطيارات الحربية
كان الناس ديل تكونوا بتترحموا عليهم
لكن عم وما مكانك وحقك محفوظ
وبنديك كرسي معانا في التشكيل الوزاري الجديد
المتمردين ديل ما عندهم حاجة
مكتب ساي يتكلموا منو ما عندهم
وبياناتهم بيذعوها من عربية اذاعة متحركة
قريبا بندمرها واتي الا يشوفوا ليهم
شغلة جديدة
دمــــــــــــــــت ،،
قيادة شرق اللّة البارد
بيان ... 4 ...
إظهار حسن نية
خلاص عرسوا لشبارقة أخوى دا
ودبلوا لي أنا وبعد داك نقعد نتفاهم
فى قسمة الحاجات والقروش , يا
شبارقة من هسى الكبرى حقى .
مكتب القيادة
شبارقة وود المطامير.
الغالي نور عيوني ودايما خاتيك في بالياقتباس:
المشاركة الأصلية كتبت بواسطة المسافر
كده يا حبة الرمان تودرنا انا وبتي مرام دي
في شربة ميه حرام عليك نحن غلابه يا بيه
بعدين مرام سودانية ميه الميه ماها اجنبية
بعدين اديك من الشعر بيت جنابو الاتصلت
عليهو ناس شبارقة قبضو عليهو وهو وشا بيك
والله قال بي قولك لو الجنا اب رويس داك ظهر ...
ودوما في رعاية الله وحفظه..
مع كل الود باقة ورد...
ههههههههههههههههه
كلام الجبهات دة بدخلكم في السياسة
خليكم كدة بلا جبهات نحنا بنعرس ليكم
وبنديكم حقوقكم المهضومة مجبورين عليكم
نعمل شنو
اقتباس:
المشاركة الأصلية كتبت بواسطة تسنيم خالد
الجماعة ديل موضوعهم إنتهى خلاص . . . بس ودعيهم
عما قريب حتشوفيهم لابسين بدلة بمبية في سجن (كونتنامو )
كتر خيرك واللّة , رأيك شنو تكونى قايداقتباس:
المشاركة الأصلية كتبت بواسطة تسنيم خالد
التوجية المعنوى ؟ فكرى وتعالى .
يا قناص المطامير نيش هنى .اقتباس:
المشاركة الأصلية كتبت بواسطة المسافر
اعزائي واخوانى في جبهة الشرق البارد(إسم يجيب الصقت)أشهدكم اني ومن هذه الفجة المسنقر
فوقه دي قد دخلت معاكم في راسكم أقصد جبهتكم وحرم وعلي الطلاق كان ودالمطامير ولا شبارقه
الاتنين يستاهلو القيادة بس في النهايه الحضر القسمه ما كتير بدو شويه بس (ضواقه يعني).
آنسوان المطامير وين الزغاريت ؟ ما شايفاتاقتباس:
المشاركة الأصلية كتبت بواسطة ابودجانه العباس
الرجال البياكلوا النار وصلوا ؟ عِلا أدينى أضانك
جاى , قلت( ضواقة يعنى) خلاص ما عندنا مانع
شيل العكاز داك وجرى جبهة الكبرى مسخنة أكان
لبعت تمام تعال بنديك الضواقة .. عسكرى إنتباة
إنصراف وجكة للكبرى ,
الجماعة من الان بقسموا فيها
واحد كبري وواحد عايز يعرس
وواحد عايز بطانية .. وما خفي اعظم
اعملوا حسابكم تجوا الصباح تلقوا :D
الشرطة العسكرية مستنياكم ..