للشـــــــــــــــــــــباب في المقــــــــــــــــــــــام الاول

بسم الله الرحمن الرحيم
الاعزاء احباب ود مدني
سلام جاكم بي حنيه برغم عدم السؤال وبرغم العنصريه الظاهره
في تفقدكم لي كل الاعضاء
وبي صراحه ما بهمني لو سالتو او لا لاني ما بزعل من اسم بحجم وبي ضخامة مدني وعشان مدني تكرم مليون عين
علي العموم ده ما موضوعنا خلونا نخش في الموضوع:ـــــــــــ
الشباب اكبر شريحه ممكن نقول بتبني البلد ما تصغير لحجم الباقين
في رفعة البلد لكن شريحة الشباب شريحه حساسه ومؤثره جدا في
اعمار وتنمية البلد
زمان في منظمة شباب الوطن وقبلها كان في روابط الشباب والانديه
كان في مهرجانات للشباب بتظهر ابداع الشريحه دي وكان في ابداعات بتحركم وعندهم في الزمن الفات حملات نظافه الاحياء والقري وكان عندهم النفير في البنيان وكان عندهم الانتماء الصادق والوحده والعبقريه في اختراع ما ينفع الناس
الليله لو فتشنا علي النمازج دي بنلقاها ولت بدون رجعهبنلقي الشباب
في الاحياء همهم اقومو من النوم واقرب ضل ولا اقرب كافي نت والحي وسخان والحبوبه بيتا داير يقع والنادي بتاعم مقفول بي شوك ومردوم وسخ ولو مشينا اقرب حي وسالنا الحي ده اتفتحت مجاريو متين ولا اتنضف متين بقولو ليك من زمن الروابط ولا المنظمات
يا شبابنا الروح الشبابيه ماتت ودفنوها مع القنوات وتكنلوجيا العصر
عارف ممكن تقولو لي في شركات نضافه شاغاله وبتاخد قروش
مالو طيب لو ما رجينا الحكومه تنضف حينا البتضرر منو لو بقي وسخان مالو لو يوم جمعه اتلمينا بنات علي اولاد ونسينا قصة النضافه من الحكومه وبطلنا حنكشه ومسكنا كوريك وكرن ومكنسه وكيس ولمينا في الحي نضافه مالو لو لقينا الزول المسكين الما قادر ابني قبل الخريف وما عندو اولاد ولا انشاء الله لو عندو اولاد مالو لو جبنا اكلنا والبن والشاي والسكر وبدينا نفير بنيان في بيتم يوم الجمعه
ومالو لو مشينا النوادي وقلبناها بالليل مهرجان من المناشط ودفعنا في الشهر الف جنيه اهلنا بيو النادي عشان بدل البقولو كاتلم الفراق ويقعدو في اي ناصية دكان اشاغلو ويعاكسو ويملو الشارع احسن يملو النادي بالنشاط والحب والتعارف مالو لو فتحنا النادي زي زمان معهد بالنهار لتعليم الكبار وعملناهو بالعصر للشابات انشاء الله يعلموهن عواسة الكسره وبالليل نخليو للشباب عشان يسمرو فيهو
حقو نراجع الشباب لانو صدق الانتماء انتهي عندنا بقينا ما بنغير حتي علي سودانا وانا متاكد حب الوطن ببدا بي حاجات زي دي ببدا من البيت والحي والمدينه والقريه
اتمني انو تكونو فهمتوني ويلا نبدا اي زول في الحي او القريه بتاعتو
واقول ليكم عمل الخير ببدا من واحد واتنين وبينتشر للجميع
ولو فتشنا بنلقي اي واحد عاوز التاني يبدا يلا نبدا ليهم وما تقولو يالمغتربين انتو بعيدين عنهم لا ممكن تساهمو بالقليل رسلو اي واحد للحي بتاعو رسلو ليهم قروش اشترو بيها مكانس وكواريق رسلو ليهم الاحساس بي السؤال عن عملتو شنو في الحي بيت فلان بنيتو وحبوبتنا فلانه مشيتو طليتوها رسلو ليهم بي خصم من اي واحد منكم
انشاء الله في الشهر عشره الف عارف حالتكم صعبه في الغربه بس في سبيل تجو تعدو الاجازه بي نفس وتعلمو اولادكم بي انو في شباب
متنافسين في رفعة حيهم وعشان اولادكم يقضو الاجازه سعيدين في نادي ثقافي اخير من يعدوهو في الدكاكين وقعدت ضل النيمه
واخر حاجه ممكن توسعو الفكره زي ما عاوزين المهم نكون جادين
ودمــــــــــــــــــــتــــــــــــــــــتم

الغالى/mass77
مشكور ياخى على روحك الوطنية وكثر الله من امثالك وانا برجوا من اخوانا المغتربين اولاد مدنى مد يد المساعدة بالمادة وان شاء الله كل الحاجات الحلوه ترجع زى ماكانت.
ود
ك
م
ب
ا
ل

ماس 77 حمدا لله على السلامه ... والله فقدناك وسألنا منك سؤال الضهبان .. ان شاء الله المانع خير

موضوعك جميل ... فيه روح متوثبه لعودة الشباب .. للقيام بدور طليعي في خدمة المجتمع لكن يا ماس أخوي انت ناسي حاجه مهمه .. الشباب محبط ... لحد الثمالة .. عارف محبط من شنو من عدم وجود الوظائف ... تلقاهو اتخرج من 6 سنوات .. وقاعد .. ما قادر إعمل حاجه .. ولا شغل ولا مشغله .. عشان كده ما بقدر إضيف حاجه ... لأنو محبط محبط محبط

عذار ماس بس والله فاقدين وجودك في المنتدي حتي لو ما سالنا بصورة مباشرة فلك العتبي

اكيد الشباب هم اهم فئة في المجتمع
والرسول (ص) قال نصرني الشباب حين خذلني الشيوخ
وكلامك دا حلم جمييييييييييييييل ياريت لو يتحقق

الغالى/mass77
مشكور ياخى على روحك الوطنية وكثر الله من امثالك وانا برجوا من اخوانا المغتربين اولاد مدنى مد يد المساعدة بالمادة وان شاء الله كل الحاجات الحلوه ترجع زى ماكانت.
ود
ك
م
ب
ا
ل
الاح ود كمبال شكرا علي المداخله وقبل المغتربين حقو نبدا عشان المغتربين لمن يشوفو ويسمعو بكون عندهم الدافع البخليهم متحمسين
لي انو يدعمو وهم اصلا ما بقصرو زي ما كان المغترب مشارك في كل نشاطات الحي من صندوق المناسبات لغاية فنايل الكوره للنادي برضو ممكن نحسسم بي اننا جادين وصادقين من غير ما نستغلهم او نرهقهم بالطلب لك الشكر علي المداخله

الاخ جلاله
لك التحيه وشكرا ليك علي التعليق والسؤال عن الحال
وبين الاخوان زي ما بقولو عتاب ولوم ولكن بعيد عن الخصام والزعل
الفتره الفاتت غبت لظروف صحيه حرمتني من اني اتواصل مع ريحة
الحواشات وخضرة الجزيره من خلال الموقعوالان في اتم الصحه والعافيه
عن الاحباط بالجد امكن انت لمست اصدق ما يعاني منه الشباب
ومعاك 100% في كل كلامك عن الاحباط البخلي الشباب ما يشاركو في عمل زي ده
لكن واثق لو هم اعتبروهو برنامج يطلع بيهم من الاحباط للتواصل والتعارف وهو اصلا قاعد عاطل وايامو كلها روتين ممل وكئيب ولمن يبتكروا ليهم حاجات مفيده بتخليهم علي الاقل يغيرو الاحباط العندهم بي شي من التفائل
ولا رايك شنو وشكرا ليك جلاله علي لمس الوتر الحساس وده بدل علي
ادراكك بظروف الشباب

الاخت مدنيه شكرا ليك علي المداخله
ودايما مدنيه كتير من الطموحات البقت حقيقه بتبدا بي حلم وبتنتهي بي تنفيذ متقن وبتلقي ثمار نجاحا بتعم وتنتشر
امكن الخلاني اكتب عن الكلام ده زيارتي لي مدني في الايام الفائته
وبي صراحه امكن لاحظت بكل اسف دور الشباب في الاحياء الحي يا مدنيه لمن تجي ممكن تعرفي من عنوان الحي لو فيو شباب ولا لا
بتذكر مدنيه اننا في منطقة القوز سكه حديد غرب الحصاحيصا كنا كشباب بنكون قاعدين في ضل بنتونس نتلما يقوم واحد اقترح بي اننا نقوم مثلا بي مشروع نضافه بنعمل ليو دراسه في قعدتنا وبنبدا ننفذبالجد لمن يجي يوم النظافه بالرغم بي اننا كنا بنعني بيو الشباب
لكن كانن حتي امهاتنا وابواتنا بشاركونا فيو بي سعاده غامره بنحسها فيهم القصه ما قصة حلم لكن هي فكره لو لقت الببدا بيها اكيد بتستمر
شكرا ليك يا مدنيه علي المداخله

اقتباس:

---

المشاركة الأصلية كتبت بواسطة MASS77

[SIZE=6][COLOR=darkgreen]ومعاك 100% في كل كلامك عن الاحباط البخلي الشباب ما يشاركو في عمل زي ده
لكن واثق لو هم اعتبروهو برنامج يطلع بيهم من الاحباط للتواصل والتعارف وهو اصلا قاعد عاطل وايامو كلها روتين ممل وكئيب ولمن يبتكروا ليهم حاجات مفيده بتخليهم علي الاقل يغيرو الاحباط العندهم بي شي من التفائل
ولا رايك شنو وشكرا ليك جلاله علي لمس الوتر الحساس وده بدل علي
ادراكك بظروف الشباب

---

نعم أن الشباب لديهم قدرات كامنة فبإمكانهم أن يخرجوا هذا الطاقة الكامنة في أشياء هم يبتكروها كما أسلفت يا أخينا... ولهذا أقول أن الإنسان لا بد أن يكون متفائلا دائما فلا ييأس بمجرد أن قفل له أحد الأبواب... فهناك أبواب كثيرة يستطيع الشاب أن يدخل منها إلى عالم ملئ بالطموحات... كما قيل رب ضارة نافعة..

العزيز صديق بلال
اولا خليني اشكرك علي المعنويات والتفاؤل البجد نحن محتاجين ليو برغم المراير
وحقيقه لو كلنا ختينا نفس الفهم بتاعك في انو ما نوقف حياتنا العاديه لمجردانو في باب اتقفل في وشنا ونندب بقية عمرنا
وحقيقه التفاؤل بدفع للبذل والعطاء
وخليني اشكرك كتير علي مداخلتك
ولك التحايا والتجله

حبيبنا ..
كلامك زين .. ويحتاج لعلو الهمة ..
واصل ايقاظها من السبات ..

اخونا معتذ الريح
كالعاده ما بفوتك موضوع الا سطرت فيه باحرفك القيمه
شكرا لك علي المداخله
حالة الثبات الفيها الشباب محتاجه لجهد وكد وتعب واقناع
بس لانو البتضرر في المقام الاول هم الثبات والجمود والكسل وعدم الابتكار وعدم الاحساس بانو في وطن محتاج ليهم لو اتظلمو او قهرو او تعبو ومالقو تقييم في النهايه ده بلدم وحقو كلنا نسعي لايقاظ الابتكار في دواخلهم وحقو نديهم الثقه بي انهم عنصر فعال ممكن من الحبه يبني ويعمر ويصلح ويمجد ويعظم للحي للمدينه للوطن
لك الشكر والتجله

اقتباس:

---

المشاركة الأصلية كتبت بواسطة MASS77

يا شبابنا الروح الشبابيه ماتت ودفنوها مع القنوات وتكنلوجيا العصر

---

الغالي ماس77 الحنين الشاب الغيور الوطني الاصيل
فعلا موضوع يستحق المناقشة للوصول الى حل ناجع
وسريع واقتباسي للجزئية المعينة هذا القصد منه وجود
الخلل فهم الشباب في هذه الايام متابعه القنوات الخليعة
لا اقل الفضائية بل الفضائحية لانها لا تؤخر ولا تقدم وهي لم
تبتكر للترفيه بل العكس ابتكرت للتضليل وتصبيط همم الشباب
فدورنا كشباب التوعية في المقام الاول لخطورة هذه القنوات
والمتابع للدول التي يبث من خلالها هذه القنوات قمة النظافة والرقي
وهذا بفضل شبابها لانهم لم يكونوا من الفئة المستهدفة من بث سموم هذه القنوات
بل شباب الدول النايمة او كما يسمونها النامية لكي لا نصل لما هم فيه ونكون شباب
مستهلك وليس شباب خلاق ومنتج فلنبدأها بانفسنا فكما قلت مشروع المليون خطوة
يبدأ بالخطوة الأولى ...نسأل الله العلي القدير لنا ولكم التوفيق .....

ودوما في رعاية الله وحفظه....
مع كل الود باقة ورد....

ياماس 77 وياناس ياطيبين اسمحو لي اقول
انو الحاصل ده كسل وخمول من الشباب
ابسط حاجة في مشروع ( الإستخدام المنتج وتشغيل الخريجين)
لو شاب أو مجموعة شباب المهم عندهم اي مشروع ماعليهم الى يعملو
دراسة جدوى والمشروع بديهم الملبغ الدايرنو للمشروع وغعلا في مشاريع كتيرة حققت نجاح
السؤال المأخر باقي الشباب شنو؟
والواحد لو اشتغل بعد كده ممكن يعمل اي حاجة من إبداع وغيرو

العزيز ماس حمدلله على السلامة

وما تزعل مننا لاننا بيك نسعد .. وقد افتقدناك وافتقدنا معك لغة التعبير والسؤال
فهذا خطأ .. نتمنى أن تجد لنا ما يبرر فعلنا

توجهك باعادة الحيوية والفعالية للشباب حميد وندعو له بالتوفيق .. فقط نحتاج التفاكر
في آلية تحويل الرؤى والامنيات الى واقع .. فقد شهدنا أياما لها اثر جميل في النفس
في مركز الشباب بودمدني .. ونشاطات نتمنى رؤيتها من جديد،،

الاخوه الاعزاء:ابو رجاء @كاتم الاحزان @مدناوي
لكم الشكر علي المداخله وفخور بان تشاركني عصارة اناملكم وجهد فكركم في هذا الموضوع
ابورجاء:
القلتو بالجد من الخمول واللهث في البرسلوهو لينا عبر الفضائيات من شبابنا بالجد موضوع كبير جدا وبحتاج لي نقاش لانو بالجد امكن انت عصرت علي مكان الوجع المفجع وده ياهو الكلام بالجد
شبابنا بقو يجرو وري متابعة التكنلوجيا السالبه والمضره واتناسو بي انو دي ما هي الا سموم عشان يتم التخدير بيها في جسد الامه وبعدها يعملو العاوزنو شكرا ليك ابو رجاء علي تلك الايضاحات الواقعيه
كاتم الاحزان :
مشروع الطالب المنتج ممكن يكون دعم من الدوله لي المتخرجين
بس نحن العاوزنو ما الحكومه هي التدفع وتعمر وتدينا قروش لمن نحن ندفع من حر مالنا ولمن نتعب ونكنس الشوارع بي عرقنا ولمن يقع بيت كبير ونجيب البنايين والطلب ونساعدهم في رفع بيت المسكين بي تجرد ولمن نقيف مع حبوبتنا الكبيره او جدنا الما قادر
يعمل ليهو حاجه بكون انجازنا بي لون خاص وطعم خاص ونشوه خاصه وبنقدر نحافظ علي العملناهو وبنربي الجيل التحتنا والجاي بعدنا بي معاني النخوه والتوحد ونكران الزات وقيم تانيه بنربيها فيهم
انت عارف مشكلة السودان كلو انو اي واحد شابف انو ده ما جلدو وجلدا ما جلدك جر فيهو الشوك ونحن عاوزين نعدل المثل ده
وما عاوزين حاجه من الحكومه عاوزنو جهد اولاد حي وجيران واخوان
وحبان وشكرا ليك علي المداخله وبتمني انك تتواصل
مدناوي :
لك التحايا والجهد زي ما قلت ببدا من واحد واتنين وبيت بيتين وبعم بس نبدا كيف وكل واحد فينا عاوز التاني يبدا
ولا تمشي لي شباب تطرح ليهم الموضوع يقولو ليك دي شنو الوطنيه الامه فيك دي خليها لي المختصين البندفع ليهم قروش وكان حضرت لي فلم اخير لي مع ديل لو حاولنا وحاولنا بي اخلاص بنقدر نخليهم تاني كل شهر بستنو متين يوم جمعه يجي عشان نبدا نعمل ونعمل
وشكرا ليك مدناوي علي المشاركه ودايما سباق للخير