ينعت السودانى فى دول الخليج بالكسل

يا أعضاء منتدى مدنى دائما نلاحظ فى كل دول الخليج ينعت السودانى بأنه كسلان هل هذه الصفة حقيقة ولماذا لا تطلق على أى جنس غير السودانى ما ساقنى لطرح هذا التسائل هو مرورى على منتدى يدعى الحوار الوطنى وجدت مشرف المنتدى يضيف هذا البوست ونقلته لكم حتى يتم مناقشته بين الأعضاء المغتربين والموجودين بالوطن الغالى وأرجو أن نتلقى ردودكم وتعليقكم على هذا البوست والى مضون البوست :

العنوان :

شاهد الكسل بنفسك في برنامج النشاط بقناة السودان (صورة).

بعض المرات يصيب الواحد فينا كسل ..

ولكن الكسل ما يكون بالصورة هذي اللي نتكلم عنها الحين ..

ههههههههههههههههههههههههههههههههه


هذي صورة من قناة السودان في برنامج رياضي

لين هنا مافيه مشكله ...


اجل وين المشكلة ؟؟!!


هم اختاروا المذيع ... و جهزوا المادة الإعلامية ..

والمعلن .. وكل شي ..


لكن ما ادري ليش ما فيه وا حد نشيط فيهم يقدر يرووح اقرب بنشر وينفخ الكوورة


شوفوا الكوره منسسسسسسسسسسسسسسسسسسسسسسسسسسسمة

والله ياابوريلان
السسوداني مااكسلان ؛ السوداني كان في دول الخليج المعلم والمهندس والمحاسب والطبيب ومدراء جميع الاقسام وضباط الجيش من غير السوداني رفع دول الخليج .
لكن يااخوي الصوره دي ماكسل دي فضيحه وكمان مباشر مابخجلو الله يكون في عونا نحن المغتربين نحن في وش المدفع
لك تحياتي

الأخ / أمير

ya 7'ma3a ana 3ndy ktrat nkat 3n alksl beta3na b'77'el agoola zato

بس عشان لقونا مساكين حاقرين بينا

مرة لقيت نكتة برضو في واحد من المواقع الخليجية

غايتو شايلين حالنا الله يشيل حالهم حتى المصريين مقتنعين تماماً انو السودانيين كسلانيين وهذه الصفة تكاد تكون متعارف عليها بين جموع العرب وليس الخليجيين فحسب ... انا شخصياً ما شايف في كسل في السودانيين هم خلاص يعني الخلايجة نشيطين ... طيب قول كسلانييين لكن ما لي درجة الكورة المنفسة دي ههههههه

شكراً ابوريلان على الموضوع
تحياتي

هو فى اكسل من الخليجين البيت كله على الخدامة و السواق و عموم الهنود
و فى العمل الاعتماد على المساعد حتى الامضاء يقول لك ، وين امضى....
نحن بس الرضيانين بالذل ،،، وربنا يصلح الحال ،،

الأخت مروه

سعدت بمرورك وتعليقك وأرجو أن تكتبى لنا عن هذه النكات فى هذا البوست وطبعا السعودى جاب لينا الدليل بالصورة وما نقدر نقول إلا يا كمال حامد فضحتنا وذدت الطين بله .

الأخ أبراهيم

مشكور على التعقيب ، وفعلا شايلين حالنا ، لكن هذا الكلام يحسب على قلة ، أما عامة الشعب السودانى فى بلاد المهجر أكثر الجنسيات نشاط فى أداء مهمام عملهم وتطويره ويشهد لهم الجميع بذلك ، ونرجو أن تتحفنا بالنكته بتاعت الموقع الخليجى يا أبراهومه .

الأخ الزمن المريح

سلام

فعلا السودانيين هم من علموا وخططوا ولكن جاء البعض وللآسف شوه سمعة الكل ، والحق يقال أن الخليجيين عامة أكسل من رأت عيناى فى هذه الغربة وزى ماقلت أن كلو شىء هنا عن طريق الخادمه والسائق حتى أن السصائق يحل محل كفيله فى شتى مناحى الحياة ولا أحب أن أذكرها هنا ونسأل الله السلامة .

والله العظيم يا جماعة ما عارف أقول شنو؟
لكن مرت علي كترت مواقف من النوع دا...............!!!!!
يعني منها يجيني شافع يسألني ؟
صحيح انتوا عندكم مدينة إسمها كسلا؟
برد عليه آآآآآآآآآآآآآآي إتخيلوا الإجابة شنو؟
يرد علي ويقول انتو لي سميتوها كدا عشان ناسها كلهم كسالا صح................!
أها زي دا أقولي شنو؟
وبرضو مرة بتناقش مع شباب سعوديين في الموضوع دا زاااااااااااااااااتو
المهم أقنعتهم بي حتةة انو السوداني ممكن يشتغل طلبة لكن أتحدى واحد فيكم يقدر يرفع بلك وااااااااحد بس , امهم بمجرد ما سكتو قام عمنا بشير (وهو سوداني يسكن في عمارة بالطابق الثالث) الله يديه الصحة والعافية ينادي واحد من الشباب الكنت معاهم
هاك الكيس ناولني عيش الله يخليك( نزل كيس بي حبل وفيه ريالين) يعني فك الكيس واتناول العيش وعلقو هنا في الحبل
طبعا في اللحظة الشماتة دورت وقالوا لي اها دا بيان بي العمل
طبعا غلبتني الحيلة وقعدت أضحك وما عرفت اقول شنو؟
على العموم هي أصابع اليد ما وحده والناس ما كلها زي بعض وبعدين حقت كمال حامد فضيييييييييييييييييييييييييييييييييييييييييييييييي يييحة بكل ماتعنيه هذه الكلمة من معنى وكان الله في عوننا احنا السودانيين بهدلة برا وجوا والله غااااااااااااااااااااااااالب

شكرا مزونى على المداخله اللطيفة أعطيت للبوست نكهة خاصة ، فعلا أصابع اليد ما واحدة والله غالب .

الاخ الرائع ابوريلان لك الشكر على هذه اللفته الموفقه

اولا هذا الشىء ليس كسلا بل هو شى افظع من الكسل هو عدم اهتمام وعدم مبالاه واستخفاف بعقول الناس وعدم اهتمام بالتفاصيل وعدم احترام المشاهد اساءه الى البلد واساءه الى الشعب السودانى المغلوب على امره وعدم تحضر
والله المستعان الى الله المشتكى وكفايه ضحك على الذقون وكفايه خلاص

الأخ الرائع بابكر

سلالالالالالالام


فعلا إستخفاف بعقول الناس ، كما أن فضائية السودان تعتبر من أسوأ الفضائيات ويمر عليها الريموت بدون توقف ، ولكن الى متى هذا التخلف وهذه الرتابه .