لمن تبوح بهمومك

احبائى الاعزاء
طابت اوقاتكم بالخير
فى حياةكل منا اعباء وهموم واسرار يحتاج ان
يبوح بها لشخص يثق فيه .سواء اكان هذا
الشخص قريب او صديق ليخفف ما بداخله
من هموم حتى يشعر بانه انزل وازاح جبلا
ثقيلامن على صدره .
سؤال اطرحه للكل:
لمن تبوح او تشكى همومك؟

الغريبة قبل يومين بس بحاول أقنع في صديق لي أن ((بوح)) بما يهمك لأقرب صديق تحسه

قريب جداً منك .. وبدأ في الإقتناع بهكذا أمر .. ولكنني غير قادر علي إقناع نفسي أن تفعل

المثل .. إحتمال لم أجد ما يمكنه احتمال ما يهمني و يشغلني ...




لذا من الأفضل أن تتحتفظ بسرك لنفسك الي أن تجد من هو أهل لذلك السر ...!!

حتى لا ينطبق عليك بيت الشعر

(إذا ضاق صدر المرء بسره .. فصدر الذي يستودع السر أضيق)

الشكيه لغير الله مزله

حسب الهم ونوعه بكون الحكي
وفي الغالب بكون الحكي لأقرب
الناس للنفس فقد يكون الحكي
للزوجة
الصديق
الأم
الأب
الأخ
الأخت
وطبعاً دا حسب فلسفة كل زول

في رأيي والله غير زوجتك الاخترتها انت بي ارادتك عن حب واقتناع دي اكتر انسانه في الكون ممكن تفضفض ليها (بس الفضفضه ما شرط تكون اسرار) في اسرار ممكن تحكيها ليها لكن في اسرار لازم تحتفظ بيها لي نفسك وغصبا عنك, وما تنسو النصوص دي ممكن تعتمد عليها في انك ما تحكي جزء من اسرارك لي اي شخص كان اذا كانت اسرارك مربوطه بالنصوص دي : ((وأقضو حوائجكم بالكتمان)) ,,, ((من ستر مسلما في الدنيا ستره الله يوم القيامه)) ,,,((ولاتجاهرو بالمعصيه))........الخ
وأخيرا انا شايف انو الأولى تحكي ليو وتفضفض ليو زوجتك وصديقك الما مستني منك حاجه وبخدمك وما بحسب ليك........
والله يسهل على الجميع ويزيل هموم الجميع.........
وربنا يدي العافيه..................

الواحد لما تبوح بي همك لواحد بتثق فيهو بترتاح نفسيا

ابوح لود الماحي نعم الصديق الصدوق

والله نصيحة انو كل زول يفتش ليهو زول يكون موضع سرو
لانو بمجرد سرد همومك للحد الانتة اخترتو بترتاح نفسيا
حتي ولو ما بيدو يعمل ليك اي حاجة سوي انو يستمع فقط

ولكن ان وجد من يستحق ان تحكي لة
ويتوقف هذا علي نظرة كل فرد للشخص المناسب
اخوك .اختك .صديق .صديقة.زوجة.الخ

أخي وصديقي عاشق الريف .. أنت قد أوجدت الاجابة لهذا السؤال

من نثق فيه يكون هو أمين السر و كاتم الأخبار .. وأياك وغير الموثوق بهم !!!

اولا تشكر على الموضوع
وبعدين انا ابوح بهمومى لمن اثق بهم ولااقرب الناس لى