سلاح طبي نفر

قبل فترة زمنية قصيرة ذهبت مع والدتي الي المستشفي التاهيلي مدني التابع بدوره الي السلاح الطبي . الوالدة كانت تعاني من حمي و صداع شديد اصابع الاتهام الاولية تشير الي انها ملاريا اجتزنا مرحلة الرسوم وانتظرنا اكثر من ساعة الي حين حضور الطبيب المناوب و بعد حضور الطبيب الاول امر باجراء بعض الفحوصات من ضمنها كشف للسكر و بعد ظهور النتيجة وجدنا سكري 3 صلايب الطبيب الاول ادانا علاج الملاريا و اتجاهل تماما السكري وبعد قليل ذهبت غرفة الاطباء عشان اسالؤ من السكري و لا قلتا احتمال انا غلطان ده ما سكري ... قالوا لي الدكتور الاول مشي اما الدكتور الثاني قال لي جيب الوالدة وسالها كم سال وقال احسن يتاكد من السكري بفحص اخر اسمه G.t.t الفحص ده عبارة عن جلكوز بشربو للمريض تصدقو و يفحصو البول علي 3 ساعات علي 3 مرات اتخيلو بعد المرة الثالثة السكري بتاع الوالدة ارتفع الي 5 صلايب و دخلت في كومه خفيفه مشيت الي دكتور احمد عبدالكريم قال لي شوية كدة والفحص الخطاء العملناهو دا كان قتل الوالدة و هو ممنوع في حالة السكري اكتر من صليبين و من المفترض الفحص ما يتعمل الا بعد ما يوصي بيهو اختصاصي ... و بعد ذلك قام باتصالات مكثفة ببروف محمداني عميد كلية المختبرات الطبية و بعدد من الاطباء . حاليا الوالدة و الحمدلله بخير و طلع ما عندها سكري . بس العايز اعرفو يا عبدو ميرغني ( مدير التاهيلي) دكاترتك ديل مفصولين من سمستر 3 ولا في محاضرة السكري كان بيملو في الازيار بتاعت الجامعة احتمال شغالين مجاني .

يا اخوانا عليكم الله خلو بالكم لنفسكم و مهما يكلف الامر امشو الي دكتور خارجي او تمشو المستشفي بس بشرط يمشي معاكم زول انشاءالله سستر و الله يكون في ناس ورا و الغبش .

الي متي هذا الصمت علي حال الصحة المتدهور في مدني انا لقيت منفذ عبر موقعكم ودمدني علي النت و صرحت بهمي شوفو في كم ضحية غيري .

سجم خشمنا ديل ما ناس غلطان المرحوم كان الله فى عون اهلنا الغبش

الله يكون في عونا وعون اهلنا الغبش طوالى كدة طب اخر الزمن مرة ناسي مقص ومرة ماعارف يحدد العلاج وغايتو