المرحلة المتوسطة في التعليم

لزمن قريب كان التعليم به مرحلة اسمها المتوسط والمرحلة ده تمثل اهم مراحل التعليم لما لها

من مميزات فتعالو نتكلم عن ذكرياتنا وعلاقاتنا في المرحلة المتوسطة يعني فترة الدراسة في ( المؤتمر- الاهلية أ - الاهلية ب - الاميرية - شدو - فريني - ابوزيد ..الخ للاولاد ) الغربية - المؤتمر
ووو للبنات .
واكيد كل فرد في المنتدي عندو زكريات جميلة في هذه المرحلة واكيد كل واحد بكون عالق في ذهنو اسماء المعلمين في الدرسة التي درس فيها لما كان يلاقي من جلد وعقاب في تلك المرحلة.

واكيد دايرين البداية مني .... الوعد مني لكم باللقيا

منتظرنك ياصلاح تبدأ واحنا باذن الله بنكمل الباقي

انا عن المؤتمر بحكي ليكم وعن مؤتمر الاستقلال

في البداية الف رحمة ونور علي المربي الزبير تميم الدار

انا درست في المؤتمر ( رمز التحدي والحجر ) هذا الشعار معروف لدي كل من درس في مدرسة

المؤتمر والتي ضمت اساتذة عمالقة امثال ( عمر فضل الله - عباس يوسف وعباس عمر وعمر يعقوب

والحكم الدولي الان الاستاذ احمد التجاتي ( البيه) وعادل والصادق مبارك ومجدي كيكا وغيرهم

وبجانب هؤلاء يجلس عمك رمر طباخ الانجليز والفراشة الحاجة مكة والحاجة امنة .

والفصول كانت نصيري وتجاني وعرفات .

واكيد بعود ليكم تاني عشان احكي عن ذكرياتي في المؤتمر

ولي عوده معكم

بكل تأكيد هي مرحلة جميلة وتبدأ فيها معالم تكوين شخصية الانسان
أنا عن نفسي أذكر الكثير عن مدرسة فريني المتوسطة ولي فيها ذكريات
جميلة وزملاء دراسة أعتز بوجودهم في تلك الفترة وأساتذة أجلاء هم بحق
يحملون هم التعليم والتربية وأذكر منهم على سبيل المثال لا الحصر
الأستاذ الفذ عبد الباقي مونة ، أستاذ شمس الدين بشير ، أستاذ عبدالله
أستاذ الباقر ، أستاذ خضر وآخرون لهم مني التحية والتقدير،

مشكور الاخ / مدناوي

علي عبورك الجميل واحي من خلالك المعلمين الاوفياء

الذين كانوا قائمون علي امر التعليم بدرسة فريني

النبدا ليكم
انا والعياذ بالله من الكلمه دي درست في مدرسة القيزان المتوسطه غرب كنار الحصاحيصا كما قال الاستاذ مصطفي سيد احمد الله يرحمه المدرسه كان مديرا استاذ من الحلاوين اسمو بلال ونحن بي تحت تحت بنقول ليو استاذ بلاع وكان في استاذ من القوز اسمو عماد ده جنو كوره لو قلبتو في الكوره الحصه التالته والرابعه بجي خاشي وبكتب اختبار في السبوره وبعد داك تضمن بكره في جلده وفي استاذ الانجليزي اسمو جعفر من ود سلفاب وده احوص وفي اول ايامو كنا في الاختبارات قدر ما يعاين لينا بنخاف من انو يكون شافنا بننقل وهو زاتو بهلوس بينا قدر ما يعاين اقول ليك هوي انا شايفك ما تعمل فيها حريف وجوناغ ناس تالته متوسط قالو لينا الزول ده احوص يعني لمن تعاين تلقي بعاين ليك معناتا بعاين في محل تاني ومن هنا بقينا شاغالين فيو شغل
وفي استاذ اسمو عبد النبي من ود السيد ده كان مسكين لكن متحنكش وفي استاذ ابراهيم بتاع الرياضيات برضو من ود السيد ده جنو جلد وسف صعود وكانت الجمعيات الادبيه حلوه
في قمر القري وكانت المذاكره بالليل ونحن بنقطع مسافه من القوز المحطه سكه حديد للقوز الحله عشان الدرس بالليل وكانت في جنينه اسما حاجه ليله الجنينه دي مسكونه بالله لمن نجي عابرين بي جمبها تحس من الخوف اضنينا بقن كبار ونططنا عيونا وقطعنا اسم النفس .
كنا بعد مرات بنمشي نفطر في البيوت يعني في المحطه واليوم داك ماشين علي البيوت للفطور في واحد مننا شايل كراس رياضيات لقي ليهو شجره عاملين فيها سياج من الطوب قال الا يخت فيها الكراس ولمن فطرنا ورجعنا من بعيد عينا ليك للغنمايه تاكل في الكراس ورقه ورقه وصحبك جري وبقي يكورك تك تك ولمن وصل لقي الغنمايه اكلت ليو
محل الكتابه بس والحصتين الجايا تفتيش لي كراسات الرياضيات صاحبنا قعد قبلو ابي يمش المدرسه
تحيه خالصه صادقه شاكره لكل استاذ علمني حرفا بمدار س 24 القرشي ريف المناقل والقيزان الابتدائيه والقيزان المتوسطه وود الشافعي غرب مدني الثانويه لهم كل الشكر وهم يخلصون في تربيتنا قبل تعليمنا زرعوا فينا الجميل لنبقي عشاقا لهذا الوطن العظيم

لك مني كل الشكر يا maas77

علي سردك لهذه الزكريات الجميلة

ياصلاح انا درست مع كيس في المؤتمر بس صدقني ماعندي الذاكرة القوية عشان اسرد تفاصيل او اسماء والله يحفظكم من ضعف الذاكرة