كسرتني ودشدشت عضامي ..

وانا واقف جمب الباب ..
قاعد متنشن وشارب هباب ..
وجمبي اتنين عاملين اصحاب ..
بنتناقش ونتفشفش عن الارهاب ..

وفي الصالة ..

عسكري بيسأل واحد عن جوازه الضايع ..
وهناك عدنان قاعد بكورك بصوته المايع ..
وواحد خواجة واقف بيسأل وشكله ضايع ..
افريقي اهبل واقف هناك لابس اصفر لونه فاقع ..

فجاءة ..

ريحة عطر ملت المكان ..
ووووووب علي يا ناس جنان ..
عيون كبيرة متل الطشاطة
لونها أبيااااااض وزايدة لمعان ..

ولة الشعر ..

يا ناس شعر مترين شوية
لونو اسوااااااد التقول دخان ..
الصالة جت وقفت تعاين
والسمحة شاقة وجاية باين ..
وقفت قصادي عديييل وأبت تعاين ..

لو سمحت ..

بوابة خروجي من وين أعاين ..

كبكبة ورجفة ودموعي بدت تنقط

حمى وحرارة .. ملاريا دي يا ناس

قلبي ..

شوية كده وقرب ينط ..

هو منو العرف يرد للسمحة

بهرتني جد وخلتني في وصت القحة ..

كح .. كح .. كح

مشت خلاص وطارت هناك زي اللفحة ..

زحو لي كده .. خلوني النموت ..

حلوه ياعلى

غايتو انتا يا مجنون يا مجنون

جميله منك يااحمد

مشاركه حلوه..............