رأيكم شنو

رأيكم شنو يا شباب لو نخلى البوست ده للونسه لأنو بصراحه نحن فى الغربه محتاجين للونسه والدردشه لأنو الملل قتلنا يعنى كل واحد ادخل اتونس حبه احكى مشاكلوا المرت بيه خلال اليوم يعنى ونسه عاديه وكمان نتعرف بى بعض عشان العلاقات تكون قويه وبعدين كلنا من مدنى الحبيبه , حاليا نحن بنتونس بالجوالات وده معناهو خساره ماديه رهيبه وفظيعه .


يعنى أثناء وجود الاعضاء والمشرفين بالمنتدى أدخلوا أتونسوا واشربو القهوه ويأكلوا ليهم حبت مكسرات ونعرف اخبار مدنى الحبيبه الجميله عشان نرتاح شويه من قصة الاتصال بالجوالات دى . وكمان النفسيات ترتاح حبه .

أدونا رأيكم يا شبااااااب

هارمونى ....قناه سودانيه 100 %:D

والله فكرة جميلة جدا جدا
انا اضم صوتى الى صوتك
اها وينها القهوة
وينو الشاى وين المكسرات القلتها

ابو رانيا دائما بتضرب في الوتر الحساس

اقتباس:

---

المشاركة الأصلية كتبت بواسطة شبارقاوية

والله فكرة جميلة جدا جدا
انا اضم صوتى الى صوتك
اها وينها القهوة
وينو الشاى وين المكسرات القلتها

---

القهوه فى النار لسع ما انتهت والليفه رايحه :D :D

والمكسرات بمشى بجيبها اسى من البقاله :cool:

لكن ما مشكله تعالوا اقعدوا فى البنابر ديل كدى ;)

اقتباس:

---

المشاركة الأصلية كتبت بواسطة مختار بازى

ابو رانيا دائما بتضرب في الوتر الحساس

---

والله يا مخو الغربه بتعلم حاجات كتيره منها الجن :D

وشكرا لى مرورك وانشاء الله تجينا تشرب معانا القهوه وتأخد ليك معانا حجر ونسه

يا ريت لو تفاحتين تكون تب ما قصرتة مع اخوك

الغربة يا ما تعلمك ....................................

ما حافظ باقي الغنية بالله الحافظها يغنيها لينا

ويا أبو رانيا طالما فيها توفير أنا معاك للأخر

مرحبتين حباب ابو رانيا
اها قلت لي الجديد شنو

اقتباس:

---

المشاركة الأصلية كتبت بواسطة مختار بازى

يا ريت لو تفاحتين تكون تب ما قصرتة مع اخوك

---

مافى تفاحتين فى مشمش لكن عشان خاطر عيونك السمحات ديل بنزل بجيب ليك التفاحتين

اقتباس:

---

المشاركة الأصلية كتبت بواسطة جيفارا

الغربة يا ما تعلمك ....................................

ما حافظ باقي الغنية بالله الحافظها يغنيها لينا

ويا أبو رانيا طالما فيها توفير أنا معاك للأخر

---

انا زاتى ما حافظها

ياريت والله تكون معانا على طول عشان البوست ده اعمر

اقتباس:

---

المشاركة الأصلية كتبت بواسطة طلال الصول

مرحبتين حباب ابو رانيا
اها قلت لي الجديد شنو

---

الجديد يا اخوى طلال إنك شرفته البوست والله

وياريت تكون معانا طوالى لأنو فيها غدا ملاح ويكه بى قراصه الليله

يا ابو رانيا كدة المكان ما حيشيلنا
ملاح ويكة وبي قراصة شد حيلك اصحابي قلتة ليهم كلهم جايين معاى

اقتباس:

---

المشاركة الأصلية كتبت بواسطة مختار بازى

يا ابو رانيا كدة المكان ما حيشيلنا
ملاح ويكة وبي قراصة شد حيلك اصحابي قلتة ليهم كلهم جايين معاى

---

لوطابت النيه بتكفى ميه

تعالوا سااااى انا مشيت جبت لى كسره من شارع منصووووور والشطه والبصل موجودات

والله يا أبورانيا
الونسة ما بنرفضها ... بس أهم حاجة
في الونسة الشمارات ، كان عندك
شمارات حااااااااااااااااااااااااااارة
كلمنا ، بنجيكم.
قهوتكم وصلت لكن مافيها جنزبيل

ابو رانيا ما تتكلم في الحاجات الحساسة دي
ملاح ويكة وقراصة وشطة يازول كدا بتجيب لينا سكتةقلبية
انت نسيت احنا العزابة المعذبون في الارض والله شنو
والبوست يا زول منور باصحابو وزوارو

والله يابو رانيا لو اتصلتة بي شبارقة تكون ما قصرتة لانو قالو عندو كترت شمار ايييييييييك
من النوع الطازة داك والعجب صاحبو

اقتباس:

---

المشاركة الأصلية كتبت بواسطة الفارس البنفسجي

والله يا أبورانيا
الونسة ما بنرفضها ... بس أهم حاجة
في الونسة الشمارات ، كان عندك
شمارات حااااااااااااااااااااااااااارة
كلمنا ، بنجيكم.
قهوتكم وصلت لكن مافيها جنزبيل

---

1. تعااااال لى ....... ماشمت الناس على
   
2. الشمارات راقده أدخل انته بس
   
3. أما الجنزبيل ده موضه قديمه الجبنه اسى بقت بالهبهان يا الفارس البنفسجى

اقتباس:

---

المشاركة الأصلية كتبت بواسطة طلال الصول

ابو رانيا ما تتكلم في الحاجات الحساسة دي
ملاح ويكة وقراصة وشطة يازول كدا بتجيب لينا سكتةقلبية
انت نسيت احنا العزابة المعذبون في الارض والله شنو
والبوست يا زول منور باصحابو وزوارو

---

النشهه ساااااى يا طلال زى ما قلته عزابه

اقتباس:

---

المشاركة الأصلية كتبت بواسطة مختار بازى

والله يابو رانيا لو اتصلتة بي شبارقة تكون ما قصرتة لانو قالو عندو كترت شمار ايييييييييك
من النوع الطازة داك والعجب صاحبو

---

يا مخو اتصل عليه كيف والله ما عارف الونسه من غير شمااارات ما بتبقى زى ماقال المسافر

وين الناااااااااااااااااااااس

الغالين والحلوين والجميلين ناس الونسة السمحة
والطيبة والاصل النبيل ونستكم تشرح القلب وترد الروح
والجبنه تجيب الطاشي بالفرقان يدور علي الخلان جيتكم
وشايلني الشوق فرحة وغنيوة ورقصة وحولية تناغم تطرب
كل الحبان جايكم ومعاي هدية للطيبين اغنية للرائع عثمان
حسين بس كلمات عشان كلوا زول يقراها بي مزاااااااااااااج
والمنتحرين ما مننا من بكاء وجوعير نخليكم مع الروعة:ــــ

بالمعزه البينا اغلى الصلات
بالهوى العيشناهو خمسه سنين ومات
بالعذاب الشفتو والسر الكتمتو
وباقى الطيبات
استحلفك تترك سبيلى
وسيبنى واحضن اماسى وابكى الزكريات
انا بى حنانى القاك واصطفيك
وحبيتك بكل جوانحى العميقه
انا شلت من اجلك هموم الدنيا
اهديتنى من جراحها بكل طيبه
لسعادتك انت انا ضحيت
واتغربت ماخليت طريقه
فى مسيرى المضنى
من اجل الحقيقه
كل طائر مرتحل
عبر البحر قاصد الاهل
حملتو اشواقى الدفيقه
ليك يا حبيب للوطن
لترابو لرمالو للدار الوريقهلكن حنانك ليا
او حتى مشاعرك نحوى
ماكانت حقيقه كانت وهم
كانت دموع مزبوحه باحرف انيقه
ما باييدى لو ضباب الغيره اعمانى
وزيف لى الحقيقه
انت نبع حنانى انت كيانى
انت الدنيا بهجة وشروقا
وانحصل زلت خطاى معاك
او ضلت طريقا
هل تصدق تنتهى قصتنا
يا اجمل حقيقه
نحنا عشناها بدموعنا
وبالضنا فى كل دقيقه
ياحبيبى لم تزل قصتنا
قصة حب اقوى من الحقيقه.......

ودوما في رعاية الله وحفظه....
مع كل الود باقة ورد....

لقيتك يا ابو رانيا .. ونّاس شديد

في الغربة الناس حالتهم صعبة .. ومحتاجين لكل لحظة تعمل ليهم فلاش باك لايام خلت وذكريات يحلمون برؤيتها تتجدد ،،،

جيبو الفول السوداني .. وابدو النقة ..

انا عجبني جدا بوست أخونا بستوني وأغنية الراحل المقيم مصطفي سيد احمد

الدنيا ليل .. غربة .. ومطر

وصدقني بتونس بيها في العربية من تسعة سنين هي عدد سنون غربتي

اقتباس:

---

المشاركة الأصلية كتبت بواسطة ابورجاء

الغالين والحلوين والجميلين ناس الونسة السمحة
والطيبة والاصل النبيل ونستكم تشرح القلب وترد الروح
والجبنه تجيب الطاشي بالفرقان يدور علي الخلان جيتكم
وشايلني الشوق فرحة وغنيوة ورقصة وحولية تناغم تطرب
كل الحبان جايكم ومعاي هدية للطيبين اغنية للرائع عثمان
حسين بس كلمات عشان كلوا زول يقراها بي مزاااااااااااااج
والمنتحرين ما مننا من بكاء وجوعير نخليكم مع الروعة:ــــ

بالمعزه البينا اغلى الصلات
بالهوى العيشناهو خمسه سنين ومات
بالعذاب الشفتو والسر الكتمتو
وباقى الطيبات
استحلفك تترك سبيلى
وسيبنى واحضن اماسى وابكى الزكريات
انا بى حنانى القاك واصطفيك
وحبيتك بكل جوانحى العميقه
انا شلت من اجلك هموم الدنيا
اهديتنى من جراحها بكل طيبه
لسعادتك انت انا ضحيت
واتغربت ماخليت طريقه
فى مسيرى المضنى
من اجل الحقيقه
كل طائر مرتحل
عبر البحر قاصد الاهل
حملتو اشواقى الدفيقه
ليك يا حبيب للوطن
لترابو لرمالو للدار الوريقهلكن حنانك ليا
او حتى مشاعرك نحوى
ماكانت حقيقه كانت وهم
كانت دموع مزبوحه باحرف انيقه
ما باييدى لو ضباب الغيره اعمانى
وزيف لى الحقيقه
انت نبع حنانى انت كيانى
انت الدنيا بهجة وشروقا
وانحصل زلت خطاى معاك
او ضلت طريقا
هل تصدق تنتهى قصتنا
يا اجمل حقيقه
نحنا عشناها بدموعنا
وبالضنا فى كل دقيقه
ياحبيبى لم تزل قصتنا
قصة حب اقوى من الحقيقه.......

ودوما في رعاية الله وحفظه....
مع كل الود باقة ورد....

---

كل طائر مرتحل
عبر البحر قاصد الاهل
حملتو اشواقى الدفيقه
ليك يا حبيب للوطن
لترابو لرمالو للدار الوريقه

تشكر يا عسل بس الكلمات دى تخلى الواحد أسى اقول راجع السودان

اقتباس:

---

المشاركة الأصلية كتبت بواسطة Madanawi

لقيتك يا ابو رانيا .. ونّاس شديد

في الغربة الناس حالتهم صعبة .. ومحتاجين لكل لحظة تعمل ليهم فلاش باك لايام خلت وذكريات يحلمون برؤيتها تتجدد ،،،

جيبو الفول السوداني .. وابدو النقة ..

انا عجبني جدا بوست أخونا بستوني وأغنية الراحل المقيم مصطفي سيد احمد

الدنيا ليل .. غربة .. ومطر

وصدقني بتونس بيها في العربية من تسعة سنين هي عدد سنون غربتي

---

من جديد جيت تانـــى تكسر .... صمتى بالنظره الخجوله
ويا أمل عمرى القبيـــــــــل .... ويا سنين عامرات طفوله
وماقدرته انساك من زمان .... بس ضاعت احلام الطفوله

يا مدناوى نورته السهله والله وصدقنى مادام انته من معجبى الاستاذ / مصطفى سيداحمد حتكون نمره واحد فى قائمة الناس المحبوبين الى قلبى شديد وربنا ارد غربتك لى ارض الوطن ( مدنى )

اقتباس:

---

المشاركة الأصلية كتبت بواسطة abo-rania

1. تعااااال لى ....... ماشمت الناس على
   
2. الشمارات راقده أدخل انته بس
   
3. أما الجنزبيل ده موضه قديمه الجبنه اسى بقت بالهبهان يا الفارس البنفسجى

---

والله انا كرهتي في الدنيا الهبهان
وبالذات لمن يعملوا مع الرز
يازول شوف ليك حل من هسه
كان عاوزنا نقعد معاكم ... أن شاء
الله تكب شوية جنزبيل في الفنجان
، كان تجيبو من الدكان ولا تشحدو
من الجيران.مخيييييييييير!!!