عرض للطباعة
القنصلية السودانية بجدة كثير من الاخوة المغتربين بالسعودية يعرفونها وايضا يعرفون ماتقدم من خدمات .
انا صراحة لم اتخيلها بهذا المنظر الغير لائق بقنصلية والعجب ما يوجد بداخل القنصليه وطريقة الخدمات التي تقدم للمغترب السوداني حيث انها لاتتناسب مع ما يقدمه من مبالغ ودخل لهذة القنصلية خاصة وانني سمعت انها ملك للسودان.
معك حق أخي هشو فمظهر القنصلية السودانية بجدة يظل غير مشرف وغير لائق بدولة كبيرة كالسودان ولكن القنصلية في مرحلة إنتقال لموقع جديد ربما يكون في حي الحمراء أو الرحاب كمقترح جاد وذلك خلال الاشهر القليلة القادمة ، لذلك لم تنفذ أعمال إصلاحية في المقر الحالي رغم أنه بهذه الشاكلة أفضل بكثير مما كان عليه في السابق من حيث الخدمات وتنظيمها .
لك التحايا .
قنصلية شنو يا ناس
تعالوا شوفو سفارتكم في الرياض !!!
أنا ما قلت حاجة !!
والله يا بن عمي منظر قنصليتنا خجلنا مع الأجانب أتخيل البنغالة قنصليتهم شكلها أجمل من قنصليتنا ، والأدهي وأمر الشكل من جوة والله حاجة تخجل قياساً للعدد الكبير من السودانيين الموجودين بالمملكة ومنذ زمن بعيد والله حرام يكون دا منظر لقنصلية السودان .
شكرا لمروك اخي خالد شبارقة وابن عمي والمشكلة التي تحير الواحد ويتعجب منها انه يوجد دخل لايوجد في سفارات الدول الاخرى ولكم التحيه
الأخوة الأعزاء
موضوع منظر القنصلية دى بسيط الأهم الخدمات الداخلية( وسوق ام دفسو ) وسوق الناقة الذبح بدون رحمة أدفع أدفع وبس وما تناقش ولا تتكلم ولا تحتج شي خدامات في خدمات وذكاة تحتها عصا وضريبة وبعدها قلاظة وشي حق اورنيك شي حق ملف وشي رسوم بدون لوحات ونحن البندفع مجبورين وإلا عود من حيث اتيت لا تسامح ولا رحمة و العجب لو داير ليك خطاب ولا إقرار أدفع وأنت ساكت ولا كلمه يعني شغالين في خلق الله بلا رحمة والله الواحد يوم يكون عنده موضوع في القنصلية أشيل هم من أدفع أدفع أ ما عن الصالة و الشبابيك وأسلوب المعاملة دى داير ليهو جلسة براهو 0
لك التحية اخي عبد الرحيم زي ماقلت (سوق ام دفسو) والله لايحوجك سفارتنا شغالين لينا جزارات مع اني اعرف الاجراء ت بالنسبة للدول الاخرى تتم في اقل زمن واقل تكلفة بل اذا عندك حق عند اي كان ياخذه لك منه ويرجع ليك حقك وكثير من المميزات الاخرى والله يكون في عونااقتباس:
المشاركة الأصلية كتبت بواسطة عبدالرحيم
الاخ هشو طرح موضوع غايه فى الاهميه الواحد مستغرب وين نحن وين التطور والخدمه الجيده للمغترب والله نحن جدا تعبانين الناس تتطور ونحن بنرجع للخلف
اخي وجاري نادر حجر المنتدي نور ومرحب بيك في منتدى ام المدائن ولك التحية بالجد وبالجد شئ يخجل كل مغترب