الصارم البتار.... في التصدي للزوج الحقار

(( كيف تكسبين زوجك؟ ))،،،،،، ((كيف تصبحين زوجة سعيدة في خمسة ايام؟ ))،،،،،(( كيف تحافظين على بيتك؟ ))،،،،،((150 وصية لمن تريد البقاء في قلب زوجها ))،،،،(( الكرباج للمقصرات في حقوق الازواج ))..................... هذه كلها مصنفات كتابية وخطابية بعضها تحمل تلك العناوين خطيا والبعض الآخر يتبنى تلك المعاني ، ولست ضد فكرة ان تؤمر المرأة بالمعروف ويؤخذ بيدها الى حيث فلاح الدنيا والآخرة ولكن اليس من الانصاف ان نقرأ كتابا يكون العنوان او المضمون هو : (( كيف تكسب زوجتك ؟ )) ،،،،((كيف تحافظ على بيتك ؟ )) ،،،،،(( الوخز بالشوكة لمن يهجر الزوجة )) ،،،،(( الصارم البتار في التصدي للزوج الحقار )) .................... والسؤال المؤرق ؟؟؟؟ لماذا رسخوا في قعور رؤوسهم ونحتوا في اعماق نفوسهم ان اسعاد المرأة للرجل هو (فعل) ، وان اسعاد الرجل للمرأة هو رد فعل؟....

ههههههههههههههه

سلامات نور

ويييييييييين هو الفعل

عشان يكون في رد فعل


ما سمعت بكتاب ( طلبات المرأة ........ شتات يا فردة )

ولا ( المرأة والحقيقة ... بعد مذهب ابو حنيفة )


ومليون تحية من صقر الجمهورية

نور عبد الله ..

والله حيرتونا عديل كده !!
يعني الحرب ما زالت مستمرة
الرجل والمراة .. والقط والفار ..
يعني الدنيا ناقصة مشاكل
لما نولعها كمان في البيوت !!
الله سبحانه جعل بيننا المودة والرحمة
فضلنا الذكر علي الانثي لاسباب معروفة
والمراة خلقت من ضلع اعوج
ولكن لا يستطاب البقاء لاي طرف منهم
دون وجود الطرف الثاني ...
اذاً .. نهدئ اللعب
ونخلي الكورة واطة
وربنا بسهل الباقي !!

الاخت نور عبدالله .
يااختي كدي استهدي باالله في شنو مالك ان شاالله خير (الصارم البتار في التصدي للزوج الحقار )دي حقارة شنو العايزه ليها صارم بتار والله وكت بديت اقراء العنوان قلتا ياساتر قلتا دي تكون واحده من المنظمات الارهابيه الجديده الطالعه في الكفر الايام دي بتتوعد واحد من الذين تتهمهم باالكفر لاكين للاسف خابت توقعاتي ووجدت ان الامر مجرد بداية لمنظمه ارهابيه نسائيه جديده يامره ماتهبطي .
تحياتي وخالص احترامي
الشوربجي

الكتاب ده القاهـــــــــــــــــــــــــــو وين دلونى ؟؟؟؟؟؟؟؟؟؟؟؟؟

المرأة تتصرف بناء
على ما يمليه عليه قاموس طباعها الذي يختلف كثيرا عن الرجل
( هما يتفقان أحيانا فيصبحان كأنهما مخلوق واحد ..
ويختلفان حتى تظن أن كل واحد منهما قادم من كوكب آخر )
اها الحرب دورت شنو ياجماعه مافي حاجه الكلام ميه ميه يانور تسلمي

والسؤال المؤرق ؟؟؟؟ لماذا رسخوا في قعور رؤوسهم ونحتوا في اعماق نفوسهم ان اسعاد المرأة للرجل هو (فعل) ، وان اسعاد الرجل للمرأة هو رد فعل؟

استحلفك بالله أخت نور
ما هو الأمر الذي تقوم به الزوجة تجاه زوجها ولا يكون فعلاً ؟
كيف تدخل السعادة لقلب الرجل دون فعل من زوجته ؟

معاشرة الزوج فعل ..
الطبيخ والشرب للزوج فعل ..
الغسيل والمكواة للزوج فعل ....
تربية الأبناء فعل وفعل عظيم ...
المحافظة على الصلوات والصيام وزيارة الأقرباء فعل ...
نظافة البيت والنفس فعل .....
السفر معه لأجل عزاء أو مباركة أو مناسبة فعل ....

وعمل الرجل في الخارج ومحافظته على أسرته وكيانها رد فعل لكل ذلك

وحكاية الكلام المعسول والجميل البقولو الراجل لزوجته ده متين ؟ ده بعد عمايلها ليهو
وبرضو تقولي لي فعل ورد فعل ( هاك اسحق نيوتن ده )
واليوم فتحتي طاقة لا قبل لك بها
أرجي الراجيك ..
قال صلى الله عليه وسلم (( استوصوا بالنساء خيراً ))

يا نور .. قولي بسم الله الرحمن الرحيم .. والعني ابليس واستعيذي بالله منه

جابت ليها حقارة وسيوف بتّارة .. بالطريقة دي حا نسمع قريب بي دوشكا و آر ..بي.. جي

روٌقى المنقة يانور

ادخلني عنوان الموضوع قهرا رغم انفي0 وتسبقني افكاري تحليلا ان هنالك معركة(الصارم البتار للسحرة والفجار )عنوان كتاب للزجر ويطلق علي الزوج الحنون0 واخالف ان الزوجة فعل وكم فعل لا يعجب المفعول له وانما هي سكن ومودة0 واذا كانت الاخري فهو قيد يضعه الله علي ارجل من يشاء 0كما ورد في الاثر 30 عاما بالمحاكم لم اشعر بان البون شاسع بين نصفين رغم اختلافات الرأي ولكن دعاة المساواة الذي هربوا منه وقعوا فيه فالتحررية والمساواة دعاتها ماحملوا سلاحا ومعاول وانما اعملوا العقل0 والمنظورة العمرية هي ام ولدي وغاسلة ثوبي وحافظة فرجي متكأ لهاجرة الافكار لم يكن رد فعل مقابل فعل0 فجادت بنا الايام عجبا لنقول ذوي العلم يشقي في النعيم بعقله لذلك خارت الجدلية لعدم مرجعيه لها ومن باب اولي مايشابهها والحديث ذو شجون تتري,,,,,,,,,

وينك يانور ولعتى النار ومشيتى وين تعالى ارجى الراجيك ...

بداية لكِ التحية والتقدير ،

في نظري هي أدوار متكاملة لكل من الرجل والمرأة
فالمرأة هي منبع العطف والحنان وهذا على حسب
طبيعتها فالتالي هي المسئولة على إسعاد زوجها
وكذلك مسئولة عن إشاعة الفرح في بيتها
وسوف يكون رد الفعل على حسب ما أعطت
ومنحت !

وأهبِك كل الوداد

هوووووووووووووووووووووووووووى يا نور نحننا قاعدييييييين

اقتباس:

---

المشاركة الأصلية كتبت بواسطة zaher

ههههههههههههههه

سلامات نور

ويييييييييين هو الفعل

عشان يكون في رد فعل


ما سمعت بكتاب ( طلبات المرأة ........ شتات يا فردة )

ولا ( المرأة والحقيقة ... بعد مذهب ابو حنيفة )


ومليون تحية من صقر الجمهورية

---

الأخ زاهر شكرا للمرور يا صقر.

اقتباس:

---

المشاركة الأصلية كتبت بواسطة سواااح

نور عبد الله ..

والله حيرتونا عديل كده !!
يعني الحرب ما زالت مستمرة
الرجل والمراة .. والقط والفار ..
يعني الدنيا ناقصة مشاكل
لما نولعها كمان في البيوت !!
الله سبحانه جعل بيننا المودة والرحمة
فضلنا الذكر علي الانثي لاسباب معروفة
والمراة خلقت من ضلع اعوج
ولكن لا يستطاب البقاء لاي طرف منهم
دون وجود الطرف الثاني ...
اذاً .. نهدئ اللعب
ونخلي الكورة واطة
وربنا بسهل الباقي !!

---

الأخ سواااح هو كلو سؤال واحد سألتو (حيقوم الحرب؟) .. وتفضيل الذكر على الانثى مسالة مفروغ منها لانو كلام رب العالمين.. والكورة في الواطة وانشاء دايما .. شكرا على المشاركة..

اقتباس:

---

المشاركة الأصلية كتبت بواسطة samah

المرأة تتصرف بناء
على ما يمليه عليه قاموس طباعها الذي يختلف كثيرا عن الرجل
( هما يتفقان أحيانا فيصبحان كأنهما مخلوق واحد ..
ويختلفان حتى تظن أن كل واحد منهما قادم من كوكب آخر )
اها الحرب دورت شنو ياجماعه مافي حاجه الكلام ميه ميه يانور تسلمي

---

والله ياسموحةالواحدة بس ماتكتب ليها كلمتين في حق بنات حواء ( ويقولو نحنا عاوزين نعمل منظمة ارهابية ) .. بالله العامل منظمة ارهابية للتاني منو؟؟؟؟

اقتباس:

---

المشاركة الأصلية كتبت بواسطة عصام الدين عموش

والسؤال المؤرق ؟؟؟؟ لماذا رسخوا في قعور رؤوسهم ونحتوا في اعماق نفوسهم ان اسعاد المرأة للرجل هو (فعل) ، وان اسعاد الرجل للمرأة هو رد فعل؟

استحلفك بالله أخت نور
ما هو الأمر الذي تقوم به الزوجة تجاه زوجها ولا يكون فعلاً ؟
كيف تدخل السعادة لقلب الرجل دون فعل من زوجته ؟

معاشرة الزوج فعل ..
الطبيخ والشرب للزوج فعل ..
الغسيل والمكواة للزوج فعل ....
تربية الأبناء فعل وفعل عظيم ...
المحافظة على الصلوات والصيام وزيارة الأقرباء فعل ...
نظافة البيت والنفس فعل .....
السفر معه لأجل عزاء أو مباركة أو مناسبة فعل ....

وعمل الرجل في الخارج ومحافظته على أسرته وكيانها رد فعل لكل ذلك

وحكاية الكلام المعسول والجميل البقولو الراجل لزوجته ده متين ؟ ده بعد عمايلها ليهو
وبرضو تقولي لي فعل ورد فعل ( هاك اسحق نيوتن ده )
واليوم فتحتي طاقة لا قبل لك بها
أرجي الراجيك ..
قال صلى الله عليه وسلم (( استوصوا بالنساء خيراً ))

---

اخونا عصام الدين قلت واحسنت القول ( حكاية الكلام المعسول والجميل البقولو الراجل لمرتو دة متين ؟بعد عمايلها ليو ) كلام جميل ..طيب لو قلنا( عمايلها ليو بعد الكلام الجميل والمعسول ) مش احسن برضو؟ ..مهما زعموا ان المراة هي ملكة البيت فان الرجل هو صاحب الكلمة الاخيرة وهو قائد السفينة والربان والموجه نحو الامان .. يعني لوكسب الزوج زوجتة قلبا وعقلا لاصبحت صورة منو . ...... ...................... والتحية لمشاركتك

اقتباس:

---

المشاركة الأصلية كتبت بواسطة Madanawi

يا نور .. قولي بسم الله الرحمن الرحيم .. والعني ابليس واستعيذي بالله منه

جابت ليها حقارة وسيوف بتّارة .. بالطريقة دي حا نسمع قريب بي دوشكا و آر ..بي.. جي

---

مايغرك العنوان مش قالوا (( المرا لو بقت فاس مابتقطع الراس ))

اقتباس:

---

المشاركة الأصلية كتبت بواسطة عبدالرحيم سعيد

ادخلني عنوان الموضوع قهرا رغم انفي0 وتسبقني افكاري تحليلا ان هنالك معركة(الصارم البتار للسحرة والفجار )عنوان كتاب للزجر ويطلق علي الزوج الحنون0 واخالف ان الزوجة فعل وكم فعل لا يعجب المفعول له وانما هي سكن ومودة0 واذا كانت الاخري فهو قيد يضعه الله علي ارجل من يشاء 0كما ورد في الاثر 30 عاما بالمحاكم لم اشعر بان البون شاسع بين نصفين رغم اختلافات الرأي ولكن دعاة المساواة الذي هربوا منه وقعوا فيه فالتحررية والمساواة دعاتها ماحملوا سلاحا ومعاول وانما اعملوا العقل0 والمنظورة العمرية هي ام ولدي وغاسلة ثوبي وحافظة فرجي متكأ لهاجرة الافكار لم يكن رد فعل مقابل فعل0 فجادت بنا الايام عجبا لنقول ذوي العلم يشقي في النعيم بعقله لذلك خارت الجدلية لعدم مرجعيه لها ومن باب اولي مايشابهها والحديث ذو شجون تتري,,,,,,,,,

---

................. دعاة المساواة انا بعيدة كل البعد عنهم .. بل بالعكس. .. سعيدة جدا بالمشاركة

اقتباس:

---

المشاركة الأصلية كتبت بواسطة نزار حسن محمد

وينك يانور ولعتى النار ومشيتى وين تعالى ارجى الراجيك ...

---

اخوي نزار كل الشكر ليك (رغم الهرشة دي ) .

يانور والله فتحتي ليك طاقه كبييييييره مابتتقفل غايتو الا كان تلبدي في الاتحاد النسائي كم يوم كده وبعد ماتهدي المعركه الكلاميه انا حااطلع كتب لنج بعنوان (النار القائمه للمراه الحائمه )(القذف باالبندوره في الرد علي نوره الماموره)(الكف المانع في ظواهر التمرد النسائئ الشائع) هذه مجرد بدايه وستكون من القطع المتوسطه
الشوربجي يدعوكم ان تكثف6و الحمله باالجملة والقطاعي

عشان نجاوب على السؤال دا
حا أجاوب بي سؤال

لماذا ألزم الإسلام المرأة بطاعة
الرجل ولم يلزم الرجل بطاعة المرأة؟

الإسلام دين حياة ... وهو ملئ بالحكم
المسألة تكمن في تباين الأدوار بين
الرجل والمرأة ولكل واحد مساحة من
الحقوق والواجبات.

واللبيب بالإشارة يفهم