وين رااااح الجنيـــــه؟؟؟؟

حبايبنــــــا

واللـــه مشتاقيــن لكن تقولو شنو
شوية مشاغل وكده

طبعــا فارقين معاي لكن تقولو شنو حكم القوي....

اهــا ياخوانا
تعالو اتفـّــنو في الواطــه دي وحلو المســأله دي
هي قديــــــــــمه عارفها بس حبيت اونسكم بيهــا
لأنه ناس ودالمطامير ومدنيه والود حسون والحنكوشه سوار الياسمين
وآخروون مابكونو سمعو بيها ولابيعرفو ليها

تعالو نشووف

دفعت انا 10جنيه
ومدنيه 10جنيه
ومدناوي 10جنيه
رسلنا ودالمطامير قلنا ليهو جيب لينا لالووب ب30جنيه
طبعا هو فالح وشاطر اشترى لينا ب25جنيه بس
فضلت طبعا 5 جنيه
جا رجــّـع لكل واحد فينا 1جنيـه
وفضلت 2جنيه قلنا ليهو دي حلال عليك

لمن جينا نتحاسب ياخوانا لقينا نصيب كل واحد دفع 9جنيه
يعني التلاته دفعنا27جنيه وادينا ودالمطامير2جنيه
يبقى الحساب 29جنيه ما30جنيه

وين رااااح الجنيـــــــــــــــه؟؟؟؟:eek: :eek:

فكرو فيها بالرااااااااااااحه كده وحتلقو كلامي غريب!!!!:rolleyes:

*-*-*-*-*-*-*-*-*-*

انت يا المميز تدي ود المطامير اتنين جنيه داير تخرب لينا السوق ولا شنو - الراجل متعود يمشي المشوار بي جنيه واحد اها هسي لخبطة علينا الحساب كلو،،،،،

دي ذكرتني النكتة بتاعت غراب كتاب المطالعة اللي بتقول : كان في غراب وفي خشمو حتة جبنة ، وقاعد فوق شجرة ، بعد شوية جاء الثعلب ، قال ليهو يا غراب اسمعنا بصوتك العذب الشجي، فنظر تحت إلى الثعلب فتردد ثم فكر برهة ثم بدأ يغني ، طبعاً وقعت حتة الجبنة ، فهم الثعلب بإلتقاطها من الجو وإبتلاعها ، فرجعت الجبنة بي قدرة قادر مرة تانية لي قدوم الغراب ، الثعلب اندهش ، الغراب انبسط ، وقال ليهو ، انتي فاكرني غبي ذي غراب كتاب المطالعة (وطبعاً صاحبنا الحريف كان رابط الجبنة بي لستكة)

تشكر يا مميز قدييييييييييييييييمة ألعب غيرها ، دي بنخليها لي جنى المطامير يلعب فيها شوية ويقشر بيها في حلة المطامير.

هههههههههه والله يالمميز انت بتاع مقالب

بـــس هو راح ويـــن الجنيــــــه؟؟!!!

الســؤال هل هو خطــأ رياضي حسابي في جدول الضرب؟؟

*-*-*-*-*-*-*-*-*-*-*

الأخ المميز لك كل التحايا
لو رجعنا للأصل انتم الثلاثة اشتريتو بمبلغ 25 جنيه ولو قسمناه على ثلاث حتى نعرف نصيب الفرد هو 8.33333 جنيه ونجمع له عدد 1 جنيه = 9.33333 وعندما يضرب ×3 يكون الناتج 28 ونضيف إليه 2 جنيه يكون أصل المبلغ 30 جنيه

انتو غلطانين عشان ترسلو ود المطاير