قلت اهرب مِنك فى حكاية ومن حكاية لحكاية
واشغل القلب البحبك , وما يفكر فِيكى تانى
الا قلبى زعل عليا وقال لى انت زول انانى
كيف تفكر تنسى حبك وانت من هسا بتعانى
كيف تفكر تستخبي وهي فيك مزروعة بكل الامانى
كيف تفكر تروى شتله بالالم
وكيف تفكر تبنى عِشة بالندم
او تعيش الواقع فى حكاوى من العدم
كفاك يا قلب شلته العذاب والهم
خليت الاعمى شاف والابكم اتكلم
خليت الالم صاحبك
والصبر من صبرك اتعلم
ما تهرب , خلينى اقرب منها يمكن اتنسم
وتحس بي مجروح واسمها فى قلبى بينزف دم
واقدر اعيش لو يوم
بس هى تعرف انى من غيره عدم
سالتك الله خلينى يمكن تشوفتى مرمى فى نص الطريق
تعاين لى وتقول حرام شيلوهو يا اولاد العم
وصوته يخش فى جوه الجوف
يبرد لى شقى الايام ويكون الالم بعدك
احلى الم وعداب وهم.
