مبادرة طيبــة ... تعكس معدنكم الأصيــل
اقتباس:
المشاركة الأصلية كتبت بواسطة ابوالنور
عليكم الله وتاني عليكم الله وحلفتكم بي اعز ما عندكم وعلي حسب فهمي اعز زول هو الولده
ركزو في كلامي ده عليكم الله اذا انا ما تميت سنتين وحاسي بي البيت بتاعنا ده فيه غلط واذا الغلط ناتج مننا نحنا وبي المناسبه انا زول قاعد مع امي وابوي واخواني يعني ما متغرب ولا عندي مسؤليه اولاد واسرة يعني الزول العمل الحاجه دي وقصدو انو يقرب بينا ويربطنا حتي من خارج حتتنا يجعل مدني كلها في الحته دي رايكم انو الوضع ده بكون مرضيه
اكيد لا
نتمني انو الناس تراعي للحته دي وتراعي حتت انو الزول ده بعيد عن اهلو ومتغرب وبصرف من قلبو علينا ده اخر جزانا ليه اعزرني اخي ابوبكر فاتمني انو الوضع يتصلح قبل رمضان وانو ندخل رمضان بقلوب يملاها الفرح والسعاده والدعوات الصادقات بعيد عن الخلافات والمشاكل التي حلت علينا ونتمني من ربنا انو الناس قلوبا تتصافا وتقيف يد واحده معاك يا ابوبكر يا اخوي وانا اولهم بطلب منك العفو اذا تسببت يوم في مشكله داخل المنتدي
واتمني انو نكون يد واحده عشان نطور من مدينتنا ما نخربا بي ايدينا
ودمتم اخواني بي الود والاحترام والتقدير
قال تعالى: ((والكاظمين الغيظ والعافين عن الناس والله يحب المحسنين)) (آل عمران : 134).
وقال رسول الله صلى الله عليه وسلم : (إذا وقع بين رجلين منازعة نزل ملكان، فيقولان للسفيه منهما: قلت وقلت، وأنت أهل لما قلت، ستجزى بما قلت. ويقولان للحليم منهما: صبرت وحلمت، سيغفر الله لك، إن أتممت ذلك. قال: فإن رد الحليم عليه ارتفع الملكان) .
عفارم عليــك إبننــا الحبيب أبو النـور
مبادرة طيبــة ... تعكس معدنكم الأصيــل ... فكلما عظم الإنسان قدرًا ... كرمت أخلاقه ... وسمت نفسه ... معتصما بالحلم وكرم الأخلاق .. وحسن العفو ... ما يجعله مثار الإكبار والثناء .
وأنا أضم صوتي لصوتك لنناشــد الجميــع .. ونحن نستشرف شهر فضيــل أن نصفي نفوســنا من كل غل ... وأن نتصافى ونتعافى ... يقبل بعضنــا على بعض بوجهٍ طلقٍ ... ولتكن البداية إبننــا الحبيب بالتصافي بينك وبين من أختلفتم معهم في الرأي ... وسأكون مسروراً لو أتبعتم هذه المبادرة الطيبة بالعمل ... في شكل رسالةً مختصرة منك تحمل تلك المضامين الطيبة لكل من أختلفت معه في الرأي ... ليتبعك الباقون ... ويكون لك السـبق والأجر والثواب إن شاءالله .
ومعك إبني الحبيب نرسل النداء للجميع : أن اجعلوا من هذا المنتدى ( بيتنــا الكبير ) ، كلنا أخواناً وأحباباً هدف واحد ومقصدنا واحد ... يجمعنا حب ســت المدائن .
ومعك أيضاً ندعو لمن كان سبباً في هذا التلاقي ( الحبيب أبوبكر محمد المبارك ) ... أن يجزيه المولى الكريم عنا خير الجزاء ... وأن يمتعه بالصحة والعافيـة ... وأن يبارك له في أهله وفي زوجه وفي عياله ... إنه ولي ذلك والقادر عليه .
ودمتم جميعاً في حفظ الله ورعايتـه ... ودائماً ست المدائن في حدقات العيون .
