الحب من النظرة الأولى
قصتي معاها بدت من أول يوم شفتها يعني زي مابقولوا العشاق الحب من أول نظرة في ناس ما بيقتنعوا بالمفهوم ده أنا زاتي معاهم لكن حقيقة الشفتها دي أوووووووك ماتزكروني , وقعت عيني في عينه في اللحظة دي دار بيناتنا حوار لكن كان بصمت إبتسمته ليها إبتسمت لي من اللحظة ديك وأنا ماقادر أنساها فكري كلو مشغول بيها بصراحه حبيته لكن ياربي هل هي حبتني؟؟؟ ده السؤال السعيت عشان أعرف ليهو إجابة , رسمته خطتي وقلته أحسن حاجة أقرب منها وأشوف أفكاره وثقافته يعني محتواها شنو وأحاول أقنعة بنفس فهمة وقربته منها تعالو شوفو لقيت مواصفاته كانت شنو !!! من ناحية جميلة دي ماخلت للجمال شئ ومن ناحية متعلمة أتاريها طلعت منبع للعلم وقلته أشوف ثقافته والكارثة انو الثقافة ذاته بتجي تتثقف منها شفتو ياناس أنا مصيبتي كبيرة كيف دي ماخلت لي فرقة أخش بيها , سألت عن إجتماعياته طلعت حبوبه وكل الناس بتريده قلته مافي غير حل واحد تمشي توووووشك وتكب الحنان , مشيت ليها ومليت صدري وبنفس واحد قلته ليها بحبك بحبك بحبك , الدنيا من حولينَا صنت وبقيت حاسي كأني أنا البراي في الدنيا دي وبقيت منتظر الرد وبعد برهة قالت لي ماكان تقول كده من زمان ! بس كلمته دي لفت بي الدنيا ودقت بي الواطه كنته حأطير من الفرحة أتاريها هي ذاته مكسره !!! .
عشته معاها أجمل أيام عمري إحتوتني بكل مافيها كنته ليها وكانت لي وبعد فتره من الحب كانت وياريته ماكانت عارفين شنو كانت بتخوني كانت بتحب غيري وإتخيلو لا واحد ولا إثنين كتااار أنا ذاتي ماعارفم كم؟؟ ولمن جيت سألتها وقلته ليها ماكان تقولي من زمان قالت لي ببساطه أنا مابقدر أقول لزول ( لأ ) شفتو الكرم ده ياناس ماقلته ليكم مكملة أي حاجة شفتو محبوبتي دي في الحب ذاتو كريمه (هههههه!!!) , ايوا كريمة بتحب كل من حباها وعمرها ماعرفت كلمت الكراهية كانت بتدي وعمرها ماطلبت حاجة وبعد ده لحدي الآن أنا بحبها وبالمناسبة إنتو زاتكم بتكونو حبيتوها قبل كده يعني أنا الطلعته غلطان كنته أناني شوية عايزه تكون لي براي وجعت ليكم راسكم مش؟؟ وفي النهاية عرفته إنو قلبها واسع للكل بيحتوي أي زول وحنينة مع كل الناس ده أنا هسي مقطع قلبي فراقه عشان كده أنا كتبته ليها عايزه تعرف مدى شوقي ليها إتخيل لي بعده الناس عرفت عشيقتي دي منو؟؟؟ أيوا ياها زاته دي ود مدني ياناس
والعندو راي غير كده الليقولو!!!
