عرض للطباعة
يا جماعة وبعدين في الكلام ده .. الكسل الكسل الكسل وبعدين يعني نحن جد كسلانين والنكت دي شنو بالظبط البتطلع علينا ..يا جماعة الموضوع ده جادي للنقاش لازم نلقى حل .. الكلام ده ما صح في حقنا .. انا وحده مغتربة وجد شايفة الكلام ده بعيني .. ( الســـــودانين كســلانــين)
ده بقى موضوعم .. شنو ؟؟؟!؟؟؟؟!؟ حنفضل ساكتين كده ... ارجوكم خدو الموضوع ده بعين الاعتبار ..
دمتم على الطاعة دائما
والله يابنوتة اعتقد انها دي بقت سمعة لكل السودانيين بالخارج
وانا قبل كدا سمعتها من غير السودانيين بس الايام دي قايمين فيها قومة شديدة وانا كمان بتساءل معك هل فعلا دي صورتنا في الخارج !!!:(
مع انه داخل السودان مافي مقولة زي دي
والله كضابين والله برا السودانين شغالين شغل الجن
والشغل كلو فوق راسهم
والواحد كان قالو ليهو امش اشتغل في السودان ذي شغلك دا ما يشتغل
بس نحنا كان لقينا الامكانيات ما عندنا مشكلة
شكرا بت السودان علي الموضوع
يا مدنية قلتليك ده موضوعم .. انا جد ما تتصوري قدر شنو بتغاز لمن يقولو كده بتغاااااز وجد بزعل ما برضاها .. ودي فعلا صورة السودانين برة السودان او بالاحرى الصورة الاولى عنهم .. ترضوهااا يا جماعة ؟؟!؟!؟
اخونا محمد السر صح معاك حق في كلامك .. لكن الموضوع ده منتشر بي شدة في اي مكااان النكت الكل يوم بطلعوها دي انت ما سمعتها .. الله يصلح الجميع بس ..
شكرا على المرور
السلام عليكم
والله يا بت السودان ده الحاصل في السودان ويا مدنية قلتي مافي مقوله زي دي كيف مافي
خشي اي مكتب لي اي مسؤوال شوفي الحاصل شنو بتلقي عندو سرير في المكتب بتاعو
خلي المسؤول امشي اشتري من اي سوبر ماركت بتلقي انو بتاع السوبر ماركت عندو عنقريب وتلقي راقد ونايم الا تدقي ليه الدكان عشان اقوم
ابقي كيف ما كسلانين
انا عندي ود خالتي شغال في الرئاسه بتاعت مدني عسكري يعني قال الضابط فلان ما متزكر اسمو عندو برنده داخل المكتب بتاعو ابقي كيف ما كسلانين ديل جاين اشتقلو ولا انومو
ابقي الكسل حاصل
ودمتو بود ،،،،،
اقتباس:
المشاركة الأصلية كتبت بواسطة Bet-alsudan
ديل ما عندهم موضوع السودانين ديل هم بنوا الخليج كلو
والعملهو ما في زول سواهو
اسه تمشي اي مكان في البنيات التحيته في كل دول الخليخ تلقي السودانين
موجودين وانجازهم واضحة
وشكرا علي اهتمامك بت السودان
الحقيقة دي اشاعة ملازمة للسودانيين .. وأكرر أنها اشاعة ، السودانيين الشفتهم انا شغالين خارج السودان بالجد زي الطواحين بيشتغلو ليل ونهار .. وقد قدموا اسهامات وانجازات كبيرة في مواقع عملهم المختلفة .. وبيسكبو العرق عشان لقمة عيش نظيفة .. الأمانة أيضاً صفة حميدة و يتصف بها السودانيون ليسو هم فقط وانما هم اكثر من غيرهم من الشعوب لذلك الكثير من أصحاب الاعمال والشركات ترغب في توظيفهم اكثر من غيرهم!! ممكن يكون الوضع في السودان مختلف فالعائد المادي نوعاً ما قليل مقابل الخدمات التي يؤديها الموظف.
بالمناسبة الموضوع ده من زماان منتشر بتذكر مرة أيام ماكنت في الثانوي قبل عدة سنوات (لما كنت محسوبة من المغتربين يعني) في أستاذة قالت لي بيقولوا السودانيين كسلانين سألتها القال ليك منو قالت لي في النت موجود الكلام ده, طبعا إستغربت كيف ممكن كلام في النت ولو بالغلط يأثر للدرجة دي! في حين إنو هم ذاتهم كسلهم عينة مثلا الخدامة تجيب لي الواحد فيهم الموية لحدي عندو يعني حركة من السرير مافي حتى الأكل ده بيطبخو ليهم ده كلام ده وقال السودانيين كسلانين, وبعدين خير ياطير النبقى كسلانين مش قايمين بواجباتنا؟؟!!
وماتزعلي يا بتنا أبدا والعارف عزو الريح مابتهزو. وبعدين البقول ليك السودانيين كسلانين وبالذات الخليجيين ردي ليهو بكسلهم هم وأعرفي ردي وسكتيهم مرة واحدة.
اخونا كبك .. انا صحي شايفة السراير في اي مكان عمل في السودان ما عارفة الحكمة شنو ما بنوم اليل ولا كيف ؟؟؟؟ غايتو ما عارفة الحكاية دي غريبة جدا ... اعيد ازيد وادعي ربنا يهدي الجميع ...
دمت على الطاعة
اخونا محمد السر .. والله انا معااك في الكلام ده لكن تقول شنو بس .. نحن نشتغل ونحن النلقى الاهانة منهم ...
شكرا على المتابعة
مشرفنا الكـــــبير مدناوي ... والله صح معاك حق المغتربين شغالين بس هم لازم يشتغلو اها كان ما اشتغلو مغتربين لي طيب ؟؟ يا جماعة انت ما سامعيين وحاااة الله حاجة تشيب الراس
شكرا على المرور
اقتباس:
المشاركة الأصلية كتبت بواسطة Bet-alsudan
شوفو كل الخليج بعمل للسودانين الف حساب لانهم عاريفين لو قاموانحن
صعبين عشان كدا ما زول بقدر يهنهم ولا بالغلط لانو عارف البحصل ليهو شنو
وشكرا ليك كتير
كنا للناس رمز طيبة
كنا عنوان للشباب
ولسه تاهين لينا مدة
بنجري من خلف السراب
وتاني ما تقول اتنهينا بتنهي جيل بنظر الينا
دا باني امالو وطموحو
و معتمد ابدا علينا
نحن قلب الدينا جينا
عز الدينا بينا
صحي والله يا مرام كلامك ده اكبر دليل انهم كسلانين طيب انا احكيليك القصة دي وحصلت معاي السنة دي في المدرسة ( مرة بنت سودانية في صفي قالت يا ابلة ضروري نعمل كده كده قالت ايوة لازم تحلو المسالة بدقة عشان تاخدو علامة الكاملة وقبلت للبت وقاتليها طبعا لازم تقولي كده ما انتي ( ســـــــــو دانــــية ) ) اتخيلو الموقف انا جد ما عرفت اعمل شنو في اللحظة ديك ... الله يدي العافية بس يا مرام ..
شكرا على مرورك ..
اخونا محمد السر لكن هم اهانونا وخلصو .. القالو قالو بالنكت كمااان .. دي الحاجة البتزعل ما اعتقد في زول برضاها على اهل بلدو ...
شكرا وشكرا على المتابعة :)
الصراحه راحه
السودانين داخل السودان غير كسالا
أما خارج السودان البعض منهم كسالا وذلك بسبب البلد الموجودين فيها لأن كل أهله كسالا
وهذا الكلام بدلائل والله
رأيك شنو لو نعمل للسودانين أمتحان فى الكسالا :D :D
يا ابو رانيا .. والله انت ما عارف شي انت بس اسمع واحد فيهم اسمع نكتة طيب واحكم برااك .. برة ولا جوه هم قصدم سودانين بشكل عاااااام ... يا جماااعة يا جماعة الكلام جد بزعل والله بزعل ...
اقتباس:
المشاركة الأصلية كتبت بواسطة Bet-alsudan
بالعكس يابت السودان انا بأيدك بى نسبة 100% والله
وواعى للكلام ده مظبوط
وانا قلته ليك عندى دلائل والله العظيم
وبعدين الخير بخص والشر بعم
كسووول سودانى واحد يكفى لتعم المشكله
طيب أسمعى النكته دى بقولوها أهلنا السعوودين فينا نحنا السوودانين
( فى السودان البصحى من النوم أول بعينوووه رئيس للسووودان )
تعالي يا بتنا نوريك الحكايه من أولا
طبعا من زمن طويل وأول ما بدأت دول الخليج في النمو بدأ تدافق الأخوه العرب أليها وخاصه الأخوه المصريين ( الله أديهم العافيه ) ولكن عندما وصلو الي كل من الأمارات والسعوديه وجدو السودانيين مسيطريين علي جميع الوظائف العالية هناك ، ولكي أمثله بسيطه (بلديه أبوظبي ، بلديه دبي ، التعليم ، المحكمه العليا ، الجيش ، الشرطه ، الخ.... ) فكان لا بد لهم من نشرهذه الشائعة لكي يجدو لهم مكان . فكان لهم هذا ونجحوا فيه . وهذا ما لازمنا الي يومنا هذا .
ولكي كل الشكر علي طرح الموضوع بتنا
والله ياBet-alsudan
الموضوع داير وقفة بالحيل عشان نوري الناس ديل نحنا عكس الكلام دا
لكن الواقع والحقيقة بيقولو عكس ذالك
ودمتي
ابو رانيا .. لكن دي مشكلة كبيرة لازم نلقى الحل ليها ... شكرا على متابعتك للموضوع
اخونا محمد الشيخ لكن الكلام ده جديد علينا دوبنا سمعنا بيه .. شكرا على المرور
اخي مختار البازي .. طيب نحن مفروض نغير الواقع والحقيقة اعتقد بامكانا الكلام ده ..
يا جماعة الموضوع ده ما حنتهي بالنقاش بس لازم يكون نقاش وعمل .. وايجاد للحل المناسب
اقتباس:
المشاركة الأصلية كتبت بواسطة Bet-alsudan
أنا شايف انو مافى ليها حل نهائى
الا حل جزرى وهو انو كل سودانى كسول احاول أصلح نفسوا وابطل كسل :D
http://wadmadani.com/vb/showthread.php?t=6794
عليك الله يا بت السودان شوفي انا من سنه كم وانا مغيوظه غيظتك دي
النبي شوفي
غايتو انت بعد سنتين حتصلي مرحله انك تكوني قابله للانفجار بس بالتتش زي كده :D هههههه