السلام عليكم ورحمة الله
سؤال ورد بخاطري
اذا مات شريك الحياة
اوحبيب العمر
هل تنساه وتبتدي حياتك من جديد
تتزوج من اخر
ام تعزف لحن الوفاء
وتقضي بقية العمر في اجترار زكرياتك معه :confused:
السلام عليكم ورحمة الله
سؤال ورد بخاطري
اذا مات شريك الحياة
اوحبيب العمر
هل تنساه وتبتدي حياتك من جديد
تتزوج من اخر
ام تعزف لحن الوفاء
وتقضي بقية العمر في اجترار زكرياتك معه :confused:
يامدنيه ياستهن كلهن..
زي مابقولوا حبوباتنا..
البفوت مابجي زيو تاني...
((لكن دي ماقاعدة ثابته))
أنا عن نفسي ماممكن أتخيل مجرد خيال زول في مكانو...
وربنا يديم المعروف
الغالية عمتي مدنية الطيبة الحنونة
والله يا عمتي هي لو ماتت انا العايش ليها شنو
وراها طوالي طبعا ده كلام الافلام ...
لكن لو جينا للجد الحي ابقى من الميت والذكرى
باقية الا الله عرفوهوا بالعقل يعني انا لو صغبروتي
ولسه ما شفته شئ في الحياة وهي الله يطول في عمرها
اتلحست بشوف مستقبلي وهي ربنا يرحمها ويغفر ليها ...
معليش يا اخواتنا الزمن ده زمن عقل عواطف نهي زندقي...
ودوما في رعاية الله وحفظه...
مع كل الود باقة ورد....
الاخت الكريمة مدنية هذه سنة الحياة تفرق لتجمع وتجمع لتفرق ولازم الحياة تستمر بالرغم من الحزن والالم وخليك فاكرة انو ربنا سبحانه وتعالى اكرمنا بصفة النسيان . وربنا ما يحرمنا جميعا من احبائنا
ولك الف تحية جمهورية
لاكن لقيتكم بياااااااااااااااااااااااااااااعييييييييييييين يا ابو رجاء وعماد
تهون عليكم بعد الزمن ده كلو
لالالالالالالالالا اتوقعتها من اي زول الا منك يا ابورجا
واسه كان اتعكست الآية وبقيتو انتو الفانيين
حيكون رايكم في مكانو برضو
صحي ماليكم امان
النسوان حسب ظروفهم بكون الوفاء وفي نسوان كتار كان وفاءهم عالي جداً
من تجارب معاشة ، غير كدا نسبة الوفاء عند النساء اكثر من الرجال
لو ما عشانو هو بكون عشان الأولاد
لكن الرجال أكيد نسبة الوفاء موجودة لكن برضو لازم يعرسو
ودي سنة الحياة
مدندن
والله مبالغة الفكرة دي جاتك من وين ودي تحطم الانسان كلو كلو وما تخلي ليهو فرقة
انا عن نفسي ولا بقدر اتخيل دة مع انو علينا حق بس بقول ربنا يجعل يومي قبل يوم
الناس البحبهم..ويحفظهم لي من كل شر..وصراحة مااعرف حاعيش باقي حياتي كيف
قد اتزوج عشان الحياة تستمر بس يبقي مافي القلب في القلب وقد اتزوج دي ختي تحتها
الف خط احمر..لكن انسي لاااا دة المستحيل بعينو
دمتي
كتر خيرك يا سوار الياسمين ما اتوقعتيها من ابو رجاء واتوقعتيها مني انا ماشي مافي مشكلةاقتباس:
المشاركة الأصلية كتبت بواسطة سوار الياسمين
تخريمة ............ وبعدين انتو يالحريم بتين قاعدين تموتوا قبلنا . طوالي قاتلننا وقاعدين
مدوووووووووووووووون
موضوع رائع
ووالله يا مدون الحبيب او شريك الحياة ده لو حصل ليه زي ما قلتي
ما الترابه في خشمنا....ووووووووووووب زي ما قالت بنت النيل
والله مدون شيء حار شديد والله لا يجيب اليوم ده
وتعرفي والله جد انا بدعي بقول ربنا يجعل يومي قبل يومه لانه ما بتخيل اني بصبر على شيء زي ده
وشريك الحياة دي كلمة ليها معنى كبير شديد وما بيحسها الا من عاشها بكل المعنى وصادق ومن القلب
عموما لا يمكن ان ننسى فراقه او نتحمله
وبعيد عننا ياختي مالك علينا
الله يطول في عمرهم يارب ويخليهم لينا
وتسلمي
موضوع جميل ومن واقع الحياة
لالالا والله ما قصدي يا سعادة الرئيساقتباس:
المشاركة الأصلية كتبت بواسطة emad mohammed
وردا على تخريمتك بعيني ده شايفة الرجال محكريييييييييين وقاعدين في الدنيا والنسوان يا حليلهم هم الراحلات والواحد ما يدق الشهر الا وتلقى فتح خشمو طوالي يا عرس
وديك يا القشرة والفرحة
والله يعلم في سماه لي كم سنة شايفة لانسوان هم الراحلات والرجال ما يعدي كم شهر الا في وحدة في بيتو
والله يا سوار لو حسبنا عدد السنين الاتحبسوها النسوان بعد ما (قرضوا) رجالهم وجمعناها نلقاها مؤبد عديل كدا وفي النهاية نحن السابقون وانتم اللاحقون يعني ورانا ورانااقتباس:
المشاركة الأصلية كتبت بواسطة سوار الياسمين
الطيبة سوار القمردين اقصد سوار الياسميناقتباس:
المشاركة الأصلية كتبت بواسطة سوار الياسمين
والله يا بتي ما بياااااااااااااااعين ولا شئ ....
بعدين عمتي قالت لو والله لا ورانا يوم زي ده ان
شاء الله انا قبلها حبيبة قلبي وونور عيني وحياتي وعمري
وقلبي وتاج راسي اواصل والا كده كفاية.انا عندي زيها كم
لكن برضو الناس تعيش واقعها يا بتيوكلام الافلام ده ما بيأكل
عيش عشان الحياة تمشي بعدين انا لو اتزوجت تاني ما عشاني
عشان خاطر الاولاد .......قال منطقهم قال ......
ولو اتعكست الحكاية والله شئ عادي بس انا عارفها ما بترضى
هي لانها بتموت فيني ومكسرليها كم ضلعه (يا ولد خلاص يا جيمي)
ودوما في رعاية الله وحفظه...
مع كل الود باقة ورد....
الحياة لا تنتهي بموت أحد ،،،،،،
والا لكانت انتهت بموت أفضل خلق الله صلى الله عليه وسلم ،،،
لا نستسلم لليأس ،، بل نفتح شرفة من شرفات الأمل ونواصل الرسالة ...
***
لك كل الود
طبعا ده هو الحاصل انو أغلب النسوان عندهم الوفاء أكتر من الرجال لكن الحياة برضو ماشة.
يامدنية أختي ماقلتي لينا عنك انتي؟!
انت يا أبو رجاء يعني مامكسر فيها؟؟؟!:eek:
وبعدين شنو الأنانية دي هي توفي ليك وانت ولا يهمك؟!:confused:
مدنية الغالية..(والله ما قصدي احول الموضوع لهزل)اقتباس:
المشاركة الأصلية كتبت بواسطة مدنيّة
بس أقري النكته دي عشان بتعكس لسان حال كتير من الناس:
ولد ساق أمه الحج وفي الطواف عشان هي كبيره شاله
في كتفو قام واحد من الجماعه الجنبو قال ليه:
ياخ امك دي شايله ليه دي لسه سغيره عرسوا ليها
هسع ترجع شباب تاني..
الولد قال ليه عرس شنو يا حاج؟؟الحاجه دي كبرت خلاص
امو من فوق طوالي ضربتو في راسو..وقالت ليه:
أجي ياااا ولدي ..بتعرف أكتر من ناس مكه...
(انشاءالله تكون وصلت)...ودمت
ربنا يطول فى اعمار الجميع مدنية انت مالك بتاعت كوارث كده
طبعاً أنا حأبدأ ليك القصة بالمقلوب
أنا مثلاً لو كنت على فراش الموت
أول طلب ممكن أطلبو من زوجتي
إن كانت لسع فيها رقشة هي أن
تتزوج . . .
لكي تستمر الحياة فلاتفقدني
وتفقد متعبة الحياة التي قدرها
الخالق . . . واليبقى الوفاء
في الخاطر . . .
فلن أستفيد بوفائها شيئاً
ولن تستفيد .
فما تسمعي كلام الجكس
ده نفحات وسوار وتسنيم وسلوى ومرام
دي إشاعات ساي وبعدين في الأربعين
تكون مجكسة غيرو .
ودمتي
الغالية بتي مرام عربي بس الطيبةاقتباس:
المشاركة الأصلية كتبت بواسطة moram
والله يا بتي مكسر فيها لدرجة قف تأمل شاطئ
البحر وألقط منه في الدرر يا بتي انا منشدة ما
مكسر فيها ماشي بالجبمة وكاسر ركبة وحاتي بلالي
يا بتي دي حياتي وروحي وعمري وكل شئ في الدنيا
في الحته دي ما كلام رشدي اباظة ده كلامي انا زاتي
وهي ام الغالية وانا كيف ما تكسر فيها ده انا مدشدش
ومفلق ومجنون عديييييييييييييييييل كده اها تاني ليك شنو....
وهي لو توفي لي انا سيما ليها :D :D :D :D :D
ودوما في رعاية الله وحفظه.....
مع كل الود باقة ورد....
واحد من أخوانا ال(..........)علي فراش الموت
فطلب من أولادوا إنو لو مات يعرسوا أمهم لي فلان من الناس
فسألوة ليه إخترت فلان دا بالذات.
فقال ليهم :قبل كدة عامل فيني مقلب وداير إسدا فوقو..
(شفتوا الوفاء كيف)هااااهاااااااااهااااااا قال وفاء قال..
(تسنيم,سوار,أم أحمد,نفحات,مرام) أبقن عشرة علي رويحاتكن يا بنات أمي..
ودمتم..
الاخت مدنيه
والله موضوعك جميل وحساس جدا ؛ لو نظرنا للواقع نجد النساء وخاصه السودانيه مابتتزوجو لما زوجها يموت وتقعد باقي عمرها تربي الاولاد والقصه ماقصه وفاء لكن خوفها علي اولادها هو السبب
اما الرجال ليهم حق هو بكون مشغول مع مصارعه الحياه اليوميه يعني مابكون فاضي ويخلي بالو من اطفاله عشان كده بنجد كثير من الاسر يقومو بعمليه ( التعويض ) اي بعوضوهو باختها عشان بتكون حنينه علي اطفال اختها
ولاكلامي غلط
لا تغرق مع المركب
طالما هناك امكانية للنجاة !!
اقتباس:
المشاركة الأصلية كتبت بواسطة salwa
سلوي ..
ها انت تعزفين لحن الوفاء الابدي
ولكن هل في لغة العشق شئ اسمه الابد !!
والله يامدنية الموضوع جميل فى حدذاتو بس دى مابتتحدد الاعن طريق الشخص الهواعايش الموقف ده ومدى نسبةالوفا فيه والحالة الشخصية له عشان كده من المفروض انو لورحل احدالطرفين ماتتوقف الحياة عندالطرف التانى والعكس .
مافى رجال بتزوجو بنات صغارفى السن والفارق اقل شيء بكون 20-25-طيب فى حالة زى دى البنت دى حتعمل شنو هل حتعيش بالوافاء لزوجهاالميت وتتوقف الحياة عندالنقطة دى وتحرم نفسها من زينة الحياة الدنيا .
فى حل تانى نرجع لزمن الفراعنة وندفن المرة مع راجلها الميت رايكم شنو عشان يفض الوفاء الى الابد خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخ
الاخت مدنية الله ما جاب اليوم دا لكن لا مفر منو و الموت حق علينا كلنا لكن علي حسب الموقف البكون فيهو الزول او الزولة
وتسلمي كتير علي الموضوع البوجع القلب دا