احسن حاجة فى الاولاد شنو واحسن حاجة فى البنات شنو ....يلا رايكم

طبعا ما فى زول كامل الكمال لله

لكن عايزة اعرف وجهة نظركم


اكعب حاجة فى الاولاد انتو شا يفينا شنو ؟

السوال للجنسين

واكعب حاجة فى البنات شنو؟
احم احم.....

شنوووووووووووو


من غير تحيز
:) :) :) :) :)
وبى صرااااااحة
نوناااااااااا:rolleyes:

بصراحة والحق يقال اسوأ حاجة في اغلبية الاولاد وليس الكل عدم مخافاة الله والتهاون في الامور الدينية والدنيوية وفساد الاخلاق

وفي البنات وما كلهن برضو عدم الحياء والخجل كلو انتهى وانعدم

نسال الله الهداية للجميع

بس طبعا الحمد لله كل اعضاء المنتدى من اخوان واخوات ما شاء الله وعيني باردة والكمال لله وحده

يديك العوافي يا نونا على الموضوع

ورايي بصراحة وبدون تحيز على قولتك

بالنسبة للاولاد مشاكلهم كتيييرة فوق حد التصور..:D..عشان كدة اعفوني من ذكرها

نجي للبنات

البنات عندنا بقى اساس التقييم عندهم للانسان....مظهرو الخارجي
وطبعا ما كلهم لكن الاغلبية
وانا الموضوع دا مضايقني جدا
لانو منتشر بزيادة في الوسط الانا عايشه فيهو
وزي ما قال ابو روان:نسأل الله الهداية للجميع


وبوركت يا نونا

الاخت نونا
كنت فاكر انتي ح تبدائ لكن زغتي بدبلماسيه
المهم الاولااد جرو وراء المعيشه باي اسلوب ونسو ونسو القيم الحميده السودانيه ومخافه ربهم بس ليس الجميع
اما اخواتنا البنات اصبح زي ما بقولو حبوباتنا عينهم بيضا

تحياتي

طبعا انا حااقول زي ماانا شايفه عندي
الاولاد فيهم شويه جراءه زايده شويه وبعدين الاخلاق نازله شويه
البنات زي ماانا شايفه عندهم حنان زايد وبزودو الحاجه شويه كده وعندهم مواقف سلبيه في حاجات ممكن يكونو فيها ايجابيات وفي دلع زايد
ده طبعا على حسب ماانا شايفه في الناس الحوالي والعندهم علاقه بي ويمكن يكون الصفات اللي قلتها دي تكون فيني

الاخت روبى

تحياتى للفكره المبدعه ...رد ى ان الانسان بلا (ضمير) او (مبدا) وهما المعياران الاساسيان عندى لن يكون انسانا حقيقيا بغض النظر عن تصنيفه رجلا ام امراه ...........والباقى كلو (هين)....جنى وجن الزول / الزوله الما عندو / عندها مثل اعلى ..........تحية لشموخ النساء وسلام لكبرياء الرجال.

العريزه نونا
سلام واعتزار

الظاهر حماسى للموضوع خلانى اعنون الموضوع للاخت الغاليه روبى (الشفقه تطير) الحقيقه دخلت مستعجل شويه ايدكم العافيه الاتنين.

اخوة المنتدى لكم التحية
العضو طارح الموضوع
اختى كان المفروض السؤاليكون هو ما اجمل حاجة فى البنت وكذا الولد
لان المساوى لا حصر لها فى الجانبين
عموما اسوا شى فى الولد اللامبالاة وعدم احترام الذات وازدراء الاخرين بعدم احترام انسانيتهموطبعا انا ارى التمباك اسو ا شى فى الاولاد وكذا السجاير
اما فى البنات الاسوا من السوء هو عدمالحياء وعدماحترام البنت لانوثتها
اما الاشياء الاخرى يمكن معالجتها
ربنا يكفى اماسى شر ما ذكرت واسال اللهان يكسبها الحياء والادبواحترام الذات والاخرين وحب الجميع

خال اماسى

ربنا يكفى اماسى وكل اخواتنا عضوات المنتدى وكل اخواتنا في شتى البقاع الاسلامية شر ما ذكرت واسال الله ان يكسبهم الحياء والادب واحترام الذات والاخرين وحب الجميع

اقتباس:

---

كاتب الرسالة الأصلية aborawan
ربنا يكفى اماسى وكل اخواتنا عضوات المنتدى وكل اخواتنا في شتى البقاع الاسلامية شر ما ذكرت واسال الله ان يكسبهم الحياء والادب واحترام الذات والاخرين وحب الجميع

---

اخى المشرف لك الشكر وجدانا اسف ربنا يكفى كل بنات السودان شر ما اسلفت وربنا يجعت الحياء ديدن بناتنا ولولادنا قول امين

اخلى حاجة فى البنااااااات الرقة
والاولاد الجدية وتحمل المسئولية

تسلم اخوي بدر الدين ويديك الصحة والعافية