عرض للطباعة
لكم التحية
لماذا تجد ناس مدني يتباهون بانهم أذكى وأكرم وأشجع وأنبل وأمهر واعلم وأجمل ناس في السودان . يتعصبون لمدني ويقولوا نحن أهل الكورة والفن والأدب والثقافة والحضارة والجمال وبصراحة لا يعترفون لمناطق السودان الأخرى . لأنو زاملناهم في مراحل دراسية مختلفة أيام الداخليات الحكومية . ورغم ذلك دمهم خفيف ومحبوبين جداً جداً .
الحبيب السريالي ..
موضوعك جميل وحقيقة لا تنكر .. ولكن
كلامك أعلاه هو أسلوبنا وردنا على من يترفع علينا ..
لكن والله ما بنقول الكلام ده إلا نصل الحد ..
الاخ السريالى ..من اسمك فناناقتباس:
المشاركة الأصلية كتبت بواسطة السريالي
انا بتفق معك فى كل ماذكرة ماعد هذه الفقره
((وبصراحة لا يعترفون لمناطق السودان الأخرى ))
قبل ايام وفي برنامج أسماء في حياتنا ..
قدم البرنامج بروفسيرة من آل بدري ..
وكانت تتكلم عن إحدى السيدات العصاميات التي علمت نفسها بنفسها ..
ومن ضمن حديثها .. ان تلك السيدة تفوقت رغم انها من خارج العاصمة واضافت نحنا بالدارجي بنقول ليها من الأقاليم ..
وكأن العلم والأدب مولود ومسجل في العاصمة .. ونسيت البروفسيرة أن بابكر بدري جدها أساساً من خارج العاصمة .. وتناست عبدالله الطيب والطيب صالح وغيرهم من المبدعين .. ونحن لا نتعصب لمدني تعصب أجوف ولكن نعطي كل ذي حق حقه إذا كان من مدني ولا غيرها ..
حبيبنا السريالي ..
عليك الله ما عندنا حق ؟؟
السريالـــــــــــــــــــــــــــــــــــــــــــ ـــــــــــــى ؟؟؟؟؟؟؟؟؟؟؟؟ سلاماقتباس:
المشاركة الأصلية كتبت بواسطة السريالي
::::::::::: لكى تعرف بعض الشى عن امنا الغاليه ودمدنى :::::::::::::::::
لسياحة :
من أهم الملامح السياحية بودمدنى :
1/ حديقة ام بارونة السياحية
2/ ثمانية فنادق
3/ 7 دور للسينما
4/ منشات سياحية على طول كورنيش النيل
5/ كازينو البلدية السياحي
6/ ثلاث حدائق عامة ومنتزه
الزراعة :
تزدهر بالمدينة أنشطة الزراعة البستانية على ضفتي نهر النيل وتعتبر المدينة من المراكز الأساسية في إنتاج المحاصيل البستانية كذلك بها مجموعة كبيرة من مزارع الدواجن .
وعن الإدارات التي تعمل في مجال الزراعة والري فبالمدينة :
1/ رئاسة وزارة الري بالسودان
2/ المؤسسة العامة لأعمال الري والحفريات
3/ هيئة البحوث الزراعية
4/إدارة مشروع الجزيرة
5/ محطة البحوث الهايدرولوكية
المنشات التعليمية:
يوجد بالمدينة المنشات التعليمية الآتية:
1/ جامعة الجزيرة
2/ كلية القران الكريم
3/ كلية ودمدنى الأهلية الجامعية
4/ عدد مدارس الأساس 70مدرسة
5/ عدد المدارس المتوسط بنين وبنات 34 مدرسة
6/ عدد المدارس الثانوية بنين وبنات 23 مدرسة
المنشات الصحية :
1/ مستشفيان تعليمى واحر للاطفال ومستشفى ثالث مقترح بالضفة الشرقية للمدينة
2/ مستوصفان للعلاج
3/ سبعة مدارس للكوادر الصحية
4/ مركز للتدريب على الامراض المنقولة بواسطة المياه
5/ ثمانية ادارات صحية متخصصه
6/ ثمانية صيدليات شعبية
7/ ثلاثة واربعون صيدلية خاصة
8/ سته مخازن للادوية
المؤسسات الحكومية :
توجد بالمدينة مؤسسات حكومة الولاية :
1/ رئاسة حكومة الولاية
2/ وزارة الزراعة والموارد الطبيعية
3/ وزارة الصحة والرعاية الاجتماعية
4/ وزارة الإسكان والمرافق العامة
5/ وزارة المالية والتجارة والتموين
6/ رئاسة محافظة الجزيرة
التجارة والبنوك :
المدينة تعد من المدن الاقتصادية الهامة إذ أن موقعها يشكل عنصرا هاما لتلعب دورها التجاري بالسودان .. حيث تجاه المحاصيل وغيرها من الأنشطة التجارية المختلفة بجانب وجود عدد كبير من البنوك العاملة بالمدينة أربعة عشر بنكا وهذا من ما يؤكد مكانة المدينة التجارية.
الشئون الدينية .
توجد بالمدينة المؤسسات الدينية الآتية :
1. 1. 154 مسجدا
2. 2. 11 كنيسة
3. 3. 348 زاوية
4. 4. 20 خلوة
5. 5. 57 قباب
6. 6. 19 دار المؤمنات
7. 7. واكثر من مائتي حلقة قران كريم بالمساجد والدور يقوم على رعايتها الشيخ عبد العال خوجلى ومجموعة كريمة من المهتمين بعلوم القران الكريم كذلك هنالك عدد من مشايخ الطرق الصالرياضة :
تتميز المدينة بنشاط رياضي متميز , وتأتى فرقها في المرتبة الثانية في الأهمية بعد الخرطوم والمنشات الرياضية هي :
1/ إستاد ودمدنى لكرة القدم
2/ 9 أندية درجة أولي
3/ 8 أندية درجة ثانية
4/ 6 أندية درجة ثالثة
5/ اتحادات لكرة القدم والطائرة والسلة والمناشط الأخرى
وفية بالمدينة , والذين تنتظم بها حلقات الذكر معمورة مثمرة ومتجددة
:::::::::::::::::::::::::::::::::::::::::::::::::: ::::::::::::::::
الطرق والمواصلات :
تنتظم بالمدينة حركة نشطة في مجال المواصلات والطرق فالمدينة مربوطة ب:
1/ طريق مدني – الخرطوم
2/ " " _ بورتسودان
3/ طريق مدني - سنار – الدمازين
4/ طريق مدني –ربك - كوستى
5/ طريق تحت التنفيذ مدني – المناقل
كذلك بالمدينة شبكة للاتصالات السلكية اللاسلكية ومحطة المايكرويف وهيئة البريد والبرق .
6/ يجرى حاليا إعادة بناء مطار المدينة لربطها بالعالم الخارجي ومدن السودان .
7/ إضافة لإدارة السكة حديد .
هذه بعض المعلومات يااخى ..... ا ماخوذه من كتب ومقالات تاريخية. ليس انا الكاتبها يعنى
ماجبت حاجه جديد . ويكفينى وانى اعتز انى من ودمدنى السنى ودمدنى الحضاره وووووووو
ووووو بالجد يااخى لينا حق نتعصب . وما نقبل اى شى فى امنا الحبيبه الغاليه ( ودمدنى )
(((( مالو اعيايهو النضال مدنى )))))
(حين تعرف كل شئ تعفو عن كل شئ) (وإن الله لا يحاسب الأنسان الا بعد موته)
انتا امشى مدنى وشوف بى نفسك وبعدين ادينا رايك....
ولك سلامى
تحياتي لكم جميعاً
طبعاً معاكم حق . مدني هي مدني . محمد نجيب أول رئيس جمهورية مصري درس في مدني . وعندكم في الفن : الكاشف ، ود اللمين ، أبوعركي ، و و وفي الكورة : الفاضل سانتو وحموري وفيصل كوري وخضر كوري ، وسامي عزالدين الله يرحمه وفي التعليم مدني كان فيها مدرسة حنتوب الثانوية مفخرة التعليم في السودان درس فيها الترابي ونميري والعلماء زي محجوب عبيد عليه رحمة الله وفي القانون المرحوم شدو وكمان مشروع الجزيرة عماد إقتصاد السودان لفترات طويلة وما تنسوا جامعة الجزيرة . بالجد ناس مدني معاهم ألف حق .
ما شاء الله ما شاء الله ما شاء الله ما شاء الله ....
حافظ يا الليبي أنت بتذاكر من ورانا ولا شنــو ؟؟ كلامك في محلــه 100% !!
اقتباس:
المشاركة الأصلية كتبت بواسطة السريالي
مليون مليون تحية ترحاب بك يا غالي وسط أهلك وناسك
اقتباس:
المشاركة الأصلية كتبت بواسطة السريالي
والله الجواب واضح من عنوانووووووووكت إنته عارف ده كلوا لزوم كلمت (ناس مدني شايفين روحهم) دي شنو؟؟؟؟
والله كلمتك دي رفعت لي السكري وعملت لي ضغط
وبعدين زي ماقال الأخ نزار ناس مدني أكتر ناس حقانين وبدو كل زي حق حقه
اقتباس:
المشاركة الأصلية كتبت بواسطة السريالي
عليك الله دي دايره ليها سؤال !!!!!!
ما الجواب واضح من عنوانو
اقتباس:
المشاركة الأصلية كتبت بواسطة حافظ الليبى
ماشاء الله يا أخ حافظ... إنت موسوعة كاملة... وبالطريقة هذه أكيد عندك المزيد من المعلومات القيمة والجميلة فلا تتردد في إنزالها في المنتدى لكي يستفيد الجميع من تلك المعلومات وحبذا إن كانت مدعمة بالصور قدر الإمكان...
اخى الغالى ابو بلال ........... سلاماقتباس:
المشاركة الأصلية كتبت بواسطة صديق بلال
اخى نحنا مدنى ما نقبل اى كلام فيها...... انا كان عندى حافله شغاله فى الخط
وكنت كاتب فى الصدام الخلفى (( نحنا مدنى:::::::::::::::: ومدنى نحنا ))
وبالنسبه الى الصور انا عن نفسى اذا شوفتا صوره لودمدنى بالجد دمعتى
بدون مقدمات بتنزل:::::::::::::::::::::::::::::::::::::::::::::
قلت الوداع لمدنى.... وجاوبـت دمعـة العيـن
تجـرح.... بساتيـن الخـدود... النديـه
:::::::::::::::::::::::::::::::::::::::::::::::::: ::::::::::
تخنقني غصة البكااااااء بشده
عندما أرا صور لمدنى
اخى اعفنى من الصور.. ولك تحيتى ياحبيب
اقتباس:
المشاركة الأصلية كتبت بواسطة حافظ الليبى
مقدرين لك كل ما ذكرته... فرسالتك وصلت لنا.. وآسفين على الإزعاج... ولك منا كل التحايا العطرة...
اقتباس:
المشاركة الأصلية كتبت بواسطة باسطه
أخي باسطة عشان نحنا من مدنى , و لي مدنى و بصررررررراحة لم يعجبنا الرد , وحقيقة السريالى وبالرغم من معرفتة ( ذكر موضحاً بالبوست تباهى وتعصب وعدم اعتراف بالمناطق الاخرى) واخونا معتز الريح اوفى بذلك واكثر ,(فمافي داعي لي حكاية البحر دى )مع تقديرى لك ولحبك بام المدائن ودمت
اضف الى ذلك تاريخ مدني السياسي الحافل وعلي راس ذلك اول شرارة لمؤتمر الخريجين( نواة اعلان استقلال السودان) كانت من مدنى
كل الجمال وهبوه ليكوقالو السحر فى مقلتيكاتمنى امثل بين اديك تسالنى عن اعجابى بيكشكرا على الموضوع اللذيذودمدنى الجميلة
إذا كان هنالك بعض المدن السودانية قد أرتبطت بقبائل معينة كالجعليين بشندي والبني عامر بكسلا والبجة ببورتسودان والشوايقة بمروي والدناقلة بدنقلا والفور بنيالا والفاشر والرباطاب بابوحمد والفونج بالدمازين ، فكل هذه القبائل واكثر أرتبطت بمدني ، فمدني المدينة التي تذوب فيها كل القبائل والسحنات وتختفي فيها الجهوية والعنصرية ، لذلك تجد الواحد منهم لما تسألوا جنسك شنو بقول ليك أنا من مدني .
الأخ السريالي أكيد بعرف انو ناس مدني مفتونين بحب عروس المدائن عشان كدا عايز يمزح معانا شوية ، على العموم يالسريالي نحن أكتر ناس بنعترف وبنحترم الأخر والدليل إنجاب ود مدني للمبدعين في كافة مناحي الحياة .
وشكرا على مزحتك الظريفة دي وأكيد أنت ما قاصد
اقتباس:
المشاركة الأصلية كتبت بواسطة mohalnour
عزيزيmohalnour والجميع
حقيقة لا ينكرها إلا مكابر مدينة ودمدني قلعة إشعاع حضاري ومنها تشكل تاريخ السودان الحديث الذي وضعت لبنته دأخل مدينة ودمدني وكانت بمؤتمر الخريجين وأضف لذلك مدني كانت عاصمة التركية السابقة قبل النزوح للخرطوم وإنني من أرياف مدني ولكنني بدراستي بمدرسة ودمدني الثانوية قد تعلمت من الأخوة في مدني معني الأخوة الصادقة والكريمة ويعلم الله إنني كونت صداقات حميمة دأخل مدينة ودمدني قد جبت ما قبلها وما بعدها وأزكر إننا كنا نزهب من مدرسة ودمدني الثانوية بالدرجة إلي السوق الكبير بالأرجل وقد كان في معيتنا أبو بكر سيد أحمد الذي تنبأءنا له بمستقبل فني كبير حيث كانا نجوب المسافة معة وهو يطربنا بأجمل الأغاني ، أضف لذلك قبول مواطن مدني لدي الجميع فمواطن الوسط قومي بكل المقاييس وقد شهت ذلك وأنا أحمل أوراقي وشهادات خبرتي للتقديم للوظائف في السودان عندما رجعت من السعودية فكان الجميع يثني علي مواطني الوسط ودمدني خاصة لأنهم أظهروا نبوغاً وتفوق منقطع النظير والله معظم الوزارات السودانية تثني علي موأطن ودمدني في الخارجية والتربية والتعليم والصحة ومجلس الوزراء والخارجية والدفاع وغيرها فجميعهم أشادو بمواطن الأقليم الأوسط و لا أزيعك سراً أنهم قالو لي با لحرف الوأحد" موطن الأقليم الأوسط قومي ونحن بصدد وحدة السودان التي لا تتم إلا إذا ألت الدأخلية والدفاع لموأطن الوسط فهو حريص علي وحدة السودان و الكلام داء من ناس كبار "
أيضاً نسبة للظروف الأخيرة التي جعلت موأطن الوسط يأتي للخرطوم قد لاحظت والله موطني الجزيرة يمثلون أهل الحل والربط في معظم أحياء الخرطوم ومصدر ثقة الجميع يأ أحبائي عندما ضرب شجرة الصندل يفوح منها عطراً جميلاً هذه ودمدني وهذه الجزيرة التي أعطت وظلت تعطي السودان علي مدار أكثر من ثمانية عقود ومستعدة تعطي فبعطائها يعم الخير لها ولبنيها وهذا ديدنها ولكم التحية ولودمدني أجملها وشكراً أخي السريالي المقياس الذي قست به أحاسيس آل مدني وتأكد يأخي أن أهل مدني يحبون الجميع وعندما يتكلمون عن ودمدني بصدق فهم يطعون الموالي عز وجل " فما بنعمة ربنك فحدث " ولك حبي
مدني ..
كلمة بسيطة
عميقةالمحتوي
تنهل من معينها
ولا تسمع منها كلمة ضجر
كل رجال الساسة والادب
كل قامات الرياضة والفن
الكل يتمني ان ينتمي اليها
الكل ينتظر يوما ويلثم ثغرها
محبوبة السودان
وارض آمنة رضية
مدني ,,
لن تجد لها مثيلا
مهما ذهبت ..
يمينا اويسارا
جنوبا او شمالا ،،
مدني الحنينة
يافراشـــات دوري بينا نمشي لي مدنى الحنيــنه
ننســـا بين خضرة ربوعه غربه كم طالت سنينه
***
اصـــلو نحن غلطنا مره سـبنا ارض الطيبه فتنا
فارقنا احضـــانه ومشـينا فى دروب الغربه تهنا
عشـنا بين آهــه وأسيه وياما فى غربتنا شــفنا
لاعرفنا نعيــــش بدونك لا السـنين داوت جرحنا
***
لما تجمعنا الليالي ونبدأ نســـــرح فى ملامحك
دون ارادة نقيف عشانك وفى الخيال بالايد نصافحك
نشكي ليك بعد المسافة وبى لهيب الشوق نصارحك
ما انت اصلك حاجه تانى والبزورك كيف ابارحـك
***
من سنين بتمنـــــى ارجع امشي للقبه وازوره
اطوف بيوتك حاره حاره واغشــا حبوبتى البدوره
اغازل المســــــاح بكلمة اهدى للكاشف شعوره
والقا فيك يامدنــــى روحى والليالي يضوى نوره
والله ميت حى عافى منك وتسلم على الدفاع الخطيــــــــــــــــر ( وتحيتى الخاصه :D )اقتباس:
المشاركة الأصلية كتبت بواسطة portbail
يا باسطة سلامات ،،،
صدقني ما قصدي ارفع ليك السكري أو الضغط بقدر ما عايز كلمة تخليك تدخل وتقرأ الموضوع وترد . وصدقني أحسن صداقاتنا كانت مع أولاد مدني لأنهم أوفياء واذكياء . كمان أجمل صفة في مدني عدم تعصبها لقبيلة معينة . في مدني تذوب كل القبائل . وهي مدينة أنا أعتبرها نموذج يجب أن تحتذي به كل مدن السودان . لا توجد في مدني عنصرية . تلقى في اي شلة جميع القبايل وكلهم عايشين في وئام وحب .
يا الحبيب
والله معاهم حق تب
عندهم شارع ظلط وسينما ومسرح وأهلى مدنى وأسواق
ومحلات تصوير ومحلات دهب وملجه فيها صلطه تمام
ونحنا فى المطامير لينا الله بس
يا الحبيب .. هم أنبل وأجمل وأحلى ناس .
[QUOTE=معتز الريح;215532]الحبيب السريالي ..
كلامك أعلاه هو أسلوبنا وردنا على من يترفع علينا ..
من روائع الرد
ما أشجاني إلا روعة الرد وإختصاره ، بارك الله فيك