والله فعلا البنات مظلومة بجد ..... صح ولا غلط ؟
البنات فعلا مظلومة .. مش كده ؟
ها إيه رأيكم !! معترضين صح ؟
وأناااااا أول المعترضين طبعاااااا
بصفتي من المشاكسين للبنات
طيب ما تيجوا نشوف كدة الحوارات دي ..
ياريت علشان نعرف فعلا مظلومين ولا بيتدلعوا
البنت فى مجتمعنا هيا الروح الوحيدة اللى دايما مظلومة
من أيام الجاهلية وهيا مظلومة
ولحد دلوقتى أهوه وبعد ما فات عقوووووود على الجاهلية
لسه فى فئة كبيررة أوى من الناس مزروعة الجاهلية فى قلوبهم
زمان كانو بيدفنوا البنات أحياء علشان قال ايه بيجيبوا العار
طيب ودلوقتى بعد ما أنتهت الجاهلية من زماااان حيعملوا ايه فى البنت ؟؟؟
البنت مظلومة يا ناس من يوم ما بتتولد
لو الأم وضعت ولد
الفرحة تملى الصدور والدنيا كلها
ولو بنت تبقى أفراح كدابة
وحزن مالى الصدور
طب ليه ؟؟؟
ليه كده
ده حتى البنت ساعات بتنفع عن الولد
بلاش دى
يا ناس دى البنت روووووووح ربنا خلقها
ليه نعترض على حكمته
عموما نسيبنا من التفرقة المميتة دى
أنا عاوز أتكلم عن نقط اهم
ليه لما البنت تغلط أى غلطه بتفضل تتعاقب عليها طول حياتها ؟؟؟؟؟؟
لو غلطت تبقى وحشة وفيها وفيها مع إننا كلنا بنغلط وفينا وفينا
بس أحنا الشباب بنتعاقب على اخطائنا شكليا
إنما البنت يا عينى عليها ...
شوفوا الحته اللى جايه ده
جاااااااامده هاااااااااااااا
هجيب ليكم الموضوع من أصعب الطرق علشان تقتنعوا
مثلا
تخيلونى كده .. قاعد مع بنت زي القمر على الكورنيش
ماسك إيدها ( يا خنااااااابي يااااااني ) وبالتانيه باكل جيلاتى
أوبااااااااااا إيه ده
أمى ظبطتنى يالهووووووى ( دا وقته دا )
ماما
ايوة ماما يا جميل
مين الحلوة ؟؟
دى
دى حبيبتى يا ماما
يا عيون ماما
كبرت وبقيت تحب يا منيل
ههههههههههههههههه
( حلو أوي التهزيق حبكت هيا اصلا قدام البت )
حصلنى عالبيت
حاضر يا ماما
( هههههههه الوقت الوحيد اللي مينفعش يقول لأ مهو لو قال التهزيق هيكتر )
ولما أروح
شوفت يا راجل
إبنك بقى جدع يملى العين
قاعدلى يا اخويا مع البنت وبياكلى جيلاتى
وقال ايه ماسكلى إيدها
هههههههههههههههههههههه
وطبعا عارفين الباقى
يستمر الموقف هزار وضحك وأحلى كلام
يا سلام ده الشباب عايشة 100%
تعالو كده بقى تخيلوا
نفس الموقف بالظبط هوه هوه
بس أم البنت اللى معايا هيا اللى جت
يالهووى يا ليلة أمك سودة ومنيلة
عليكي وعلي عيلتك والجيران وجيران الجيران
وتسمع قصيده من أجمل قصائد الشعر ومتلحنه علي أوتار صوت من النوع الغليظ
وعارفين الباقى كويس طبعا ...
( وطبعا الواد أول واحد هيطلع يجري ههههههههه )
أتفرجوا بقى لما الموقف يبقى أنتهى من شهر ولا أتنين
تيجى البنت وبكل برائة
ماما أنا خارجة اتمشى مع صاحبتى نفسى أفك عن نفسى شوية
لا مفيش خروج
نسيتى لما ظبطتك مع الواد على الكورنيش
تسد نفس البنت يا عينى
يا ماما دى غلطه وكلنا بنغلط ولازم ننسى
لا يا روح ماما مش حنسى
طيب يا ستى نسيتى للولد ليـــــــــــــــــــــــــــــه ؟؟؟؟؟؟؟؟؟؟
وتفضل تعاقب البنت فى كل موقف على غلطتها
لحد ما تقتلها بالراحة وتعيشها دايما فى ظلم
تفضل البنت متحملة جواها وفى النهاية
خلاص حتنفجر .. حتفرقع يا ناس
فى ظلم أكتر من كده
طيب تاخدوا مثــال تانى
حد يقدر يقولى ليه معظم البنات مش واخدين
حقوقهم حتى فى بيتهم ووسط اهلهم
رأيها مبيتعملش بيه إلا فى حالات نادرة
مع انها ممكن تكون أفقه وأعقل بمرااااااااحل من أخوها الأفندى
دى غير حق الولد فى البيت من كل النواحى
اللى بيتعدى حق البنت بكتيرررر جدااااااااا
حق الولد من تنفيذ رغباته
لفرضه سيطرة وهمية على البنت بدون
ما هوه يكون عاقل أصلا وبموافقه الأهل كمان
( أأأأه لو كان عندي أخت بنت كنت هوريهااااااا ههههههه )
حق الولد من التنزه والترفيه والتلاقى بالجميع
بدون أى موانع أسرية
طيب والبنت يا نااااااااااااااااس ؟؟
هيا مش بنى أدمه ولا جاية من كوكب تاااااااانى ...!!!!
حد يقنعنى طيب ويقول إنى كداااب
حد أقتنع بكلامى ولا انا بكلم نفسى ؟؟؟؟
