عش الوطاويط ... (هدية لعمنا الصول)

كعادته جلس الدكتور بدر الدين بمكتبه المكون من طاولة وأمامه عدد أثنين كرسي خيزران وقد تبعثرت علي الطاولة العديد من البحوث ( أعمال سنه - بكالريوس - ماجستير ) ونادي بأعلي صوته يا خاله عزيزه بالله عليك جيبي لي شاي ...
رفع رأسه للسقف وهو يرئ أثر مساكن الوطاويط قد بدأت أثاره وأضحة علي السقف جلس يحملق في هذا المنظر وهو يخاطب نفسه
يأ أخوانا فائدة قرايتنا دي شنوا؟؟؟
أنت تحت و الوطاويط تعيش أعلي منك!!!
ياريت لو بقت علي الوطاويط العربية في الميكانيكي و الإيجار حل و كمان الكهرباء باقي فيها 5 كيلو و المدام دايره تجهيزات الولاده و قسط الثلاجة والمروحة و البوتجاز و ملابس العيد و...و...
دخلت علية الخاله عزيزه وهي تحمل الشاي أتفضل يا دكتور الشاي
حمل كباية الشاي في يده اليمني وحمل النضاره وو ضعها في فمه فإذا بالباب يدق دقة منخفضه رفع رأسه نحو الباب فإذا بإحدهم يدق الباب برقة وهو يرتدي ثياب خليجية من مظهره ، نهض بدر الدين من مكتبه وبأريحيته المعهودة أتفضل ... أتفضل ... أتفضل
عرفه بنفسه:
أنا أسمي الدكتور عبدالله الحجيلان مشرف الدراسات العليا بجامعة الشارقة
فرد الدكتور بدر الدين فرصه سعيدة يا دكتور شاي و لا قهوة
الحجيلان : شاي لو سمحت .
الدكتور بدر الدين يا خالة عزيزة شاي لو سمحت
الحجيلان: والله يا دكتور ندخل في الموضوع مباشرة " طبعاً أنا أوفدتني الجامعة للحضور لكم لإختيار بعض الدكاترة لبعض التخصصات ونسبة لصعوبة المنح من حكومة السودان لأنها تقول لديها نقص في أساتذة الجامعات ففضنا التعاقد الشخصي وطبعاً نحن مركزين علي الأخوة السودانيين لكفأتهم وأخلاقهم وأمانتهم "
بدر الدين: أولاً مرحب بيك في السودان وأنت شرفت جداً طيب ممكن أعرف المخصصات
الحجيلان: الراتب الشهري 15 الف درهم مع تأمين السكن و السيارة والعلاج الطبي وإيجازه سنويه وتذاكر سفر لك ولعيالك .
بدر الدين : و الله عرض جميل جداً ولكن خلينا نفكر.
.
مم
.
.
.
.
مم
.
.
.
.
مم
.
.
.
.
مم
.
.
.
.
.
.
مم
.
.
.
.
.
.
رفع بدر الدين فإذا بضوء النهار يدخل علية من النافذة وأم العيال بأعلي صوتها اليله ما ماشي الجامعة ولا شنوا ؟؟؟ رفع رأسه لساعة الحائط فإذا بها تشير للثامنة والنصف.
اللهم أجعله خير ... اللهم أجعله خير
والله باين عليّ شالتني نومه شديده ...

أبو مصطفى ......... لمست كبد الحقيقة والله سلمت يداك ..... وبعدين يقولوا اغتراب الكفاءات ... واصحاب الشهادات العليا .. الله ييسر الحال

أتحفتني و ملاتي كيف ... و كأنني قد وضعتها في فمي من عبد الحق ... بعد يوم ساخن من ايام رمضان ... وبعدها استلقيت في السري المحسور عنه الفراش ...

وهاك هديتي
... منقولة من منتدي المشرفين ... نفس الكاتب ...

أها يا ود حسن ... بعد داك شوية شوية بقيت كويس و شربت القلتو لي كلوا ما ودر الطمام .. قعدت اتحرك شوية شوية بس جات الكديسة قالت لي طبعا الحركة بالنسبة ليك مفيدة و ضرورية ما شفت ود التنقور قال ليهو الدكتور اتمشي .. قام ابا بي الله وآحد تالت يوم لقوهو مكنكش في عنقريبو ... كدي عليك الله اتناول لي حنة من دكان سليمان العربي و المحلبية ضروري تجيبها لي من إسماعيل الفوراوي لانو قالت خديجة باب الله قالت محلبتو دي جاية من أم دافوق و هي جايبنها من فرنسا عديل ... المهم أخوك أتكل علي الحيطة لمان وصل دكان سليمان العربي و قلت ليهو عليك الله ادينا حنة كويسة ... كانت هناك إمراءه تشتري في فحم ... و عندما سمعت حديثي مع سيد الدكان حانت منها إلتفاته حتي رأيت أوداجها و قلت في سري المرة دي ضبحتها ساهله .. لان رقبتها رقيقة ... إبتسمت إبتسامة خبيثة لم أعرف معناها حتي سمعت ود الجيران يعير ولدي و يقول ليهو أمي قالت أبوك برسلوهو للحنة ... الحنة زينة نسائية يا بني تتزين بها زوجتي إرضاءا لغروري و كما ذكرت لها الاحاديث النبوية ... خطرت لي فكرة خبيثة لماذا لا أشتري المحلبية من سليمان العربي و أدعي أنني قد أحضرتها من إسماعيل الفوراوي و نفذت ما عومت عليه ... و اشتريت الريحة من العربي و قمت بغسلها و تمرت الفتيل بي العراقي الذي إرتديه و سلمتهم لها ... ولا بد أن يكون الرجل شرسا قويا لا يسمع كلام زوجتة أبدا .... و ملئني القرور علي تلك الرجالة التي هبطت فجأه ... حتي سمعتها العصر تصرخ ... أسمع الحنة دي ما شالت ... إلا كان ما جبت المحلبية من الفوراوي ... أيقنت تماما أنها قد إتصلت بالأخ بدر الدين و حدثته بموضوع الحنة الما شالت ... و إلا لماذا هذا القمز و اللمز ... يا زول الحمة أم برد جاتني و قنبت أكدكد و دخلت ليك سريعا في البطانية ... أنا ألان تحت البطانية و قاعد أقراء في آية الكرسي ...

حاشية: الكديسة هي الزوجة التي تهرش زوجها