اقول ليك نكسر زمن !

بسم الله الرحمن الرحيم
أقول ليك نكسر زمن !
بسم الله الرحمن الرحيم الحمد لله رب العالمين , والصلاة والسلام علي اشرف المرسلين
كثير من الشباب يعتقدون انهم لمن اضيعو زمن زى الشئ السمح تلقى الواحد قاعد فى الكمبيوتر من الساعة 7صباحا الى سبعة مساء يا اما فى الدردشة او جايب لى العاب بلي استيشن فى الكمبيوتر ومشغل تلقى اغانى مع الشغلة دى والاقى صحبو المساء اقول لى يومك كيف الليلة ارد واللة الليلة يومى (منقة), من السهل انك تضيع الزمن لكن من الصعب انك تعوضو , تعالو شوفو الصين فى القرن بداية العشرين كان شعبها متخلف وجاهل وفقير ضائع فى العشرينات فيضانات مدمرة وزلازل تهدم البنية التحتية للصين وتنهار الصين تماما فى الاربعينات المصيبتين بقو ثلاثة مصايب حرب اهلية طاحنة قتلت آلاف من البشر .
فى الخمسينات قررو انجحو وكان شعارهم (لا لليأس) والنقلة الرهيبة الانتقلت لها الصين كانت فى( 30 سنة فقط) والمانيا ايضا انتقلت فى 30 سنة .... الخ واصبح قوة عظمى فى العالم , الرسول صلى الله علية وسلم والصحابة عملو النهضة العظيمة فى 25 سنة بس , كأن الموضوع الزمن , لازم تنفك قيود أهدار الوقت , الشخص الغربى قيمة الوقت بالنسبة لة تعنى ذهب عكس الشخص العربي الوقت بالنسبة لة كيف( اكسرو )
كيف نحنا نتعلم نكسب 24 ساعة وكيف نستثمرا ! كل يوم حنعم اربعة حاجات نحافظ عليها الاسبوع كلة ما نفوتهم ولا يوم , والعلماء بقولو انو الشخص عندما يبتدئ يعمل شئ ابدا بحاجة اسمها المشارطة اى تشطرط على نفسك وبعد كدة المتابعة والمحافظة , الاربعة اشياء هى :
1. كل يوم اكون عندنا عمل او مذاكرة( للطلبة)
2. ويكون فى عبادة
3. ويكون فى تمارين رياضية لانو (العقل السليم فى الجسم السليم )
4 . اجتماعيات
لان الاربعة اشياء السابقة قوام الحياة , الشخص لو جرب انو اكون عندو 6 ساعات فى اليوم عمل صافى او مذاكرة بالنسبة للطلبة الممتحنين , الرسول (ص) كان يحافظ على اربعة اشياء غير الفروض وهى قيام ليل ودعاء وذكر وقرآن , قيام ليل ان شاء الله ركعتين بعد العشاء او قبل الصبح ومعها دقيقتين دعاء, قران ولو صفحة وذكر , كل العبادات مرتبطة بالوقت من صلاة وحج وزكاة قال تعالى (ان الصلاة كانت على المؤمنين كتابا مؤقوتا ) كأن ربنا بقول لنا انو الوقت غالى جدا , الصيام ايام معدودات النبى صلى الله علية وسلم يقول ( صومو لرؤيتة وافطرو لرؤيتة ) كل حاجة مرتبطة بالزمن , والحج اشهر معلومات , كل العبادات مرتبطة بالوقت , ومش كدة وبس ربنا سبحانة وتعالى لما يذكر لنا ايات القرآن بذكر لنا ايات مرتبطة بالزمن ربنا لما بيقسم بقسم بالزمن (والعصر ) (والليل اذا يغشي والنهار اذا تجلى ) (والضحى )........الخ ربنا سبحانة وتعالى مايقسم على شئ ليس لة قيمة , الؤقت غالى يا مسلمين . اتمنى انو يكون وضح المعنى ونسأل الله سبحانة وتعالى الهداية لنا ولكم . وشكرا.

(لكـــــــــل أجـــــــــــل كـــــــــــــــتاب)
والرسول الكريم يقول في جزء من الحديث (اعمل لشبابك قبل هرمك)
وفي ذلك دلالة واضحة على ان الوقت لكل شئ ولكل شئ وقته
حقيقة أن الوقت من العوامل المؤثرة جداً في حياة كل انسان
فمن الناس من يستفيد ايجاباً من وقته ومنهم من يكسّره سدى
لأهمية الوقت ابتكرت علوما حديثة لتعليم كيفية ادارة الوقت
مشكور عزيزي محمد على انك ذكّرتنا أهمية الوقت،،

مشكوووور اخوي محمد دفع الله

موضوع جميل


لك تحياتي